生活知味 (已結業)

呢間野﹐有2, 3 間分店﹐青衣呢間其實都唔算太差呢! 假期既下午茶﹐總係好多人。今日自己一個人黎﹐食tea﹐搭檯唔駛等位。tea time 都算抵食﹐廿幾蚊﹐有一碗麵+半塊吐司+一杯飲品。order 左一個set﹐糖醋排骨烏冬﹐半件香蒜吐司再加一杯胚芽奶茶。糖醋排骨d 排骨雖然細細粒﹐但係d 排骨肉既咬感就唔錯。糖醋味又適中。香蒜吐司﹐ 蒜蓉醬好香好正﹐不過烘耐少少會好d。杯胚芽奶茶甜左少少。食一個簡單既 tea﹐水準算唔錯

上次去叫左個肥牛米線+珍珠奶茶, 仲有個吐司點知d珍珠硬到起角 d菜有沙 奶油吐司只係一塊方包上面有牛油 肥牛又咬唔開好難頂..............

幾日前﹐同老婆係度食晚飯﹐order 左2個晚餐﹐麻婆豆腐﹐蚵仔煎﹐2個set 都係跟飯﹐再加一個油菜﹐2個例湯仲有2杯飲品。麻婆豆腐用鐵板上菜﹐幾得意﹐可以keep 住個熱d; 味道都ok。蚵仔煎﹐呢度個蚵仔煎都好大塊﹐而且幾香口﹐所以次次黎食都會order。例湯。有自家home feel 感覺。飲品茉香奶茶x2﹐茶味唔太突出﹐但係都ok啦。 食到好飽!平均消費都係80幾蚊2 個人﹐都算ok 喇

晚飯叫個豬扒肉燥飯($24), 豬扒超細, 食落超"un"無味道, 明顯番熱過, 發現鄰order吉列豬扒肉燥飯($26), 豬扒足足大一倍, 超失望!

同老公到翠怡探朋友, 順便在此食下午茶, 叫了兩個茶餐, HK$24一個包一碗面一小食及餐飲, 價錢ok.1) 台式牛肉米線+魷魚酥+蜂蜜綠茶2) 糖醋排骨米線+椰香厚多士半件+檸檬綠茶兩碗米線都算好味, 小食亦ok, 只是份量太少, 老公不夠飽呢. 另外飲品太甜, 可能台式飲品因用糖水溝出來, 所以不太好飲, 可能珍珠奶茶會好些.

有時中午都會到依度食食物質數都算ok但份量真係太少我本身唔大食叫左個吉列朱扒拉面加凍港奶d 面夾幾下食完加一塊迷理型朱扒

早排呢間餐廳裝修﹐裝修後﹐同朋友黎食飯﹐睇下有咩唔同左﹐餐牌同價錢都無咩特別既改變。叫左個蔥油雞雜菌飯﹐草莓雪香; 金蒜鴨胸炒飯﹐香芋珍珠。同埋一個手撕雞拚糖醋排骨拚盤。蔥油雞雜菌飯﹐個雜菌飯好香﹐用雜菌炒飯﹐感覺不錯。金蒜鴨胸炒飯﹐個飯都炒得唔錯﹐算乾身唔係太多油﹐幾香口。( 炒飯個餐仲有一個例湯送。)個手撕雞拚糖醋排骨拚盤﹐手撕雞味道淡左D﹐排骨有少少"UN"﹐不過d糖醋味就幾好。總括黎講﹐算係唔錯啦!

餐廳在屋企樓下﹐常常也光顧﹐原因﹐因為員工總會親切的問候你今天好嗎? 今天放假嗎? 不用工作嗎? 總有一番親切感。(不過﹐忙碌的時候﹐態度可能有點急速﹐希望可以改一改)沒有為它寫過食評﹐這是第一次。這天和老公午餐﹐老公要了豬扒拉麵﹐我點了一個午餐小菜﹐青瓜雲耳炒蝦仁﹐味道清新﹐而且賣相也不錯﹐雖是簡單的菜式﹐但開胃。再加了一客魷魚酥及麻辣豬肚。魷魚酥﹐香口小食﹐幸好不太油膩。麻辣豬肚的麻辣﹐很辣﹐豬肚切開細細小條﹐容易入口。而老公的豬扒麵也不錯。飲品要了茉香奶茶及芒果檸檬蜜。茉香奶茶﹐及芒果檸檬蜜也ok 啦。* 有一些特式飲品﹐轉套餐﹐要加十多元﹐倒是有點貴。不過﹐總括而言﹐也是一個笑面(找機會拍照分享)

時不時也會到這裡來吃東西。但很少寫comment﹐看到每個人的哭面﹐其實大多數都是說服務不好﹐沒有提及食物。前兩天﹐午飯選了在這兒吃。人多﹐等了一會兒位﹐然後有侍應安排入坐。與朋友點了﹐鹵水雞翼肉燥飯﹐糖醋排骨飯及鮮茄肥牛米線﹐還有香酥拚盤。食物整體算是ok吧﹐我吃的糖醋排骨很香﹐味道甜甜酸酸的﹐也不錯。曾嚐過元朗的分店﹐覺得這裡的食物味道像是比元朗的好。至少不太油膩。飲品﹐只選了2杯飲品﹐香芋奶茶及草莓雪香﹐也ok啦。至於服務﹐的確是需要有所改善的。有些侍應總是圍在一起說笑﹐忘了人客的存在。不過﹐看在食物的分上﹐也會給一個笑面。希望他們會改善有關服務問題

家住翠怡,所以經常落去用膳(午晚市居多), 有時叫外賣. 之前成日有人話呢間台式d服務態度差.我都有所保留.因為我一向覺得其實都尚算ok. 咁幾個待應其實都醒醒目目. 唔算太差. 可以接受. 價錢同食物質素都總算合比例. 但.....今朝落去食早餐. 明明成間餐廳有起碼三張四人吉枱. 果個四眼瘦削扮晒老闆娘既女士,毫無禮貌,一句呼喝要我二人"你地坐埋一邊好唔好呀?!",我去最低級既茶餐廳呀,果D哥哥仔都會講聲"唔好意思"或者"唔該"啦(先唔好計佢地係咪真係有禮貌). 果個女人"唔該"都無一聲. 之後有兩位入黎, 三四張吉枱繼續吉左....佢又要人地撘枱. 個兩位人兄結果唔食走左....其實要我地坐埋一邊我好明白亦好願意, 佢想預留d枱, 驚一陣會有三位四位客人我亦好明白. 只係非常極度不滿那位四眼瘦柴扮晒老闆娘既女士既態度. 而佢對其他客人既服務態度亦非常差--- 一位婆婆付款時唔清楚原來星期六或日要加兩蚊時, 亦俾佢"串"左一番. 今時今日咁既服務態度真係......講真, 佢並唔係平, 廿二蚊食一個早餐, 又唔係特別好食, 去邊度食唔到? 我俾錢幫襯佢仲要受佢氣?! 經過今次, 我

你在最新回應話會改善服務質素，是否得個講字?我在青衣住左十年，青衣這一間生活知味，由2005年到現在2007年根本無改善過，成間食店的服務員態度奇差，真係好奇怪，究竟係咩問題呢??係咪你地的管理有問題呢?你話有關服務或者食物問題可以提出，但當時我直接同你食店看似比較高級的服務員投訴時，你的店員愛理不理，那麼還可以講些什麼呢?希望貴店別要只講不做!!!!

回應Alice ﹐真抱歉﹐不知道你會否看到這一段話﹐但只想給你一個回應。服務: 明白﹐我們餐廳的服務有很多改善的空間﹐因為最近招聘了數名暑期工的學生﹐他們對餐廳的運作仍未熟識﹐抱歉為妳帶來了不愉快的經歷。我們一定會作出檢討﹐盡力做到最好。食物: 客人如果覺得食或飲品質數﹐不符合他們的口味﹐我們定必為客人效勞﹐直到客人滿意為至。(有機會妳再光顧的時候﹐如果覺得食物/ 飲品﹐仍不符合妳的口味﹐我們定必為妳效勞﹐直到妳滿意為至)* 明白﹐餐廳雖然已運作多年﹐但仍有很多改善的空間﹐謝謝妳的寶貴意見。我們定必作出適當的改善。

開左甘耐啦,其實就真係好少幫親,點解?記得上年年尾食早餐,有兩位呀姐掛住食早餐唔理人,人地要返學架ma.寫完單就甘就走人,未講完好似趕時間甘,我眼見得三個客人,掛住食早餐,唉...有個女人仲大大聲講野同笑,剛剛起身咋,好嘈呀簡直低b架直至前幾晚食晚餐,見到佢地新menu,試一下先餐牌唔錯,吸引..但貴左d姐首先味道方面好似轉左c苦,冇甘好食的豬扒肉燥飯不錯炸雞柳,,,,,,正^^環境可能裝修年幾,keep到既<<表面上>>ok既抵食就一般咋服務上就......唉有個身型肥肥的男仔,洛單時完全無禮貌點解成間鋪個d人係甘架,冇變過他拿來的珍珠奶茶完全無味,都唔好意思去換> <費時......珍珠好硬,點解會甘架??好淡而我舉手加單時,有位黑衫shirt的女子,好似當睇唔到甘坐起上面睇電視,要出聲先有人應,果個人仲叫佢d同事應我,幾步路都到我個位啦.呢d都算啦,好多餐廳都係甘我同朋友邊食邊講,有位肥女人收晒我d野我心諗,趕客走咩一句唔出聲就收野唉...諗住比次機會食野點不知...最終快快埋單就算啦,唔會再來

昨天中午時和另外３名同學一起去，我叫了一碗台灣貢丸米線，飲品則是茉香綠茶，價格只需＄２０，食物也很快到來，貢丸頗彈牙，米線也算好吃。至於服務態度則令人滿意，而且有一名女侍應樣貌娟好，此行留下深刻印象。

o個度o的服務態度真係好好好差ga,特別係黑黑地o個個waiter,我次次去都見到佢,嘩.............佢o的態度就真係好似完全唔想serve你o甘,叫佢,什至叫食都好似得罪佢o甘,我都唔明點解.真係唔係好得law....