百好名宴

營業中

休息中

見到宣傳$78一隻片皮鴨超抵所以特登黎食。雖然隻鴨唔算好大，但係鴨皮都香脆，皮又夠薄同埋熱辣辣。而且仲要冇限叫幾多隻，可以狂食唔駛就住勁正另外加$10仲可以拎埋隻鴨殼番去，勁多肉囉超級抵！.另外都叫咗少少其他餸，龍蝦伊面都係$188，都大碟算幾多肉，呢個價錢都抵食。.菠蘿生炒骨 - 唔推介！肉少勁細舊，又唔夠脆，味道一般般。

見網上成日都有人講呢間....又平又抵片皮鴨$78 一隻片皮鴨大約有16-20塊左右現場幾乎每枱都有一隻😂因為呢個價錢實在太抵食又親民每份片皮鴨包場摩摩皮, 青瓜同大葱,仲有醬! 🤤而且亦見到有位姐姐不停手咁即場片皮真係無停過手👍🤩有些人中意食淨片無肉 我同家人都中意有皮又有肉 ,呢啲真係個人口味而呢度全部都有片有肉既😝上枱仲熱，摩摩皮都係熱雖然唔算太脆皮，但係呢個價錢呢個質素真係無野好挑剔👍👍👍加十蚊仲可以攞埋個殼反屋企添😂😂我地五個人 叫左兩隻片皮鴨(當然仲有其他餸,,不過呢個post主要想講片皮鴨😆)食得好滿足👍

星期六同屋企人同我女朋友去撐枱腳一向都好鍾意去間酒樓，因為實在太抵食啦一個孖寶只係價錢178左右，一條蒸石斑平常半隻燒雞只係178 ，蒸魚普通，感覺咬口冇咁好，似整得太耐，燒雞都唔錯嘅另外加上扁皮鴨，$78全只，味道真心唔錯，又抵食，良心推介，之後只係加$10就可以攞走埋成隻鴨，都幾正最後重點埋鮑魚雞煲同炸蝦球。炸蝦球亦都值得推薦，甜酸醬配搭炸蝦球，唯一遺憾係只係得六粒整體來講真係好抵食，五個餸，又有雞又有魚鴨蝦球等等只係五百幾蚊

本身book咗嚟呢間食晚飯，不過疫情所以冇得夜晚堂食，有日經過太子呢邊，諗住冇得堂食咁試吓佢下午嘅點心啦！燒賣，味道唔錯牛柏葉，牛柏葉有少少林唔夠爽口，但係味道都幾好味蒜蓉蒸鮮魷，我以為係魷魚，但係嚟到係墨魚仔，有少少腥味，不過調味都唔錯嘅，但下次應該都唔會再嗌叉燒腸粉，粉皮夠薄，都唔錯，豉油唔係好鹹嗰啲菜苗餃，都唔錯，幾好食其實最想試嘅就係佢夜晚嘅片皮鴨，不過好可惜因為疫情冇得堂食而且佢夜晚又唔開，所以連外賣都冇得叫。服務態度其實係幾好嘅，不過嚴重人手不足，好多時想叫嘢食成10至15分鐘先至有人嚟

行完花虛啱啱下午茶時間, 响聯合廣場見到呢間酒樓, 決定入去試下, 下午茶都有好多款特價點心, 不過點心價位大多數要廿幾蚊, 下午茶來計唔算太平, 最抵食喺走地滑雞瀨粉, 食評如下👇🥢走地滑雞瀨粉 $19.8好好彩有雞髀的部位, 肉質嫩滑味道ok， 瀨粉質地爽滑, 湯底正常，抵食🥢鮮蝦菜苗餃 $25.8餃皮太淋， 饀料juicy, 蝦肉新鮮彈牙， 但喺菜苗冇乜味 🥢鮮蝦韭菜角 $25.8炸皮太油， 但餡料juicy, 蝦肉新鮮彈牙, 韭菜味濃🥢家鄉煎釀尖椒 $25.8微辣，表面煎得香脆，有鯪魚肉味, 但不夠彈牙， 不過有4件所以算抵食🥢桂林牛肉腸 $25.8腸粉皮太厚，牛肉冇味而且餡料不均勻，豉油汁加了太多油星期一至五 茶錢$8檯與檯之間唔算逼夾, 有距離感, 坐得舒服, 服務態度正常, 清潔度亦正常, 整體食物沒驚喜也沒失望。魚堅總評性價比 3👍(以5👍為滿分)

百好名宴我好仲意片皮鴨, 所以都加入左片皮鴨關注組. 前幾日見到有人係關注組介紹百好名宴好平超抵食,評價十分高.我當然要黎朝聖下.一坐低, 就見唔少人都叫左片皮鴨同長腿蟹, 相信口碑都唔錯.但因為我地得三個人食.今次只係叫左片皮鴨同埋一個套餐.片皮鴨只係$78/隻, 你同我都無眼花, 真係$78!!!份量都唔少,夠3-4人食.片皮鴨都有油香味而且帶有鴨肉, 每片大小都剛好.配料(如青瓜)都可以另外再追加.片剛上時都熱,軟,但食到大概第三塊就開始乾,非常影響口感.套餐$238, 有一條海班加一隻波士頓龍蝦伊面. 好抵食.海班好大條,而且食落都好新鮮.豉油會係你面前上, 保證熱辣辣.波士頓龍蝦伊面龍蝦份量就比較少, 而且無咩肉.但伊面好好食, 夠冧入曬汁.整體來講, 百好既片皮鴨CP 值超高,無介紹錯.必食!!!!佢地既海鮮都好抵食,大份又平仲要夠新鮮.依間我都叩左唔少朋友仔食, 佢地都大讚. 我都一定會再幫襯,下次可以試下佢個長腿蟹!

順路出太子，所以就試下附近既酒樓，3大1細，環境唔錯，見近門口既海鮮缸，應該專做海鮮。今次黎午巿飲茶，只試點心同炒飯，除了海蜤手撕雞超級離譜外，其他都正常。環境寛敞，服務正常，餐具都普通正常水平既衛生。點心方面，見個個都叫大腸，加上都係自己至愛，所以都叫了，果然唔錯，入味，腸有口感。 其他點心都正常水平。不得不提係海蜤手撕雞，基本上只有蘿蔔絲，青瓜絲。當然，係有有好少好少既海蜤，同雞絲。最後向經理投訴，就取消咗呢碟了。但個感覺好像佢地都知呢碟野有問題，係睇下個客出唔出聲咁。本著為食客著想，免得有下個受害人，但似乎沒太聽意見，只係話唔要就取消。整體而言，正常水平，正常價錢，正常普通既酒樓除了一碟中伏的小食記得唔好叫。

這間食肆， 新開張時點心不錯， 最近雖然水準下降了不少，但還可接受。上次午市一點飲茶， 二人要搭四人枱。 今次提早一小時，十二時到達，亦要搭枱，中間仲冇隔板。 要求再等，也不接受。失望！以後都不去了。

今日即興晚餐 早幾日見到網友介紹佢既片皮鴨 仲要唔只得一個介紹 今日諗食咩個時 同知己係旺角 就即刻行左去太子食 去之前打左電話去 聽電話個個非常友善 態度仲好歡迎我地咁 十分親切.. 去到即刻有人問飲咩茶 即時汁枱比我地 經過既姐姐叫到我地未有茶 全部都有問我地叫左未 個感覺係完全唔覺得無人理 好關心食客 每食完一碟都有人收走 幫埋單個時個個又係勁有禮貌 個個服務員都好明顯係有做好呢份工..今日真係食得好開心 最後仲要200幾蚊埋單 又平又好味 下次還要來***

🦞 上湯焗南澳蝦龍 $298（另加伊麵或轉芝士焗另加50）龍蝦大約一斤，六人份量，每人有約兩至三件；泡過油，肉質唔係好爽。（這裏是吃到尾聲的觸鬚）伊麵有啲過淋，加上蔥粒，味道都幾好味。想龍蝦伊麵是沒有跟個鉗，要叫服務員取。附上濕紙巾，食完可以抹手。🐑 枝竹羊腩煲 $168羊腩唔係好大件，大概有10件，但炆得唔夠淋。枝竹有四至五條，馬蹄一粒，冬菇兩件。味道尚可，若整體再煮多一陣會才上菜會更入味。🐚 陳皮蒸大連鮑魚 $68六隻，連殼同瓦羹差唔多大，鮑魚好爽口。每件有四至五條陳皮絲鋪面。個豉油煮得唔錯，好香，配合陳皮絲，好好味。2️⃣ 孖寶 $198 （清蒸海斑 配 XO醬爆雙蚌片）🐟 清蒸海斑海斑大約一斤左右，火候蒸得啱啱好，魚肉夠滑，唔靱。豉油煮過，味道調配得不錯，夠香唔會過鹹，能帶出海鮮的鮮味。🐚 XO醬爆雙蚌片XO醬份量都夠足，食到有啲蝦醬嘅味道添。蚌肉夠爽，但珊瑚蚌肉質有點𣺉。西芹好嫩同翠玉瓜都好爽脆，仲有雲耳和三色椒，全部食物和配菜都沾滿XO醬。味道不錯！豆沙鍋餅$33有12 件豆沙餡，分量好多每舊都鋪滿，甜度適中。六人一台，座無虛席，上星期book唔到位，今個星期先至有得食。

今日同媽媽去酒樓食飯 啱啱見到片皮鴨78蚊成隻好抵 就試試佢扁皮鴨分量足夠 油脂分布平均 抵食夾大件 唔算太流 幾個人分剛剛好之後叫左個龍蝦伊麵$298 個伊麵要加$50龍蝦肉好多 唔會得幾舊 爽脆彈牙 伊面都好入味

皇子片皮鴨 $78有成20百遍左右，還是暖暖的。有京蔥，有青瓜絲。佢個包皮好薄，食多幾件都唔會膩。鴨方面個皮燒得好香，一層肉帶一點肥。北海道元貝 $884隻蒜蓉粉絲蒸，帶子跟鐵匙羹差唔多大，帶子蒸嘅火候啱啱好，剛剛熟，又唔會靭。個豉油煮得唔錯，好香，味道適中，唔會過咸或太甜。可能因為爆蒜蓉，所以略嫌油分多咗一啲。

📍百好名宴係社交平台見到片皮鴨關注組谷友介紹💁🏻‍♀️$78片皮鴨🤤諗住嚟試吓佢有冇伏，點知比我想像中好，係份量細咗啲😮‍💨我哋分別叫咗三樣嘢，呢個亦都係我平時食片皮鴨嘅餐單👉🏻第一樣當然係片皮鴨$78，第二樣嘢就係小籠包$38，第三係瑤柱蛋白炒飯$108🌙片皮鴨份量好細，得16片，我諗可能係BB鴨，連餅皮都係16塊，冇多冇少🤕餅皮仲要係對半開🤦🏻‍♀️好似好慳家🥺不過片得幾好，一啲都唔油膩，但要叫兩份先夠喉🤦🏻‍♀️🤦🏻‍♀️🌙小籠包，D皮好易穿🥲，皮唔算好簿，但內裏肉汁惹味，不過不失。🌙瑤柱蛋白炒飯，食到大量瑤柱絲，非常Yummy，米飯炒至淡黃色，粒粒分明，調味料不會過咸，大人細路仔都岩食💁🏻‍♀️評分時間❣️ (最多五顆星，如不推薦會打交叉）食物質素⭐️⭐️⭐️環境⭐️服務質素⭐️⭐️⭐️價錢💸:$埋單$286

好好味，已經嚟過依間百好酒家無數次，已經係長期老客戶，最正係個片皮鴨，次次一坐低都一定要叫，佢一啲都唔油膩，又好好食，而家諗起都流口水，個羊肉煲都好鬼正，賴尿蝦一個字d肉又爽又甜，好新鮮，哈哈哈哈哈哈

V仔久仰抵食片皮鴨，78蚊一隻，還有什麼地方可以挑剔呢。片皮鴨78蚊加10拎埋個鴨走：整體還可以，因為價錢嚟講，十分抵。皮有啲油，太多肥膏，有啲騷味。要趁熱食先可以。另外還點左個二人套餐，柚子蝦球加蒸海斑一條，反而呢個有啲驚喜，價錢係147，好抵，料又新鮮，蝦球脆脆地。加埋柚子醬，十分配搭。條蒸魚就嫩滑，雖然只有一斤左右，細細條，酒樓蒸魚一定無得輸。個人覺得，百好其他嘅套餐比片皮鴨來得好食同正。不過，78蚊只片皮鴨係正嘅。