發記甜品 (已結業)

星期五傍晚銅鑼灣氣溫炎熱,大PARTY前先黎呢度過一過冷河兼增加體力,接過阿姐幾張餐牌後決定要其鎮店之寶--楊枝甘露。先試最上面pat芒果冰冰,酸!!再筆深入d,都好多芒果塊,最底仲有柚子肉。試完酸咪咪芒果冰後,再試柚子肉,竟然唔甜而且有少少澀,OH NO!幸而芒果肉片片夠大夠金黃夠甜,混合一齊就將其餘兩樣缺點彌補,而且又夠冰凍,好快就將其完成,好味道。可能時間尚早,唔駛等位之餘,阿姐們態度仲好好,多謝前多謝後,食得真愜意!!下次經過又唔駛等位就再試其他。

行行下街同bf去左發記食甜品..親未到多人時間但係d食物就..有d失望我地叫左..芒果班CAKE..糖不甩..同雜果大菜糕糖不甩...好硬..好實芒果班CAKE..唔差.太多芒果.散GE...HONEYＭＯＯＮ好食好多雜果大菜糕．．不過不失發記比我係名不副實好感覺

同朋友叫左蕃薯糖水+湯太,同埋楊枝甘露,成個碗放左3大舊蕃薯,好似無切過咁大舊!又煮得唔夠林..好實..得2粒湯太,但係d皮真係好厚,,入面d芝麻料又好少,總之就真係唔好食!!楊枝甘露就不過不失咁啦,ok既!其實之前食過佢既什果西米露..樣樣什果都超級大舊,特別係個幾舊木瓜,唔夠熟,,所以又實又唔甜,西米露上面舊冰又係勁大夠.....總之每次去試多次都係失望多啦...

榴槤飄香似乎係鎮店之寶, 比起其他幾間甜品店好食, 好多榴槤肉.試左個什果涼粉條, 都幾得意. 雖然個人比較喜歡方塊型涼粉. 芒果幾大塊同甜. 總括黎講都okay. 係覺得d芒果醬比較甜.

睇完戲，時間尚早，回家順路去發記嘆個甜品．要一個焗香蕉酥皮，今次做得嘛嘛，酥皮略厚唔夠脆．水準唔夠穩定．不過地點就腳方便就係真～

第一次來發記，店小，要等位。要了楊枝甘露及芒果糯米。這裡的楊枝甘露相當出色，從前不喜歡楊枝甘露是因為大部份吃過的楊枝甘露是淡的，稀的，涷冰冰。這裡的芒果肉好甜，夠份量，配合個底，不太甜，有口感。芒果糯米卷又是另一驚喜，賣相一流，整個糯米卷結實，椰絲均勻分佈，吃時一個一口，仍可保持儀態。一向愛吃糯米滋的物體，糯米皮做得不錯。侍應快手，見我們share，即時拿碗過來。價錢不便宜，但質素搭夠。經分析，和男友一致認為，一間甜品屋的成功，取決於…芒果的質素。

朋友請完食飯, 到我請食甜品. 其實好想試酥皮榴槤卷, 不過朋友不吃榴槤, 自己又唔想食晒3條. 朋友提議可以陪我吃酥皮香蕉/ 芒果卷, 但我又興趣不大. 最後要了榴槤飄香和香芒士多啤梨豆腐花. 榴槤飄香好杰, 榴槤係好多, 但亦好多渣, 唔記得走柚, 食落又苦苦地, 少有地唔滿意.

食遊樂時留肚，食完，行過來發記。才八時，毋須等位之餘，還能坐到最後一張二人枱。榴槤飄香很快送到，給洒上了泰柚，裡頭還有西米。香味濃郁，但無想過是這樣稠，還以為會如紅豆沙之類〔哈哈〕，味道呢，就像吃榴槤差不多啦。嗯，可以的話，榴槤味再濃一點就好，還有，能夠把甜品裡稍硬味稍淡的部份清除更佳。想解饞，卻更想吃榴槤了。

我同老公好鐘意食甜品家同樣都好鐘意食榴槤試過好多間就算發記旺角分店都冇銅羅灣整得咁好味但太多人等位好多時買外賣算是次一人一碗榴槤飘香一個榴槤布甸一個淨湯圓sharegood!

話須這間以榴蓮甜品起朵,但小弟一向不吃榴蓮,係入口即吐果隻.所以,人地大大啖吃榴蓮,我就閉著氣吃芒果.芒果最怕生,但就唔怕食.這個芒果班戟,果肉夠新鮮.忌廉夠軟滑.感覺比今日的滿記的還好.是否心理作用?

今日第一次去這兒, 叫了栗子糊+西米, 紫米露+紅豆, 兩樣都好好味, 地方不大, 但很乾淨, 服務不錯, 下次會試其他的甜品.

發記咁出名,點有可能食完唔記得留個食評ga!! 兩個人叫左: 焗香蕉酥皮卷: 黎到既時候暖暖地,食落都幾鬆幾脆,加埋香蕉,味道都幾特別,而且個賣相唔錯bor! 楊枝金露: 都唔錯咁la, 不過男友仔話喜歡木糠0既楊枝金露多d woo.... 次次都見到超多人排隊,今次食過覺得水準都不俗, 不過未至於吸引到要我等咁耐lor

其實一直都想去深井總店試下，對我哋嚟講實在太遠啦。叫咗栗子茸湯圓加芒果糯米卷。栗子茸湯圓感覺有啲似合桃露，芒果糯米卷保持水準啦。

一支公想食碗糖水先返歸﹐去到當然又係排隊拎籌﹐門口位生面口長髮胖小姐見我一個就話等等﹐有檯叫我﹐但就冇俾張飛我﹐繼續發飛俾其他後來o既人。初頭阿姐話:唔好意思呀﹐等等啦﹐未有檯﹐o甘我就等o左幾個字。後o黎見幾對後o黎o既兩人客仔都俾佢叫o左入去坐﹐我就知唔妥﹐既然兩人有位﹐點會安排唔到我入去先﹖同門口胖姐姐講:仲要等幾耐﹖阿姐答:哦....未有得搭檯住wor....我就慶喇: 小姐﹐你頭先話有位就叫我﹐但又冇俾飛我﹐排我後面o既就兩位兩位俾你叫晒入去﹐點會冇位搭檯﹖係咪我一位唔會有檯o架喇?!阿胖姐姐就即刻面色打個突﹐冇o野講﹐擰一擰個頭往後望就同我講:喔﹐你入黎啦....卒之我坐低o左﹐係張4人檯﹐但只有一pair情侶響度坐﹐睇佢地食o既o野剩低幾多﹐就知佢地已經肯定坐低o左一輪﹐擺明就係守門口阿姐安排有問題。算數啦﹐食完快D走﹐費事影響心情。點o左個平時冇食過o既番薯糖水﹐再加湯丸。以為可以用甜品cheer up自己﹐o黎到上桌就知道出事。自己確定唔係因為座位問題影響食物觀感﹐因為兩粒湯丸好似發水麵包o甘﹐喝一口番薯糖水﹐oh no....冇乜味道﹗碗糖水連最愛o既基本薑味都找不

和朋友吃完飯後﹐去吃甜品。發記在人龍王的板前壽司旁邊﹐離遠看根本不知道街上的人是等板前還是發記。約等了五分鐘便有位﹐我叫了木瓜雪耳糖水﹐朋友要了個香蕉芒果班戟。木瓜雪耳的甜度適中﹐木瓜煮得頗爛﹐是我喜歡的質感。香蕉木瓜班戟共有三件﹐當中兩件是芒果﹐一件是香蕉。香蕉班戟的香蕉比較生﹐不算很好﹐好在芒果班戟就不錯﹐裡面的芒果和忌廉都好鮮味。