皇室甜品 (城南道)

營業中

休息中

我尋晚同朋友仔去食佢地個甜品,發覺做得唔錯,拍得住隔離既金x堂架今次食既係腐竹旦糖水同埋椰汁西米露,腐竹旦煲得幾靚,滑滑既口感令我感受好滋味,正呀! 朋友仔既椰汁西米露椰汁味濃,無溝水,好甜好好味如果入九龍城食甜品,呢間都唔錯架

有時夜晚part time放工後，好鍾意和同事黎食糖水.........黎間糖水鋪d糖水真係好多款式，而且又唔貴喎，所以間中會黎食...我最鍾意食黎道的凍燉奶，仲有芒果雪葩，芒果雪山等等.........樣樣都好好食................個燉奶真係好滑好滑，滑到好似豆花一樣咁滑咁，又好有奶味........其他糖水的生果都好新鮮，所以真係唔錯..........近排新出左個甜品叫(宇治金時)，話入面的材料大部分都係日本黎的....見到個圖片好吸引，所以試下，黎到個樣都好靚喎..........個面有粒綠茶味雪糕，下面係綠茶味刨冰，再下面唔記得有咩.......之後有鋪d紅豆和一粒粒唔知咩名的丸丸.........d紅豆好好味，煮得夠淋和夠甜喎............黎個甜品真係好豐富............環境：黎間糖水鋪都幾大間，可以放到好多，座位夠多，坐得舒服......服務：老闆娘和其他侍應服務好好............

雪糕涼粉及龍珠二世不錯，價錢不貴。

要等太座做完yoga先有得開飯，之前食少少嘢頂住個肚先...又係另一間响龍城新開嘅甜品店。款式基本上係包羅萬有--- 由傳統嘅綠豆沙以至特色嘢如叫什麼龍珠二世、芒果黑馬王子都有，可謂玩盡食字gag...叫咗個榴槤忘返。端上枱時已嗅到榴槤味，試一啖，榴槤味算頗香頗濃，加埋旁邊嘅珍珠及水晶丸嘅口感，算係唔錯...底層仲有刨冰，食到隻牙都有D痺痺哋..感覺唔錯，值得一試ge...

食完泰國菜想食的甜品,見新開了一間,試下啦.吾知有咩好食,就叫老闆娘有咩出名.老闆娘介紹左龍珠二世, 榴槤忘返,因為bf好鍾意榴槤,所以就揀兩個,哩個龍珠二世裡面有芒果、龍眼、雪糕、珍珠.食落龍眼清甜,芒果汁一睇就知新鮮,食落酸酸的,感覺幾好,好好味.榴槤忘返更吾正,下次再試其他的.Very good!!! 是次每人消費約$40元

由這店新開到現在，大大話話食了不下五次了！！並不是特別好食，而是貪佢好Hea同埋少人。試過好多甜品，都係得個樣，冇內涵，而且份量較少。例如椰汁紫米露，紫米不多；腐竹蛋很稀...不過「芒果黑馬王子」味道都幾豐富，有黑檽米、龍眼、珍珠，但係份量都係唔多！但都幾鍾意佢既涼粉，有淡淡的綠茶味！環境新淨，服務都好，可能係新開關係啦！不過近日又發現附近有新甜品店了，看來九龍城區的糖水鋪的競爭會進入白熱化階段了！

返PA,放工同同事食宵夜,行下行下就去左e度原本唔知食口甜舌滑好定e度好,最終都係比e度貼出黎0的靚相吸引...點左個白馬王子($25),因為好想食軟ice-cream,點知原來白色0個舊係椰子冰冰黎嫁!好彩都好好味同事點左熱燉奶($12),try一啖,又幾滑喎~

上次寫完0既comment 無0係Openrice.com 登到, 今次補返啦.21-9-2007上星期食完隔0黎金滿堂之後, 返屋企途中見到呢間0野新開張, 今日走0黎試0下.叫了個熱桑寄生紅棗蛋茶$13 (圖右上)... 份量澎湃, 一0黎到已經聞到好香的紅棗味. 紅棗茶味道唔錯, 有幾粒紅棗浮0係面, 幾真材實料, 不過飲落甜0左少少. 隻蛋明顯0係d 茶入面"醃" 了好耐, 成隻黑晒, 蛋白亦老/皺皮, 夠晒入味. 整體相當唔錯... 下次0黎再食的話, 試0下加蓮子先得!另外又試了個榴槤布甸$15 (圖左)... 份量又係好澎湃, 布甸好滑, 不過味道差d, 榴槤味好淡, 而且中間的榴槤肉唔靚, 又唔甜又唔夠綿, 食落sok sok 聲, 幾唔得. 同發記榴槤系列比, 係幾條街0既分別!環境ok, 乾淨闊落, 不過似新式茶餐廳(e.g. 翠華) 多過糖水鋪; 招呼都ok, 女店員雖然有d 雞手鴨腳, 不過好好禮貌.整體唔錯, 0係呢頭又多個選擇=) 不過呢幾年九龍城糖水鋪氾濫, 呢間0野要突出自己, 睇0黎要加把勁了!

我一入鋪,老闆娘就問我鍾唔鍾意食榴槤,好呀...等了一陣..很有驚喜! 黎到好香的榴槤味,好多珍珠係面,有大大嚿榴槤肉,味極香濃,雪葩臧在下面,實左太好食,真係不得了,掂!佢個名叫做[ 榴槤忘返]..... 榴槤迷一定要試!!!