當家干鍋 (已結業)

去到西九龍食完口水雞，除即去食埋個水煮魚，今日無辣不歡🤣水煮魚黎到，成碗野紅卜卜咁，已經要吞晒口水，成碗野魚嘅份量唔都唔小，應該係鯇魚黎🤔魚肉真係好滑，但辣嘅程度已經蓋過晒原來嘅魚鮮味😋加上入邊配左好多香料😁芫荽、辣椒乾等等，另香味提升唔小，越食越辣，但鍾意食辣嘅朋友一定會追住食🤣…查看更多

今日叫左一碗酸菜魚同一碗水煮烏江魚 首先唔好評論賣相 酸菜魚一黎到紅色 已經知出事 但估唔到 真係完全無酸菜味 其次 雖然個碗好大 望落份量好多 但其實 大部分都係芽菜墊底 魚嘅份量同價錢不成正比 最後都係最重要果點 D骨多到你不敢相信 總括而言 比錢買難受 想伏自己可以去試下…查看更多

每次去到西九龍中心8樓食嘢 都會見到周圍有人食麻辣水煮魚 但係無奈肥妹係唔食得太辣 因為我會胃痛同埋承受唔到而不斷飲水 所以次次黎親 都冇食 今日一望之下原來餐牌倒寫咗有辣有唔辣 咁就決心一試 叫咗唔辣嘅酸菜魚 等咗大約15分鐘 鋪頭門口可以望到老闆娘喺廚房一邊煮餸 原來佢要先用滾油燙一燙魚肉 咁就會滑得嚟又爽口彈牙 然後再加上酸菜湯 底下有好多爽口嘅牙菜 魚肉分量都算多 不過較為多骨 睇落似大魚 好滑 仲有好多豆卜 索曬酸菜嘅湯 好味 連飯加嘢飲都係60蚊 不過其實唔辣有啲唔夠過癮 下次都係叫少少少少少啦…查看更多

每次黎到西九龍中心foodcourt, 我對腳都會自自然然帶左我黎呢檔酸辣粉前面，佢既酸辣粉係我食過之中最岩口味，湯底酸辣中又帶少少甜味，好香唔係死辣，配料又俾得大方，薯粉下面收埋左好多豆卜，好似尋寶咁食極都仲有，$38連汽水係物有所值！ 加映一段小插曲，當日老闆娘同老闆應該有d嗌烚，老闆娘係櫃面怒氣沖沖咁向廚房既老闆連珠砲發，犀利既係老闆娘可以一秒變臉笑住問我飲啲咩，真係不得了！   p.s. 之前黎店名都係叫當家干鍋，今次黎到改左叫當家作煮，不過餐牌一樣冇改過…查看更多

好喜歡食辣！黎到呢到無理由唔試辣炒豬肚！其實如果可以少d西芹就好！不過有西芹調下味的確令佢無辣得咁單調！個豬肚好林，又好有豬味，個飯超多！食個咁既餐都唔使$40，抵呀！…查看更多