影片
全晚最精彩係竹生魚翅, 其他菜都交足貨喎雀巢海鮮大帶子 ~ 帶子好大隻好味, 雀巢炸得好幼細, 睇唔出係用d乜嘢炸, 瑤柱蠔屎髮菜 ~ 呢個菜好多地方會食到, 今次呢個都比之前食過既出色, 又其事係蠔屎!!鴛鴦蝦球 ~ 炸大蝦都炸蝦球, 位無乜特別乾鮑扣鵝掌 ~ 鮑魚好好味唔韌, 仲食多咗半隻, 哈哈!!竹生魚翅 ~ 好足料, 超級大碗, 一人一碗, 一碗份量等如平時既二三碗, 食完呢個翅都飽咗9成半...仲有以下既菜未上枱...!! 清蒸大班 ~ 好滑無過火就掂!!鴛鴦炸子雞 ~ 雞饟咗d墨魚蝦滑炸, 幾特別, 味道也不錯!!荷葉糥米飯 ~ 睇落去以為係珍珠雞, 原來係荷葉包住糥米飯, 個個都飽咗...我地只開咗一隻, 十二個人食, 好香食落一d都唔油!!鮮蝦雲吞 ~ 飽到已經食唔到lu, 只好比其他同事食!!雷沙年糕 ~ 呢個唔得, 三個字...唔好味!!紅豆沙湯圓 ~ 好沙紅豆沙, 又唔太甜, 湯圓係芝麻餡..好食喎
繼續閱讀
專登請假陪家人到醫院做掃瞄...掃瞄後要待一個小時才知道要否再回醫院再掃多次。一小時，不能走得太遠；所以就找地方飲個茶，可以慢慢坐、慢慢吃吧。人不多，環境寧靜，不像其他酒樓般嘈雜。 真悠閒~點了特價的黃金糕、蝦籽柚皮。黃金糕和蝦籽柚皮就差一點了。黃金糕上桌不熱，蝦籽柚皮的蝦籽少很....還點了腐竹魚湯雞翼米線、腐竹魚湯菜餃米線。魚湯白晢，腐竹軟滑，雞翼脆口。值得一吃。
繼續閱讀
星期天，陰天有雨。友人嘅千金日前於浸會醫院出世，母女干平安。一眾親友都到醫院探望友人，當然令一位小主角亦謀殺了不少菲林。眾人在新生命之畔，討論究竟似爸爸定係似媽媽。輪廓咁深，一定似爸爸(非本地人士)。臨行時，已届食晚飯時間，一行六個人，近近地在隔鄰嘅「畔溪」用膳。禮拜日晚，人流唔多。回想當年第一次嚟這裡食晏，人頭湧湧，飲食生意真是今非昔比。各人一起出主意，點了八款菜色。前菜是脆皮豆腐($38)及滬江素鵝($38)，前者炸得金黃香脆，十分可口，但又沒有油膩嘅感覺，簡單嘅前菜已可令人有所期待；後者是香脆面而非煙燻，是另一番風味，可惜炸嘅功夫與前者有點距離，味道中等而已。第一道主菜係脆皮三黃雞半隻($75)，何謂三黃雞，不得而知。不過廚房有點粗心大意，雞皮上嘅小毛髮也不少。撇除這點，皮是薄且脆，雞肉亦不是鞋烚烚，富有彈性，在食鹽嘅功效下，入口惹味；接著就是腰果山楂咕嚕肉($58)，咕嚕肉以薄薄一層生粉皮包著，炸得十分可口，而且內裡肉味十足，肉汁也豐富。醬汁不太酸，也不太甜，味道適中，十分容易入口，亦令人更加開胃。陪襯嘅腰果果身纖瘦，賣相麻麻地。點了兩款素食：啫啫丁唐生菜($60)熱騰騰的端出來，除了唐生菜之外，另加了白飯魚仔，食落有鹹香，送飯一流；竹笙益菌素菜盆($68)，外表睇嚟份量十足，但原來盆底十分淺，有被騙嘅感覺。味道是清淡的，不至於全無味道，材料豐富，有竹笙、草菇、甘筍、西蘭花及小棠菜等，為先前嘅肉類提供良好嘅緩衝。為滿足在場男士嘅食慾，後加了兩款菜式。橙花脆香骨($58)是帶點酸甜嘅食物，雖云有橙花，但缺少了橙嘅清新香氣。排骨是嫩滑的，稍為用一點勁已可骨肉分離。有蜜糖合桃腦做伴碟，但合桃腦太乾太少了；枝竹豆腐斑腩煲($68)味道平平，魚塊被一層厚厚嘅麵粉包裹著，不討好。埋單共銀六百二十蚊，凡惠顧滿二百蚊有二十五蚊折扣回贈，實收五百四十五蚊，平均每人九十一蚊，兼且晚飯有免費泊車優惠，適合駕駛人士。
繼續閱讀
見到有個$88的三寶,包括燒鵝,油菜及一窩瀨粉,燒鵝應該有半隻,肉都算多,亦算有燒鵝味,瀨粉亦可以接受,油菜都算新鮮.腸粉可以接受,春卷亦夠脆,燒賣亦夠水準,沒有肥豬肉.至於個瑤柱蛋白炒飯,雖然比較細碟,但都炒得幾香口,材料亦算足.
繼續閱讀
話說九龍塘有單大工程，我地泥頭組等等等全體要去哂﹗搞左一個朝早終於都搞掂，阿sir話來呢度請食飯﹗食物都唔想逐樣評喇，總之都係不過不失啦﹗沒有什麼驚喜﹗魚翅灌湯餃成廿幾蚊一隻，完全流野，只是一塊皮包住各式各樣既碎肉，湯底又淡，同出面茶樓十蚊個的沒有分別﹗午飯時間叫個龍蝦伊麵，唔係有人請點會咁豪呢？聽說味道很可口，龍蝦肉又爽又甜﹗阿sir請食飯當然大堆頭，見野就叫，每樣叫三籠一人一件，食唔哂就打包，睇一睇張單，一張枱食到咁多野，見過未？俾個笑佢，因為唔洗錢食得很暢快﹗
繼續閱讀