皇冠餐廳

營業中

休息中

食品差，衛生劣，態度極差劣，從未食過一間茶餐廳要浪費時間揾方法寫佢劣評，員工態度極無禮貌，究竟老板指令糸要顧客為先定員工為先，唯一讚揚係員工很上下一心，全部一样無禮貌，Good 。

今晚我叫了一客蜜椒薯仔牛仔肉和厚切椒鹽豬扒。薯仔牛仔肉不太入味，份量少，不太推薦。反而椒鹽豬扒份量多，椒鹽味重，並附送兩條青菜，一客飯和湯。湯方面，是日中湯十分推薦。另外飲品方面，叫了一杯凍鴛鴦和熱華田，味道濃郁，10分推薦

皇冠茶餐廳只是一間開在平民商場的茶餐廳，但它的質素絕對不會馬馬虎虎。首先它們的SET LUNCH價錢合理，都是$55 - $70，包一客碟頭飯，餐湯及飲品，而今天就食了一客咕嚕肉飯，咕嚕肉肉量都多，但是紅黃青椒份量都多(本人不喜歡吃)，味道酸酸甜甜好好入口，配飯一流。而另一個就是椒鹽豬扒，豬扒好香口好惹味，而且配了一條菜心，令到蔬菜佔比大大提升。而餐湯就有中湯和羅宋湯，羅宋湯味道雖然好飲，但就偏辣。最後配了個冰凍飲品，一個套餐都只需要$55，絕對合理。而有一個重點十分值得讚揚，就是每枱它們都放了一個水瓶，這個行為很貼心，因為有時客人需要清水時，不用額外叫員工拿過來，客人可以自行選擇是否自己斟清水。

閒日清晨，食返個港人至愛沙嗲牛配凍奶茶，奶茶冰粒細膩，攪拌過程冰粒碰撞聲如同鐘聲響起、夢醒啟行，吸啜一口引發口腔衝擊 茶香而不膩 奶滑而不甜 再吃一口沙嗲牛肉，標準快餐店式肉質 味精式沙嗲醬料 配合啖而無味湯底相得益彰 達到味覺平衡 絕

諗唔到食咩嘅時候最鍾意叫特餐㗎啦😌皇冠特餐有5個set，今日簡左瑞士汁雞翼撈丁set，包滑蛋同丹麥多士（$54）瑞士汁唔會太鹹，公仔麵煮到啱啱好有咬口，丹麥多士牛油味好香，滑蛋仲有蛋汁添🤗

皇冠餐廳真係一間好普通嘅茶餐廳，午餐ABCD，價錢正常，佢有跟餐湯，紅湯(羅宋湯)/中湯(唔定)我覺得兩樣都ok好飲的。午餐正常茶餐廳質素，不過建議唔好食佢嘅粟米汁，真係幾淡下，係玻璃芡得幾粒粟米，唔係幾送到飯，其他炒野，咖哩，煎扒其實都ok我覺得皇冠餐廳最好食係佢啲飽，佢啲包價格唔係平，但質素唔錯，最推介食菠蘿包同叉燒包，菠蘿包個皮好脆，即買即食仲會暖暖哋。叉燒包我覺得好高質，真係有叉燒粒，啲餡算多，唔會得中間少少咁孤寒。豬仔包都好香，齋食都好味，佢個飽質地唔錯。蛋撻，椰撻都唔錯，其實啲包餅都無咩伏

浪費時間今朝入去食早餐，坐左15分鐘叫左服務員3次都叫我等等，最後一肚氣離開。你哋間餐廳做唔掂就摺左佢啦，唔好浪費其他人時間，貴又貴過人，又唔係特別好食，除咗就腳就一無是處。

之前都有食過佢既海南雞飯，最近叫幾次差左好多，啲雞一啲都唔滑，鞋到好似趙香口膠咁幾乎咬唔開，得一舊雞翼位叫做食得落，似白切雞多啲，配既油飯一般，不算好味也不至於難食，下次不會再叫

今日放假嚟到天水圍頌富商場呢一邊食下午茶☕️頌富輕鐵站落車～行到去地下發現有呢一間茶餐廳都幾多人排隊，所以就試吓啦🍥🍥呢間茶餐廳多幾特別嘅，有得賣新鮮整嘅包點✨✨所以我就叫咗一個主食同埋一個包點🤣🤣一次過滿足晒我兩個願望啦我就叫咗一個海南雞飯，佢就跟咗油飯嘅🤔首先啲雞嘅質素似白切雞🥹🥹完全唔係海南雞😖😖😖😖而啲油飯嘅質素亦都好差🥲一嚿嚿嘅飯，同埋都好乾🥲（詳情可以睇返張相）下次就唔會再食呢一個海南雞飯

天水圍接近夜晚九點，基本上都唔係太多選擇，T-Town已經算係比較熱鬧，呢間嘢咁夜都算係多人食！嗌咗個羅漢齋炒麵，比較特別嘅係鐵板上嘅，咁就當然係熱辣辣，雖然係好油，但係算係有鑊氣，同埋幾好食嘅，個人覺得幾適合素食人士。跟住帶咗個鐵板雜扒，仲跟埋個意粉，都係熱辣辣出晒煙咁，雜扒份量好多，正常發揮喇，跟個意粉真係太大碟，佢個意粉有少少白汁，但上面又有肉醬，呢個配搭真心有啲怪…嘢飲方面帶咗兩杯凍檸茶，正常水準啦！但衛生情況可以改善，雖然係茶餐廳，唔會特別大期望，但地下好多紙巾，仲要有塊魚喺地下…

屋邨茶餐廳黎講，皇冠都算排得幾耐。因為今日都晏左起身，食午餐既時間都已經14:30啦，見到有下午茶就選擇左TEA SET既肉醬意粉，味道都唔錯架，肉醬味都好濃，而且係有芝士焗既，芝士既咸香味夾埋肉醬好配合呀。仲有個LUNCH SET，枝竹排骨飯，但係肉既份量唔多，枝竹都唔算好入味，不過飯量夠填飽個肚。不過最差就係個乾炒牛河，估唔到份量都好少，肉幾塊仔，河粉都係幾條仔，男士我諗唔夠飽，不過味道就好夠。最後仲有蛋撻做一個完美既FINISHING。

晨早流流九點就入到天水圍見客，客人提議食呢間早餐。吾熟呢頭餐廳嘅我，當然ok冇所謂啦。首先入到去，發現啲坐位比較窄，而且枱與枱之間非常擠迫。早餐都係嗰幾款。然後點了沙爹牛麵，配炒蛋餐包，飲熱奶茶。等了一陣炒蛋同麵便送到，賣相睇落係完全正常，點知一入口個麵係凍嘅、試多啖試真啲，真係凍嘅。真心完全吾明白點解可以煮到個麵淋，但個湯和暖近凍嘅溫度。有話沙爹牛肉有可能會凍，但個湯點可以凍成咁？試埋個炒蛋又係凍嘅，餐包好少少食落微暖。最正常算係杯熱奶茶，可唔可以比少少誠意去煮嘢食吖？呢間餐廳以後都唔會再去。

陪屋企人食個早餐啱啱開張嘅時候食過一次，果次覺得呢間餐廳好高質素㗎。可能而家人太多，呢度亦都好忙，衛生情況真係麻麻哋，而且食物質素有一點下降。今日我哋叫咗一個A餐通粉 ，c餐雪菜肉絲米。兩個都有蛋同埋餐包。

是日晚餐！點解今晚D野咁難食😕？海南雞又唔滑又細件，咕嚕肉D炸皮又硬而且D肉又乾，連紅豆冰D紅豆都唔淋既，真係好失望！下次都係叫返炒粉麵或者港式扒餐穩陣D🙄！

話說今晚打風唔想煮飯，唯有同屋企人去呢間茶餐廳食，其實我一向覺得佢哋服務麻麻，不過近，貪方便。叫A餐「麻婆豆腐」，來到食咗一口，原來係「麻辣豆腐」，仲要辣度係中大辣，我可以食辣但唔係呢個辣度，問侍應可否換過唔太辣，點知一個穿黑色制服的人（可能係店長）好串同我講個個都係咁食，麻婆豆腐就係麻辣架啦！如果呢度係四川，我可以認同，但我做咗幾十年香港人所認知的麻婆豆腐唔係咁樣。之後仲有一個加入話今晚已經出咗四五個餐，人哋都係咁食。