田記魚蛋牛腩專門店 (碧街)

營業中

休息中

呢日行經依間專食牛腩同魚蛋粉麵既田記，用上優質食材製成，喜歡魚蛋牛腩既我，就要去品嚐一下啦 ~店內主打手打魚蛋同牛腩，在香港有自設廠房生產及製造，真材實料，無添加防腐劑，食得安全又放心。餐牌上都有幾多選擇，牛魔王、金牌牛腩、牛三寶、招牌魚蛋、秘製牛雜等等，亦有牛既其他部位可以揀，款式特別。金牌牛腩麵          $46牛腩口感真是與別不同，果然不錯。牛腩軟腍唔韌亦有少少咬口，煙韌彈牙，肉質肥瘦適中，食起嚟好嫩滑多汁，麵條入口滑嘟嘟，吸咗濃郁既湯汁，好味道。淨魚三寶            $44淨魚三寶有魚蛋、魚片頭同埋魚皮餃，手打魚蛋肉質嫩滑，食落彈牙爽口，魚片頭炸至金黃香口，魚肉味濃，魚皮餃餡料多，帶出鹹香味，配搭上湯好清甜，依碗有齊3樣都好滋味。鮮蝦雲吞幼麵           $39雲吞都好大粒，蝦肉爽口，與豬肉混合，肉質口感彈牙又豐滿，肉既味道即時散發出來，湯底明顯係用大地魚煲，清甜好飲，幼麵煮得唔會過淋，食落好爽口。凍檸檬茶       (+$8)經典港式飲品，濃郁既紅茶配新鮮檸檬，少少甜，口感清爽解膩。可樂      (+$8)天時暑熱，叫罐可樂，冰冰涼涼，即時解渴。

田記魚蛋牛腩專門店呢間「田記魚蛋牛腩專門店」已經係我第四次回訪，經開油麻地一定會諗起佢哋崩紗腩，暫時我覺得佢哋嘅崩紗腩係最好食，肥瘦均勻唔會痴牙，經過油麻地嘅你一定要試下啦！「田記」門口係有一級，輪椅人士如果要入去食記得要帶斜板，同埋店員已經食到記得我，每次都係安排四人圓枱比我哋坐，真係好細心！1.雙丸河粉$44+凍檸茶$8（9/10）呢碗雙丸河粉入面有3粒魚蛋同3粒牛丸，魚蛋好彈牙，牛丸除咗彈牙之外，仲有牛味算濃，再加$8叫咗杯入面有3片檸檬嘅凍檸茶，下午茶簡簡單單食一餐！2.崩沙牛腩幼麵$62+凍鴛鴦$8（10/10）呢碗崩沙牛腩河粉份量好多，好似多過以前，崩沙牛腩有8舊，白蘿蔔有3舊，幼麵有少少鹼水味，崩沙牛腩好軟淋，肥瘦均勻唔會痴牙，再揀埋一杯加$8凍鴛鴦，咁就完美！3.炸魚皮$26（9/10）呢個炸魚皮用密實袋裝住炸魚皮，咁樣衛生好多，炸魚皮炸得好酥脆，食落好香，今次咸咗少少，份量好多，大塊咗，好正！2人總共價錢$148個人口味總評分：9.33/10@mr.tin_hk   地址：油麻地碧街45號地下C1號舖Please follow me🙆‍♂️ @wheelchaireat

【📍油麻地｜鬧市中足料粉麵店】🐨牛腩牛筋河 $66推薦度：⭐️⭐️⭐️⭐️今次揀咗佢哋嘅馳名牛腩加牛筋河，牛腩肥瘦適中唔會太嚡煮得好腍身！！牛腩果然係佢哋嘅招牌味道，如果可以試埋佢哋嘅崩沙腩，相信牛味會更加濃郁！！牛筋就保持到咬口，而且煮到好入味～河粉仲吸收曬牛腩汁嘅精華滑捋捋，絕對係小編食粉麵店嘅首選🤣.🐨腐乳通菜 $18推薦度：⭐️⭐️⭐️⭐️新鮮通菜口感爽脆，唔會煮到過熟而變腍，而且份量非常多～由於腐乳係後加，可以因應自己喜好自由調配！！腐乳的鹹香配以通菜嘅清新，兩款口味相得益彰互相配合，兩個人share食就啱啱好啦🔅.🐨夏日咸檸七 跟餐$10推薦度：⭐️⭐️⭐️⭐️⭐️鹹檸七絕對係香港地道好味道，而家唔係好多間餐廳有得賣，用醃過嘅鹹檸檬，加入冰涼透心嘅七喜汽水 ，鹹甜交替，滿滿透心涼嘅感覺，成為夏日消暑解渴良品🌀🌀——☼——☼——☼——☼——☼——田記魚蛋牛腩專門店 📍地址：油麻地碧街45號地下C1號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB油麻地 #HTB港式.#油麻地 #油麻地美食 #港式 #港式美食 #粉麵 #夏日 #美食推介

匆匆忙忙去油麻地上堂，在油麻地站A1的田記就是快靚正之選。**招牌魚蛋河** 魚蛋河絕對是田記的鎮店之寶。魚蛋圓潤彈牙，一咬下去魚香四溢，鮮味十足，完全沒有雪藏味或腥味。湯色清澈但很清甜，喝起來非常暖胃。河粉滑溜，吸收了湯底的鮮味，入口柔軟而不糊爛，層次分明。**雲吞河** 雲吞皮薄餡靚，蝦肉新鮮爽口，豬肉細嫩，比例恰到好處。每隻雲吞都非常飽滿，咬下去滿滿的鮮味和肉汁，蝦的鮮甜和肉香完美融合。湯底同樣出色，清甜不油膩，與河粉一同入口，令人回味。**淨水餃** 田記的水餃同樣精彩，餃子皮煙韌不會易爛，包裹住豐富的餡料。餡心除了豬肉、木耳、韭菜外，還有爽口的蝦仁。每一口都能吃到蝦的鮮甜和豬肉的嫩滑，蔬菜的清香也恰到好處，讓整個水餃味道層次更加豐富。蝦仁爽彈，提升了水餃的鮮味，吃下去非常滿足。即使不蘸醬，味道已經十分突出，若喜歡重口味，加點辣椒油更添風味。最平$39就有一碗麵，而且自家出品的魚蛋、雲吞、水餃全部都非常高質。所以長期都爆滿，返枱率超高！不論你趕時間還是想簡單醫肚，田記都絕對是不會令人失望的選擇。

超級出名金牌牛，同百分百魚肉新鮮製造既香港地道小店，你又點可以錯過呀！🐮每日限量供應：崩沙牛腩河粉肥瘦均勻，唔會好油膩，唔痴牙亦好冧身，湯底入味，加埋蘿蔔索汁，我食到要加湯再食！🐮牛三寶河粉 (牛腩、牛肚、牛筋)份量超多，足料超爽口彈牙，重牛味入味！追加 $18 腐乳通菜配加 $8 凍奶茶、凍檸茶下次經過去食啦！性價比超高的一餐！快靚正香港地道，難怪咁多人都黎食，tutnover rate 都幾高，下次你都來吃！

🌟🍴 【油麻地 •田記魚蛋牛腩專門店 】 🍴🌟 📍 田記魚蛋牛腩專門店 (油麻地)油麻地碧街45號地下C1號舖🍖🥟🍟🥚🍰🍲🍇 • 🥪🍓🍤🍪🍜🍡🍹 崩沙牛腩河 🥣牛腩煮得軟腍入味，入口即化，湯底濃郁香醇，帶點中藥香氣，配上滑溜河粉，簡直是人間美味！😍 牛筋部分略少，但整體份量足，超滿足！👍招牌魚蛋河 🐟魚蛋彈牙鮮甜，每一粒都爆汁，湯頭清而不淡，微微胡椒香增添層次。河粉軟硬適中，吸滿湯汁，令人一口接一口！😋 魚蛋數量多，CP值爆表！💥凍奶茶 🧋茶香濃郁，奶味順滑，甜度剛好，冰涼解渴！🥶 喝一口瞬間醒神，完美搭配熱辣辣的河粉，簡直是夏日救星！☀️凍豆漿 🥛豆香撲鼻，清新自然，甜度低調，喝起來超順口！😌 冰涼口感很解膩，適合愛清淡飲品的朋友。🌱灼生菜加蠔油 🥬生菜灼得恰到好處，爽脆嫩綠，蠔油香濃卻不搶味，簡單卻驚艳！😲 份量略小，但作為配菜絕對加分！👌🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 150✨🥢🍣🍕🍜🍴🍰✨ #油麻地美食 #油麻地web3 #田記魚蛋牛腩專門店面

位於油麻地的田記是一家深受本地人喜愛的粉面店，以其親民的價格和地道的味道吸引了眾多食客。魚蛋米線是店內的熱門選擇之一，米線滑溜爽口，搭配彈牙的魚蛋，湯底清淡而鮮美，是一份簡單卻充滿滿足感的餐點。魚蛋牛腩河粉則是一道充滿香濃口感的美食，牛腩煮得軟爛入味，與河粉的順滑口感完美融合，加上魚蛋的獨特風味，讓人一試成主顧。店內的蔬菜選擇如生菜和油菜，為食客提供了健康的搭配，清脆的口感讓整頓餐更加平衡。飲品方面，凍檸茶是一款清新解渴的選擇，檸檬的酸爽與茶的香味交融，冰涼的感覺讓人精神一振。凍杏霜則以杏仁的香甜為特色，滑順的口感讓人感到十分滿足。總的來說，田記以其地道的粉面、貼心的服務和舒適的氛圍，成為本地人日常用餐的理想去處。

好耐無食過牛腩河，喺旺角行街，行到接近油麻地港鐵站見到呢間叫田記既牛腕粉麵店好受歡迎👏同朋友入去試下😀😀我地兩個人叫得唔多野😮‍💨 下次要多啲人黎試多啲小食🤣崩沙牛腩河粉$62- 好淋好入味，正👍🏻份量都算多，只係$62，抵食！紫菜魚三寶飯$54- 哈哈，估唔到有飯食😛😛 仲可以叫多飯😃🤪魚三寶有魚皮餃、魚蛋和魚片頭，魚蛋和魚片頭各都有兩粒，魚皮餃就有三粒，我同朋友互相分享，我就最鐘意魚蛋，好彈牙有魚味😍 下次黎淨食碗魚蛋先😆😆湯蘿蔔 $18- 我地兩個都鐘意食湯蘿蔔，清清甜甜，正！😆凍檸茶$8田記魚蛋牛腩專門店 (碧街) (油麻地)油麻地碧街45號地下C1號舖

呢間粉麵店我之前自己食咗幾次，真係唔錯，每次去都覺得質素穩定。今次又叫咗碗魚蛋河，佢哋主打日日新鮮製造。魚蛋食落比較軟身，口感偏軟，唔似嗰啲彈牙款，但味道好鮮甜，令人一試難忘。魚片切得厚身，唔係薄切所以咬落去有口感彈牙。河粉用咗幼身嗰款，滑溜又唔會太腍，配上湯底真係幾好味，湯清而帶點鮮甜，飲得出用心。最正係佢哋自家制辣油，加咗啲落去即刻令成碗河粉更加惹味，微辣中帶香，完全提升晒食嘅層次，又唔會蓋過魚蛋同魚片嘅鮮味。食咗咁多次，呢碗魚蛋河依然係我嘅心頭好。

放工去油麻地行街街🥳🥳🥳，係地鐵站A1一出黎就見到田記粉面茶餐廳。見到師父努力烹調嘅樣貌同滿臉蒸氣，心郁郁就走去試吓一坐低🪑～點左*招牌崩沙牛腩河粉*河粉配崩沙腩加蘿蔔，再配個辣油，無得輸！崩沙腩係牛腩中最矜貴既部位，它是牛的橫膈膜，表面有一層橫膈膜連著腩肉，軟林林，肥瘦啱啱好，牛腩中既極品👍餐廳招牌菜，零舍不同鮮蝦雲吞水餃撈麵雲吞皮薄餡料足，蝦肉鮮美彈牙;水餃翼大大隻冇偷工減料，清湯配蔥同蠔油，又係值得一讚。芥蘭清甜爽滑，再配個蠔油，唔錯唔錯😌朋友叫咗杯好立克，我就叫咗杯凍檸檬🍋菜蜜配面每人都係加多8蚊，抵飲呀又菜又2個面又飲又食，飽住肚都係百五蚊左右埋單👏👏👏👏

下午喺油麻地放工見到有間食牛腩粉麵嘅茶餐廳🐮🥩🍖叫做田記魚蛋牛腩專門店search 過下，原來田記牛腩粉麵係牛腩界世一🤟🏻就馬上入去食啦✨牛三寶飯🐮🥩🍗🍖🍚有牛腩，牛肚，牛筋每樣都有四舊要求瘦腩真係有俾到😎牛腩真係瘦腩，食落啖啖肉而且都係厚切🥳而且炆到好淋🔥食落肉質軟淋淋唔痴牙牛肚食落肉質好軟熟而且仲好掛汁牛筋炆到好淋唔硬食落滿滿骨膠原嘅口感，醬住成個口碗底有白蘿蔔墊底🥕白蘿蔔炆到好淋🔥索哂啲汁，好甜好入味😋$70 呢個價錢食到牛嘅三個部位🤟🏻份量多之餘真係抵食白飯撈埋辣椒油食真係好惹味🌶️而且白飯份量好多🍚🍚男人食一定夠飽👍🏻✨紫菜湯🍲湯係跟客飯的🍚飲落唔鹹，而且有兩塊紫菜✌🏻湯面仲有好多葱🌿🌿啱哂鐘意食葱撈湯嘅我✌🏻✨芥蘭🥬🥬要求全走真係有走到🤟🏻芥蘭份量多👍🏻👍🏻食落爽脆又冇渣而且冇青草嘅腥味味餐廳有提供醬汁俾食客點綴🧂🍶🫖而且擺得好整齊睇得出餐廳有用心👍🏻👍🏻餐廳內部地方唔大食飽都要快快手走俾下一枱客但侍應都冇話會催我走但冷氣通風好足夠💨💨食完個飯加飲埋熱湯都冇流過汗以呢個價錢食到咁高質牛腩👍🏻👍🏻性價比甚高會繼續幫襯🥳

尋日喺旺角返工，下午茶時間就同同事去油麻地一帶搵食，朋友想食牛腩粉麵，所以我就帶咗佢去田記開餐。下午茶時間餐廳唔算多人，所以唔洗等位就已經可以入座，自己之前都有食過田記，牛腩品質唔錯，所以今次就叫咗金牌牛腩河粉 。🍜 金牌牛腩河粉 ($46) : 牛腩同粉麵份量多，牛腩入口煙韌軟糯，肉味香濃，河粉口感順滑有彈性，同事叫咗崩沙腩撈粗都讚不絕口。另外跟餐加配冷熱飲都只需 $8 蚊，所以就叫咗凍奶茶，奶茶茶底夠香濃，而且冇苦澀味。

田記粉麵茶餐廳 (碧街)午市探店，到油麻地碧街找牛腩麵試試，選了田記，因在店內見牛腩賣相唔錯，不用等位就順利入庢，點了崩沙腩撈粗($7O元)，菜芯($18元)，凍奶茶($8元)，崩沙腩好正爽有牛味，份量多，菜芯奶茶正正常常啦，喜愛食牛都應該喜歡，推价。

今日我旺角行街後，去咗一間好有地道風味嘅港式茶餐廳醫肚。餐廳嘅地點好方便，喺正地鐵站出口隔籬。佢哋嘅價錢都好親民，食物質素都相當唔錯，所以CP值算非常之高。🤩**招牌牛腩魚蛋麵**呢個牛腩炆得好淋，入口即溶，完全唔會韌。牛腩個汁又濃郁，好入味。啲魚蛋彈牙又爽口，咬落去「卜卜卜」聲，勁滿足。今次我就揀咗幼麵，麵條係吸晒啲牛腩汁，非常惹味。😝**崩沙牛腩河粉**呢個河粉同崩沙腩嘅組合，真係經典中的經典！崩沙腩是牛腩中最矜貴嘅地方，表面有一層橫膈膜連著腩肉，筋膜連少少肉，軟腍味香，肥瘦比例啱啱好，果然係餐廳招牌菜。🐮**腐乳通菜****凍菜蜜**通菜非常新鮮翠綠翠綠，腐乳嘅味道好香濃，同通菜嘅清甜互相配合，簡直係絕配！而且，份量都幾多，性價比超高！最後加多一杯凍菜蜜做ending，啱晒佢而家咁乾燥嘅天氣潤一潤。☺️

田記魚蛋牛腩專門店位於油麻地港鐵站旁邊，交通方便。店內環境簡潔，營造出輕鬆的用餐氛圍。牛筋魚蛋幼麵搭配紫菜幼麵的口感極佳，柔韌有彈性。牛筋經過精心燉煮，軟滑入味，搭配麵條相得益彰。每一口都能感受到濃郁的肉香，讓人忍不住想多吃幾口。魚蛋的口感彈牙，鮮香無比，與湯底的搭配非常和諧，增添了風味的層次感。通菜不僅增添了色彩，還帶來了一絲清新的口感，平衡了整體的味道。熱檸茶酸香與溫暖感，為用餐增添了一抹清新，完美解膩。