百份百餐廳 (港灣豪庭)

營業中

休息中

一行三人（堂食）.行完街，同屋企人想喺附近坐得舒服啲、食啲野。就嚟咗百分百餐廳，之前都食過幾次了。☕️我點左個酸辣米線，味道就冇專做米線嘅舖頭好味，個湯底比較多辣油，同埋辣咗一點點，所以我覺得一般～屋企人都係點左個酸辣米線，盡量唔好飲個湯，因為都唔係好啱老人家，食得太油😆另外點左一份三文治Share😋，佢賣相都唔錯，整得幾靚，味道都OK🌈最緊要地方環境坐得幾舒服，因為我哋下午茶時段，人比較少。所以我哋來休息一下食啲嘢就啱哂❤️

唔知大家有冇食過一間餐廳係重口味呢？我食到飲咗八杯水，即刻健康晒，一日八杯水呀嘛。話晒都老字號咪入去幫親下囉。有圖有真相雖然張相睇唔到真相，甘你可以去買個湯飲下，你就會明晒。 我就食咗個早餐，諗住番茄湯底實無野啦，出事啦！第一啖就知味精湯，俾少少心機煮都廢事，直頭落味精就算，一間甘既野煮到開連鎖店，當全港人都無味覺既咩？杯野飲係好大杯呀，但飲完都要飲返8杯水甘先叫健康，不過，呢個世界仲有好多選擇既。

沖水要自己，買包要自己，堂食時，自己一個人好唔方便，同bb到餐廳食，經常要個客離開位，bb坐在整緊野，野食都未叫，過來收牌，同佢講我都未叫，個樣仲要好唔滿意咁，唔知以為去左大快活！

堂食，沖水要自己，買麵包都要自己，自己一個人好唔方便，同bb到餐廳食，經常要個客離開位，bb坐在整緊野，野食都未叫，過來收牌，當時我拎過出來放係枱，同佢講我都未叫，個樣仲要好唔滿意咁，成日要人受佢氣，已經唔止一次，唔知以為去左快餐店！

叫了一個海南雞飯，半小時還未到，好聲好氣問店員，然後極度冇禮貌咁叫我等一陣。海南雞飯啲飯又難食，食完個海南雞飯，杯凍檸茶小冰都未到，服務極差，屎一般的食物，奉勸各位不要幫襯

連鎖店百分百開到黎大角咀，呢間餐廳一貫作風都係有玩味嘅裝修，空間感大，企企理理。今次過黎食早餐，我哋分別叫咗個黑松露炒蛋套餐，同炸魚柳早餐。幾十蚊份早餐來講，個質素都算中規中矩。炸魚柳都算幾靚仔，一整塊夠大塊亦都炸得好乾身脆口。比較覺得有誠意嘅係塊蒜蓉厚多士，好香好軟熟，絕對唔會好似其他茶餐廳咁樣乾爭爭。至於炒滑蛋亦都係有水準，有濃香蛋味之餘亦都係做到好滑。最後，熱奶茶亦都係推薦嘅！睇相都會睇到佢哋嘅質素係做到嘅😁🤭