生記滷味

營業中

休息中

原來店鋪很細，只有三張枱。牆上有手寫餐單，鵝飯和雙倂要25元，其他都是22元，一律奉送例湯。滷鵝腩肉飯不出一分鐘就上枱，飯到，當然先來件滷水鵝。滷鵝切得很細，差不多呈條狀，鵝肉乾瘦，那層皮韌得似橡膠，咬也咬不開，嚼也嚼不爛。腩肉相對較好，肥肉不膩，瘦肉夠腍，有點入口即化的感覺。餸裏還有豆腐數件，不過滷水味道入不到豆腐裏頭，只是外皮有味。那滷水汁是另一敗筆，調較得又稀又薄，撈進飯裏，味道很寡很削。例湯是鹹菜豬骨湯，同樣是稀‘登登’的，是名副其實的‘例水’，喝到尾，還有苦味，大打折扣。想不到這餐如此令人失望，幸好不算貴，否則真真肉痛。後記：進餐期間，來堂食或外賣的，多數不是叫滷水鵝，而是豬頸肉飯，看來這也不無原因。

跟幾位食友相約來個夏日煲仔熱辣辣飯局，深知此店製作需時所以便拉一眾食友過來先買一點"小吃"來作間場之用。簡單地點了幾種食物，也順帶要了半隻鵝來吃。<<鵝肝>>甘香鬆化入味，口感幼滑沒有苦味，不過可見有一些肝的中央部份仍是紅色，如果都全是醃至完全入味，這就將近完美了。<<鴨舌>>柔韌性仍在，口感彈牙似嫩亦醃得入味，又是可以拿來佐酒的小食~ <<滷水鵝>>肉質出奇的嫩，肉都被那濃厚甘香的滷水汁滲透了，連帶一鵝皮的一點點肥肉一起吃下去，甘香豐腴就是這個意思了，實在美味得很~ 這裡的外賣除附送一小包酸菜之外，滷水汁、酸甜汁等都一包包公整的分開了，不像一般店都把滷汁淋在鵝上便算，製作確實認真。在跟店員傾談之下，發現他們在灣仔街市那邊開了分店，不知分店味道又如何呢﹖

說起生記，在西環可算是一間老字號，在那區已有逾十年的歷史，其陳年滷水的「年鹷」，相信已經歷一段漫長的歲月。其滷出來的出品，成色既深，吃入口中，入味之餘，也不會太過死鹹，還吃出一點清香。大伙人最後切了幾件鵝肝、並包了一堆鴨舌，再斬了近半隻鵝，作外賣之用，總共約是二百元樓下的價錢。帶點粉的鵝肝，將「甘香鬆化」這四個字表現出來，其鴨舌也嫩，至於帶骨的滷鵝，肥瘦適中之餘，肉質也不會過柴。雖然不是試過最好的，整體上已很過得去。店家也很體貼地將滷水汁、蒜蓉醋分開獨立包裝，好多滷味店其求淋一些上滷味便算了，回到家時已漏了七七八八，單是那包鹹菜，對好此道者來說，足以令你回味。

在前文坤記食評上提及的"自攜食物"是什麼?就是生記鹵味的鹵鵝同鵝肝.無獨有偶,兩年前老銅吃辣蟹的一局,又是同場加映鹵味.因為煲仔飯要等,所以有備而來,主人家在附近的生記,打包一些鹵味,邊吃邊等.紅墈蕪湖街分店吃過好幾次,而這間總店的水準,又好像比分店好.店中的靈魂鹵水沉厚濃甜,將鵝片鹵得極為軟熟,肉質一點也不粗糙.而且皮同肉之間的少少肥位,入口即化.而鵝肝也有水準,鹵得入味,入口甘香不苦.鴨舌的少少肉帶點爽,送酒絕佳.吃著鹵味送啤酒,既然有人也可以為大陸舉行奧運而去慶祝,我們也一樣借題來拿住杯藍杯乾杯.{為9'69乾杯!}我不是Bob Marley,一樣為牙買加的飛人保特乾杯,這個理由,夠型喇卦?

我諗生記係我D幾年食得最多既一間鹵味店...屋企斬料都會係度買..佢D鵝真係不錯...鵝肉味夠鹵人汁香...D豬耳都幾好味..我覺得比陳勤記..老泗果D好食..但一D都唔平..買一買都百幾蚊..但真係好食..我覺得值...反而堂食OK平..一個鵝片飯有埋湯都係$24-5...仲有佢D酸菜都好好食...總括..不錯

是日本想去食其他餐館, 但點知揾唔到, 所以黎本呢度~點知好多野都賣曬, 本想走之際就俾人留, 話20 蚊每位俾大腸 + 卥鴨 + 卥肉+ 飯/ 潮州粥任撰~本來諗住, 算啦, 俾次機會..... 就咁就註定食餸尾~來左一碟--- 勁多大腸, 勁肥卥肉 同得啲骨既卥鴨.... 俾我地食....其實個大腸算OK, 以一個唔食腸既人既角度來睇, 冇乜味,...啲肉.... 就真係好好好好肥, 食舊肥肉... 叫人點食...鴨就得4舊, 重係骨多過乜,...碗粥幾好食, 好清, 睇來下次先可以見真章~

買過三、四次，其實生記水準都平穩既。如果三、四個人開飯，買四分一隻鵝(約$50) 或者二分一隻鴨約($40) 加埋豆腐、豬耳、豬頸肉、蛋、大腸、鵝冀，都成百蚊夠晒食。佢d汁真係幾香口入味，入口前再點d送既醋同汁更正，可惜係有次買到d鴨梅梅地，有雪味，都幾難食...鵝買上裝有多點有得吃，因為下裝太肥。如果未試過可以試下，不過食得多就無經喜，而且都好似有點貴，下次試下對面的"正斗"。

還是第一次探訪這間老牌滷味店，果然貨真價實，感覺整體上不錯。堂吃了一碟鵝片鵝腎雙併，以$50元貨式來說算大碟。鵝片一點也不韌，卻又算不上嫩，我們都略嫌切得厚了少許；滷水味我們一致通過有水準，滷香十足，絕不過鹹。鵝腎出乎意料地比鵝片搶鏡，肉質超爽纖細。既然一場嚟到，外賣了$138元/半隻獅頭鵝回家慢慢嘆。回家打開外賣盒，我倆不禁驚嘆：嘩！乜半隻鵝咁多架？我倆吃了5餐才把它吃完，可想而知其份量之多。味道嘛？絕對不差，鵝味很重，胸位較脾位嫰滑。下次路經西環，不妨來這裡吃吃貨真價實的鵝肉吧！

碟頭飯上的鹵水鴨和豬大腸，不過不失：一味得個鹹之餘，浸得唔夠實，好明顯唔夠時間；鴨肉鬆鬆散散的，比那切開來烚的豬大腸更為可惡，更為膩口。豆腐是比較實的那種，又是浸的時間不夠，中間的豆味仍甚重。反而那個用南北杏和合掌瓜煲的例湯貨真價實，來個甜芥菜粒湯飯，泡個芥菜粒梗飯，已為一絕。只有例湯、價錢，令人歡笑。滷味雜記http://q2kill.blogspot.com/2007/06/blog-post_11.html

身為潮州人，近呢大半年先開始鍾意食潮州嘢。上、西環一帶潮州菜館林立，有不少都係頗有水準嘅，可能係呢區係舊區，比較多潮州人聚居嘅緣故。是晚我同阿K由佢屋企行到去正街附近，專誠試吓呢度嘅獅頭鵝。呢間舖頭好細，主要係賣外賣，入到去，客人絡繹不絕，牆壁仲貼咗曾特首到此一遊嘅相，証明呢度啲嘢响該區有啲口碑。獅頭鵝同普通鵝最大嘅分別就係獅頭鵝比普通鵝大隻好多，而且個頭頂好似生咗粒好大嘅瘤咁。我問老闆食鵝片用邊個位最好食，佢就話什麼上部啖啖肉，下部有口感。由於我地聽唔明佢嘅口音，所以由佢話事，叫咗五十蚊鵝片同鵝腎。肉比較鞋口，雖然不時，但都可算肥，而且一食就食出鵝味，獅頭鵝果然有啲唔同。鵝腎就相當之爽，配上醋料，佐酒一流，如果係醉腎嘅話就更加perfect.埋單六十蚊，幾經濟實惠。原來呢度碟頭飯都只係廿蚊，仲要連例湯，真係抵。

去開信德，特意早點落車來幫襯生記一嚐這裡的鹵水。舖頭比想象中小，中午繁忙時間都會幾緊張，但來得早，晚市仍未開始，故得筆者一名顧客，可以東摸摸西碰碰。來到未落單阿姐已先送上例湯，單從淡黃色的湯水是估計不到材料的，但嚐一口，衝口而出的說聲夠火候之餘亦相當好味，不俗的涼瓜黃豆排骨湯，跟家母所烹的一模樣，一分鐘內已將其了結。喝干後才醒起未落單，看到牆上的排行榜已迴心微笑，排頭位當然是鹵水鵝飯，而筆者點了排第四位的鹵水鵝并豬頭肉飯扣底。正如不同食家指出，碟內的鹵水豆腐是不行的，同意；鹵水鵝鵝味亦不致於滿口油香但都合格，可能始終所點的都不是獅頭鵝之故；而豬頭肉指在食出與鹵水的配合及豬頭肉特有的油香，需不是筆者食過最好的但仍是合格。總體來說以廿元的價錢來一嚐生記是絕對超值，尤其是其涼瓜黃豆排骨湯；但若長期幫襯，想象都會相當肥膩。今次的笑臉，大部份歸功於個例湯，其鹵水現皆段還是沒太大驚喜，希望下次再嚐其他鹵水食材時會有驚喜。

看見食評好似很好吃....好朋友在十個不願意的情況下陪我在這裡午餐..(我估計因環境不太整潔..有點油膩...街坊食店的特色!!!朋友要鵝腎飯...我要鹵雜飯..先來苦瓜湯......一般飯有些冷...潮州人特色?????鹵味..我們一起共試了...鵝片..腎...鵝肝...豆腐...豬腸..豬脛肉...全都好味道!!!!服務的好街坊...見客人當老闆做朋友下次會買回家食

睇完通宵worldcup, 訓醒都二點幾啦, 走左落去生記買個飯盒醫下肚先$20一盒鵝飯, 再加埋一隻鵝脾同鹵水雜錦, 埋單$100有找, 好抵鵝飯的鵝片不多,反而加左好多豆腐係度扮野, 個汁就好濃, 好好送飯, 豆腐就好鞋同好乾, 老身左, 唔好味, 鵝腸好夾口又入味, 又無咩肥膏,好正鵝脾都好多肉, 肉地夠厚, 但係鹵水的最大問題就係鞋啦, 鵝脾都係一樣, 鴨腎好夾好入味, 而且一d都唔un, 唔會咬唔開~~係店內見到鍾振濤一家人的相, 重大大隻字話佢到一世任食唔駛錢, 哈哈~~

本應想買牛展, 原來呢度冇ga,老闆話正宗潮州滷水係冇牛展ga bor,我唯有買豆腐啦... $10有5件,買左3件佢收$5, 3件佢切開係超級多,味道okay, 太油啦, 豆腐好實淨, 如果嫩返少少就好d

行左好耐, 終於去到生記, 想起要食個鹵味晚餐, 一於買多d半隻鵝都只係$90, 都算幾抵,肉厚而且唔算un, 個味淡左一點, 但皮下真係小小脂肪,唔會太肥, 鵝腸好好味, 雖然有點鞋, 但係十分入味又唔un, 正~~ 豆腐唔太入味而且鞋, 麻麻地啦, service都唔錯, 個阿叔會幫你選食物又有推介, 價錢就真係好抵食啦~~~