白木屋居樂屋 (已結業)

無記錯呢個星期第三次行過呢度，因為係戲院附近，第一次因為睇戲唔得閒試，第二次一點幾黎到排晒隊，當時已經好肚餓所以都無試，今次中午十二點三左右黎到出奇地無乜人，計埋我得四個人，咁就唔諗咁多試下，先黎叫一個日式漢堡扒定食，見倒跟飯同麵豉湯仲有飲品好似唔夠，所以叫多個日式餃子，我諗呢度唔會用某國出品急凍餃子應該無事吧，十五蚊三隻呢d地方黎講算ok，不過味道無乜特別，d醬油又無乜味，然後個定食就到，首先個白飯唔錯，麵豉湯係比較濃味但我喜歡，件漢堡扒整體黎講係相當好味的，只係肉質有d唔平衡，有d位好正有d位麻麻地，埋單連加一六十六蚊，都係滿意的。走既時候大約十二點九，本來水靜河飛，d客呢個時候就蜂擁而至，呢度既座位唔小，但好快已經坐滿仲有人要排隊，下次黎知道乜野時間最好了呢度全程播放緊B'z既大碟「ACTION」，雖然呢度質素無B'z咁神，但已經相當不錯曲目01. 純情Action02. 黑青春03. Super Love Song04. 滿月照05. 06. 一心不亂07. Friction -Lap 2-08. One On One09. 僕君10. 幸

又同銀行界才女嚮APM食飯。今次佢帶我黎白本屋。坦白講，呢度環境麻麻，開放式設計，令坐出面O既食客會俾其他人眼望望。No good.講返餐飯，咦，又唔錯喎。1. 蟹肉湯飯- 好好味，稀飯加蟹肉碎，味道好清。Good。2. 蛋卷- ok，同一般壽司店o個d差唔多。3. 日式海鮮薄餅- 薄批，料都算多，細細個幾好味。4. 三文魚火鍋- 足料，多菜多配料，三文魚塊好肥美有想一啖吞哂落肚o既衝動。呢間料理店坐得唔算太舒服，但嚮APM黎講都係唔錯O既選擇。

一直也有留意此餐廳，但由於其所處之商場有很多食肆，故未有機會嚐試。本人以往曾於其集團於旺角所開分店-「笑笑」吃午餐，味道及服務很有質素，所以特意前往。這次吃了晚餐，與朋友點了牛油帶子、炸豆腐、肉餅火鍋、雞肉薄餅、蛋包飯及不含酒精特式飲品兩杯。1) 帶子很新鮮，加上牛油和洋葸之配搭，真的很美味。2) 豆腐味道很清，脆而不膩。3) 肉餅火鍋用料豐富，湯味香濃。4) 薄餅也香口，但餅邊烘焦了，整體質素一般。5) 至於蛋包飯，本人很喜歡蛋的其中一些部份不是熟透。熟蛋與蛋液混在一起，再配合飯香，很有特色。6) 特式飲品也給了我們一些驚喜，甜味剛好。侍應們的服務也很好。上菜既快，又適時收碟加水，令我們享受到一頓滿意的晚餐。

朋友生日嚟咗呢度食，成班人叫咗很多嘢食。每樣食物的賣相好好，但味道真是很普通。普通的有：燒帶子、炸生蠔、炸雞塊、壽司、豆腐天婦羅、蟹粥、薄餅、鐵板薄餅、鍋飯、鰻魚卷蛋較為好的有：意粉、牛肉鍋、雜錦天婦羅、啤酒 普通的一餐，真的有待改善。

apm有好多餐廳，但因為我有coupon既關係，所以同友人黎左位於戲院果層既白木屋啦。我地點左4樣野:1.燒魷魚:凍冰冰，無燒魷魚既味道，完全唔掂2.雜菜蛋奄列:原來只係起雜菜上放一塊蛋，並唔係我地預期既用蛋包住d雜菜3.:豆乳意粉:幾好，意粉配上豆乳既感覺好滑4.:豆腐天婦羅:豆腐唔似豆腐，好似一團粉咁食物質素真係要好好改善，而且食物上得太快，一次過就黎哂，令食物好快未食就凍左。不過呢間白木屋勝在唔駛等位，同埋服務都唔錯。普普通通既一餐，只可以話呢個價錢可以有更好既選擇。

這店部份座席是開放式，所以一眼就可看到門庭冷冷清清的場面，跟附近經常有人龍的和民成兩極對比。這店質素高低，相信大家心中有數。是晚點選菜色只有一客關東著(數十元)、一個推介的海鮮火鍋($128)、額外點了一客烏東加入火鍋中(數十元)及一杯飲品。總計$250左右。其實每人百多元的預算在日本也吃不到優質晚膳。想吃外表似樣，環境和服務OK的平民化日本菜而又不想到和民排長龍，這店，一試無防。

又晏收工，約了工友食飯，地點佢揀左呢道，因為有VIP咭有折。呢間野我未食過，其實講真唔太鍾意apm，成個商場轉來轉去，間野在apm的戲院0個層，由於我遲到關係一來到工友已經叫定個$288既小樽刺身，五式刺身有海膽、飽魚、拖羅、三文魚仲有唔知咩蚌，海膽甜得不得了，第一次食海膽有呢個感覺，好新鮮﹔拖羅入口即溶，正﹗其他幾樣都好食好爽，不過其實自己個人認為普通魷魚刺身個味覺口感好似好過鮑魚、三文魚亦不比拖羅差。食完好似一陣風無野落過肚咁，正自後悔做咩叫個貴野之濟兩個求飽之友即再點了雜菇蠔火窩、蒜蓉牛油帶子，再點多個$138既刺身﹗雜菇窩無咩特別，蠔亦不覺有什麼驚喜，反而欣賞個面麵屎湯底好夠味﹔帶子野味，有咬口好香﹔反之$138既七式刺身又平又多，三文吞拿蟹子魷魚帶子甜蝦咩都有，呢個真係抵食﹗後加多個韓式薄餅及烏冬，薄餅蔥香食落熱辣辣好脆口，烏冬超彈牙應是超市十幾蚊一包的貨色，好味道﹗VIP臨尾有Cheese Cake送，瑞士糖味感覺得意，不過太heavy唔敢食咁多﹗埋單$640，呢道係好味值得一去的，不過係叫錯左個小樽貴刺身，如果唔係一人百幾蚊就走得人，下次唔識食都係咪鬼叫0的好野，平民0的

同朋友慶祝生日,食左:香草Pizza - 薄薄地幾香口，不過個底有少少燶，味道都ok既...炸豆腐- 豆腐好滑，但浸住既一邊既炸皮淋左，唔係幾好食...蒜蓉焗帶子- 帶子細細隻，不過幾爽口，幾好食!三文魚刺身- 幾新鮮,唔錯!

其實本人亦分不清白木屋及居樂屋笑笑有甚麼分別，只知道為何分店愈來愈少？星期日晚去到，又係有好多吉檯，不過果晚成個APM都好少人就真。點咗幾樣嘢食，牛肉豆乳火鍋、香蔥吞拿魚腩飯，白木屋風味彩卷及甜品夢之化妝（有French Toast,雪糕及生果等），味道雖然不至於太差，但全部都沒有驚喜，質素好像退步了？而家終於明白點解愈嚟愈少人同愈嚟愈少分店嘞...。

光顧日期：2007年11月13日白木屋？很陌生的名字。談到《笑笑》，相信還有點印象吧！白木至就是跟《笑笑》同屬一個集團的。形式跟和民相約，但款式較和民少。（左上）香蒜牛油帶子$38：香，蒜香和牛油香，帶子屬細小型，稱不上爽口，口感一般。（右上）【佐賀県有田名物】吳豆腐天婦羅$36：不是豆腐，是豆乳，吃起來像炸鮮奶，但味道很淡，淡而無味，只有輕微的豆乳香，就算點上天婦羅拌汁也相當味淡。（左下）秋刀魚剌身$58：是秋天的美食，味鮮，魚味濃，肉質結實，如果不喜歡牠，會感到鯹，是令人喜惡分明的食物。（右下）三文魚籽炒飯$46：炒功不錯，粒粒飯，香口惹味。要是跟和民比較，無論食物水準、款式和服務素質，還是和民佔優。優惠期間用匯豐信用咭簽帳，可獲九折優惠。

前幾日同朋友係apm睇完戲行過見到有間野幾特別咪試下係咩啦,行過門口已經有不停有人講日文(好似講果句234呢),原來係食日本野,我地見間鋪幾靚咪入左去食,佢地安排左我地坐果d獨立房仔,好正呀,好有日本feel,諗住d餐一定好貴啦,我地order左個刺身拼盆,日本薄餅,sukiyaki,串燒,石頭飯同埋d小食啦,個刺身拼盆好靚,d魚生都好新鮮又夠凍,個薄餅好得意,入面係炒麵黎嫁,係hk未食過,sukiyaki細細個,但係d味道好香好夠味,d侍應仲提我地要點生雞蛋食仲正,串燒就ok啦,石頭飯好夠熱,出黎果陣仲"滴滴達達",食完都飽到唔想行,d侍應服務都好好,好有禮貌,又成日會笑,埋單都係3百幾,hsbc仲有10%,好抵食(起馬抵過果間和x民囉),我睇過佢menu話自己係日本有14xx間分店,有機會都想試下日本既白木屋,我估可能仲正呀,唔知香港幾時會再開多d呢

好味，貴一點。

乜HK白木屋會咁差架. 沒乜野XXXX佢.刺身燒物拉面沒樣得.刺身3文魚臭架.牛粒苦架.拉面硬架.(只有侍應幾好.真係幾好.因為我地真係用粗口小架.佢地都沒黑面嘿.)同金燒和青業開放題不皇多樣.比我發現這區第3間垃圾日本菜.比個門面呃左入去.睇到真係唔好去. 這區3大垃圾日本菜我給白木屋第2位. 第1位由此看來都係青業. 第3係金燒.

是日為了與好友祝壽又貪白木屋有房仔，咁就去食了個晚餐但最終貪字得個貧，失望收場話說星期6晚上點去到，咁岩有房仔好開心就入去啦，見到個menu都幾多選擇就叫左個牛油帶子，超細粒，同ｄ相差１０皮咁就開始對我之後叫既食物好冇信心食左芝士年糕，竹筒雞肉餅，石頭窩飯後完全唔知自己食過咩，小＆少，仍然十分餓友人不停大叫去和民食仲好之後決定叫一個鍋來飽飽肚，因為睇到鄰桌的客人食那個火鍋很多料似的有７個鍋選擇我地叫了最貴的牛肉火窩＄５８求神拜佛不要太細個點知上菜時那個窩小得可憐一度懷疑是上錯菜問問那個侍應鄰桌的人叫的是什麼為什麼差別咁大我立即叫她換個比我她只泠泠的說就離去我就叫經理出來問個清楚以為經理處理這些事會比其他侍應好怎料經理竟然說咩態度??????????咩經理????????如果你既底線係會換比我，點解仲要同我拗？好離譜，唔係你間野有問題咁係邊個有問題個menu d窩係唔會分到邊d大邊d細的個經理係不停話我地唔問清楚,我覺得無論侍應經理都應該有責任話比我地知客人有不滿唔係第一時間平息而係去不停拗拗拗，講講講完全０％優質服務，去和民冇咁嬲!

尋晚個妹請我同啊媽慶祝舊曆生日去APM睇戲, 因為呢間野係戲院隔離所以咪去呢度食, 叫左個炸花枝豆,唔夠熱凍既, 但味道O.K. 跟住炸辣薯條呢個夠熱但唔夠辣, 牛筋煲賣相唔係幾好, 但一隻蛋幾件牛筋麻麻地,什錦魚生飯, 呢個78蚊好細, 但味道都O.K. 泡菜豚肉鍋,呢個最好味, D泡菜撈埋魚生飯, 但飯唔夠食, 所以叫多個韓式石頭飯至夠飽, 如果唔係和民排哂隊, 會去和民食, 因為呢個價錢係和民食, 可以叫多幾樣野啦,唔駛叫兩個飯咁慘…..