白木屋 (已結業)

after examination, go to megabox with boyfriend for dinner....but really disappointing....we have the whole fresh fish....the 鱼生is really thin and little><the soup has a lot of MSG....Salmon salad with nearly 'invisible salmon'--> unvaluablethe worst one is the curry cheese hot pot......it used a lot of time to boilone fried shrimp, a few lumps of bread....uncomparable with Spagetti House....if we dun have the coupon, we will never go there.....totally not worth to eat there>

今日打風唔出街，就打下食評同大家分享下啦~0係mega box附近做野0既朋友約食lunch，佢想去白木屋，入到去冇乜人，佢話megabox人流係咁上下，我真係希望只係呢個原因…我同朋友都叫左叉燒拉麵+巨蜂酸乳特飲，兩杯特飲好快黎到，但拉麵就遲遲未上檯，都有廿幾分鐘，我諗如果以當時0既人客數目(應該唔夠10個人，3檯)都咁樣，多人0既時候點算呢?我唯有催單，然後我開始有d懷疑係咪waiter們掛住企埋一角吹水唔做野，因為我一催兩碗拉麵就即到，兩碗野仲一d熱氣都冇，而呢度0既冷氣都幾凍，加埋飲左杯凍野，我食住碗拉麵都唔覺得暖左，d叉燒切得好薄，竟然有d似煲湯煲左好耐0既瘦肉味，拉麵又浸到淋哂，杯特飲已經等d冰融下先飲都係太甜，成個餐一d都唔值五十幾蚊，我同朋友話去大家樂食個一哥豬扒飯好過，佢都話而家先知點解d同事都唔肯去呢間食.....OMG唔知創紀之城0個間會唔會又係咁?

今天和朋友去了食午餐,這裡午餐有很多的選擇, 還有細份量的午餐, 可讓女仔選擇, 都不錯的, 我們點了一個咖哩朱扒飯$56, 一個鐵板牛肉餐$58, 還食了二個小食, 都好好味, 原來這間白木屋所有午餐, 白飯任添,有會員証有九拆, 都ok, 還送了一張八拆卷, 星期六日食也有八折,而晚上食飯也有八折, 都ok 喎!這間環境又舒服,坐位又闊!約朋友食飯不錯的選擇, 不個地點還有一點不方便, 但我們在附近返工又沒所謂呢!mega box 這裡也算不錯的選擇!

30-3-2008 dinnerMegabox去了一次之後, 也沒有多大興趣再去. 因為要由九龍灣再轉接駁巴士, 等車又人多, 等候的地方又焗空氣又不流通. 但朋友生日約了在MegaBox, 便再去了.我們到達時找到一張單張, 列有商場內所有食店的. 我們選了日本菜, 但日本菜的選擇不多, 只有3間. 結果便去了這間.我們叫了: 親子三文魚子炒飯, 照燒雞簿餅, 七式魚生拼盤, 三文魚沙律, 三文魚頭, 芝士年糕, 三文魚刺生. 4大1小, 共$420.七式魚生拼盤中的吞拿魚, 肉質比較“梅”, 魷魚很“un”. 三文魚沙律中的三文魚, 比魚生中的三文魚差頗多. 芝士年糕, 我差d唔記得食過, 每人食了一粒(一pat)之後就無人再想食, 最好吃的要算是三文魚頭了.地方頗大, 有很多位, 坐得也舒適. 但我相信, 星期日的入座率如此, 平日的生意一定更少. 服務員態度ok, 也會提醒我們有什麼優惠, 也跟我們說笑.原本想吃甜品的, 但其中一位朋友不可以吃凍野, 甜品選擇不多, 而且全是凍的, 所以便放棄了, 轉戰同場樓上的發記甜品. (証明其實不是十分飽, 仲有水位食甜品)壽司方面平均一

因為有張八折coupon, 所以同女友黎食, 其實之前食過apm個間, 但真係一般, 唔係今次有coupon都未必會黎一去到, 可能平日既關係, 真係水靜河飛, 好大既餐廳只得約十檯客, 但亦唔見侍應好勤力, 有時都會自己係度吹水......叫左個七色刺生, 有三文魚, 甜蝦, 赤貝等等, 但赤貝得半份就好怪囉, 斷估冇人會一個人叫個七色刺生掛? 總體都算ok, D魚都幾鮮另外叫左牛筋煮, 蜆肉飯(exactly個名唔記得)同咩咩傳統薄餅. 牛筋煮真係唔知想點, 好似去茶餐廳食淨牛筋一樣, 咁我駛乜黎呢度食!? 個薄餅都唔好得好多, 勁多菜係入面, 一入口就成餅菜, 個味怪怪咁......唯一可取既係個蜆肉飯, 可能我個人鍾意食海鮮, 碗飯一黎個賣相就一般, 黃黃地啡啡地咁, 但蜆味就好香, 食落口真係唔錯, 蜆肉都好足料, 值回票價.八折左埋單二百三十幾, 冇coupon真係冇可能會黎

係megabox食咗好多次,今日終於輪到呢間日本餐廳自己叫了一個秘制牛肉飯,跟麵豉湯同巨峰乳酸特飲,另外又叫多咗個帆立貝至串朋友叫了一個咖哩雞飯,都係跟麵豉湯同巨峰乳酸特飲食物質素大至上沒有什麼大驚喜,同其他同類餐廳沒有特出之處,但又沒有什麼缺點服務衛生環境都唔錯,食物上的幾快應該都會再來

本小姐我呢就覺得Lunch既照燒Hamburg好好食!而Dinner既石燒豆乳意粉同三文魚子炒飯好食!D串燒都有鹽燒同汁燒tim~真係任君選擇啦!!!

樣樣野個樣都好靚..但好難食個刺身完全唔新鮮..年糕好難食..好硬蛋包飯唔係蛋包飯係放隻蛋係飯上面埋單大約$350又難食又唔係低...永遠唔會再去!!!!!

今日我同Ka Ho兩個二人世界去做冬，其實都冇特別諗去邊度食，只不過今日要去B&Q，又想食日本，咁喱間白木屋又唔駛等位，所以咪試！都算唔錯！1) 白木屋風味彩卷($46) (三文魚、吞拿魚、魚子、蛋、青瓜) 一般喇！冇咩驚喜，料都好足，外層的芝麻，好香！ 2) 古法炮泡製鰻魚蛋卷($48)熱辣辣！好味！最主要係鰻魚汁！ 3) 北海松葉蟹蕃薯凱撒沙律($48)嘩！喱個好驚喜！蕃薯好甜，松葉蟹加芝士粉，好香！ 4) 七式刺身拼盤($138)(三文魚、吞拿魚、帶子、赤貝、魷魚、魚子、甜蝦、油甘魚)都好新鮮，款色算多。 喱度環境唔錯，地方大，侍應經常主動加茶，上菜快，食物尚算新鮮，唔錯！

琴日同同事去左百木屋食lunch，發覺都幾多人食，但就唔使等好耐位，我自己叫左個石頭飯料理（有麵鼓湯、石頭、巨峰提子特飲），唔知點解無叫日式料理，幾好食，都有ｄ飯焦係底，少少辣，初頭見得一碗仔，諗住可能唔夠飽，要再叫野食，但係食埋個麵鼓湯就好飽喇，五十零蚊，都算係咁，因為出去茶餐廳實好迫，坐得唔舒服，我另外兩位同事就叫左魚生飯定食同埋少豬粉絲，佢地都話唔錯，所以以後就多一個食飯選擇。

1. 日式Q版芝士年糕日式Q版芝士年糕，先將雞蛋撈勻芝士及日本年糕，年糕口感軟滑煙韌，菠菜吸收了芝士及秘製白汁，鹹味中帶有煙肉味。2.白木屋獨創針魚特色前菜白木屋獨創針魚特色前菜，用針魚包著時令蔬菜，配合廚師特製的醬汁，味道有點辣，但絕不影響針魚的鮮味。3.櫻花紅豆糕創新設計的櫻花紅豆糕，上層是較薄的道明寺，下層是較厚的豆沙，還加入了寒天，櫻花葉有點鹹，紅豆糕則甜度適中。

上星期四一家四口吃晚飯。XX銀行信用卡5折。可惜食物不濟。Tampura粉太厚，魚生只是普通，寿司的飯会散！串燒：唉！冇眼睇。豆腐是不錯。深川飯不錯。服務不錯。他們自稱曰本第一居酒屋，？？？

星期四九點半先去到, 即有位. 因為信用卡半價優惠, 所以雖然環境一般, 都入去試下.四人台坐得落四個大男人. 張台算大, 不過佢d野食好多好阻掟既配件, 如果一次上哂d菜會唔夠位擺.有一個waitress撞聾兼發夢. 其他笑容可掬. 不過全部都係唔會留意周圍d客. 全晚只得一次侍應會主動過黎問要唔要加茶; 我隔離台要成日頻頻嗌人沖水, 但係個侍應沖完就走左去, 望都唔望下附近其他客要唔要沖埋. 落抲打要叫no., 佢地係唔會自己背下.正常速度, 等10分鐘到就有得食. 不過可能因為當時已經無咩客.蜜糖汁三文魚野菜沙律: 都有6塊三文魚架. 仲有半個lemon加搾汁器俾你自己落. 蜜糖汁? 完全無蜜糖味. 不過都ok 入都口既.三文魚刺身: 好肥美. 不過唔大件, 得5塊. $48唔扺.香蒜牛油帶子: 無和民咁乾. 好細粒, 所以有成8/9粒. 不過最大問題係無香蒜牛油味, 洋蔥粒就成盤都係(不過, 都係無味!)牛肉鍋: 好甜, 好多牛肉. 其他配菜係2 舊豆腐+數條菇+兩係大蔥+青蔥+紅蘿蔔. 要食快d, 因為好快煲乾水(我已經係一滾起就較細火). 味道ok好食…白汁南瓜焗皇帝蟹

因為半價～所以去食～要拎籌的．．但可笑是派幾張就停～見到好多人圍攻門口位小姐．．聽到佢解釋話試過派太多籌．．令有客人不能在ｌａｓｔ　ｏｒｄｅｒ前入座．．唔怪得啦．．等左一陣～終於有籌．．突然ｍｅｇａ　ｂｏｘ員工打尖！俾另一位小姐叫左入去．．呆哂．．之後有人係咁罵門口位小姐．．終於見果位小姐忍唔著同客人嘈左幾句～我同ｂｆ都登個小姐唔抵．．事關唔係佢安排人地打尖～因為公司唔協調～就俾人向佢圍攻．．但佢地實在幫唔落．．因為要人等太耐啦～終於入到去食．．有卡位～個小姐仲話唔好意思要我地等咁耐～算啦～總算有得食．．之後叫野食啦～叫人落單都有排等！上菜又慢．．但半價．．味道ｏｋ～正價就唔得！

lunch set好多選擇,\'照燒漢堡\'<--------好食!\'姜汁朱肉\'<--------麻麻\'秘製牛肉\'<--------都ok, 要趁熱食,不過..........我響門口拎左本雜誌埋位睇, 諗住睇完先拎返出去,我放左響旁邊, 點知就黎食完之際, 門口個waitress姐姐問都冇問冇問就拎走左,好冇禮貌, 好討厭!扣哂分!