皇室甜品 (眾安街)

營業中

休息中

剛剛吃完大排檔, 心思思想食甜品, 行過見到呢間裝修唔錯就行入去, 叫左白雪黃金卷同榴槤公主, 賣相唔錯, 先試白雪黃金卷, 白雪雪之餘仲有D芒果沙金鋪面 ,一吉落去原來師傅幫你切開左,可以一啖一件, 食落去唔算太甜, 幾有芒果味, 個皮都好滑. 榴槤公主就好夠榴槤味, 份量十足, 但下邊奶凍食落似豆腐花,略為失色去個時9點幾,人流唔多, 環境都幾靜, 好岩同朋友住坐吹下水, 值得再試

平時去荃灣食糖水不外乎係海壩街果幾間, 今次夜晚係眾安街附近, 搵到呢間皇室甜品, 原來就係九龍城果間既分店, 夜晚8點左右仲未係好多人, 所以就唔洗等位餐牌有2大頁, 款式都幾多, 有傳統中式糖水/窩夫/椰皇/台式仙草/綿綿冰/芒果類甜品等等, 任君選擇!芒果河粉撈($30):價錢都幾抵, 我估平時既芒果河粉應該唔止呢個價, 正值夏天, 芒果都幾甜, 河粉又爽口同埋都幾多, 個芒果汁唔會死甜而係非常fresh, 正 紅豆相思($30):台式芋圓紅豆仙草. 個糖水好甜好好味, 芋圓彈牙得黎都有味道, 不錯!

士多啤梨沙冰，夠大份，一個人食唔晒！士多啤梨奶凍，個雪糕球幾大，有一粒士多啤梨切碎伴碟，好大方！環境好靚，但好大冷氣，食完仲凍！另外個廁所，讚！夠乾淨！可能仲早，人唔多！晏啲唔知情況但廁所個門簾起晒黑色霉點，唔想掂！但唔揭開門簾又入唔到去！希望店方儘快換左佢！

夏日炎炎，在街上行到累了，在甜品店抖抖腳再出發實在一大樂事。🍩比利時窩夫 (7/10)士多啤梨不酸帶甜再配士多啤梨雪糕，很是不錯！窩夫十分鬆脆，配以吉士，略嫌吉士味道有點不夠。🍧芒果黑馬皇子 (6/10)配料有芒果，龍眼，水晶珠，黑珍珠。芒果不酸，龍眼十分清甜新鮮！各樣配料也足，可惜水晶珠有點不新鮮，而且配以冰底，有些過凍。🍧鮮雜果涼粉 (6/10)穩穩陣陣的鮮雜果涼粉，份量足夠，有冰底的淡奶在底，但覺得再配以淡奶更好。(上: 黑馬皇子 / 下: 鮮雜果涼粉 )🍹西瓜汁 (5/10)是日椰皇水售罄，叫了杯西瓜汁，消消暑，可是味道有點太甜了。

今午同老公飯後食甜品，我們叫了宇治金時和心太軟。宇治金時，賣相都幾吸引，份量正常。丸子煙靭，綠茶雪糕冇特別濃味。心太軟可配兩球雪糕，我揀芒果及綠茶。送來時，朱古力蛋糕都幾香，劏開中央，沒有流心的，但也不會硬硬。不會太甜，我較喜歡這甜度。價錢同食物質素比較，屬正常，可接受，但沒有驚喜或抵食之感。

依家香港地四季合一，好似熱到得返夏天咁。夏天同甜品係分唔開嘅，因為好多xx冰，xx果都係做甜品嘅好材料，仲有雪糕，涼粉等等。話說食飽飯，係時候用第二個胃去收納甜品。順路嘅關係去咗皇室甜品。位置於大街，好易找到。因為晚餐時間早，所以甜品時間都早咗，於是避開了等位時段。座位算舒適，有d裝修啦，掛咗d 假油畫扮皇室，幾搞笑打開餐單，就見到最主打嘅芒果甜品，都幾多款式，仲有d 其他熱呀，凍呀，冰呀，都幾多選擇。因為太飽，真係食唔到窩夫之類嘅飽肚嘢。所以只好點咗以下3種：《芒晶晶》：芒果很甜很好味，加埋爽彈珠，蘭香子，爽爽哋，中和甜味，簡單得黎算出色。雪糕就係芒果味，雖然唔係最滑嗰d, 30幾蚊算係唔錯。《鋒芒必露》3款入面最鍾意依款，佢有蜜糖爽，晶螢彈珠，加上甜甜嘅芒果，甜得黎清新，清新得黎口感豐富。《意味情濃》食完唔明情濃咗去邊，好奶嘅感覺，唔好奶嘅唔好挑戰。曲奇雪糕，涼粉條，日式紅豆，椰汁糕底，可能就係太多太thick 嘅嘢，所以濃意味到依種濃，或者想意味吓佢嘅濃可以一試，其實唔差。服務方面，上甜品速度快，但無咩服務，唔會好似滿記嗰d 主動俾多d 匙羹你share 食，有待改善。不過整體禮

雖然近來對於甜品，沒有太大的慾望，相對於去年夏季對甜品的渴望，是少了很多，但是今天卻又想食番個飯後甜品。既然來到荃灣，又剛食過晚飯，為何不何來一飯後甜品？於是走到皇室甜品，食番個甜品又點話？在眾多甜品裡面，選擇了傾城之戀，以朱古力雪糕及布甸，加上香蕉片做出了這個甜品。雪糕當然有其甜味的，但是卻又有香濃的朱古力味覺，加上香滑的布甸，又有一種滿足的感覺吧。伴碟的香蕉，提供了額外的生果呢！吃過師甜品，有種完美又滿足的感覺，仿佛吃過完整的晚飯一樣。

下午茶時段好靜，得幾檯，見到服務員在去龍眼殼，真材實料用新鮮食品，開頭以為用糖水龍眼，童趣水果非常新鮮，味道亦適宜，賣相美觀，蜜紅棗過甜，賣相一般，榴連味道好好，賣相亦好，推薦值得一試。

見到好多人諗住之嘛應該出得會太差，我叫左一個最傳統嘅芝麻糊食，堂食唔使加錢反而外賣要加1蚊，芝麻糊之中我覺得算難食，好似用粉開， 一舊一舊，而且味道有啲怪，我諗我唔會再幫襯，樓面服務態度有啲差，而且全部都係好似學生

多人來，碰巧有最入的位置，否則可能等許久。一個名叫鋒芒必露的，不知與名字有何關係？🤔芒果碎粒不多，而且不甜，味道欠奉。水晶珠原來這麽彈牙，卻太假，太橡膠的感覺，與小丸子或大西米截然不同，不喜這種爽彈的感覺。焦糖布甸尤如三色Q果一般。結論：三款均不太討好。窩夫與多士磚反而較佳，窩夫蛋味濃，不太厚實，但還是令人感覺飽肚，難以多吃，多人分享才可。多士磚更佳，烤過的麵包條堆砌一起，醮雪糕配吃當然更佳，不用去茶木也可嚐到雪糕多士磚了。

Jan 2016🍴皇室甜品🍴地址：荃灣眾安街118號地舖有日放工收早 見呢間甜品舖新開就去試下☆宇治金時☆＄35沒有抹茶味的雪花冰 😥冰塊唔夠幼，更似刨冰，有部分冰塊比較大相反，紅豆好甜伴着冰吃剛好抹茶雪糕沒甚抹茶味，或只有很微，偏重奶味和冰感😅白玉（小丸子）則可圈可點，口感煙靭👍👍差不多吃完才發現原來下午茶時段有3款甜品會做優惠，每款只需＄30！有窩夫，吐司金磚，芒果拿破崙下次要試下先 ！ 🙂

椰王燉蛋白雙丸 ($45)皇室甜品一向係我係九龍城最愛既甜品店之一😁但原來荃灣都開左分店啊😍好喜歡呢個甜品 入面既雙丸包括芝麻湯圓同芋圓 蛋白又香又滑而且好香椰汁味😋宜家凍凍地食個熱甜品 太warm了😎另外仲叫咗個心太軟 一切開朱古力醬流出 好滿足😁朱古力味又夠濃郁 正🖖🏻以呢個價錢來講食到咁高水準嘅甜品 good!!

員工服務態度差令食欲大減，又要比$又要受氣，以後不會再去！劣劣劣！一心冧住同朋友去食甜品，得來不愉快的經歷，失望！一步入門口，無人招乎不特止，幾個員工望到你入呢又眼望望扮看唔到，重有說話聽，「重乜自己坐低」😤😤😤😤😤

有晚好夠雷咁幫自己個好朋友搬屋,搞到10點幾,然後準備返屋企之際,經過一間都幾多人排隊嘅甜品舖~皇室甜品!大約等左15mins有位嗰陣,突然俾一位擬似經理或老細嘅女人呼喝左一下,態度都....真係衰,可能見我得一個人阻住佢做生意咁,入座之後睇menu,人生路不熟,嗌個招牌甜品試下先宇治金時有綠茶雪糕,綠茶刨冰,紅豆,小丸子..睇賣相應該都還可以,點知第一啖食落去,嘩...真係俗啲講句九唔搭八,之後食多兩啖搞唔掂,放棄埋單!之後埋單嗰位waitress見到我食咁少就問我有乜問題,要唔要換過。講真,心領了,我只想快撇!但要讚下嗰位waitress,服務態度真係好好,可能有對比,哈哈!總結:一個字~劣

晚上一家四口來這店。兩個孩子選擇了「童趣」，有兩個雪糕球及水果，份量較少，比起出名抵食的松記，水果不夠鮮及甜。但這裡的雪糕球不會溶得快。大人試了宇治金時，這是最好的。香香的綠茶雪糕、連冰都有味，還有丸子，很煙靭。還有好像叫意味情濃，粉條加雪糕，底下還有杏人糕。我們的紅豆都大粒及好味，大家都覺得不錯👍