皇后烹飪中心

Queen’s Kitchen的私房泰菜終於都public 咗，以後想食正宗泰菜就不需要預先book, 可以隨時walk-in 了。皇后廚房位於尖沙咀商業大廈頂樓，裝修骨子清雅。今次帶了阿女，所以就點了少少不辣的菜式。首先有牛肉湯麵，牛肉湯看似很清，但牛味十足，而且牛肉炆得很淋很入味，阿女食了一大碗。附上的自家制辣醬只有一個字形容 — 勁。好。食。再黎是小朋友最愛粟米餅，粟米餅炸得很香脆，又被阿女KO 了。女女吃飽就到大人吃了。泰菜當然不能少冬蔭公。在香港吃到的冬蔭公不是太辣就太酸，又或者香茅等香料切到太碎，吃到成口都是渣。但我敢說皇后廚房的冬蔭公是暫時為止在香港吃到最好的冬蔭公！冬蔭公用火爐上，吃的時候仲熱辣辣的，他們仲細心到將蝦腸挑走！燒豬頸肉超淋，配上辣汁非常醒胃。生菜包的生菜每片都揀過，很爽口。原來廚房會將生菜浸冰水，怪不得每片都爽口，每片大小相約。甜品是最具代表性的芒果糯米飯，微暖的糯米吃落很有幸福感，配上微甜的椰漿+超甜水晶芒為這餐寫上完美句號。Queen’s Kitchen真是超級推薦，除了好食之外，仲感受到廚師處處為客人著想的細心。…查看更多

呢間烹飪中心/餐廳一直喺我個list入面，但講到真係訂位去食，都係呢一個月嘅事。第一次訂位，諗住同個客去食，但最後時間關係食唔切；第二次訂位，諗住同2個好朋友去食晚飯，但大廚話太少客人，難預備食材；第三次訂位，想同1位好朋友食晏，終於就到時間今日去食。一個星期前過咗數，大廚個女都send咗menu俾我睇，看似簡單嘅幾道菜，但我非常期待星期五嘅下午，喺磨砂玻璃門外按門鐘進入，眼前一亮，廚房好大，放滿好多食材及醬汁，空間感十足，同樓下嘅環境成強烈嘅對比！大廚及佢嘅仔女好熱情咁招待我，有睇報導嘅都應該知道，大廚就係係有木器大王之稱嘅太太啊！不過佢哋一家人真係一啲架子都冇，阿仔仲走埋嚟介紹自己及同我握手添；阿女就為我安排好座位，仲向我介紹佢哋為客人準備嘅泰式飲品，啱晒，由地鐵站行過嚟都真係熱到出晒汗，飲返杯先。總共有3種飲品，分別係桂圓水、班蘭葉水及香茅水，全部都充滿冰，感覺非常清新透心涼！呢度真係影相呃like嘅好地方，每張檯上面都有盞巨型水晶吊燈，檯面有一樽花及放滿生果嘅生果盤，環境舒服到不得了，未食已經心情大好冬蔭功忙住四圍影相及飲班蘭葉水，凳都未坐暖，大廚就話快啲趁熱飲湯先。大廚話啲香草係喺佢哋屋企自己種㗎，感覺好fresh呀！飲飲吓，哇竟然有魚肉嘅？原來係用咗鱸魚肉、2大鮮蝦等煮成，材料非常新鮮，真係未飲過咁足料嘅冬蔭功。椰汁味偏重，但冇蓋過香茅及檸檬葉嘅清新味道，整體味道鮮甜，酸度較輕，不過對我嚟講都係辣咗啲，大廚即刻喺旁邊幫我加啲椰汁，不過飲極都係覺得辣，哈哈。大廚仲話，泰式嘅香草會令有感冒嘅人舒服啲㗎，不過我就飲到流晒眼淚，哈哈泰式炒河賣相類似太空館嘅形狀，下面係河粉，上面舖咗一大片煎蛋及2隻蝦，旁邊係芽菜。我唔識點食，只係就咁樣食，大廚同埋阿仔行過就教我，食呢款炒河最緊要將佢撈撈撈，記住要趁熱先將芽菜放喺河粉下面，透過佢嘅熱力令芽菜變得熟啲，跟住將全碟一齊撈，果然墊完底嘅芽菜徘徊在似生又熟之間，口感非常清脆。用煎蛋包住河粉一齊食，感覺有啲似蛋包飯呢，每一條粉都好入味，口感軟滑。而且配料夠晒豐富，食每一啖都好滿足，味道唔會太酸或太鹹，反而係偏香甜，頭先個冬蔭功辣到我聲都沙，食返個甜甜哋嘅主菜啱晒椰汁石榴子上菜時真係哇咗一聲，色彩繽紛嘅一碗甜品，白色嘅椰汁上舖滿又紅又黃嘅配料，消暑真係啱晒！先試吓紅色嗰粒先，咁得意嘅外層軟綿綿好煙韌，但咬開咗入面就係好爽脆嘅馬蹄粒，好有層次，我忍唔住要咬開晒外層再慢慢食，搞到食個甜品都食咗好耐。加上大樹菠蘿及椰子，啖啖都好多配料好開心好滿足。入面仲加入咗啲冰，整體嘅口感更加清爽！用餐期間大廚同埋阿仔會問好味嗎，見到我好似唔識應該點食咁嘅樣，仲會介紹應該點食先係最好，感覺到佢哋係真心想煮好味嘅食物俾客人，咁有heart嘅cooking school，又會定期轉set lunch menu，應該要大力支持！…查看更多

人生一大樂事莫過於食! 早前好高興獲邀出席Queen’s Kitchen嘅泰國之夜~嘩!嘩!嘩! 真係嘩左幾聲!因為入到去的確嚇左我一跳呀! 皇后嘅廚房真係非同凡響呀！余媽媽第一眼已經俾呢個咁華麗高貴嘅環境吸引住!連餐具都一絲不茍！四周還擺放了多種用來烹調泰國菜的食材和醬料, 真係一個名副其實的泰廚房啊！相信係咁靚咁正嘅廚房度學煮餸會有十級享受~ 煮完餸後, 仲可以一大班朋友一齊係咁華麗嘅場地品嚐番自己嘅出品！心想: 如果家裡個廚房有呢度一半咁大、咁靚和設備咁齊全嘅話, 我一定會天天親自下廚煮多幾餐都抵～唔講唔知, 原來Queen’sKitchen嘅創辦人兼總廚係大有來頭㗎！佢就係千億闊太傳太喇! 傳太對煮食真係好有熱誠, 個人一d架子都無, 仲好親切、好friendly又玩得, 而且好有媽媽feel, 亦非常願意跟大家分享煮食心得~活動當晚, 全部菜色都係由傅太親自主理~美食當前, 余媽媽心知不妙。。。不過,就算要冒住會增榜的風險, 都要食埋呢一餐先, Wakaka~Welcomedrinks一紅一綠, 顏色奪目, 刺激食慾~仲有其他泰式特飲呢!餐桌上已經準備左一些前菜, 款款賣相都好靚, 十分吸引~泰式木瓜沙律係余媽媽的心頭好! 因為食沙律健康嘛! 而且特別喜歡佢酸酸甜甜, 又有少少辣辣地, 好開胃! 而且仲有大蝦呢～除此之外, 還有些拌食配料~聽傅太講, 呢d配料都有不同的程度的辣度, 想挑戰味蕾的你不妨一試~到萬眾期待嘅主菜出場。。。傅太大顯廚藝, 即席為大家炮製呢款炒金邊粉, blogger們都紛紛走去偷師~別以為只係簡嘅菜色呀, 其實大有學問!平時係餐廳食開嘅金邊粉多數會先「陸」熟再炒一炒, 所以出品變得淋身和濕, 影響口感~相反, 傅太則喜歡把粉炒熟, 所以食落真係會乾身得多！而且用料十足, 香辣又美味!跟住試下呢款很有地道風味的street noodles啦～想揀咩粉, 落咩配菜, 任君選擇! 仲有豬潤一齊煮! 夠晒正宗!係香港真的很難食到咁正宗嘅streetnoodles, 也勾起了不少余媽媽早前同余爸爸到泰國旅遊的甜蜜回憶!Queen’sKitchen亦為我們準備了各款泰式小食,很貼心的招待!之後, 我們幾位bloggers一起研究餐桌上的木筒子, 原來內有乾坤, 入面剩載着一包糯米飯來~泰式是凍食的, 與中式截然不同~ 用來拌小食別有一番風味呢！最後輪到甜品出場喇～「甜品控」余媽媽超期待當晚的兩款特色泰式甜品: 四色丸子和椰汁芒果糯米飯~由傅太即席示範煮法, 大家仲可以一齊學整~四色丸子配上椰漿和半熟蛋, 味道十分夾, 又唔會太甜♡^_^♡ 個個食完都心心眼想多來一碗呢!而呢款芒果糯米飯當然要讚下個芒果好甜啦！糯米飯即整即食, 特別香軟美味!余媽媽今次係仲學到整呢款芒果糯米飯嘅兩大竅門:1) 想糯米飯唔黏手, 整嘅時候雙手不時要濕少少水~2) 不能用金屬器具攪拌, 可以戴上膠手套處理, 否則會令糯米飯變硬~等余媽媽遲d都試下自己整先~呢餐飯真係味覺和視覺的享受! 大滿足！而且大家都玩得好開心,食得好暢快!當晚除左可以大飽口福外, 余媽媽仲大開眼界, 能夠欣賞到總廚傳太精湛嘅廚藝之餘,又學到各種烹調技巧, 真係好難得! 再次感謝Queen’s Kitchen的邀請及熱情款待!…查看更多