百芳池上便當 (Mikiki)

營業中

休息中

黎到mikiki想食台灣野，之前食過百芳都覺得唔錯，一於再幫襯。位置開揚但唔多人，都幾好坐。叫左百芳豬扒便當 $59便當好豐富，有齊白菜、粉絲、鹵蛋、榨菜粒、粟米肉碎等配料，撈飯食非常惹味。豬扒厚身，外皮香脆而能鎖住肉汁。份量大食完都好滿足。台灣夜市香腸 $22唔夠喉加個香腸，食呢個小食好有夜市既感覺，香脆得黎又充滿油香。去唔到夜市食呢個都可以搵返嗰種感覺。黑糖珍珠鮮奶 $19珍珠頗煙韌，甜甜的好解渴。

有一日，行到去新蒲崗覺得好肚餓。咁啱見到間台灣野好似唔貴就走入去試吓。入到去裝潢簡潔明亮，職員待人有禮。.我叫左一個百芳滷雞扒便當，一個香酥豬扒肉操乾拌麵同埋一個皮蛋豆腐外加兩杯台式飲品：黑糖紅豆鮮奶 & 台灣古早味紅茶拿鐵。.先講講個雞排便當，配菜種類豐富味道都唔錯。不過雞排肉質有少少乾身。反而乾拌麵既豬排有驚喜，外皮炸得酥脆之餘亦都入味，加分。.飲品方面，黑糖紅豆鮮奶，如果本身好鍾意飲甜野就啱晒，整體來講，野飲同野食味道唔差而價錢唔算貴，性價比都算高。

呢日同朋友黎左Mikiki呢到shopping，晚飯時間我地揀左呢間台式餐廳，估唔到都幾有驚喜😋雖然餐牌就係得呢到，款式好似唔太多咁，但賣相同價錢都幾吸引，推薦大家黎試下。叫左個小食 - 台灣香腸，煎得好香口又好味，而且裡面有少少豬油口感好好。朋友叫左個牛肉麵試下，牛肉炆到好林身，一咬即開，而且湯底好濃郁好香牛肉味，麵身亦好彈牙，唔錯👍🏻而我就試左呢個雞扒便當，配菜好多，同台灣便當好相似，值得一試。呢到亦配搭埋台式飲品。

自從限最令之後都比較少出街食晚餐，加上最近成日開OT冇約人，放工之後就揀咗喺Mikiki幾百芳池上便當買外賣。便當套餐大概係$60左右，有主食同配菜，附送一杯台式飲品，非常抵食。我買咗香酥雞翼便當（$54）配玫瑰鐵觀音茶拿鐵，唔鍾意飲太甜嘅話，可以要求少甜。由外賣包裝都睇到佢哋嘅心思，拿鐵唔係用膠蓋，而係直接封住杯口，而且另外袋住，所以唔會擔心倒瀉。雖然話配菜，但係一啲都唔馬虎，有粟米、粉絲、滷水蛋同埋椰菜。配菜送飯一流，粟米夠甜，淋左滷水嘅粉絲亦都非常之入味，用嚟撈飯已經好好食。有蔬菜亦都令成個餐感覺健康咗（補償食炸雞翼嘅內疚感 ）雖然係外賣，行左10幾分鐘，炸雞翼仍然可以保持脆皮，一啲都冇腍到，脆到咬皮嗰陣有聲 ，但同時又唔覺得油膩。咬到入邊肉質亦都非常鮮嫩，肉汁充足。至於杯玫瑰鐵觀音拿鐵，玫瑰味非常之香，飲落去甜甜地，亦都保留到茶味。

今天工作十分忙，连坐下吃的时间也没有，只可外卖吃。就在这间买了百芳卤鸡扒便当和一杯红豆奶茶。便当份量大，食物颜色配搭得很漂亮，有粟米粒，粉丝和卤水鸡扒。惊喜的是鸡扒真的很大件。先吃了一口有粟米粒和粉丝的饭，粉丝己有卤水汁所以味道己很好味。跟着咬一口鸡扒，鸡肉嫩滑，不但只大而且厚，很大食的人都会够。再吃粉丝的时候发现原来有菜脯，它带有小小辣，有着它把便当的味道提升了许多。红豆奶茶也是我钟意的饮料，茶味足够，红豆一粒一粒能够吃到，杯子也很漂亮，真是很好的饭后甜品。

今日嚟到屋企附近食台灣菜，佢係大商場入面，唔係好起眼，似係新開？舖面好大又光，位置都好闊。睇左openrice有人叫香酥炸雞髀比便當同紅燒牛丸牛筋面，我就跟機，再加兩杯飲品。香酥炸雞髀比便當佢隻炸雞髀超大隻！大隻到嚇親。出面一隻咁大都要30啦，佢成個餐都係63蚊，仲包飲品，所以好抵！炸比都好脆，皮略油，我怕肥就唔食哂啦，但都好enjoy🥺🥺🥺我拆開隻脾，有勁多肉紅燒牛丸牛筋面牛丸都有幾粒，牛筋份量都算多，最中意係佢既面質，好煙韌同彈牙，同台灣食既台灣牛肉面有得揮！黑糖珍珠鮮奶依個要加錢先有得飲😛😛朋友唔想飲凍就叫左熱，但都唔會太甜！黑糖味岩岩好！但太飽啦，飲唔晒，下次應該叫一杯可以做下午茶🤓🤓芝士奶蓋玫瑰鐵觀音依個都係要加錢嘅。我好少飲鐵觀音，所以唔係好識叫做好冇味。但奶蓋係做得幾好，咸咸地，夠厚，玫瑰味就淡淡地，所以都幾清香依間我會再encore😍

9月16日考試後，由九龍塘坐車去mikiki 醫肚😅，那時段未到別人放飯，店內只有一枱客，坐得好舒服，冇人較安全，它每隔4人隔左塊膠片，但很多附近工作的人都是叫外賣 太肚餓了選了 鹵水雞翼便當，加錢要花枝丸，加錢轉荔枝紅茶。先講個飯 配菜夠多，有粉絲，粟米，炸菜肉碎，雞蛋半隻，將配料混合來食，變成很豐富的口感，雞翼好入味。今次第一次加多樣小食，花枝丸一碟有4粒。估吾到幾好食。荔枝紅茶就失望左啲，打開蓋勁多泡。仲以為底有荔枝粒，係第二度飲過係有的

係新蒲崗做完嘢來到 Mikiki 搵食，係地庫有幾間唔同嘅餐廳，見到呢間有鹽酥雞🐓突然間好想食🤤！就係咁就嚟咗呢間台式便當🍱餐廳，入邊原來都幾大，有飯、有麵（可以改配新竹米粉）、有台式🥤飲品，都幾多選擇。我就揀咗鹽酥雞🐓配肉燥新竹米粉🍜，餐飲就揀咗🥤黑糖冬瓜茶。鹽酥雞幾香口🤤，不過粉漿就厚咗啲～肉燥米粉好😍香濃，啖啖都有肉燥香😋，十分肥美！個滷蛋🥚就正正常常，至於黑糖冬瓜茶呢就唔係話咁有黑糖味，同普通冬瓜茶差唔多。

又是離開我的家，港島區的日子了，這天尋找朋友，他身處於新蒲崗，位於九龍東的位置，沒想到疫情之下，我也經常外出找東西吃，但沒辦法真的太忙碌了，朋友總是需要見面的。餐廳位於大型商場之內， 餐廳主打的食物就是台式便當。 台式便當，令我最難忘的就是雞， 沒想到這家餐廳居然還有炸雞髀，這樣有趣和美味的食物。 同樣是外賣自取， 本來還擔心炸雞髀會因為時間而變得外皮軟熟，像油浸一樣， 沒想到在家中品嚐過後，吃得到的，同樣是香脆可口。 另外，便當中更有一項令我意想不到的食物，就是粉絲，沒想到 便當也能充滿不同元素，真是營養價值豐富。

晚晚煮飯煮到悶悶地，真係星期六日一定要出去買個外賣返嚟調劑下，說好的台灣又去唔成，唯有食個滷肉飯慰藉下自己。近近地去咗新蒲崗 mikiki 買咗個鹽酥雞滷肉飯便當，佢一個set咁樣，一個便當加杯嘢飲，個飯入邊有粟米，菜同埋一啲酸菜撈埋落個飯度，鹽酥雞亦都炸得非常香口，亦都唔會太鹹，恰到好處。依個飯入邊有酸菜撈埋更易入口，成個飯好健康因為佢中間仲有啲菜俾我哋一撈埋嚟食，嘢飲方面我就嗌咗鐵觀音奶茶，茶膽好香，係驚喜之作。

又到左一星期食好嘢嘅時候啦，返左咁耐工一定要食返餐好對待自己，今次就想去台灣一轉所以就想試吓台灣野，知道新蒲崗有一間食台式便當好出名就去試吓，地理位置都好方便行5分鐘至10分鐘就到啦，餐牌嘅款式都好多種而我選擇嘅套餐係台式滷雞扒便當，加珍珠奶茶，先講便當配料好多有粟米同沙律菜加上台灣米非常之配合，以雞扒方面煮得好入味顏色唔會過分深色，味道方面好有口感，應該用咗好長嘅時間去進行醃製，呢方面值加分用心製作，而且便當方面亦都好有心思好似真係返學嗰啲便當咁好有親切咁，飲品方面有我最愛嘅珍珠奶茶，奶茶嘅味道唔會偏甜珍珠亦都好友大牙，彷彿去了台灣一樣，而且便當嘅價錢亦都好合理，加上款式有好多，下次一定會試其他便當套餐。

Home office 關係, 好幾天都沒有外出; 趁今日回去office處理工作後, 途經 Mikiki  就找點吃的帶回家; 見有這間台式便當, 外帶回家就最安全了.食物種類不少, 原先想吃湯麵, 不過要外帶, 還是吃飯比較方便了幾款便當都見有大量配菜, 份量不少; 台食當然炸雞鹽酥雞最有保證, 就決定揀了鹽酥雞便當其實下午茶也非常吸引, 留待下次一試外帶飯盒一半環保, 也總比全發泡膠好; 鹽酥雞另外裝上, 回到家還保持酥脆, 帶輕微的辣, 很不錯, 超過期待每款便當配菜不同, 我的粉絲粟米也很多, 加上半隻蛋, 怕且都吃不完鹽酥雞份量也不少, 全部放上便當也差不多蓋滿全盒, 份量一點不留手少不了一杯芝士奶蓋荔枝紅茶, 經過廿分鐘回家時間仍保持奶蓋泡沫的豐盈, 很夠水準

疫症爆發第三波, 公司又發起home office, lunch唔想自己煮, 就係附近買外賣食。妹妹之前係百芳池上買過外賣返黎食, 賣相唔錯, 而且佢大讚好食, 今日lunch就去買個外賣返屋企食啦。Mikiki附近都有唔少公司, 所以平日lunch都幾多人幫襯。餐廳內設有堂食, 而我就外賣返屋企食!主打台灣料理, Menu上有便當、湯麵、拌麵、多款台式飲品選擇。我就揀左【香酥炸雞腿便當】HK$63 外賣盒為一次性台灣便當木盒, 香酥炸雞腿分開放, 雞腿大大隻, 比便當盒還要大。雖然外賣返屋企都有15分鐘路程, 返到屋企後, 炸雞腿外皮依然超酥脆!!! 脆得有聲! 而且外皮乾身不油膩, 肉質嫩滑keep到肉汁, 超正!!便當上既配料整齊佈好, 包括有炒粉絲、酸菜粒、栗米粒、椰菜、半隻鹵水蛋。撈埋一齊, 入口層次非常豐富, 有少少鹵水汁調味, 酸菜同埋清甜粟米粒味道較為突出。便當看似份量少 (深度比較淺), 但整個餐食完都好飽。便當套餐跟一杯指定飲品(3選1), 亦可選Drinks menu 上正價減$8轉台式特飲,  【芝士奶蓋荔枝紅茶】原價HK$32 (+4 加配珍珠)大大杯, 有微

琴日放LUNCH，自己去左mikiki睇下有咩外賣買反公司食；結果去左百芳池上便當買便當，見到條人龍長長地，相信食物一定吾差姐！香酥炸雞腿便當：雞脾是即叫即炸的，所以食落仲系脆卜卜的；雞脾好大隻，外皮極為脆，入面既雞肉好嫩滑，不過帶少少乾身。而便當中既飯配合左吾同材料，例如：粟米粒、粉絲、肉碎、椰菜、紅蘿蔔絲、半隻滷水蛋。令整個飯吾會過於單調，味道帶少少咸而調味啊！粒粒紅豆豆乳：飲品仲既豆奶味比較重，所以只有淡淡既紅豆味；甜味一般，而紅豆份量吾太多。

去左朋友屋企打機，到左晚飯時段，個個都唔想落街買，又到左叫外賣嘅時候包裝可愛漂亮嘅 便當便當我地另外都有叫左個小食，鹽酥雞（香香脆脆的，味道都足夠）朋友們都叫左麵，賣相都吸引而我就叫左個雞扒便當（幾有去台灣搭火車果陣must買嘅便當）如圖：-份量都足夠，成個底都有飯-包左熊熊封面嘅一人泡菜，唔太咸同辣-仲有各式各樣嘅配菜（菜脯/粉絲/粟米/娃娃菜…）-一大塊雞扒（濃濃嘅滷水香味）價錢叫正常啦，唔算太平亦唔算好貴，都物有所值嘅