生煎包點心專門店

營業中

休息中

找到一家类似香港本地人食堂的粤式点心店，中午过来基本都坐满了人，而且很多本地的爷爷奶奶。🔔味道还不错，是我会再来的店。✔️招牌生煎包真的超大一只，比握起的拳头还要大很多。里面是包菜馅儿，要夸的是生煎包的面团口感十级绵软，而且有股面包的甜香，我一个不吃包子皮的人都觉得好吃全部吃完了。因为个头很大，吃完一只觉得都快饱了，导致后面点心都没吃完。✔️招牌牛肉丸和烧卖也都很好吃，烧卖里面很大粒的虾仁，他们家的特点就是非常新鲜。下次会来再试试他们家的凤爪排骨饭，因为只有早茶时间供应卖完当天就没有了，所以要赶早哦📝店铺位置和店名就放在定位处啦，找不到的话可以私信我 (对了，他们只接受现金和八达通付款）

而家唔同地方都有點心，唔知你會去邊食呢? 仲去酒樓食，其實而家D點心專門店都好方便及唔錯既選擇，為你介紹下呢間點心專門店啦環境 (7/10)這間點心專門店走的是街坊風格，適合附近居民或想簡單吃點心的人。由於當天是年三十晚，午市時段人流較多，需要等位，但輪候時間尚可接受，5人等了一會兒便有座位。店內環境普通，整潔度一般，座位稍微擠迫，整體氛圍較為熱鬧。食物 (6.5/10)生煎包：內餡肉量充足，但外皮未夠香脆，少了生煎應有的口感，略為可惜。點心 (蝦餃、叉燒包、牛肉點心等)：蝦餃內有兩粒蝦，口感尚可，但未算驚喜。叉燒包內餡豐富，但餡料偏乾，影響口感。牛肉點心表現普通，味道不突出。腸粉：腸粉皮較厚，影響整體口感，不太推薦。臘腸雞飯：整頓飯中最出色的一道，飯香味濃，臘腸與雞肉的搭配得宜，口感豐富且味道均衡。整體而言，點心的水準一般，溫度控制得宜，但部分口感和味道仍有改善空間，反而飯類較為出色。服務 (7/10)作為街坊小店，服務屬於基本水準，員工態度不錯，點餐流程順暢，但由於人流較多，部分時段可能需要稍等。性價比 (7.5/10)這間點心專門店價格相對實惠，適合街坊客群，點心選擇多且不算昂貴

訂咗6:30晚飯，在6:39分去到，但等了兩分鐘左右老闆娘先得閒，因為我前面嗰個人在order 外賣。 當時我話訂了6:30晚飯，佢即刻就話，都差唔多7點啦，而家面燶燶！我望吓個電話，吓，而家先6:42，我心諗咁叫差唔多7點？唔係留枱15分鐘咩？今時今日咁嘅服務態度，點樣可以比到客人有下次再光臨嘅條件？ 唔理食物是否好味，但咁樣嘅態度，希望老闆自己可以檢討吓！😤我哋先點了8個小菜，吃到大半就加多一個，等了15分鐘，問了一下侍應加單個小菜是否有落單，佢回應話你頭先先加…. 我只係想知有否漏單，唔係崔佢……. 真係要檢討檢討！

之前飲茶通常都會喺隔籬商場嘅酒樓飲但自從試過呢間之後 都寧願黎呢間食點心呢度點心大大碟 無論蝦餃定燒賣 粒粒足料 大大粒呢度嘅招牌生煎包 超級大個 基本上每台都會叫 一碟有3大隻 好抵食 仲要有個鐵鍋上 個底脆 入邊係菜肉餡 好味 鮮蝦腸粉大大條 入面有好大隻蝦好足料 雞扎個雞好嫩滑 仲有我最鍾意食嘅炸芋頭 好粉蒸粉果配埋辣油絕配 又係大大粒 好多餡另外 豉椒炒麵嘅麵底超脆 好有鑊氣 本來係想叫豉椒魷魚炒麵 但隊友畫錯咗畫咗肉片 好彩都好味最正最正既就係 完全唔使加一 支持屋村小店

早兩日去何文田做嘢，喺愛民邨附近嘅冬菇亭食午餐，估唔到又幾好食，推介大家嚟何文田愛民邨呢間生煎包專門店！店內空間雖然不大，但侍應好好禮貌，成個用餐體驗都好warm！點咗一份「招牌生煎包」賣相相當靚！外觀金黃微焦，未食已經感覺到好香口！而且一上桌就散發住陣陣香氣，令人流晒口水。一碟有3隻三煎包，輕輕夾起一隻，咬開瞬間湯汁四溢，肉汁好鮮美！肉餡又夠紮實，肥瘦相宜，每一粒啖都好多汁，令人回味無窮！另外仲有叫咗一籠蠔皇鮮竹卷，腐皮包裹住豐富椰菜豬肉餡料，外層色澤誘人。每一口都鮮美十足，蠔油更令鮮竹卷嘅味道更上一層樓！

📍 生煎包點心專門店🌍何文田忠孝街60號愛民邨熟食亭地下1-4號舖 Shop 1-4, G/F, Cooked Food Stall, Oi Man Estate, 60 Chung Hau Street, Ho Man Tin📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝茶茗＄６／位，無加一▸ 九紋鮮蝦餃皇◂＄３４✿ 摺紋精緻，皮薄且晶瑩剔透，透出裡面淡紅蝦仁！✿ 粒粒飽滿，隻隻蝦餃都有3-4隻蝦肉，爽口彈牙!▸ 招牌生煎包◂＄３０✿ 3大個生煎包，用鐵鍋盛載，生煎包底部煎得乾脆金黃卻不焦燶，十分香口。▸ 蠔皇鮮竹卷◂＄２４✿ 煙韌腐皮包椰菜豬肉饀，濃郁蠔油芡汁與椰菜清甜搭配

今日放假同朋友返回以前成長嘅地方，朋友對當年嘅大排檔位置變化最大，以前嘅粥麵檔已經變了現在專做生煎包點心專門店，反正都來了便入去坐下嘆杯茶食返個點心，這裡價錢實惠明碼實 價，有點心亦有炒粉麵飯選擇，不用到酒樓亦可以品嘗到酒樓口味，就係咁朋友回想當年在邨內酒樓家人都點嘅蝦餃，於是就點了招牌九紋鮮蝦餃皇，四隻一籠，大大隻之餘，皮薄之餘，蒸出晶瑩剔透包出的褶紋細長清晰，白裡透紅，內裡大大隻彈牙爽口蝦肉！另一個就係蔥花炸兩腸粉，油炸鬼香脆之餘，外面被香滑腸粉包住，蔥花在腸粉皮內，入口陣陣蔥香之餘！下午茶時間還免了茶位，對於邨內嘅朋友又係一個可以點一盅兩件同街坊吹水之選，另一重點是點心即叫即蒸製作，這個先夠新鮮！

愛民邨已經變咗老人家村～尤其是冬菇亭，以前得大牛角線污糟邋遢冇冷氣。最近一次返愛民邨，見到冬菇亭乾淨咗，坐得都幾闊落，有冷氣！不過點心一啲都唔平，差不多$30籠平均計我哋後生嘅覺得OK冇問題，老人家就可能覺得貴咗啲。質素都唔差，點心熱辣辣，今日阿爸阿媽話唔食炒粉麵飯，所以未試到有冇鑊氣？唔食蝦餃，就食鮮蝦豆苗餃，都唔錯。燒賣大大粒。後尾睇吓招牌原來係生煎包，咁即係係人氣招牌菜啦！試吓啦！口感同肉汁都係一般。反而炸春卷同埋腐皮卷OK啦！甜品好香，椰汁味，支持小店，繼續服務街坊。

友人推薦這間餐廳話好食，所以今次5人便決定試吓呢間。我們今晚早一點到，6點頭已入座，所以不算好多人。我哋5人，點了3人餐。（有四餸）。再另外加左兩個白飯。友人仲話呢間餐館的茶，比起某大集團酒樓的茶，更香更好飲。哈哈😆，我都好認同！先來，西蘭花🥦炒班腩，西蘭花炒得好好，在脆口的感覺又「林」，易入口，好食！魚肉都不錯！之後到「蒸班頭腩」，都好新鮮，而且伴碟有黑木耳，好食😋！之後到欖菜骨，甜甜的，汁與骨都十分搭配，很滋味！最後一道菜「蝦仁豆腐」。我自己便覺得淡左少少。不過都算ok!埋單$350左右。平均每人$70。性價比高！👍🏻👍🏻

星期六，日放假好啱同埋屋企人黎呢到飲茶。難得早上9點零10點都仲可以拎到位茶錢$6/位，見到佢寫住點心係即叫即蒸，所以要俾多少少時間去出菜。今次當然要試佢嘅招牌生煎包👍🏻菜肉包餡料，用蔥黎承托住大大個嘅生煎包，熱辣辣食係最好味，麵包好鬆軟，餡料味道唔會好濃，食一啖再嘆番杯茶🍵🤤潮洲蒸粉果👍🏻皮夠薄黑椒牛肚👍🏻黑椒味濃，好爽口而且佢嘅芋頭煮到好粉好入味蔥花炸兩腸粉👍🏻配埋花生醬及甜醬，兒時回憶番哂黎🤤最後仲叫咗個春卷，睇漏眼原來佢係用沙律餡料黎做，個人黎講都係鍾意食傳統嘅春卷，冇咁濟

今日同同事出去食Lunch，去咗愛民邨嘅冬菇亭「生煎包點心專門店」！😛😊😄點咗六個點心，合共$177！🤓🌟所有點心都係熱辣辣架！🔥💜招牌生煎菜肉包$28用一個小鍋咁上，用洋蔥同蔥墊底，個皮外脆內軟，兩面都煎到金黃色，裡面係滿滿嘅菜肉饀，色香味俱全👍🏻❤️叉燒腸粉$25腸粉好薄，口感好滑，裡面爆滿叉燒饀👍🏻🧡鮮竹蒸牛肉球$21牛肉好鮮好滑👍🏻💚鮮蝦菜苗餃$27蝦肉彈牙，蔬菜保持翠綠，好味👍🏻💛九紋鮮蝦餃$33蝦肉Q彈，皮薄饀靚👍🏻💙干蒸牛肉燒賣$26牛肉好鮮嫩，好正👍🏻希望下次可以試下炒嘢！睇下有無獲氣！🔥💪🏻📍生煎包點心專門店 何文田忠孝街60號愛民邨熟食亭地下1-4號舖#飲茶#生煎包#生煎包點心專門店#蝦餃#燒賣#牛肉球#叉燒腸#何文田#愛民邨#冬菇亭#hkigers#foodiehk#hkgirls

冬至提早做冬食飯，做冬兩家都唔想煮落左間新鋪嘗新野其實都開張好似都有半年左右掛😂五個人叫左1個4人set 見隔離枱兜炒飯好似唔錯 加多左炒飯中意食酸野 又加左個生炒骨 有幾個菜怪，怕菜唔夠食 又加多個⭐️⭐️⭐️必食👍🏼👍🏼👍🏼沙薑雞沙薑味濃 仲加要唔係死咸 真係不得了 多年師奶阿媽都讚不絕口囉😳😳⭐️⭐️⭐️最重點外加果炒飯乾 乾 乾 😍😍😍😍炒飯就係要乾身先至係最好食平時唔湊飯氣既我 都裝左三次飯 服務：香港既地道服務 但又唔係要叫先黎啵佢又會好似酒樓咁 會自動幫你換骨碟😂

又係想飲茶的日子，又吾去太遠，所以選擇了這間店。當然小不了生煎包，還有我愛吃的蝦餃，腸粉，排骨炒麵，鴨脚扎和鵪鶉蛋燒賣唉，生煎包的皮太厚，肉也不多，沒有肉汁。。。失敗腸粉更可怕，怕你吾飽，D皮厚過我張被，我衹食了豬潤，D皮就留番比佢哋。。。失敗蝦餃都係個皮出事，我真係好想問。。。點解，所有皮都要厚到咁，係咪想我地食小D，但又飽肚，厨房的朋友們，真是用心良苦最正常係鴨脚扎和鶉蛋吧！但沒驚喜，普普通通咁囉。比屋村婆婆伯伯有地方飲下茶，吃個飽就ok

😊今日Lunch同同事去office附近既生煎包點心專門店，兩個人點咗六個點心～✅沙律蝦春卷～香脆可口，蝦好鮮👍🏻✅菜苗餃～餃皮好通透好煙韌，皮薄餡多👍🏻✅四寶雞扎腐皮入味、雞肉好滑、芋頭好香好粉👍🏻✅蟹籽鮮蝦燒賣～蝦肉同豬肉好鮮好彈👍🏻✅生煎包成隻碗咁大隻，包底香脆，裡面啲饀好滿，食完一個，有啲飽👍🏻✅豬潤腸粉～豬潤無異味，腸粉好爽好滑👍🏻最後兩個人食咗共$93，好抵食，姐姐幾好招呼！😂

讀書時期成日會上愛民碌齡，但執左之後都無再黎過lu，今日咁岩有啲事上開去就順手行下同食飯本身想去以前飯堂既天馬原來都執左..商場入面既都係連鎖店唔想食，行去冬菇亭果邊，原來都翻新晒，估唔到何文田變左咁多，最後揀左呢間點心店落單後見到免茶以為係咪見我單拖咁慘所以唔洗我比茶錢咁好，之後見到有張紙仔寫住下午茶免茶小籠包都幾大粒，入面有唔少湯汁，幾好味不過要趁熱食，食第二粒果陣吹凍左啲皮變返硬（順帶一提冷氣超級凍見隔離檯婆婆都縮縮下，最後叫店員幫我地較高返個溫度就正常返）紅棗糕好食個人鐘意食啲煙韌野，而且呢個糕又唔會太甜。但呢個就同小籠包相反，太熱食淋左啲，覺得擺多左陣吹凍啲先食就夠煙韌啦（夜晚比屋企人試，佢就唱反調話覺得可以甜返啲）雞扎，次次食雞扎都諗起細個會同家姐爭火腿食，其他塞晒比呀爸食大個左就變左最鍾意佢入面舊芋頭同雞，呢度芋頭夠粉，雞都ok，同勝在大份平時都間唔中會自己食飯，不過飲茶就真係第一次，樣樣都想試但得一丁友，叫三樣但最後都係眼闊頭窄食唔晒要包走比錢時見到佢原來有小菜menu，不過太遠啦，齡場又無埋，下次有機會再上開黎先試下啦～