甜記餃子

營業中

休息中

見長沙灣分店好評如潮，見到旺角店新開試下，點知中伏...雙拼湯餃（西洋菜豬肉+京蔥羊肉）番茄薯仔湯底，第一啖試舊薯仔係冰凍嘅，好明顯薯仔同番茄係就咁擺落去加熱湯😒 個湯好味精，冇咩誠意喎⋯⋯餃子係幾大粒，但係味道一般，尤其羊肉餃好羶(可能煎嘅會好啲？），同埋啲皮好似有啲未煮熟（白色地方）😰麻辣菜脯一個字講哂： 好！很！鹹！食咗一粒已經無唔想再食🤦🏻‍♀️湯餃加洛神花茶$50，哩個價錢其實有好多其他好嘅選擇。出去埋單企咗係櫃枱半分鐘，個收銀掛著係到㩒電話完全無理我。其實如果你有緊要事嘅可以同客人講等等，唔係由得個客企係到等你玩完電話先收錢。回頭？不了。食物：2/5環境：4/5服務：2/5CP: 2/5

裝修係主打簡約工業風～點知臥虎藏龍🥰每樣野都好好食超有驚喜💛/口水雞配台灣雞湯麵 $46- 口水雞又麻又香帶微辣～但絕對唔會辣到食唔到😝- 雞湯超香雞味 感覺無味精- 台灣麵Q彈有趙口/10隻香芹芫荽豬肉餃 $46（配蕃茄薯仔湯）- 粒粒餃子都大隻又飽滿☺️餡料味道超級新鮮！- 蕃茄薯仔湯堅係有蕃茄同薯仔😩好似屋企煲既湯咁好好味！！/10隻西洋菜豬肉餃 $46（配蕃茄薯仔湯）- 鮮嫩多汁西洋菜，唔會食到成口渣👍🏻一定會再黎👍🏻好滿足😌

其實我係覺得呢間餃子好好食 仲一個禮拜幫襯三次（唔係話有我幫襯好勁 只係想話本身真係好欣賞呢間嘢）但係今次我係嚟畀負評嘅原本總店開喺長沙灣已經想試 但因為實在太唔就腳 就一直都未有機會去試 知道旺角開咗分店 就即刻去試吓喇本身個人唔太鍾意食餃子 prefer雲吞多啲 因為覺得餃子皮太厚 但甜記啲餃子皮好薄而且好爆餡 仲有得揀蕃茄薯仔湯底 真係樣樣都中哂我口味可惜今日諗住去買生餃時 排喺頭位嘅我 畀戴眼鏡嘅男店員要求讓咗畀後面堂食客人埋單時 一個埋完又一個 然後又有一個彪形大漢插隊入嚟話買嘢飲 我先忍唔住出聲話其實我嚟先嘅 仲要畀個阿叔x 我企喺度唔出聲老實講餃子係好食 但係我認為待客之道有改善空間

平時lunch time都排晒長龍岩岩星期日走左黎試下 排左一兩個啦三點幾已經有幾款餃無晒點左個一個湯餃一個煎餃湯餃係粟米芝士雞肉+ 豆角豬肉 配魚湯煎餃係椰菜冬菇雲耳豬肉+ 京蔥羊肉先講湯餃 $42估唔到個蕃茄薯仔魚湯可以咁好味鮮甜 必點 唔會有魚腥咩粟米芝士 - 濃濃既芝士味，不過煎應該好味d下次再試豆角豬肉 - 就正常啦 無咩特別煎餃 $46覺得外層有層粉都幾厚下 食落去粉粉地咁 應該要掃走少少粉先煎椰菜冬菇雲耳豬肉 - 味道幾好 多料京蔥羊肉 - 味道都幾濃下 羊膻都幾重 接受唔到大勁膻咩既唔推介試不過我食到勁膻既 所以好合口味整體黎講，會推介湯餃多啲，食落個皮薄餡靚，價錢合理建議早d去可以有多啲料揀

因怕多人所以今晚快步來晚餐, 可幸晚上七點左右不用等位便可入座, 我本來點香芹芫荽豬肉餃併京蔥羊肉餃, 可惜店員話冇京蔥羊肉餃, 最後唯有點香芹芫荽豬肉餃併洋蔥牛肉餃, 湯底點了傳聞好味既番茄薯仔魚湯。大約等了十分鐘便來了, 先飲湯, 好清甜, 茄味濃, 但冇咩魚味, 但仍不失好好味。香芹芫荽豬肉餃冇咩香芹味, 但有好多芫荽, 滿足到我呢個芫荽控。洋蔥牛肉餃牛肉味濃, 但再多D洋蔥會更好, 因為唔夠洋蔥所以咬落去唔夠爽脆。因為今晚唔係好餓, 所以只點了一碗湯餃, 期待下次再來想試醉雞。