發記甜品 (已結業)

係銅鑼灣食完晚飯想返屋企之前食少少甜野就嚟咗小巴站隔離嘅呢間發記甜品貪呢度款式多叫咗心太軟 等左大約十分鐘呢度不設最低消費 我哋兩個人share一個甜品切開～入邊朱古力唔會流出來不過朱古力味道都幾香濃配一小球雲呢拿雪糕 好味道以呢個價錢來講 又唔使加一都算抵食呢度仲有個榴槤心太軟架 下次嚟試吓先…查看更多

同朋友仔食完晚餐食唔飽就直落去食糖水！我哋本身諗住去聰嫂，但係條龍實在太太太太太太長了🤕，所以開Openrice睇附近嘅甜品鋪，就揾到依間。等咗位大約5分鐘，就有得入去食了! 😀因為入面嘅甜品偏貴，所以就叫咗兩個，三個share食!入面個芒果好甜幾好食，同出面嘅糯米磁幾配搭 ！依個益力多芒果綿花冰，我個人就唔多推薦大家食。佢冇乜芒果味，被益力多遮蓋晒。唔知係咪為咗配合隻碟嘅大細，喺側面加咗一堆紅豆，同埋兩粒芝麻湯圓，但其實九唔搭八，一啲都唔啱味😅總括而言，質素麻麻，同價位不配。…查看更多

與好友相聚, 飯後一同吃甜品繼續談天說地。這天選了榴槤班戟過過榴槤癮,班戟軟嫩, 外皮雖頗為厚但充滿蛋香,  忌廉與榴槤肉的比例剛好,吃畢口腔充滿榴槤肉香, 極滿足!好友選了芒果布甸。賣相不太吸引的芒果布甸,底部有粒粒鮮甜芒果肉,口感略遜一籌, 不夠滑溜~ …查看更多

事後就一支煙，咁飯後呢? 飯後當然要一個甜品才能夠令人快活過神仙。我同一班朋友在晚飯後，沒有去推理，我們一行人，轉場到附近的《發記》，食甜品。有朋友點了一個好耐有見人食過的綿綿冰，不是我食的，所以我並沒有問同研究朋友吃的是什麼口味，不過，在熱潮過了好多年之後仍然可以有售，的確是一件值得我們去開心的事。(也許，我太耐冇係甜品店出現了。)另一位友人，來了一個傳統的，芝麻糊溝豆腐花，豆腐花，看得出是香滑，加上甜甜的芝麻糊，入口份外的甜美。我就要了一個很香港的甜品，名字叫楊枝甘露，味道是甜甜酸酸的，芒果同柚的味道相等，而且附加的芒果果肉，是甜的，令人感覺開心。開心，快活，的確是勝詔神仙。…查看更多

今晚同阿媽去行街買野準備過年，行到攰嘅時候想穩地方坐低休息下，剛好經過發記甜品，我就同阿媽講呢間店嘅榴蓮甜品我幾鐘意食，佢一聽話榴蓮甜品就話去食喇，本嚟我都唔想去，因為要排隊，又要等喇，但阿媽想食就排喇。因為我地兩個都榴蓮控，所以點嘅糖水大部分都系有關榴蓮嘅，呢個榴蓮飄香，睇佢無咩特別咁，但糖水中有一大舊榴蓮肉，夸張D嚟講差唔多占左糖水嘅一半，榴蓮肉好香，好甜，西米晶瑩剔透，好Q彈，糖水都有好濃嘅榴蓮味，好飲又好食，正。榴蓮卷，系咪好特別呢，好似糯米糍甘，但入邊嘅餡就系大大舊嘅榴蓮肉，表層糯米同椰絲香軟，再加上榴蓮嘅香甜，好特別，幾抵食。…查看更多