百川薈

營業中

休息中

天氣開始轉凍，我哋星期日去左打邊爐。餐廳位於佐敦，好近地鐵站，我哋叫左一個秘制雞煲，當雞煲上桌時，侍應會在客人面前翻炒然後蓋一分鐘就食得， 一打開蓋就聞到陣陣香味，令人食慾大開。雞肉嫩滑，配上洋蔥, 乾蔥頭, 芫荽, 辣椒等香料，醬汁味道香濃，非常惹味。另外我哋叫左幾款火鍋配料，食完雞煲打邊爐。頂級安格斯肥牛脂肪分佈均勻，食落唔會太油膩. 而且肉質柔嫩，牛肉味濃。魷魚夠新鮮，質感爽口彈牙。餐廳坐位幾寬敞，我哋成晚傾左好耐。

朋友介紹佐敦有間新開既米線同雞煲唔錯， 決定試下呢間百川薈今日夜晚想食好d，決定要試下佢既雞煲，好過酒樓食啦，唔駛加一茶錢百川秘製雞煲 半隻 $168雞煲整得好惹味，小辣岩岩好，雞肉整得好嫰滑，有雞味，配埋d洋蔥食落好香手切安格斯肥牛 $168安格斯肥牛好高質，油花分布均勻，配埋個雞煲做湯底好match午餐肉 $38呢隻餐肉好ok,仲有得咬下唔會全部粉唐生菜 $28生菜十分青綠新鮮，食落超甜飲品種類都好多，啤啤佢都正

行左入德興街搵食呢到種類都都好多 米線 小菜客飯 雞煲 烤魚 連海鮮餐 都好雞煲餐都幾抵 有雞 有牛肉 有配料 先係$238 已經好豐富因為想食烤魚 所以叫左烤鱸魚 （泡椒酸菜） 小辣 鱸魚原條上 先炸再浸泡椒酸菜湯底上 上菜仲食到脆卜卜既魚皮 爐魚唔多骨 魚肉仲好嫩滑 配菜都有好多 蓮藕、蘿蔔、大豆牙、椰菜花等全部都好吸湯 好惹味 可能因為泡椒 愈食愈辣 怕辣既叫微辣穩陣d 手切安格斯肥牛肥瘦適中牛味濃 牛油香 食落仲好滑 泡椒酸菜湯底酸酸地 唔會膩想試埋佢既酸辣米線 招牌豬扒酸辣米線 轉四川粉加$8 拼左 百川麻脆雞扒跟餐凍飲 加$8 豬扒唔算厚 但肉汁好豐富 雞扒外皮炸到好脆 但唔乾身 麻辣味好出 下次要黎試雞煲 見其他客人食 超級香

今晚終於來食雞煲，有朋友講過他們家的雞煲幾好味。首先登場的是「百川秘制雞煲」，需要先煮一煮。等十分鐘左右就可以開蓋。一開蓋賣相就已經贏一半了，熱騰騰，香氣撲鼻。雞肉非常嫩滑，一點都不柴，沒碎骨。重點是那個秘製醬汁，鹹香微辣，層次豐富，我一個人就吃了大半鍋了！雞煲裡的配料也很入味，洋蔥浸係湯汁裡，超級入味，真不愧是招牌菜。食完雞煲就可以加湯。手切安格斯肥牛的品質真的沒話說，肉質鮮嫩多汁，油花分佈均勻，入口即溶！完全沒有任何的腥味，而且切得厚度適中，涮個幾秒鐘就能吃了，口感彈牙，非常好味。除左雞煲，我哋仲點佐豉汁蒸鱔魚，這道菜完全顛覆了我對鱔魚的印象，以往吃到的鱔魚都比較腥，但這家的鱔魚完全沒有腥味，肉質細嫩，而且豉汁的香味非常濃郁，鹹淡適中，完全不會搶走鱔魚本身的鮮味。蒸得火候也剛剛好，鱔魚的口感滑嫩Q彈，配飯一流。豬趴米線好大碗，豬趴量非常足，米線軟滑適口，正式胃口。最後，來杯解膩的檸檬茶，冰涼的檸檬茶，酸酸甜甜的滋味，喝起來非常清爽解渴，而且檸檬的香氣很濃郁，完全沒有苦味，完美地為這餐飯畫上句點。總體來說，今晚的用餐體驗唔錯，每道菜都食材新鮮，份量也十足～

秋風起,除左食大閘蟹,都開始想打邊爐。今次近近地,係佐敦mtr附近搵左間可以食烤魚既,諗住一箭雙雕,又食原條烤魚又打邊爐。魚有好多配料,加埋本身有既羅白,好入味。好味到我再額外叫多左一碟,羅白要煮得耐先淋同入味,我留返最後先食。頂級手切安格斯肥牛真係冇得輸,口感一流,打邊爐必不可少。因為烤魚既調味好正,食到咁上下我加左生菜進去,生菜好新鮮,refreshing.以呢個價錢食到咁多野黎講真係好抵,值得一試。

今日和朋友來了這餐廳去食烤魚+打邊爐。首先我和朋友點了烤魚：新鮮桂花魚（蒜蓉）$268:這道菜選用新鮮的桂花魚，搭配香濃的蒜蓉和其他調料烤製而成。桂花魚的鮮嫩口感是這道菜的亮點之一。魚肉在烤製過程中保持水分，外皮微脆，內裡卻鮮嫩多汁，讓人一口咬下去便感受到魚肉的鮮甜。其次，蒜蓉的加入為這道菜增添濃郁的香氣和味道。經過烤制的蒜蓉變得香醇，與魚肉的清鮮相融合，形成獨特的風味。食完烤魚我們就開始打邊爐：頂級安格斯肥牛：頂級安格斯肥牛的肉質非常嫩滑，入口即化。其獨特的肉感來源於肉中的豐富油花。安格斯品種的牛肉具有不錯的牛肉本味，帶有淡淡的甜味，並結合了豐富的肉香和香濃的脂肪味。唐生菜（$28）：鮮甜嫩口，不錯。

呢兩日香港嘅天氣轉涼咗少少，最啱就去食雞煲打邊爐。今晚和太太去到佐敦，就去咗朋友介紹嘅百川薈打吓邊爐啦。店長哥哥推介百川秘製雞煲，我們兩個人叫半隻就夠啦，微辣嘅秘製醬料加上新鮮嫩滑嘅雞肉，真係夠晒惹味。食完雞煲，店長哥哥幫手加添靚湯，首先吃手切安格斯肥牛，靚靚雪花牛肉片，油脂分布平均，一啖啱啱好，記住唔好烚太耐，放落熱湯烚一陣就食得啦。鮮蝦滑：蝦肉十分新鮮彈牙、自己鍾意大嚿啲細舊啲都得。響鈴係我打邊爐必叫嘅，鬆鬆脆脆、索晒啲惹味湯料、真係一條又一條。新鮮蘿蔔片：十分鮮甜，索晒雞煲啲湯更加好味。總括嚟講，餐廳食物質素高，但價錢唔貴，真係油尖旺區打邊爐必選之一。

位於佐敦嘅新餐廳百川薈，一般粉麵飯都係$40-$50左右！晚市會有雞煲、烤魚、羊腩煲等，質素有驚喜，真係價廉物美！雞煲套餐（半隻）$238套餐雞煲跟肥牛、響鈴同埋時蔬，食完雞煲再打邊爐！雞煲埋枱用猛火爆炒再焗熟，全程由店員操作！雞件滑嫩而且入晒味，辣中帶甜嘅口味真係勁正！手切牛頸脊肥牛肉味香郁，同雞煲都幾夾！炸響鈴｜唐生菜炸響鈴同埋唐生菜都好大碟！手切安格斯肥牛 $168店員推介嘅火鍋肥牛，質素比跟餐嘅靚好多，肉味同埋脂香並重，正！麻辣皮蛋｜紅油豬耳 $30川式嘅涼菜小食都好抵玩，可自選辣度！罐裝汽水 $12

我哋當然首先快叫咗百川秘製雞煲同蒜蓉開邊蝦飯煲仔，叫完後先睇到有雞煲套餐，食完雞煲後仲可以加湯打邊爐，原來有唔錯打邊爐嘅食品，即叫咗碟安格斯肥牛來食，再睇小食亦唔錯，又叫埋椒鹽軟殼蟹，飲品就叫咗香滑凍咖啡同埋柚子蜜，其實仲有好多嘢想叫來食，雞煲同煲仔飯都令人好飽的，真係下次要再來食其他食品。百川秘製雞煲個雞煲都好快上枱開火煮，等到出煙就開蓋聽到滋滋聲，見到都流口水想快啲食，雞肉嫩滑多汁，仲有洋蔥同芫荽好配合同埋啲雞一齊食，秘製雞煲醬非常惹味，真係好食嘅雞煲。蒜蓉開邊蝦飯煲仔蒜蓉開邊蝦飯煲仔飯也不錯，個煲仔飯放咗蒜蓉粉絲上開邊蝦一齊蒸，蝦肉十分鮮甜，令到啲飯索晒啲蝦嘅香鮮味，令到食落口嘅米飯吸了蝦汁和蝦膏，鮮味香濃，滋味無窮，而粉絲亦吸收了蝦的精華和蒜頭的惹味，非常配合來食。安格斯肥牛食完雞煲就可以加湯打邊爐食安格斯肥牛，安格斯肥牛肉上枱就睇得出係好靚嘅牛肉，安格斯牛肉好有肉味，油脂分布平均，好香好淋好好食，擺落湯水幾秒鐘就可以食得，真係快靚正。椒鹽軟殼蟹椒鹽好惹味，軟殼蟹經油炸後，味道香脆鮮甜，肉味極其鮮美，蟹殼特軟，可連殼一起吃，內裏還保留着蟹肉蟹膏，一咬就爆汁 ，非常好食。香滑凍咖

佐敦百川薈，招牌菜有烤魚、雞煲、羊腩煲、煲仔飯，仲有各款鑊氣小炒、川式肉燥飯、酸辣米線、炒粉麵飯等。烤黃花魚：我哋唔食辣，揀左蒜蓉煮，每份烤魚都有蓮藕、蘿蔔、大豆芽、福花菜，仲有紫洋蔥、青椒，配料索滿湯汁，非常惹味；主角黃花魚，魚味濃郁，肉質嫩滑，好少細骨，用火爐慢慢熱住食，好滿足。手切安格斯肥牛：脂肪分佈平均，紋理細緻，肉味香濃，口感豐富，優質牛既美味，實在令人垂涎欲滴。蒜蓉開邊蝦煲仔飯：即叫即煲，熱辣辣上枱，開邊蝦幾大隻，用蒜蓉粉絲一齊蒸，味道更鮮美，加埋金黃薄脆既飯焦，忍唔住食左兩大碗，呢度仲可以揀香芋飯底，芋頭煮得綿密，入口香甜軟糯，讓人一試難忘。總結，食物有水準，款式多元化，全日免加一，真心抵食。

百川薈📍佐敦德興街2號地下喺佐敦站E出口上到嚟轉右行1分鐘就到餐廳好早就開門，上午七點開到夜晚11:30秘製雞煲半隻套餐$238雞煲非常惹味，半隻嘅份量都相當多，職員一放上枱已經聽到雞煲發出嘅吵吵聲，香味十足，雞肉嫩滑，入面配有大量嘅洋蔥同芫荽，帶有少少麻辣十分惹味套餐入面仲有包埋一碟手切牛頸脊，牛肉味濃，脂肪同牛肉嘅比例相當平均，入口非常好味生菜夠新鮮顏色嫩綠，新鮮最重要係洗得非常乾淨響鈴，響鈴放入湯底幾秒就可以食，吸晒雞煲入面嘅湯底，濃郁嘅味道二人餐真係非常抵食，仲跟埋兩杯飲品 薑蔥生蠔煲 $168生蠔相當大隻又唔腥，肥美肉嫩脹卜卜 ，又鮮味，經過烹調後完全冇縮水，配埋大量嘅薑同埋蔥一齊食更加好味，生蠔非常厚身，外脆，入口仲好Juicy豬扒酸辣米線 豬扒份量相當多，肉質腍身，嫩滑容易入口，旁邊仲有好多配菜，有肉碎花生同蔥花，最重要係個湯底酸酸辣辣，湯底仲香噴噴米線嘅份量相當多，一個人真係食唔晒，性價比極高

因為很耐都冇食過雞煲，所以約咗朋友黎佐敦食百川薈。百川薈地理位置非常好，在佐敦地鐵站E出口，上兩層到地面，在恆豐酒店後面。見到店面也整齊企理，入到去空間感也很足夠，冷氣也夠，店員也很好，給了一個大枱給我們。然後我們就叫了百川秘制雞煲，手切安格斯肥牛，椒鹽軟殼蟹，紫菜餚肉蟹柳卷，檸檬利賓納，桂花圓肉菊花茶以及油麻菜。首先他是來了兩杯飲品先，檸檬利賓納（$20），入口偏酸，可以甜一點；桂花圓肉菊花茶（$30），有濃郁桂花圓肉菊花味，飲了想一飲再飲。然後，他便上了紫菜餚肉蟹柳卷（$30），夠熱，皮香脆，有口感，像是即叫即整一樣。之後，他就上了百川秘制雞煲（$168）（半隻，中辣），嫩滑甜辣香，惹味吃了越想吃。而且有老闆幫我哋炒香了才餚煮。接着便是食了手切安格斯肥牛（$168）（細），它食落有口感有牛味，伴隨着辣雞湯汁越食越想食。再者便是吃椒鹽軟殼蟹（$38），蟹有濃厚嘅椒鹽味，而且是即叫即做，香脆美味。最後叫咗一碟油麥菜（$28），也是新鮮甜美可口。總括而言，百川薈是一間想一吃再吃的店，值得推介。

新開張，樣樣好食，仲有房可以坐七個人埋單一千蚊左右，性價比極高個雞煲同煲仔桶蠔超惹味，可以送飯平時我唔鍾意食淮山，但係佢個炸淮山我都係咁食衛生好，服務態度好仲有其他無影到相，下次想試埋佢個煲仔飯

見附近開左間新舖有雞煲食，一於試一試佢Qr cord落單，兩個人叫左個雞煲套餐，套餐包括半隻雞，一碟手切牛頸脊，響鈴同生菜。另外我哋食肉獸，再叫咗碟安格斯肥牛。仲有椒鹽軟殼蟹同菊花蜜。雞煲上枱等出煙開蓋滋滋聲，未食已經流口水，麻辣好惹味，辣度啱啱好，雞肉嫩滑，仲有大量洋蔥同芫荽，好得！食完雞煲就可以加湯打邊爐，牛肉上枱就睇得出好靚，雖然餐牌冇寫，食肉獸嘅我食得出套餐果碟牛頸脊都係安格斯，好有肉味。而另外叫嗰碟安格斯肥牛，應該係牛小排嚟，油脂分布平均，好香好淋好好食。放埋響鈴同生菜落去好邪惡。小食椒鹽軟殼蟹有驚喜，估唔到又整得幾好食，又唔貴。兩杯菊花蜜正常發揮，配雞煲下火最後要讚下服務唔錯，食完雞煲好多骨有主動幫我哋換碟，真係唔係間間餐廳會咁做，值得再幫襯

同朋友講咗好耐話約出嚟食雞煲，上網搵到呢間喺佐敦嘅雞煲好似幾出名就約咗過嚟試吓，果然有驚喜，以都想推薦俾大家！呢個雞煲套餐，只係$388，包全隻雞煲，一碟午餐肉一碟牛丸，一碟響鈴同埋一碟菜，唔係講笑，淨係雞煲啲雞嘅份量已經多到食唔晒，再加埋其他火鍋配料，有啲懷疑其實係咪四人份量？除咗份量多之餘，質素都非常唔錯，雞肉非常嫩滑，熱辣辣，好入味，鍾意食辣嘅話可以自己加啲辣椒油，我覺得都幾夾！最有驚喜嘅一定係手切牛頸脊肥牛，同平時食開嘅時候唔同，比較有口感，會食到牛肉嘅層次，亦都好有牛味，淨係見到牛肉嘅鮮紅色，油脂分布均勻，就知道一定好好食，幾值得一試！淨係食晒個雞煲同埋肥牛已經超級飽肚，午餐肉、牛丸、時菜同埋響鈴質素都唔錯，整體嚟講呢個雞煲套餐真係幾抵食，啱晒一班朋友過嚟食餐飽！