百份百餐廳 (V Walk)

營業中

休息中

We were intending to dine at the Chicken Factory and mistakenly walked into Cafe 100% and sat down. After sitting down during the lunch time rush and reading the menu we realized our mistake 😂 As we had already scanned in using the Leave Home Safe App, we decided to stay try it out. We ordered the Curry Beef Brisket $68 and Chicken Steak Scallion with Rice $58. The Curry Beef Brisket was beyond our expectations, the beef was tender, the curry sauce was spicy and aromatic and had a great dept

中午咁啱經過諗住入去試吓，叫咗個星洲炒米。都已經係自己手機落單，已經剔咗走蔥都係冇走到。算啦咪自己揀返出嚟，但係啲叉燒係酸嘅⋯⋯完全入唔到口。成碟野係咁狂落咖喱粉，除咗辣味乜都食唔到。我食到一半都冇就已經停晒手，連啲蝦肉都霉霉地。成碟嘢$67都唔知自己食咗乜⋯⋯隔籬枱仲正，個姨姨叫咗碟涼瓜排骨飯，出到去埋單個收銀話佢張單唔啱。個系統已經係你自己嘅都可以有bug，最後要搵返當初幫佢落單個姐姐確認返佢嗌咗啲乜嘢先埋到單。咁大個集團真係不知所謂。PS 所有樓面都係一貫嘅冇禮貌，收銀唔會講多謝都慣，啲呀姐行路唔帶眼，條辮周圍fing, 撞到人先知衰。完全唔明點解日日都咁多人幫襯。👎🏻👎🏻

平時都有幫襯百份百同意樂，但未試過一間咁差。v walk 呢間幫襯過兩次，第一次去啲服務超差，七點幾去到已經有一半既野冇供應，樓面完全唔知厨房有咩剩，叫咩都照落單，改左兩次單，最後問佢其實有咩可以叫，又唔知，落完冇先走黎叫你改，淨係落單都搞左半個鐘，最後咩都冇食就走，完全頂啲侍應唔順。第二次幫襯叫外賣，叫個松露雞扒焗飯。返到去打開個樣仲係正常既，點知一吉起塊雞扒就見到有茄汁，我以為佢出錯左個雞豬扒兩拼焗飯（因為平時都有叫開），平時第二間兩拼既係左邊白汁，右邊茄汁分開，味道可以，佢今次個底係茄汁，上面淋返白汁上去，就撈埋晒一堆，淨係食到茄汁味，但我叫既係松露汁。跟住搵黎搵去都冇豬扒，淨係得雞扒，即係我冇叫錯？食下食下俾我搵到舊豬扒骨，即係點？即係開頭整錯左茄汁豬扒，發現左就就咁拎走塊豬扒，就咁喺個茄汁上面淋返個白汁上去放返塊豬扒？好似過份左啲喎。去過咁多間，呢間真係最差。幫襯左兩次真係俾晒機會，呢間真係冇服務，厨房又唔掂，以後都唔會再去呢間。唔該如果有管理層睇到，好好檢視下呢間分店發生緊咩事。

百分百餐廳嘅連鎖店都好多，今日貪方便去左v walk分店,分店比較新，人流極多，好在流動性大，等一陣就有位Lunch time食左蔥香雞扒飯， $56連餐飲，雞扒好大塊，亦都好香口，上面嘅蔥油比例剛剛好，成塊雞扒都唔會太油太膩，份量亦都好大，男士都夠食另外必叫嘅係百分百嘅凍檸茶，佢唔似一般茶餐廳咁用茶底加幾片檸檬，而係打碎左檸檬肉加落去個茶膽，味道非常濃郁，值得推介另外，店員服務非常非常好，會主動跟進追單，值得一讚

晚市8點入座點餐，超過一半嘅菜式已經售罄，但明明唔係假期也冇滿座。勉強揀咗三個菜式，味道一般般，最誇張係杯嘢飲！叫咗杯熱檸水但睇落似薏米水，😵仲要冇檸檬喺入邊！餐廳員工回應話：「我哋用檸檬汁㗎嘛，所以冇檸檬喺入邊㗎！」從來未試過喺茶餐廳叫檸水係冇檸檬嘅囉🙄，落左糖杯嘢依然又酸又澀，完全飲唔落口。9點左右，我哋仲未食完嘢，餐廳員工已經係隔離枱掃緊地趕客。總結一句，唔會再幫襯啦👋🏻👋🏻👋🏻！

勁香蔥油雞扒飯.濃厚黑糖幼滑鮮奶.百份百cafe 100% delexu.豐富好味.最好是可多加煎蛋.服務日益進步.首先是可以坐下掃一掃qr code 立刻落單,還可以選擇個人化口味,很快就有得食.今次碰巧經下單店員介紹下原來勁香蔥油雞扒飯可加蛋咁happy香熱煎雞扒很有鑊氣.潻上香蔥豉油汁,正.半熟蛋剛剛好咬開蛋汁流瀉,融入豉油香撈埋飯一齊食,好味到幾乎吃哂成碟,如豉油可以淋在雞扒面上或多些就perfect,因為豉油很快就比飯吸哂,勁多蔥花.正.必吃！濃厚黑糖幼滑鮮奶雖然本來是港台式飲品但造型杯很有美式餐廳feel,有型有款,黑糖流瀉杯身中,撞入白色鮮奶,好看到殺死人.飲落濃香醇甜幼滑冰凍,真林實料重好味過街邊,普通外賣珍珠奶茶飲品,僅在某黑糖專買店之下.相信如可加入雪糕重更加好味.

今早搭去V Walk 食早餐，周圍走見到這間 “百份百”門口，見地方都幾乾淨入咗去試吓⋯⋯menu上選擇幾多，第一次食pick左個大路D嘅 “雞扒煎蛋公仔面🍜配杯熱咖啡☕️”咖啡☕️ —— 好淡無乜味 ，唯一可以让我讚一句就是夠热👎🏻👎🏻👎🏻👎🏻👎🏻雞扒面🍜—— 拍照后想弄手开餐，点知見到有條不知道是什么嘅野在碗里，已经没胃口及覺向疫情下也不注意衛生而不推薦大家👎🏻👎🏻👎🏻👎🏻👎🏻

行商場行到下午茶時間，見到百分百餐廳即刻入去先，呢間店比較新比較舒服我哋點咗一份下午茶炸雞脾配薯條，仲配熱檸茶，而另外一份就叫午餐當然食最喜歡嘅咖喱牛腩飯配凍咖啡，咖喱汁真係冇得輸試過幾間分店，水準果然keep到，下午茶雞脾都可以，夠曬港式👍🏻雖然係下午茶店員服務好細心值得一讚👍🏻

一向都係百分百fans,但食開九龍酒店個間，呢間冇服務質素之餘，食物質素亦都超級極差，想食乜都冇，連基本常餐公仔麵都冇，最後嗌左個流心蛋午餐肉飯，竟然比隻全熟蛋俾我，我唔知佢地係咪唔知流心蛋呢三個字點解

大約3:00黎食我哋安排坐最入邊，第一落單，要我哋出去搵服務員先可以落單，第二次想要豉油又要出去找服務員，啲人掛住傾偈，如果大家下次要食記得坐出邊。食個飯都要走來走去😥可能想幫大家幫助消化。食物方面，叫咗蒸肉餅飯要等20分鐘，食落冇味，好似冇醃過，白飯好鬼硬。見到碟野一條菜都冇，咪諗住問吓有冇得加碟油菜嗰啲，個服務員話咩我哋呢度唔係酒樓冇得加，態度惡劣，我都知呢度唔係酒樓，係包裝好啲嘅茶餐廳，第一次先知茶餐廳原來冇得加，冇得加都唔緊要5洗加埋啲咁串嘅態度既。

價錢合理，份量都夠，一定飽。早餐個蒜茸多士好正，豬扒夠淋亦都好夠味配左腸仔，可惜得一條因為好好食想。粟米夠甜牛油充足。晚餐雖然有啲貴，但食完飽爆雜扒超滿足，雞，豬，魚🐟夠味唔鞋，仲有意粉或炒飯跟，炸魚柳長到折埋蒜茸汁好正加15蚊仲可以有盅湯，無味精幾好飲雖然樓面唔夠人手，但好似無人會用QR code落單我試過入去落單，都幾覆雜，一般人都應該唔會去研究佢舉手叫人算所以要搵人落單都等好耐，不過佢地都有耐性同你落單。

9月24日跟朋友午餐完，經過百分百，chicken factory 在門口，傳出香味，好奇之不走去看看。1. 有好幾個特價時段，原價$68/隻烤雞，特價$48，點計都抵。2. 玻璃烤櫃內轉動的雞，樣子看來不錯，買回家當晚餐，但襯熱即時吃了點，皮脆，肉味道稍為淡一點，但有肉汁，亦算嫩滑。3. 朋友加配其他食物，但全都份量細小。4, 服務態度冷淡，不准預先付款再回頭取雞，而且想問多一句都覺得「你不懂嗎？」，有點奇怪。

完全唔掂，服務態度極差，沒有給我落餐掃碼紙，要找服務員等到10分鐘都沒有一個服務員來接應，她們去曬外圍位置，內圍沒有服務員💁‍♂️見到送餐員望她幫我叫一叫服務員，她告訴我這不是她的服務範圍，她沒有幫我，再等，還是沒有服務員💁等到我不願意再等下去，氣到我要走去太興餐廳食早餐🥣，可惜太興餐廳沒有番茄湯底🍜

星期六同老婆，仔仔，去食早餐，其實去邊度都多人又要排隊等位，之前喺其他分店食過都幾好味所以就入咗去，安排座位已經見到好混亂,冇理由一間集團式經營嘅舖頭,管理得咁差,都唔緊要總算坐低咗。咁我就帶咗個沙嗲牛肉麵，一杯凍咖啡。沙嗲牛肉麵都幾好味，我覺得比一般茶餐廳仲好食所以一開波就食晒。佢杯咖啡都算香滑，如果計食物質素佢呢間野都幾好，但係員工嘅服務就真係好差，因為我未食完就夾住左$500喺張單度，佢問都唔問就拎左張單走比另一張單我去埋單，我話我有$500喺度佢先話唔好意思。咁都算我當佢睇唔到，我哋都唔係坐咗好耐大約半個鐘，跟住個阿姐就走埋嚟係咁收咗我哋啲嘢，我個仔個多土都未食完，佢已經收走咗，我老婆話佢都未食完做咩收走，佢淨係話唔好意思，我老婆即刻發脾氣想叫佢經理過嚟，佢先話補返半塊多士俾我地。呢啲咁嘅餐廳，食物係幾好但係都要跟進下員工嘅態度同埋服務心態，真係好差，一啲都唔似集團式經營。完全冇管理。

平靚正平民餐飲,服務有上有落,因人而異,視乎個別員工態度心情,整體中規中矩.中價餐飲姣姣者！這個集團有很多類似的店：100%百分百,韓韓樂, 意樂.....今次是綜合討論:以v walk 店的100%cafe食物最有水準.去過多間暫時荃灣店韓韓樂大落後！不論食物,員工態度到自助機器至點餐都輸其他分店一條街！客人多只是因為荃灣多人,不是好食,旺角韓韓樂就比較有禮貌！有友善招股在門口,講回：百分百（V walk)店生炸原大隻雞肶配薯條,賣相討好,熱辣辣香,外脆內軟,原大隻無欺場,連薯條也是熱辣辣香,外脆內軟,久違了的薯味？！但韓韓樂就雞細薯條少又乾又燶！韓韓樂（海之戀）之店真要急起直追！大角咀店平均,只是座位最逼.可能只是個別分店之差異概托以論快餐店價錢,餐廳水準以後我還為什麼去快餐店？