白咖喱公司

營業中

休息中

利申係冇食開沙嗲王以前偶然食都只係食白咖哩豬扒依家原來開左支線係專食白咖哩，而且裝修都好唔錯，舒服乾淨仲有d 自閉位好岩獨食既I 型人，不過自閉位係門口當眼既位置😂幾鐘意佢個menu好多配搭夠flexible價錢都唔貴，最驚喜係有椰菜花飯！！（+$18)減肥期間去食白咖哩豬扒飯真係好邪惡但呢d 汁醬係主角既菜式又冇理由唔配飯依家有椰菜花飯就好岩，有野伴下汁又低卡低脂零碳，抵消下食白咖哩豬扒椰菜花飯如果就咁食會有點腥，要配汁食先ok另一個正常白飯係配豬扒、燒雞扒同burger steak味道都正常發揮另外加錢可以配小食烤餅比較油，唔算好酥而日式炸雞炸得都幾好，外脆內嫩，不過似台式多過日式有個bonus 位，汽水係罐裝架！

成日經過旺角見到一間白咖哩公司，呢間公司嘅名字前面有沙爹王三個字，究竟係唔係同沙爹王同一間機構呢，今日就走入去試下。我地叫左白咖喱香茅豬扒，可以揀要飯或椰菜花粒粒，我地就揀左椰菜花粒粒，因為健康啲，仲可以配埋春卷和可樂。另一個就叫蔥油燒雞扒煎荷包蛋飯，配烤餅兩件和可樂。白咖喱香茅豬扒嘅味道比沙爹王淡啲，雖然喺淡啲，但係味道都好好食，冇咁濃感覺健康啲，再加上唔喺食飯，喺食椰菜花菜底，有菜會健康啲。我鍾意食春卷，因為夠脆，味道好。烤餅反而唔及沙爹王。蔥油燒雞扒煎得夠香，再加上蔥油，都好好食。

買左3樣野但比漏1樣野。買左一個白咖哩吉列魚柳滑蛋飯，一個白咖哩3拼飯(香茅豬扒，雞扒，漢堡扒)，另加一個小食一口香茅豬扒，一共$193，外賣拎走。要求可否多汁，店員姐姐有禮貌回應盡量。等左一陣外賣拎得，由於外賣盒數量唔少，無一盒盒打開檢查，直接問店員姐姐系唔系齊，店員姐姐話“系”，然後就拎起外賣走人。返到屋企打開所有外賣盒...個一口香茅豬扒唔見影...😑屋企同間鋪有距離，所以就算啦。白咖哩吉列魚柳滑蛋飯個吉列魚柳外賣返屋企仲好脆，而且超大塊，成個外賣盒咁大，而且唔會薄到好似紙咁。滑蛋唔系真系好滑，不過還可以。白咖啡汁好味，配既蔬菜同飯正常。白咖哩3拼飯(香茅豬扒，雞扒，漢堡扒)有配一塊煎荷包蛋，個蛋黃半生熟。香茅豬扒最好食中，咬落唔會太實，輕易咬開，主要都系配白咖哩汁。雞扒中規中矩，正常唔柴，都系配白咖哩汁。(配白咖哩汁真系無敵)漢堡扒...em...呢個都系算啦以前成日食沙嗲王既白咖哩豬扒飯，一直都好鍾意白咖啡汁，配埋個香茅豬扒一絕。吉列魚可以encore，但3拼我寧可食返最普通既香咖哩豬扒飯。今餐飯以呢個價錢黎講食物質素無投訴既，但唔見左個小食，豬扒唔夠食😮‍💨。下次真系一盒盒

呢間嘢由裝修到開幕我一直好期待，開幕即刻有機會同我女朋友去試，睇菜牌無論相片款式及飲品都非常吸引豐富。但當食物一到嘅時候，現實及圖片打咗個折扣。試咗兩個招牌咖喱飯，最大嘅感覺係味道比較淡，不算得有什麼咖喱嘅香味，有點似日本嘅名稱但係大排檔嘅味道。雖然價錢不算太貴，所以要求也不能提供，而且亦都係黃金地段，但係我覺得出品略為欠缺誠意，而且飲品全部都係即棄餐具，大佬我$30一杯特飲你俾個膠杯我？唔係特別鍾意環保，但係賣相的確唔多好！

放工經過,主要俾呢度嘅椰菜花飯吸引咗.話說依家越嚟越少地方有椰菜花飯提供,唔知有冇人好似我咁鍾意食椰菜花飯.厚切豬扒椰菜花飯椰菜花飯本身有少少調味,食落清清淡淡.反而後切豬扒有驚喜,豬扒食落Juicy,而炸粉亦都做得薄身,食落好脆.可惜成餐飯食完之後好口乾,可能唔多唔少都有落味精.一個咁健康嘅椰菜花飯落味精…. 🤦‍♀️蟹粉豆腐鍋飯味道同咖喱王嘅蟹粉豆腐鍋飯一模一樣 😂

白咖哩公司提供了一系列獨特的白咖哩美食，讓食客們能夠品味到不同於傳統咖哩的風味。🥰❤️白咖哩厚切豬扒椰菜花粒粒豬肉扒配椰菜花粒粒，搭配上濃郁的白咖哩醬汁，味道豐富而濃郁。以椰菜花粒粒代替白飯，健康嘅好選擇。🧡濃香沙嗲湯慢煮牛肉米線濃香的沙嗲湯和慢煮牛肉搭配上細緻的米線，滋味滿足。💛龍蝦湯濃郁、滋味、香滑的湯品，每一口都充滿了龍蝦的鮮味，令人感覺溫暖。💚白咖哩海皇焗蟹蓋以蟹肉和海鮮再加上濃稠的白咖哩醬汁，經過焗烤後，味道更加濃郁而香甜。精緻的賣相和豐富的口感，令人驚喜。💙蒜蓉雞翼&炸雞外酥內嫩，口感香脆，每一口都散發著誘人的香氣和美味。💜越南春卷香脆的春卷皮包著滋味的餡料，口感豐富🖤番石榴烏龍茶&凍青檸柑梅蜜番石榴和烏龍茶為基礎，口感清新且帶有一絲酸甜的味道，消暑解渴的茶飲。結合了青檸和柑梅的酸甜風味，再加上冰涼的口感，同樣是解渴的佳品。

講起香港人嘅回憶餐廳相信一定會有沙嗲王以前沙嗲王嘅餐廳設感覺都係比較撲實最近佢地搞左一條感覺較年青嘅副線白咖喱公司 一見到白咖喱3個字就感覺好親切入面餐廳design以明亮又帶點木系木青風感覺帶點cafe感椒麻麻婆豆腐鐵窩配飯麻婆豆腐以鐵窩上上枱嘅時候仲熱辣辣keep住個溫度椒麻味好出好惹味 充滿花椒香氣入口麻得黎又唔會過火豆腐好香滑溜每一匙麻婆豆腐配一大啖白飯超滿足白咖喱香茅豬扒飯經典白加喱一定係必點白咖喱充滿一陣奶油濃厚質感入口帶點椰香及微甜豬扒嘅香茅香氣好入味豬扒肉質軟腍 咬入口好juicy 自家製醬油麻辣魚肉燒賣完全無諗過竟然有燒賣!燒賣質感好彈牙得黎又唔會好重麵粉感帶淡淡魚肉香配上麻香味濃郁嘅自家辣油超正白咖喱海皇焗蟹蓋以為白咖喱淨係配豬扒先好味？白咖喱其實都好百搭配上焗蟹蓋同樣惹味番石榴烏龍茶清香番石榴加入烏龍茶味道好fresh又唔太甜乳酸梳打酸酸甜甜嘅乳酸梳打配上濃味食品啱啱好中和油膩感

今天要介紹的餐廳位於旺角，是一家港式咖哩餐廳。餐廳係沙爹王既副線，比起沙爹王有更多新菜式例如飯可以轉椰菜花粒粒同多左烏冬選擇咁。另外餐廳裝飾亦有特色，例如一人專享座位又係收銀處旁買餐廳周邊等。蟹粉豆腐鍋飯呢個菜色用石鍋上希望keep住豆腐係熱辣辣，豆腐配埋鹹蛋黃既醬汁，送飯一流，面頭既蟹肉既份量都唔少。白咖哩厚切豬扒配椰菜花粒粒黎到呢到一定要食白咖哩，豬扒係日式炸法大大塊外脆內軟配上有椰香同唔辣既白咖哩，配健康椰菜花飯，感覺比食白飯更健康而且同食白飯一樣咁飽肚。芒果椰汁沙冰整杯都係芒果味沙冰，但就冇咩少左d芒果粒沒顆粒感，面頭加左椰汁令整本飲品多左椰汁味。白咖哩公司@whitecurryco旺角奶路臣街17號The FOREST地下G12舖港鐵旺角站 E2 出口, 步行約5分鐘

同事介紹說這家沙嗲王副線餐廳好高質，所以便決定收工過來一試究竟。～餐廳哦家裝修環境好摩登，而且服務員態度都好好，整體用餐環境舒適，qr code下單，上餐速度亦夠快，對於收工想快d食野滿足肚皮嘅人，實在係福音。～「🥣蟹粉豆腐窩配飯」蟹粉的鮮美與豆腐的滑嫩完美結合，濃郁濃郁的味道，非常好下飯，推介一試。另外我非常喜歡他們可以讓客人選擇將白飯升級為椰菜花粒粒，這樣可以增加纖維素的攝取，又減少碳水化合物的攝入量，低卡路里又好食，非常適合注重健康和減肥的人（me）。跟餐追加了一杯「番石榴烏龍茶」，不會太甜，果香及茶味並重，不錯。～「🐖白咖喱香茅豬扒椰菜花粒粒」香茅豬扒非常嫩滑，加上沙嗲王嘅經典白咖喱汁，穩陣高質，追加了一隻煎荷包蛋，想不到亦有驚喜，煎蛋火喉恰到好處，不太生不太熟，係少見的完美荷包蛋。跟餐加了杯玫瑰茉莉花茶，清香淡雅，中意熱飲可以一試。～「🦀白咖喱海皇焗蟹蓋」。濃郁白咖喱醬汁加上蟹肉的鮮甜，入口奶滑奶滑的，不錯。～「🐟濃香沙嗲湯特長吉列魚柳米線」米線軟滑，沙嗲湯一如其名，確實非常濃香，特長吉列魚柳比我整個手掌更長，炸得好酥脆，雖然不錯，但個人更愛他們的軟嫩香茅豬扒。～～～白咖喱公

沙嗲皇台柱白咖喱，出名到可以自成一家，另外開分支專賣白咖喱見喺旺角咁近，真係好想知佢同沙嗲皇有咩唔同，齋睇環境已經覺得係兩條路線呢度有好多白咖喱嘅菜式，大胃有大食大，嚟個三扒飯，有香茅豬扒、燒雞扒同漢堡扒，塊塊都好肉肉，整得香嫩，仲有好多蔬菜夠均勻，唔夠飯都有得加幾蚊底白咖喱風味依然，忍唔住加份naan點吓醬，綽綽有餘胃民夜晚唔想食澱粉質，呢度有飯底以外選擇揀，居然有椰菜花粒粒做底，味道仲要唔寡，原來蔬菜都可以好香。慢煮牛肉份量幾多，煮得幾嫩，唔配白咖喱就加錢轉法式牛扒汁，同牛肉同蔬菜都好夾跟餐最多可以跟到三份小食，蒜蓉牛油炸得好脆，又唔會油淋淋加份野菜都幾大份，作為蔬菜都咁好肉地，真係唔錯連豬扒都有得shake shake，不過係餐廳shake埋畀你，充滿孜然香，浸咖喱食又幾好白咖喱仲可以整蟹蓋，成件事好creamy，蟹肉依然出眾佢個friend濃蝦湯都係好綿，超勁蝦香，啖啖都好豐足飲品都幾多有趣配搭，番石榴都有神奇組合，配烏龍茶唔會太甜而配梳打呢，有汽更添清爽刺激又解膩

今日同朋友行經旺角 the forest新商場，居然發現一間幾特別嘅餐廳🍴一見到白咖喱🍛就令我諗起沙嗲王，佢哋嘅招牌白咖喱豬扒飯絕對係經典抬頭望真啲係沙嗲王旗下品牌餐廳風格簡單而且有特色，門口好多部洗衣機，入面仲有好多工具🧰嘅特色牆好岩打卡脫去舊衣，呢個新裝更年青化，食物亦有加入新元素係如我點嘅白咖喱豬扒，不過唔係跟飯☺️而係可以跟現時流行嘅椰菜花飯，選擇上更多元化另外亦可以加$10多一碗龍蝦湯，味道非常濃郁，超級抵飲朋友點左一個大雜燴，揀咗蒜香蕃茄汁，味道香口開胃有漢堡扒、豬扒及雞扒，仲有一粒流心蛋🤩🤩非常豐富我哋另外仲加咗好多小食，價錢都好平仲加咗飲品

以前經常去沙嗲王食白咖喱豬扒飯，特別有童年的回憶。今次見到旺角新開了這間白咖喱公司，吸引了我。平日成日大魚大肉，今次選擇比較健康的食物蟹粉豆腐窩配飯$72只需要加$13就可以留飯，轉為椰菜花飯，非常健康。另外可以加$10配龍蝦湯和加$8配上紫菜。龍蝦湯的味道不錯，非常濃郁的龍蝦湯味。而蟹粉豆腐非常入味，豆腐很香滑，配椰菜花飯，感覺個人很健康。白咖喱慢煮牛肉椰菜花粒粒 $65另外加$20配蒜蓉牛油雞翼非常欣賞這間餐廳可以將飯轉為椰菜花粒粒，適合平日大魚大肉的我們。蒜蓉牛油雞翼即要即整，熱騰騰的，非常香脆。#白咖喱公司 #椰菜花粒粒 #旺角美食

呢間餐廳夠哂光猛，經過嘅時候仲見到櫥窗擺放12部洗衣機外殼造型，雖然唔知咩目的，但絕對夠哂吸睛！而且平日嘅晚飯時間都見到唔少人喺入面食緊飯，咁我當然唔會錯過啦～話哂喺沙嗲王副線，最出名嘅蟹粉豆腐鍋&白咖哩就梗係要試試它，當然仲會試埋其他新菜式！最可惜晚飯時間已經售罄 Shake Shake一口香茅豬扒，有3款調味粉選擇。真心好吸引！唯有下次早啲過嚟食。*蟹粉豆腐鍋配飯［飯量（100%）］雖然冇好似沙嗲王有熱辣辣嘅石鍋。但個熱度都ok嘅。而且呢個蟹粉味足夠，咸蛋黃食落濃郁同有少少起沙嘅口感。豆腐亦夠嫩滑，仲有一大羹新鮮嘅蟹肉。*白咖喱紫菜慢煮牛肉飯 ［飯量（100%）］由於牛肉喺慢煮，所以色澤較粉嫩，更加可以令牛肉保持水分，肉質軟嫩。白咖喱嘅椰香味夠突出，仲有微微嘅辣味襯托。好貼心將紫菜分開，唔會整淋哂！*法式牛扒汁自家製漢堡扒滑蛋蓋飯 ［飯量（100%）］賣相夠哂吸引！牛扒汁質感同咖哩汁一樣，食落味道甜甜地，送飯一流。滑蛋名乎其實夠哂滑又啱啱好遮住成個飯，咁就可以一啖飯一啖蛋，正！而飯頂上嘅主角—自家製漢堡扒都夠哂鬆軟，而且有一點點嘅肉汁。【貼心】可以選擇唔同嘅飯量或醬汁，迎合唔同顧客

從小吃到大的沙嗲王有驚喜副線直接了當把名物改成餐廳名字 叫白咖哩公司 ~首店落戶於旺角 ᴛʜᴇ ғᴏʀᴇsᴛ門口以洗衣機的新穎 ɪᴅᴇᴀ 寓意洗走煩惱內裡空間感大 配木系舒適座位 還有一人專享的自修室座位 獨食人士天堂 玄關右邊一整排衣服跟帆布袋是餐廳出的周邊 可以即場買走的餐點除了有沙嗲王經典傳統名物的白咖哩還加入一系列年青人口味的小食和主食大部分項目都能靈活配搭飯麵跟醬汁等還可以彈性加配套餐跟小食 選擇頓時豐富不少𓋪 白咖哩香茅豬扒椰菜花粒粒必點項目還是永恆的白咖哩豬扒大大塊外脆內軟 充滿香茅味的豬扒配上久違了的椰香白咖哩醬 很懷念新線還加入了健康的椰菜花飯給大家選擇迎合客人口味需要𓋪 法式牛扒汁自家製漢堡扒滑蛋蓋飯試了傳統名物 也想要嚐一下新項目自家製的漢堡扒厚厚兩塊放在金黃滑蛋蓋飯上口感軟嫩多汁 法式牛扒醬汁較濃郁配上珍珠米飯亦別具風味𓋪 冬蔭公 sʜᴀᴋᴇ sʜᴀᴋᴇ 粉一口香茅豬扒香茅豬扒的變奏版 外面均勻沾上惹味冬蔭公粉變成一口食用的 sɪᴢᴇ 也很方便除了冬蔭公口味 還有孜然跟洋蔥芝士風味𓋪 白咖哩海皇焗蟹蓋以前超愛吃「芝焗一口貝」現在以加配價也能吃到升級版的焗蟹蓋蟹蓋

今日經過見到沙嗲王開左新副牌 入去支持試下 叫了蕃茄雞扒米線和白咖哩漢堡扒飯 雞扒沒沙嗲王煎得香 漢堡扒亦沒煎得香 而且可能枱布長期沒洗 枱面散發臭味 希望鋪頭能夠改善 唔係難d做