白貓烏冬

上網都見有好多人推介喺中海日升中心 呢個舖位都轉咗好多手主打烏冬 有湯有撈 另外都有飯可以叫蕃茄濃湯烏冬配豬梅肉 ($75)勁大個烏冬 個蕃茄湯同平時出邊嗰啲有啲唔同有點羅宋湯嘅感覺 唔係得蕃茄味豬梅肉燒過都幾好食 肥瘦均勻烏冬口感煙靭 平時就係鍾意食呢隻好彩佢唔係煮得好腍😋炙燒慢煮鴨胸 配鴨濃湯烏冬 ($78)相對鴨胸有點肥 另外配個鴨油個鴨濃湯真係有啲太濃 食完好滯😮‍💨蜆肉香蒜牛油撈烏冬 ($68)呢個真係重蒜 又有牛油都幾邪海量嘅蜆肉 即係一個好香蒜嘅撈烏冬都係超大碗 不過相對食落就冇咁漏呢個都幾好食👍🏻鍾意食烏冬嘅話可以一試～…查看更多

之前嚟過兩次都係爆晒場結果變咗要買外賣今日特登一早嚟等佢開門我上次見佢寫11:30開門今日11:25分就嚟到點知11.35分都仲未開入邊有店員就問吓佢哋幾點開店員話要11.45先開門唔緊要啦，等多陣一入到去即刻叫餐因為我知佢地有期間限定嘅凍烏冬今日叫咗 明太子忌廉凍烏冬👍🏻同埋叫咗凍嘅牛蒡茶碗烏冬一送到嚟就覺得十分吸引響未攪勻之前 先試一試啲明太子小小辣幾好味 至於凍忌廉就十分之滑仲有木魚碎響上面咁我加埋啲蔥落去攪攪攪攪攪攪即刻試埋啲烏冬原來好煙靭好滑㗎真係要讚好吓佢至於凍嘅牛蒡茶真係幾夠凍冇甜味㗎，可以好健康份量都好足夠 一個人食到飽飽地離開今日我係第一個顧客 但係半個鐘頭後食飽就已經成間舖頭都坐滿晒好彩今日早嚟等佢開門如果唔係 12點幾嚟到嘅話就要等位啦…查看更多

今日同事建議去試啲間新店，見到全面好評都有好大期望。我哋一行幾人叫咗豆乳雞，豬梅肉，鹽酥雞，油封鴨 烏冬。 首先全部人都覺得烏冬好靭同埋硬，豆乳湯唔夠味，蕃茄湯味道偏鹹。豬梅肉有啲燶。總結唔太合口味，唔會再試。…查看更多

白貓烏冬嘅餐廳環境不太理想，瀰漫着二手煙嘅臭味。今次試咗蠔肉濃湯烏冬，除咗濃之外，我都諗唔到有乜嘢更加特別嘅感想。 沾烏冬嘅湯，起初第一口冇乜蠔肉嘅鮮味，反而有啲腥嘅感覺，用佢比嘅湯汁開稀咗幾次之後，就會食到有蠔味。烏冬，雖然係比較凍，但係咬口上就唔錯，煙煙韌韌咁。跟餐有兩個焗蠔蓋擺落口，只係會食到芝士味，完全冇蠔味，個面唔知鋪咗芝士粉定係炸蒜。 另外仲叫咗一罐有氣乳酸飲品，正正常常。 總體嚟講，呢個價錢算係偏貴，食物係中規中矩。…查看更多

今次觀塘覓食 試下喱間烏冬店揀咗：法式油封鴨髀飯 喱個油封鴨髀一掂就散開 肉質稔身 肉汁亦好夠 豐富油脂但唔 係肥膩 外皮焦脆 幾香口 肉亦腌得好夠味 唔駛額外點豉油都夠味 喱個價錢食鴨髀 係超值 飯係珍珠米 唔會一舊舊 仲要原隻溏心蛋 整得好靚 都俾咗幾多嘅炒菇做點綴 份量又大 性價比唔錯 蕃茄濃湯烏冬配燴牛尾 喱間店主打烏冬 當然都要試一試 蕃茄味都幾濃厚 我鍾意佢將啲餸同烏冬分離 烏冬係彈牙又不失滑溜 麵質軟硬拿捏得宜 真係唔錯 而個牛尾都炆得好稔身同入味 膠質滿滿 洋蔥香口 的確唔錯72%朱古力奶 餐加25蚊喱支朱古力奶同維他朱奶一樣味 完全覺得係佢倒落個樽雪咁 應該都有750ml 嘅量 我個人都鍾意飲維他朱奶 所以覺得好味嘅 店員話送杯茶我哋飲 送完就無 所以我哋有一杯可以品嚐 我又覺得正常餐廳都唔吝嗇俾茶水 如果佢係為我哋提供而唔係限量會好好多整體而言 喱間啲食物質素係對得住個價錢 份量亦足夠 位置尚算寛敞 唔會迫住哂嘅感覺 差在無茶水供應 而且上菜速度亦較慢 佢食夠一百蚊仲可以擲三粒骰 大於十七點下次有九折 都幾有趣同有新意 …查看更多