生龍清湯腩 (已結業)

生龍既咖哩牛腩飯一向都係爸爸至愛，所以得閒都會陪佢食😆今次去就試左個秘制安格斯牛腩飯，因為見佢個晚餐都好平，只係46蚊仲要包野飲同甜品😆個安格斯牛腩啲汁都幾好食，攞黎送飯一流，但係啲牛就好老，唔入味，我食左幾舊就冇食，要用爸爸啲咖哩汁撈飯☹️…查看更多

今晚簡簡單單食晚飯,闖咗入嚟呢間食店。既然佢標榜出名清湯腩同巴基斯坦咖哩，好快就order晒兩樣。清湯腩肥瘦有緻仲好入味。雖然要$45，不過值！至於個咖哩就更有驚喜，呢個咖哩並非一般茶記咖哩，啲香味有啲特別，佢話用30多種天然香料，唔知係咪巴基斯坦咖哩所以辣啲（本人唔食得太辣不過頂得順），食得出係心機嘢。啲白飯都唔馬虎，軟硬適中，配呢個咖哩一流。如果喜歡仲可以轉飯做薄餅。睇睇餐牌，仲有好多選擇，而且有啲都幾特別。會再嚟…查看更多

又到星期六，瞓醒已10時多，唔想等位，所以揀了生龍，我想喺呢一區只有此舖不用輪候，原因好簡單，消費者都係好精明。我哋點左3個早餐，簡簡單單，火煺通粉，是用坑紋通粉，但是湯只有鹹味，紅腸公仔麵不過不失，牛腩粒公仔麵，牛腩粒夠入味唔韌，麵質夠爽，但是個湯又出事，都係太鹹，奶茶一般，茶味唔夠香濃。…查看更多

是日同屋企人係生龍食晚飯，佢晚市都幾扺，五六十蚊一個套餐，有小菜、白飯同飲品，而且款式都唔少我地3個人就叫左兩個套餐，分別係西檸煎軟雞、沙嗲海蝦粉絲煲同一碟蒜蓉炒西洋菜。西洋菜幾有咬口，用蒜蓉炒好香。西檸煎軟雞既雞肉好滑，外皮脆卜卜，檸檬汁調較得岩岩好，酸酸甜甜好開胃。沙嗲海蝦粉絲煲就好惹味，沙嗲味啱啱好唔會過咸，而且海蝦肉質幾彈牙，成煲有10隻蝦，都算俾得幾多下， 最正係個粉絲，索晒啲沙嗲汁，煙煙韌韌好開胃，整體唔錯👍🏻…查看更多

經常起藍田打躉，最近都周不時黎呢度食小菜，因為小菜比附近果幾間感覺無咁油同重味精。今日想清清地就叫左碗雲吞河（$31)，另加魚蛋。 雲吞都幾多，有成五粒，蝦肉爽口彈牙。不過個味精真係好重，粒粒落足調味料，連帶個湯都感覺味精頗盛，不知是否加了腩汁的關係🤔。魚蛋其實ok，入味夠彈口，如果整體口味唔好咁重，又或是搭番條菜會更佳。另外叫左個苦瓜燘排骨（$56),跟飯同野飲，呢個幾好食。個汁甜甜地，食落苦瓜無咁苦，排骨亦好淋夠味，如果少啲油就更好。…查看更多

小朋友喜歡吃咖哩，跟他去生龍吃了兩次下午茶，他都是選擇吃咖哩飯。上一次是咖哩小辣羊粒飯，這一次是咖哩大辣牛肉片飯。兩次都沒有失望，咖哩汁*香濃，送飯一流。每次都大大碗咖哩汁，汁的份量夠食兩碗飯，肉的分量也足夠。三十幾蚊重有杯飲品真係又抵又好食。*咖哩汁不是日式那種甜甜的，是香料很重那種。可選擇小、中、大辣，對吃得辣的朋友，大辣都不是很辣。門口還有椰汁糕，馬豆糕和桂花糕，價錢不貴但味道淡。可以不試。…查看更多

今日冬至...但從來對做節嘅概念唔算好強烈...不過始終要食飯...今晚搵到一間性價比算高嘅食店...最重要搵到人陪食！一頓快捷美味冬至晚飯就此完成了。哈...呢間「生龍清湯腩」有好幾間分店...暫時只搵到一間喺商場內...而且輪椅使用者可以進入。食店算大間...雖則有唔少卡位...但亦有枱凳係適合輪椅人士使用...先叫「咖哩牛筋肚飯」（$46）附送飲品一杯...飯量多...咖哩汁亦多...侍應未放上枱已聞到好香好香咖哩味...呢度嘅咖哩同一般港式咖哩唔同...不論嗅覺與味覺上會覺得好豐富...因為咖哩內放咗多種不同嘅香料...味道好有層次...而且越食越見辣....牛肚好軟淋好好食....牛筋比較幼身...京都肉排飯($50)送飲品一杯...要咗凍飲...所以 +$2本身好愛好愛食酸甜食物....所以一見到呢樣餸就二話不說要落單...未食之前先聞一聞...哈！聞落有少少鑊氣喎！好期待！肉排切開一條條方便食...又夠薄身...食多幾舊都唔覺太滯...個汁帶甜但剛剛好....配料有蕃茄...粉粉嘅口感...正...菠蘿選用新鮮嘅...好fresh...順便可以中和一吓京都汁嘅甜...整碟餸超級好送飯...最切以為兩款飯餸會太多...點知最終全部KO食哂...熱檸水...但檸檬味係完無嘅@@凍奶茶...好飲呢...總消費: $98…查看更多

好味，店員話是新鮮牛腩，吃落又唔似是新鮮，但亦不覺得是冰鮮，有可能是新鮮買回來，放入雪柜，唔得閒處理. .較为失敗之處，不是不好.而是可以更好.50元的牛腩粉包一杯奶茶，價格合理，牛腩比相片少得太…查看更多

外賣 要左個晚餐 黑椒豬排腸仔飯 $46 外賣+$1豬排勁薄 又炸到勁乾 垃圾！黑汁勁少 無黑椒味 垃圾！米心唔熟 咁簡單最基本既白飯都咁失敗 垃圾中既垃圾！！！唔會再幫襯！！！！簡直係浪費本人既錢！…查看更多

一個人送過小友上課，百無聊賴四處游蕩於藍田內某商場。還未吃飯，但現在已時值下午茶時段。商場內各茶記快餐店人頭湧湧，反而清湯腩連鎖名店"生龍"就有大把位。一個人獨霸四人卡座靜靜哋嘆碗腩河，實在疏乎....四圍望望，睇見牆上掛著幾幅有關這店發展的歷史....現在回想起來，第一次去荃灣店光顧之時，好像已是四年前的事了....下午茶不用吃太多，只是一碗爽腩河就足可以裹腹了....湯很甜很清，有少許師傅是難免的但又未至於太過份；腩雖當中不是每一件都是爽腩 (只有約半左右)但起碼肉的邊位是真的帶半肥且膜亦夠爽脆，食起來爽中滲著脂香....相比起上次在尖咀吃到的那間貴得來但又劣質的店子，這裡的已是好得多了....河粉是屬比較粗線條的雖不算十分滑溜但起碼用筷子夾起來時不會太過碎濕濕；蘿蔔即近入口即溶既沒渣也夠甜....以下午茶粉麵的水準來講，這絕對要比附近的茶記出品理應要好啦....…查看更多

在週未日子, 晚飯時段很多食店都座無虛席, 唯獨生龍還有座位, 我懶得走來走去找地方, 二話不說便走進來o生龍由開張至今, 我只光顧過兩次, 今次是第三次, 當晚只有我跟媽咪二人世界, 不敢大吃大喝, 只點了一份肉絲炒麵及一份香煎墨魚餅o肉絲炒麵 :炸過的麵餅, 夠香脆, 肉絲較韌, 醬汁味道剛好, 不會過淡或過咸, 加上芽菜及冬菇絲, 材料都算豐富o香煎墨魚餅 : 吃得出是鮮墨魚製成, 調味適中, 味道不錯, 可惜份量比預期少, 只有四小件o 今次比起上次來晚飯, 明顯有改善, 希望能繼續保持水準o…查看更多

當日吃了一個不好吃的咖喱飯 ....Lunch menu ~咖喱牛筋、牛肚飯 $42 呷一口汁便知道, 此咖喱的煮法尚且是正確的, 然而煮法正確也並不等如煮得好 ~1) 問題在於, 炒香料的時間失了手, 之後又未能把香料和水份調和融合於一體, 以至吃入口時有未溶化的香料粉沬和粗粒粒 ~2) 薯仔不夠腍身, 亦未夠入味 ~3) 單以牛筋、牛肚來說, 是相當不俗的, 但與咖喱的味道未能互相配合 ~4) 白飯, 軟硬適中, 夠香夠飯味, 飯粒吃落有活力 ~凍擰茶 (凍飲加$2)這杯飲品的味道也不見得有水準, 茶味不夠濃, 檸檬卻帶有苦澀味, OMG ....本篇完 ~…查看更多

現在物價高漲，走了4個月回來有不少東西悄悄加價了，今天難得晚上班，可以享受一下久違沒有加價的滋味早餐！全素早餐(3.5/5): 這早餐原本是茄湯野菌通粉和野菌炒蛋配多士，而奇怪口味的我要求炒蛋變成太陽蛋，方便用蛋黃沾多士享用。番茄好像沒有從前的多，幸好米粉和菇的美味依舊，蛋黃和白吐司從來就是Perfect match，最後以一杯齋啡作為總結，為美好的一天注滿能量，還有好久不見的朋友相伴，要上班的星期六其實也沒什麼壞處！…查看更多

*再來幫趁,食個TEA,隨意點上招牌雲吞麵跟凍奶茶*不是太多客,客仔較愛走到對面店ITAMOMO,而我喜歡茶記FEEL {原因今次我知一二}先來凍奶茶 茶味唔夠,糖水多過奶味,今次沖得比上次差 唔OK招牌雲吞麵 賣相唔差 有少少蔥花放面湯底 一般, 麵質 尚算彈牙,可以更好 雲吞 有五大粒,可惜一入口感到皮厚又硬,雪耐了,蝦肉又唔新鮮,肉餡又不足 敗筆"什麼叫招牌" 招牌要拆了 吃了一半放棄了,心裡想這裡拿手的不是招牌雲吞麵?咖哩?還是牛腩??可惡 算了,拿起手上既帳單看看$28一碗麵(轉餐加飲品+4,要凍既再+2)=$34?!好味的話$28不是問題,轉餐飲又古怪,唔簡易寫(熱+$4,凍+$6),超麻煩..一個唔平又極難食既下午茶,居然給我遇上了,倒楣..…查看更多

我的砵蘭街分店的常客，每次都係食咖哩牛脷飯（中辣或大辣），但今天我去了啓田分店點了咖哩牛脷飯外賣（大辣），回家後滿心歡喜地開餐，發現完全係沒有辣度，咖哩香味也不夠砵蘭街分店的香，吃後大失期望！因為我的住啟田邨的，現在我也不知會唔試多一次，希望只是單一的事件！…查看更多