百里居 (已結業)

店舖位置有點偏遠，若非long lunch 我未必會至；店在樓上，門牌我也差點兒錯過；舖內狹長，只有寥寥數桌，我們一行五人亦不容易被消化。午餐餐單精簡，食物飲品一目了然。我選取了朋友推薦的泡菜豬腩肉飯和外形時尚的龍眼水，盛惠六十七元。餐盒有飯有菜有肉，份量十足。然而為味道折衷，醬汁應甚「邪惡」，唯希望龍眼水的甜味會是僅源於果肉糖份吧。最後值得一讚是，餐具都是生物可降解的。

一直想講不過都未試，望過幾次menu，有幾款都幾想試，之後有機會又食過，之後可以寫番食評update大家！今次揀左日式燒汁牛肉配溫泉蛋飯。有得揀要飯底定沙律底，要左飯底。飲品要左老火湯。佢既量都唔少，勁多肥牛。就算要飯底都有少量沙律菜。整體cp值算係咁喇，特別係中環黎講。唯一我希望菜會多少少，肉可以少番啲啲，個比例會健康啲。同埋佢燒汁都幾多，我下次叫會少醬，之後沙律直接走醬！咁就健康值最高喇。湯略嫌少咸，下次會試佢其他飲品。

原來諗住去食另一間餐廳嘅 點知途中見到百香里個餐牌 價錢野食選擇好似okay 而且好彩有位唔洗等 就即刻改變主意入去試試 入到去餐廳 去方唔大 open kitchen野食未黎已經聞到好香 見到隔離枱嘅都好吸引 menu寫嘅好好樣樣都想試 而且飲品都多選擇呀! 最後揀左泡菜豬腩片飯加老火湯(老黃瓜雞湯）叫完無幾耐飲品就上曬 我個湯有少少失望 無湯料得湯 不過飲得出無咩味精 清甜嘅但應該煲得唔夠耐 相反朋友叫嘅龍眼紀子茶同洛神花茶就唔錯 每人一支而且好足料 睇相就知啦！絕對加分呀！等左無幾耐就上飯啦! 中環食飯快都重要嫁 又快又高質就正啦! 嘩! 一上個食我真心好驚喜 除左外貌唔錯 份量都好有誠意 成個小山丘呀 又有沙律生菜用嘅應該係柚子沙律醬？ 夠曬健康又好好食 講番個泡菜豬腩肉 放心泡菜唔太辣好開胃而且有好多 豬腩肉數量絕對要比個讚一塊塊完整同爽口 大家去試下就知! 同朋友食完完全有讚無彈 $67有飯有野飲仲要性價比勁高呀!佢有埋儲印仔卡 一個餐就有一個印仔儲夠5個減10 10個就減$20 有藉口成日去食啦!

I went there on Sunday late afternoon for late lunch with my family. Food was delicious, heartfully prepared and portion was generous. Reasonably priced, quality of food is high, especially when compared with food priced at the same value. Service is good and the places is clean and tidy. highly recommended if you are looking for tasteful meals that worth the price!

又係出去食lunch嘅日子，今日係朋友帶領之下去咗呢間位於九如坊嘅餐廳食飯餐廳面積唔算大，lunch嘅時候都幾多人。不過啲人都食得快，大概排5至10分鐘就會入到去趁排隊嘅時候睇吓Menu先！食物選擇都算幾多第一次食梗係睇吓有咩係熱賣啦！秘製焦糖燒豬腩配糖心蛋飯同蔥油雞扒煎雙蛋飯好似幾正！一於叫嚟試下！另外我哋仲叫咗泡菜豬腩片飯食有飯食啦！餐廳嘅飯係日本珍珠米而且每個set都附有沙律，唔驚唔夠菜食！蔥油雞扒煎雙蛋飯真係幾高質雞扒我係皮係脆嘅，下面仲收埋咗兩隻煎蛋，飽到你唔信我個人就重點推介呢個秘制焦糖燒豬腩配糖心蛋飯豬腩層皮係用焦糖包住，所以入口第一啖會脆卜卜！接住落嚟就會食到五花腩嘅肥肉，正到暈！ 簡直係肥仔之選餐飲方面，餐廳提供好多健康嘅選擇，例如菊花雪梨茶同洛神花茶等等。而我就揀咗龍眼杞子水 相信大家都見到支杞子水非常足料，飲完仲有渣食！ 朋友就飲咗老火湯，完全冇味精，都好補架！另外聽講洛神花茶都好得，有機會大家要試吓啊！By the way，泡菜豬腩片飯都好正，啲泡菜多到滿瀉食到我舔舔脷 總括而言，呢間餐廳食物好高質，而且價錢唔算貴！呢度仲有派loyalty card，食到第五次

我係中環返工，見過呢間餐廳幾次，今日第一次喺呢度食lunch。我叫左個蔥油雞扒煎雙蛋飯，個飯既份量比我想像中多，仲要係用左圓碌碌既米（日本/台灣米）😍呢一樣算驚喜！我鍾意圓碌碌米因為佢比較有口感😁雞扒煎得剛剛好，皮脆肉嫩，而且唔會好多肥膏。然後啲蛋係太陽蛋，可以用啲蛋黃汁撈飯，蛋白部分有煎到變脆，算係幾認真👍🏻個飯有跟餐飲或者湯，我揀左湯，今日係椰子雞湯。好香椰子味，調味適中，唯一可以改善既係溫度唔夠熱。

呢排又熱又曬😫，完全唔想行出街食Lunch，幾乎餐餐都叫網上外賣平台咁濟🧚‍♀。不過都好既，可以試埋離公司遠少少既餐廳！今次呢間百里居又唔錯，賣相靚之餘質素都唔差👄。-蔥油雞扒煎雙蛋飯 $67賣相擺法好吸引，左邊仲有少少沙律菜，好健康🥗。雞扒大大塊，煎得岩岩好，唔會太油膩。蔥油非常香，撈飯食好惹味🥰！煎雙蛋蛋香味濃郁，不過可惜雙蛋一早已經爆哂蛋汁同凝固左變左蛋塊，如果唔係撈飯一定好好食🥺！飯量我就覺得足夠，但以男仔食量黎講可以未必夠🤪。同埋個飯壓得太勁變左飯餅，有啲硬，食落口感麻麻。不過外賣一定無堂食咁好質素，下次真係要試返次堂食😋！-凍龍眼杞子水估唔到中環呢個價錢仲包埋一枝健康飲品🥤，龍眼杞子水非常足料，同好濃郁🤩，又唔會過甜～我飲完再加幾次熱水侷一侷佢都仲係好出味。飲完感覺上成個人養生左🧘‍♀～

以前好好食今時今日多人食左，居然仲差左叫左葱油雞扒飯外賣食食下見到黑色「鑊撈」，但心諗冇理由丫，扒唔見有問題喎原來係隻蛋，仲要唔知有心定無意將黑點一面朝底張相有d核突但真實

呢度可以話係小妹飯堂，幾個星期都會去食，貪佢唔駛點等位，野又好食，仲有得草印花，一個飯有一個印花，滿五個可以減五蚊！呢度有好幾樣食物都好不錯！先講呢個，賣相好靚，雞扒燒得好香，同蔥汁好夾，下面煎雙蛋，好足料，約70蚊，仲有自家製飲品，有龍眼水，雪梨水等，好有心！三文魚飯無得輸，肥美但唔膩，份量啱啱好！總括而言，中環食飯成日要急急腳，呢度算係經濟又好味，是lunch 高質之選！

I found this restaurant when I used eatigo. Booked this restaurant 10 mins before I arrive and successful obtained 30 percentage off using the eatigo app.The quality of food is good especially good after 30 percentage off. There is only one person working in the restaurant, cooking the food and serving us, he is very friendly.Orders two of the top 3 meal, crispy pan seared chicken cutlet with egg rice and caramelized crispy pork belly and soft boiled egg rice. Quality of both meal are high stand

難得中環有除咗高級貴餐廳之外既選擇亞洲風味便當好正呀，肉煎得好靚好香，但飯有少少乾沙律菜都好好食，仲有全隻溏心蛋Really recommend it, good alternative choice in central👍🏼 (other than pricey high class restaurant) Stuff are really nice and the food is totally worth it. The restaurant is a bit small tho. Would come again!

估唔到今日我又中左一間伏店。今日叫左既係日式牛肉溫泉蛋飯 +洛神花茶 $72事先講明，我係叫外賣既，而今次係第2叫呢間既外賣，上次食完都覺得唔錯，所以今日就叫第2次，估唔到咁就中左伏。日式牛肉溫泉蛋飯 牛肉凍哂而且好硬同埋好Un，又無味，汁食到尾係唔夠。 飯又係凍哂，一舊舊，應該係煮果時落得太多水啦。 相比之下，吉x家好食好好好好多！我明白外賣係會無熱同埋無咁好食，但我基本上日日都會叫外賣，好少可會凍到呢個程度。同埋牛肉咁un，飯咁濕，呢2點應該同外賣無乜太大關係吧。洛神花茶 呢個算無咁伏，正常水平，係稍微甜左少少姐，都收貨既。

雖然係附近返工，時不時都行過，但由於佢係細街兼隱藏係一棟窄窄既樓，再加上佢門口細細，唔係有朋友帶去我都唔覺！佢鋪位細細，廚房都走open kitchen 風格，但唔覺有油熱味，感覺好乾淨。佢餐牌既附送飲料都好滋潤，重要係1支、唔係一杯！如果唔要湯，重可以有2支，而且非常足料，食lunch 飲完一支，重可以有支返office飲！！！而且佢既價錢以中上環黎講絕對係超值！佢既飯都絕對落足心思，plating 無馬乎、而且全部都熱辣辣上菜，雖然我略嫌佢雞扒太油膩，但味道5粒星星！佢已經成為左我常去既飯堂

中環返工,經過好多次都唔知道有呢間店,同事帶我去先知正常中環價,份量十足,一個餐仲可以兩支自家製飲品/湯,或一湯一飲料,和同事食了雞扒飯&鰻魚飯,鰻魚飯原條上,好吃😋

泡菜豬腩肉飯 | 燒汁雞球飯.發現上環一間有誠意的高質小店! 午市套餐包2款飲品 沒錯 是2款😱 其中一款選了自家煲製的無味精老火湯😋 特別推薦燒汁雞球 與一般的燒汁雞球不同 不是佈滿甜膩的燒汁! 雞球炸得香脆不油膩 雞肉嫩滑有肉汁 雞皮有油香🤤 加上沙津醬和少量燒汁 好好食! 珍珠米飯份量又夠多☺️ $65這個價錢在中上環 還要有湯有飲品 好食兼飽肚 沒有挑剔的地方😌