甜牙牙

營業中

休息中

2014年第一日Meow同Piggy行完街食完晚飯又去食甜品.9點幾去到, 勁好彩唔洗等就有位.除左2邊梳化位, 中間仲放左2張雙人枱, 都幾迫下.個Menu真係勁吸引, D甜品真係好鬼靚呀~Meow既選擇困難症又發作勒.D個9層窩夫真係勁吸引.最後Meow同Piggy叫左D個.朱古力窩夫層層疊雪雪堡(二人量上) @$86雪糕最好食係朱古力味, 個綠茶就好麻麻. (唉~ 比D Haagen-Dazs縱慣哂)佢第一層窩夫下面只有少量cream無士多啤梨, 第二層先有.食完個三球雪糕再食窩夫覺得D窩夫好乾淨淨,完全無意欲去食D窩夫, 好彩有Piggy清哂佢.如果個窩夫有朱古力漿點下就好勒.同埋都幾飽肚, 對Meow黎講完全可以當正餐.Meow覺得D個二人量上3個女仔都夠食, 個9層窩夫一定要6個人先可以KO.

終於嘗到甜牙牙的出品，第一次我決定選擇整個餐牌最吸引我的香蕉朱古力Pancake!一刀切的時候，漏汁的情況已令我垂涎到不行。第一口吃下，已再不能停口，一口接一口，很快便將整份甜品吃光光。一定會再去食!想再食的朋友要有心理準備停位，因為我差唔多深夜12點到達，依然要等大約15分鐘才可入座。

預約了2點鐘攞回鄉證, 途中見到甜牙牙未開門, 心裡已經盤算好做完證就過黎試下. 3點唔洗就攪掂喇, 去到甜牙牙, 只得1枱客, 12月頭已經佈置好聖誕裝飾, 甚有氣氛... 餐牌內既甜品非常吸晴, 但可惜2個人根本冇辦法對付呢個九層窩夫, 就放棄左冇叫喇! 我地拎住個下午茶餐牌, 叫左几樣, 侍應都話冇呢樣冇果樣, 其實果陣佢地岩岩開巿渣喎..... 終於我地揀左tea set 既 士多啤梨窩夫 和 士多啤梨pancake, 賣相非常吸引, 但味道無特別, 窩夫和pancake 都沒有新鮮的感覺, 是暖的, 但衰d講句, 我食件熱辣辣既奶醬多士都好過佢.... 順便想講一下餐牌係有誤導成份, 呢個下午茶 set下面寫住改配其他飲品加 $2/熱, $5/凍, 咁我諗住叫楊枝甘露特飲啦, 但一位年介60-70歲既侍應小姐話其他飲品既意思係"其他咖啡", 例如 latte, cuppacinno等等, 咁呢個其他飲品既意思, 我估就只有老闆同埋員工先會明囉, 而佢解釋既態度好似講到我好貪心同埋蠻不講理咁, 可能佢就係老闆啦, 不過咁既服務態度, 完全錯晒!

一直都好想食咖啡弄,無奈太遠,排隊又耐朋友介紹甜牙牙都幾好食,好啦,就佢啦!!同FD點左3樣野抹茶慕絲是意外地好吃,抹茶味濃,但唔澀,本身個慕絲唔太甜,旁邊既紅豆就甜番,可以跟自己喜好食甜定唔甜芒果流心布甸唔錯,足流,但芒果唔係當季,雖然唔酸,但都唔夠香甜士多啤梨窩夫最令人失望,醬太少,好似要乾吃窩夫咁,窩夫本身又無咩味,偏硬,實在麻麻不過佢又真係算平既,可以再黎食過~

是日跟友人吃完晚飯要再戰甜品，一直知道旺角有各式各樣的甜品店，花多眼亂。今次則去了朋友推薦的甜牙牙，其實每次經過都有很多人在外等位，今次亦如是，怎知一去到打算等位時，阿姐已經即刻叫我們進去，原來外面應該是一班十人左右等大枱！少人則有少人的好處吧～在其他地方都見過分店，不過吃都是第一次。都是食甜品時間，所以還蠻迫。不過沒所謂啦～我們點了一個抹茶雪糕船和特式多士（詳細的名字已經不記得了>.<）。看見旁邊的客人大多點了窩夫，事後上OPENRICE的食評也才發覺原來這裡出名窩夫，哈。邊等邊看著旁邊的情侶吃一個很大的朱古力窩夫，很羨慕，賣相很別緻，看起來很好吃。首先來到的是抹茶雪糕船（＄３９？），其實即是抹茶和雲尼拿雪糕，再加一些紅豆，整體一般。雪糕很普通，抹茶雪糕亦不太有抹茶味。而且溶得好快…特式多士（＄５Ｘ？）。印象中有３－４種款式，原本選了雜莓，但原來已經售罄，所以改選了杏仁脆脆多士？有四塊多士，上面有很多奶油，旁邊有一球雲尼拿雪糕，不得不讚這裡的賣相很美，看得出花過心思。這個多士比剛才的雪糕好吃好多，很脆再加上奶油，有水準。整體來說食物水準不算高，但賣相出色，以及款式種類

香港人真係幾鍾意食甜品架, 食飽飯, 睇完戲, 行街行到攰, 都會去甜品店坐吓, 嘆番個精美甜品,所以三更半夜, 甜品店都仲係燈光火著, 各自推出D新款的甜品吸引客人。星期五晚12點幾了, 旺角的甜品店間間都坐滿人, 我地一行6人入左去甜牙牙, 因為朋友話一早睇中佢架砵砵車, 趁人多一齊去會一會佢先入到去睇睇個餐牌, 全部都係窩夫, 有沙冰嘅, 不過是日無供應, 即係剩番單一選擇....窩夫, 來到仲要係唔新鮮, 硬柴柴, 好睇唔好食, 令人失望     

好多時想食甜品，出名的係滿記，發記，石磨坊，五代同堂等，呢年多，多左人話去甜牙牙，但成日有好多人排隊，每次都放棄了（老實講如果佢係商場，我會等，因為佢啲食物items好似幾吸引咁）。。。今晚早左少少食晚飯，早左食完，朋友話要食甜品，就行左去位於甜牙牙條街，見到今次唔多人就入左去。其實個menu好多野都好吸引，但係有點飽，所以揀左抹茶雪花冰✧✿✿✿✧抹茶味濃同醇！最驚喜係佢用牛乳布丁做配料，布丁算係滑同第一次食雪花冰有呢個配答，而較果又真係幾好，加埋就好似綠茶滑冰冰.:*･'(*ﾟ▽ﾟ*)'･*:.｡.加上香滑而牛奶味重的綠茶雪糕，已經滿足了！最後係例牌的紅豆同我不喜歡爆爆珠。。。雖然只係叫左雪花冰，但都可以。。我決定要再戰，下次要叫綠茶木糠布厘ヽ(^。^)ノ!!

舊鋪擴充多一個鋪位 兩個鋪位沒有打通裝修不同 就連名字也不同但是餐單一樣曾經把舊鋪稱之為我的飯堂猶記得第一次來被它便宜味美量多賣相好的窩夫吸引還有喜歡它足料足味的紅豆冰可惜前陣子來點了非窩夫的甜品都失望而回卻仍是不死心 想要再來吃窩夫寄望它的窩夫還是美如惜日下午茶時段光顧了新鋪這邊依舊點了蜂蜜玉桂香蕉窩夫蜂蜜、玉桂、香蕉、香草雪糕不會出什麼差錯但也沒什麼驚喜可言重點就看窩夫了 可惜真是不如往日窩夫硬了好多 一點鬆化內軟芳香的感覺都沒了T_T只能靠雪糕糖漿將它軟化..........但是以時下物價來說以Starbuck Grande Size八成價錢就能得到甜品及飲品雖然沒以前好 但也不能說不值了另當天配餐飲品是薏米什麼什麼不感興趣 所以加$2換成熱檸茶友人點了香蕉班戟其實跟蜂蜜玉桂香蕉窩夫大同小異不過是把窩夫換成班戟與窩夫相比 班戟好多了至少不太可能是硬的.......其他方面未能評論太多 因為只匆匆吃了一口這是三年前在這裡吃到的窩夫在那大片的窩夫堆下藏了雪糕球價錢算回通脹與現在沒差多少可是份量相差了頗多當初就是愛上這個而一次又一次的來難過是美好的東西總是留不住

旺角呢間野都多人食嫁  夜晚可能多人下午茶食就fit哂啦  唔算多人之餘又平d啦 餐牌  淨係睇相都好靚啊下午茶餐既綠茶窩夫  都係$30到  仲有半杯既淡朱古力 (唔係我食)都係餐既雲呢拿窩夫  雪糕好正常雪糕味啦個窩夫係硬硬地既幾好食  你鍾意食淋既可以點雪糕食不過有d飽嫁  仲有少少生果粒  幾好味咩咩大合唱定唔知叫咩  唔記得左  認住個樣對照番個餐牌>< 呢個幾好味  夠大杯  同朋友一齊share 又有朱古力窩夫又有雪糕又有生果  呢個唔錯  有幾個人可以一齊share呢個係砵砵車  佢一送上黎真係覺得超靚  見到都開心 想影相放上instagram facebook就一流啦 不過佢就唔係真係咁好食喇  因為佢主打係有成四大舊窩夫 太飽啦  因為仲有其他甜品都仲窩夫  好滯 同埋甜品唔會特登想食香蕉  所以呢個係食個樣仲有個pancake ( 唔係我食 )總括黎講都幾ok既食甜品黎講  起碼個樣靚 又多款揀既  不過係好多窩夫  成件事滯左d

夜晚如果同朋友食完飯，10班有9班都會去食個甜品或者糖水先番屋企，而家到到都開左好多唔同既甜品糖水店，當中有好多係賣西式甜品，當然中式甜品亦有好多間，上次去完中伏甜品工房之後，今次就試下朋友話好食既甜牙牙！當日一行5人大概9點鐘左右就去到旺角甜牙牙，未算多人，只係對上幾張飛都係10個人8個人XD都預左要等= =，BTW都只係等左20MIN就入得!入面超迫而且超熱，而且因為人勁多既關係，超級嘈…我叫點左提拉米蘇窩夫($56)，士多啤梨朱古力脆脆窩夫($50)，芒果Pancake($42)同埋新地芒果船($39)…首先係新地芒果船，底層係芒果jelly，芒果肉，芒果雪糕同雲呢拿雪糕，芒果肉唔太甜，不過冰冰凍凍都唔算太難食既…普通啦！提拉米蘇窩夫，係有香蕉餡既tiramisu，雖然個樣睇落有小小黑沉沉，但係Tiramisu配埋香蕉好夾，窩夫亦都好香而且微熱，香蕉配埋焦糖香到震…是日最好食！！士多啤梨朱古力脆脆窩夫，朱古力雪糕，脆脆同埋窩夫，整個甜品好勁既朱古力味，但係相比之下Tiramisu果個比較好食！因為佢只係配番朱古力雪糕同埋加入朱古力元素，比較普通！最中伏，芒果Pancake，佢係最

甜品癮發作，happy friday，晚餐決定放肆地以甜品代替，本想到spade吃honey toast，但8時多時要排隊，於是便跑到附近的甜牙牙，印象中有waffle, honey toast之類的甜品供應，未到甜品時間，不用排隊即入座，yeah約2年前曾到訪，兩年後重臨，價格上漲了不少，但無法子，誰叫近年租金升不少，honey toast只有一款選擇，圖片不太吸引，反而waffle種類繁多，故鎖定目標，儘管嘗試招牌窩夫，叫了個三色蕉杏仁片窩夫外型討好，朱古力窩夫，配上有杏仁，雪糕，蕉分三種，有原片、焦糖以及容，加上雲尼拿雪糕，美碌粒粒，急不及待，先試口窩夫，朱古力味不太重，但頗鬆軟，沾上雪糕，正！香蕉略嫌未熟透，不然，該會更甜更香軟，焦糖香蕉最好味，雖然一分窩夫兩份分，但雪糕太細球，每人吃半口，已吃掉一半，到最後，雪糕吃完了，窩夫卻剩下大半，只能乾啃，美中不足。意猶未盡，決定再挑戰spade，食評見另一篇

9-8-13 用餐, 企門口個位服務員態度極之惡劣, 仲細細聲話我地, 每次收碟都口up up, 極之無禮貌完全影響食慾, 再好食都只係垃圾 免費都唔會再食每分鐘都好似受氣咁

未夠9點黎到,唔駛等位,仲咁岩有個角落梳化位,good6個人一食完晚飯就黎,所以都只係叫左5個甜品大家share,各樣甜品都合乎水準芒果+雪糕..好難會難食囉..呢個其實幾特別,不過我唔太好綠茶味既甜品友人話個朱古力一般...但我覺得好好味bor呢個朱古力都係我至愛最貴呢個,要$82,窩夫都有少少脆,佢寫係二人分量,不過我覺得自己一個人都食得哂.埋單約$250,價格唔係平,走o個時好多人等緊位勒

今日專程去食甜品當lunch但可惜好多甜品店都未開(起碼3點)點知發現一間2點幾已經開左咁咪抱著一嚐既心態入去點知一睇menu 最普通既甜品都>HK$30算 諗住正野可能貴d就揀左個流心芒果布丁(HK$40)黎試佢幅圖就影到個SIZE唔細 又講到好仔細點知......一介開... 說好的流心呢?碟上的汁都比它多d芒果一食就知係核個位(有一絲一絲的)個布丁好似係d楊枝金露雪成固體口感是有的 但味道就一般了平平無奇 不值

行完旺角想食甜品冒住生命危險帶住兩條友行咗五條街終於揾到間甜品店如果唔識路真系好易蕩失路撞正三點三鋪頭好多人但系等一下就有位好似叫三文治sorry我真系唔記得叫咩名朋友order葛佢話好好食之後我同另外葛fd就叫咗份窩夫應該系期待太大冇我想像中咁好味睇番openrice啲評論都發現大家話甜牙牙水準不如以前的確個窩夫同蛋糕冇咩分別再準確D就系似老麥啲熱香餅咁水果唔系好新鮮切到好細粒其實攞叉都唔系好方便食雪糕系香草味最穩陣跟餐要熱朱古力第一啖就已經有朱古力粉渣預咗窩夫有少少失望