生記海鮮酒家

營業中

休息中

男友屋企提早吃團年飯，第一次來這裡，在商場內半開放式，感覺也不錯。我們15人點了乳豬，龍蝦，西蘭花🥦鮮魷帶子，另外有雞，有魚，有湯，甜品有紅豆沙芝麻湯圓，還有一些菜也忘記了😅龍蝦一上枱時驚喜萬分，擺盤非常精美，肉質彈牙，新鮮味美又啖啖肉👍(可惜沒拍照=.=)西蘭花鮮魷帶子亦很好，鮮魷切得細細片，而且很軟腍，老人家也吃到，帶子大大隻很好味👍湯的材料很豐富，有淮山，雞腳等等，雞腳細細隻，非常軟腍，很好味呢👍最後上的甜品紅豆沙內竟然有芝麻湯圓，好像很久沒吃過了，細細粒但皮夠薄👍不得不提這𥚃的果汁還是百份百鮮榨的呢！

生記的豬膶久杞同白肺湯人人稱讚，今次去左佢喺荃灣的姐妹店，此店的招牌菜是"胡椒粉絲蟹煲，今次黎到梗係要試試蟹好鮮, 粉絲好入味, 我最鍾意啲蔥，好香甜藍龍蝦烏冬，但都係配伊麵正，最後加左個伊麵撈汁，正到核爆乜乜吐珠, 其實就係星斑。老實講，本人係特別鍾意食"鞋"的魚，所以我係鍾意嘅，雖然朋友話鞋茶薰雞，有啲味，但茶薰味比較淡。作為一間中菜廳，是好味有餘，環境亦不俗。因為地理位置亦方便，作為九龍友我不介意來。不過始終不是旺區，要約朋友是有一點的難度。

7-10-2018 (Sun)朝早同老公落荃灣買o野前食早餐,佢話想飲茶,橫豎我o地o黎AEON買o野,不如試吓呢間,我o地去到好快有位,我o地剔o左:5. $22.00o既花枝脆油條份量唔多,唔係即叫即炸,所以係凍o既,但食落,薄油條好脆又唔油膩,花枝厚,OK o既.味道: 4分3. $36.00o既三式腸粉皇(特點)有鮮蝦,牛肉同叉燒.鮮蝦爽口,牛肉軟滑,叉燒瘦不過蜜味唔夠;腸粉開始有少少糊口.味道: 3.25分4.$27.00o既芝麻卷熱騰騰,芝麻味濃,但口感腍o左啲.味道: 4.7分1. $78.00o既點心拼盤有叉燒包,潮州粉粿,蝦餃同燒賣各兩件.蝦餃內充滿爽口蝦仁; 燒賣入面o既豬肉鹹淡適中,潮州粉粿o既粉粿皮糊口,但食到o岩o岩好o既五香味,入面有脆口o既粒粒,但唔係沙葛係菜脯;叉燒包蜜汁夠,叉燒亦鬆軟.味道: 4分2.$36.00o既北菇棉花雞(特點)呢個幾耐至到,份量比例適中,鹹淡亦適中,雞肉juicy同滑;魚肚外腍內爽.味道: 4分環境:坐o係1號枱,係邊邊位,冷氣唔夠,坐出通道少少就被侍應叫坐返入啲,話有車仔過.乜呢o度會推車仔o既咩?呢o度係剔點心紙個喎,我坐o

話說我屋企每隔一個星期都會同公公婆婆食飯,因為佢兩個食咩都無咩所謂 所以通常都係我地揀食咩.點知佢地今個星期就講 '' 發現左個地方飲茶都唔錯.平時兩個人都食唔到D咩, 今次咁齊人不如就過果邊試下佢D小菜.''難得兩老話想試, 我地個個緊係無異議啦.兩老一入到餐廳, D伙記已經同佢打晒招呼,轉個頭茶都開埋.個主任就行埋過黎落單,推介左個冰鎮鮑魚,脆鱔球,咕嚕同個蟹粥我地食.我覺得個冰鎮鮑魚無調味就差緊D, 加左豉油WASABI會好D.個鱔球同咕嚕肉全家都話好食,又脆又滑又入味.個蟹粥都好得,煲得好綿,好鮮甜,而且仲好大煲.夠我地8個人每人食兩碗,最後佢地仲送左豆腐花做甜品,我就唔太鍾意食豆腐花 , 所以就無食到啦.但見佢地食到咁飽,連我果碗都唔放過,我諗都好食既.食完餐飯,個個都食到好滿足,要坐多陣傾下計,俾時間消化下估唔到岩岩食完無耐,我公公婆婆已經傾緊下次試咩好喇.真係好可愛哈哈.

居然荃灣開了聞名已久的灣仔生記，有機會當然要試食吓，但好可惜，我還未吃過總店，所以唔知有什麼分別。環境新裝修，都算坐得舒適，但未知是否新店，員工唔太熟悉當晚菜式供應， 我想點啫啫通菜煲，一個話當晚無通菜，但我們唔忿氣，問了另一位侍應，居然真係有通菜，可想而知有部份侍應唔知當晚菜式供應情況。我們三人點了。。。冬瓜盅，一百六十幾蚊，菜單寫6-8人，但上台見冬瓜已起皮切了一半，坐在一個湯盅上，不是原個冬瓜燉，份量比想像中少，湯料沒有正宗冬瓜盅應有的夜香花，廋肉粒也好像沒有，較失色。蒸元貝，百六蚊4隻，又係失望，超細隻，完全唔值呢個價，唔厚肉又蒸到鞋口。柚子骨，呢個合格，汁料惹味又帶點外脆內軟，一字排骨好爽口。焗魚腸，尚算可以 ，但略嫌魚腸唔夠多，份量算大，但吃不出有果皮香。啫啫通菜煲，夠香夠惹味，份量算足料，蝦醬香口又唔太咸。最後還送上熱豆腐花，又香又滑，還下了黃糖，要讚。

小妹向來都是美食愛好者   經常與親朋好友四處發掘不同的美食熱點眼看他們每次開動前也相機先吃   吃完不久便忙著發佈食評 總是感到很不解因我素來都不太愛寫食評 認為好吃的  招呼周到的  便多點支持光顧, 沒水準 服務態度欠佳的 以後不要光顧就是了深信有麝自然香 做得好的自然會有人欣賞 所以一向也不會費時評價每一頓飯 或許...是受到朋友的薰陶 或許...是這次的晚宴真的太高興竟觸動到我分享這個體驗與更多人欣賞得悉老字號生記在荃灣開了分店好友便訂了包廂讓我們把酒問青天抵達生記時  第一印象是跟灣仔那邊走一樣很親切平民的路線所以我們都是抱著試試的心態 看看水準如何(因試過大部分食肆分店初期的水準都比較參差 未必與原址看齊)好友與經理商菜式時 提及過當中有幾位朋友不懂中文, 經理便為我們貼心的準備了中英對照的table card亦按我們的口味度身訂造了相關菜單秘制千層乳豬皮夠脆  肉夠嫩   配上秘制醬汁非常juicy有用心去伴碟,可見不是切完隨便放碟便上菜松茸菇花膠螺頭燉雞一開蓋已經聞到好香菇味  花膠大大塊好足料  好入味  唔會好淡好似飲清雞湯咁而且個湯無咩油浮面  滋補推介上湯法國

由於好耐都無去過荃灣悅來坊，所以今日我們就去咗行吓，行到一陣，我們就睇吓去邊間店食嘢，最後我們就揀咗呢間「生記海鮮酒家」食下午茶！我們叫咗三式腸粉皇「牛肉腸、蝦腸、叉燒腸」，平日食開嘅腸粉通常祇會有一款餡料，如果想食多幾款唔同餡料嘅話，就要叫多幾碟，但呢度就可以一次過滿足到我們想食多幾款唔同餡料嘅要求，軟滑嘅腸粉，分別包著鮮嫩嘅牛肉、爽甜彈牙嘅蝦肉同香甜嘅叉燒，真係好正呀！生記蝦餃皇嘅餃皮好煙韌薄身，蝦肉亦好爽甜彈牙，而且都幾大隻！田園菜苗餃嘅餃皮比較軟腍，入面嘅菜苗好清甜爽脆！懷舊鳳眼餃嘅餃皮相當晶瑩薄身，喺爽甜嘅蝦肉上面舖咗爽口嘅蟹籽，除咗令到口感更加豐富之外，賣相亦都比較吸引！鮑汁叉燒包嘅包質好香滑軟熟，鮑汁嘅味道唔會過鹹，而且都幾惹味！懷舊臘腸卷外層嘅質感比較煙煙韌韌，臘腸嘅味道相當甘香，而且油香滲透晒入包入面，真係好正呀！

我很多年前經常去灣仔生記亦非常喜歡佢們的食物,但由於居住新界,近年少了去. 得知荃灣開了分店, 特意帶媽媽去試一試. 坐下看到菜單已知道並非我想食的菜式但心想都試一試吧. 食物大致都沒有問題, 雖然完全沒有特色, 都覺得還可以; 但及後遇到的事太氣人,必須分享予大家以免再有受害者. 簡單說我們一行4大1少,叫了三寶套餐再加了2個餸, 及後再加了個菜,總同6個餸; 亦叫了數個白飯. 之後埋單,由於叫的菜不多,滿以為應該沒有錯就簽咭離開. 直到回了家拿單據出來,才看到原來多收了一個炒麵,連加一都百多元. 由於我是住在新界另一區所以隔了一日即星期日再經荃灣時才上去查問酒家.負責人的態度相當差劣,基本上連聽都不想聽取,更莫說會查單或退款. 在此分享只希望各位想去的朋友要小心查看單據才好付款,以免又被濫收費用,又做水魚. 大抵酒家都是當我們是住在悅來的大陸人客,一時不留神,被濫收了費用都沒法追討---那兩位經理的態度是相當鎮定的,大概這都可能是他們的一貫手法吧 ???!!!

終於一嚐勁多人讚嘅老字號，開到黎荃灣唔使過海。柚子骨入味有咬口，甜甜地幾惹味。對於海斑本身無咩感覺，但呢條又真係幾鮮甜爽口，慢慢食又唔會變腥，幾好水汁松茸花膠燉雞係我最期待嘅，因為本身鍾意飲湯。當時唔會期望係日本松茸，但呢個都幾有份量好足料。入口甘香清甜，有dd藥膳feel，湯水幾清唔濁，真心like。

在農曆年想品嚐一下美食，想不到去生記可吃到乳豬，燒鵝，其中少林骨更是一絕，十分值得欣賞！一定要吃！其中新年食品風生水起之撈起，把不同之七彩菜融合，又有生氣，此酒樓的員工也招呼周到！

未轉舖頭名前已幫襯，亦間過房擺過兩圍生日晚飯及雀局， 但係啲房間得唔好 ，好迫夾，食物質素尚可。 🙂今次重開所以上星期五晚來試菜，其實同之前間隔冇乜大分別 ， 只係拆咗近走廊旁邊卡位D板， 啲夥記同部長都係之前嗰啲人。😌食物味道尚可，啫啫煲好香，入坐率都有一半。最敗筆係D地毯，好多高低不平，好容易令人仆倒，對客人和員工都非常危險😓，希望可注意一下。註:現在試業，小菜 八五折。甜品有豆腐花送。