影片
日日收工搭車都經過青山道見到呢間新開咗不久的私房菜，今日終於約咗班同事去試吓，長沙灣呢區越來越多新餐廳，絕對係一個搵食的地方一行五人，好夜先嚟到好在唔使等位首先來一個平時好少食嘅焗魚腸，用雞蛋去焗，一啲都唔腥臭，不過味道就唔係我喜歡的了，冇乜太大味道天氣凍梗係要食返臘味煲仔飯，不過賣相就麻麻哋，好少餸，但係味道就不錯，臘肉爽口彈牙再來一個田雞煲仔飯，香噴噴，食得出田雞是新鮮生劏的這個就是廚師極力推介，豬膶蜆煲，真係未食過第一次，味道幾好，豬膶同顯的鮮味夾埋一齊好新穎，都幾特別值得一試，只是啲硯使得不太乾淨有小沙最後來一個羊腩煲，268,不過份量就比較少，每人得兩舊真係唔夠喉，其實味道是不錯的，真是羊腩，不過比出邊來說分量真係少了一點不太抵食
繼續閱讀
第一次食完野行過比佢香味吸引左，心諗下次要試下係咪真係咁好食！今次三個人諗食咩嘅時候，第一時間諗到皇家寶！呢間野係食小菜...門口寫住星級私房海鮮菜添～好似好勁咁...價錢中價位，開到凌晨三點入面唔大，有時兩三個人可能都要搭枱...本來叫普通炒蜆，但店員話豬膶炒蜆香啲好味啲...同埋平時唔食豬潤嘅人都食到！因為豬潤係碎粒上！黎到食落真係香啲同埋出邊好少咁樣炒！呢個香煎豪餅都係冇得輸！非常香口入味...但係正常好熱氣😂最後叫咗個龍躉炒飯，啲魚炒到啱啱好!個飯都係好好食...我平時鍾意食麵多都食咗兩碗～Ps:同埋不得不提！店員服務超好...未食完蜆但店員見到隻碟有一半蜆殼都即刻幫我地換碟!同埋個炒飯一到馬上用另一個碗幫我地裝飯！平時呢啲服務都係去飲宴先有...所以一定要讚
繼續閱讀
由於第一次寫食評所以！食左3次才決定寫食評！第一次見舖面真心係唔會吸引到我入去試呢間’小型酒樓‘，由於新開既關係，最後我都去左一試。結果食店開3個月我就食足左3次，3次食都係不同既小菜，也有令人回味的菜。而我個人最推就係「佢既招牌菜：豬潤抄鮮蜆」個人覺得用心煮岀食材既美味亦因為第一次食既菜色，所以比我感覺創新而新鮮。加上坐得舒適，真正感受到中菜的特色。樓面都好識做，一叫即做所以價錢都合理及值得。開心晚飯，熱熱鬧鬧而且老闆好好人，用心經營，食岀人情味特別讚賞：菜單手字真係好靚
繼續閱讀
以前見到間舖裡面黑忟忟，望到都唔敢入去食…… 見到裝修好，好光猛，好乾淨，又有優惠，於是入去試下!$10個菜真係無花無假，係平時正價份量! 炸豆腐凍左都唔淋，好食! 啫啫龍躉頭腩係堅龍躉，無魚目混珠! 火喉夠又唔咸! 正! 土魷肉餅煲仔飯，飯焦剛剛好，係個豉油教得麻麻……
繼續閱讀
一家人去食晚飯，路過見到新開冇幾耐，但係又幾多人，所以就決定一試！見到餐牌之後，發現好多野食都係深水埗區比較難揾到嘅，就好似魚翅撈飯同煲仔飯 （冇錯！係夏天都有供應煲仔飯！）！ 一家人去食，試左唔少菜式，老闆推介嘅脆皮龍江雞外皮香脆，肉質超嫩，老闆話係用新鮮雞整六個鐘烹調出來嘅！而魚翅撈飯更加係不得不提，用料豐富！魚翅、花膠絲、冬菇絲等等，十分之有香味！價錢仲要超抵，300蚊唔洗就有成8至9碗左右。 芝麻蝦新鮮彈牙，醬汁不肥膩，高水準！！而涼瓜燜倉魚就偏咸左D，老闆話下次可以落單時叫淡D！另外，而家仲做緊特價菜，10蚊就有一碟指定小菜，真係好抵食！環境算幾衛生，服務態度幾好，值得一試！
繼續閱讀