甜牙牙

營業中

休息中

同朋友去旺角逛街，天氣太熱，沒有什麼胃口食飯，所以就直接去左食甜品，順便可以涼下冷氣，歇息一下。來到甜牙牙，我地叫了個抹茶心太軟同益力多綿綿冰。.抹茶心太軟呢個係必點！有一排無食，依然保持到出色的水準，一上台已經有一陣抹茶香。一切開個心太軟，裏面的抹茶醬衝擁而出。蛋糕焗得剛剛好，茶味香濃甜度適中，加上抹茶雪糕，再配埋曲奇餅碎、果仁、生果及紅豆，味道好夾，口感豐富。.益力多綿綿冰在這個炎熱的天氣下，最能消暑的甜品，莫過於綿綿冰，入口即化，沒有一絲冰渣。加上益力多口味，酸酸甜甜，醒胃之餘，食完個人即刻涼返曬。伴碟重有三種芋圓:芋頭、紫薯及抹茶，口感煙煙韌韌；加埋爆珠同啫喱，味道同口感都一流。

在旺角已有多年時間的甜品店，更是小編中學年代的回憶之一🙈今天路過餐廳附近，便特意到內找回以往的回憶～餐廳現有各式招牌甜品，包括地獄火焰雪山🏔️、鬆餅和窩夫等🥰#抹茶綿綿冰 $55除了有主角抹茶綿綿冰🍵以外，亦有三種配料，包括了蜜紅豆、西米和小丸子🍡抹茶味🍵屬於偏淡，不過亦不會太甜，感覺較清，配夾紅豆可以中和了味道，小丸子口感煙韌是小編最愛🥰味道小評分：😋😋😋😋/5#提拉米蘇窩夫 $58另外小編點了提拉米蘇窩夫🧇這款屬於輕量版，所以有半個窩夫和提拉米蘇，窩夫新鮮出爐，配搭灑上了咖啡粉☕️的忌廉，味道不錯🙈而一旁的提拉米蘇較濕潤，咖啡酒味道頗濃烈～味道小評分：😋😋😋😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻👍🏻/5性價比：💰💰💰/5環境：💕💕/5打卡指數：📸/5

無論正餐食得幾飽 我嘅第二個胃 隨時都可以為甜品stand by🥰 今日喺旺角掃街熱點食飽飽 感覺有啲攰同口渴 係時候為第二個胃張羅 嘆住冷氣食甜品😜 今日叫咗兩款甜品 冷熱各一-🍮#朱古力心太軟 $55鍾意喺度食心太軟 雪糕球夠晒大個 仲會多加一勺香滑忌廉 咁樣食法會多啲 流心朱古力溶槳唔算特別多 朱古力味尚算濃郁 蛋糕入口溫暖軟熟-🍧#水晶仙草芋圓杯 $48夏天最好食沙冰系甜品 單係望住中間嗰個冰球 感覺已經好清爽 珍寶西米夠大粒有口感 仙草亦好大嚿 入口滑嘟嘟爽滑順喉 芋圓煙韌Q彈 我最鍾意食地瓜味-📍#甜牙牙 (旺角)旺角廣華街3號百利達廣場地下4號舖

琴日同朋友係旺角食飯，食完飯之後朋友們都想搵甜品食，於是我就帶左佢地去廣華街個邊，因為個到有好幾間甜品店可以選擇，而今次我地就揀左哩間我中學已經開始食既甜牙牙啦。每次揭開餐牌都覺得花多眼亂🤣最後我地叫左哩三款甜品一齊share。🎈地獄火焰雪山想比驚喜朋友可以叫哩個🤣店員係你面前燒🔥而且個火都真係幾大，記得唔好靠咁近！佢既表面係蛋白霜、朱古力粉同醬，裏面仲有雲尼拿雪糕同朱古力心太軟，超級豐富。🎈抹茶心太軟 $55抹茶味香濃，比朱古力心太軟甜一啲，啱晒鍾意食甜野同埋鍾意抹茶既人，仲有抹茶雪糕同忌廉，最正係有紅豆，抹茶同紅豆真係最好既朋友！最鍾意佢仲有曲奇餅碎、杏仁、士多啤梨同藍莓哩啲配料。🎈朱古力心太軟 $55心太軟表面夠脆，一切開勁多朱古力醬流出黎，朱古力味濃郁，而且甜度適中，配埋雲呢拿雪糕同忌廉味道好夾，同樣亦都有曲奇餅碎、杏仁、士多啤梨同藍莓。整體哩講，係旺角食完晚餐之後過嚟食個甜品都真係唔錯。

仔仔話好久冇食甜品，今日帶佢去旺角百利達啲甜牙牙吃。滿足一下佢哋甜品慾望。食甜品必嗌啲一款係朱古力心太軟。呢間鋪頭心太軟做得好好，一刀切內去，朱古力熔漿就流瀉出來，朱古力濃而滑，搭配忌簾，雲呢拿雪糕，中合左甜度，使口味好清甜。又有時令水果點綴，令哩道甜品猶如錦上添花。令一份甜品嗌咗水晶紅豆芋圓杯：有西米，紅豆，各種不同啲芋圓，小丸子和水晶。椰汁味好香濃；水晶晶瑩剔透，而且好大塊；芋圓和小丸子好彈牙，煙煙韌韌；西米水分多，咬啖都有汁流出；紅豆甜甜啲。食得好滿足。

放core既第1日既星期六我地去左配眼鏡，下晝經過旺角嘅時候就見到一間甜品店，我地入左餐廳食個甜品下午茶，入面大約有一半人到，位置都算好坐。 我地睇完餐牌好多選擇，最後就只係點左朱古力窩夫派對hkd98，2個人share. 都算大舊，夠2個人食架，窩夫上面有5球朱古力同雲尼拿雪糕，正，呢個天氣食真係正，好好食。而且仲有啲杏仁，cookie碎，味道上更力rich.最後就係主菜個窩夫啦，唔會太甜，岩晒我地口味性價比唔錯，下次會再黎食。

天氣已經開始愈來愈熱，即使行商場都可以熱得汗流浹背，認真誇張🥵。為了消暑，當然要吃一碗冰凍的糖水。我們由新世紀走到朗豪坊，再走到登打士街來到了這家糖水店。😋小店擺放了不少擺設，也播放着很輕快的外國音樂🎼，令人心情舒暢。查看菜單，這裡有心太軟❤️、綿綿冰🍧、花茶🌼等選擇，最後挑選了以下兩款：🥭仙草芋圓芒果露 $46吃下去的第一口，真的救了我一命！冰凍的芒果露為我降了溫，絕對是愈吃愈開胃。而不同顏色的芋圓，也有不同的口味，也相當煙韌！至於仙草方面，也是很冰涼消暑，絕對是夏天之選！🍫🤎朱古力心太軟 $55至於朱古力心太軟，混合了雲尼拿雪糕、忌廉、曲奇餅碎、杏仁、水果，相當足料！心太軟一𠝹開，已有濃濃的朱古力醬流出來，相當香濃，配上雲尼拿和忌廉，濃甜交融，相當搭配！加上士多啤梨和藍莓，也有消滯作用。整體來說，這裡絕對是夏天消暑的好地方呢！🥰

🍫親民甜品🍫推介指數 ❤️❤️❤️❣️🤍廣華街點解叫廣華街？只因近廣華醫院命名。唔少舖頭售賣war game相關產品如氣槍、裝備、模型、玩具等，亦被叫做槍街。除咗以上舖頭，仲有好多食肆㗎，搵食好去處！甜牙牙位於廣華街同煙廠街交界，地點容易搵到，座位大概25個左右，感覺都幾舒適。🍫朱古力心太軟 HKD55✨擺盤有雲尼拿雪糕、忌廉、曲奇碎、杏仁碎、藍莓同士多啤梨。即叫即焗主角心太軟焗得都剛剛好，外脆內軟，切開朱古力醬流心味道濃厚。🍫提拉米蘇鬆餅 HKD66✨外觀豐富，朱古力雪糕、提拉米蘇忌廉、咖啡酒手指餅同鬆餅。手指餅被咖啡酒浸透酒味濃郁，鬆餅有口感配上忌廉食味道剛好。總結：-食物 ❤️❤️❤️❣️🤍環境 ❤️❤️❤️❣️🤍服務 ❤️❤️❤️❣️🤍.··餐廳：#甜牙牙 (旺角)地址：旺角廣華街3號百利達廣場地下4號舖

仲記得中學時期既甜牙牙真係好hit! 成日放學都會去食tea, 因為佢個窩夫真係好好食!作為窩夫控我係食過佢既10幾層巨型窩夫塔不過宜家就無左果個窩夫塔啦, 所以就叫左半份抹茶窩夫, 另外加左個仙草爆珠椰汁芋圓!窩夫可以揀半份/全份, 2個人食半份就岩岩好, 抹茶窩夫上面有大量紅豆, 好甜好好味! 抹茶同紅豆本身已經好夾, 窩夫外脆內軟燸, 都係依舊咁好食!!另外芋圓係椰汁仙草底, 唔會太甜, 芋圓好煙韌, 爆珠好爽好好咬!

昨晚吃過晚餐後，第二個胃出現了，決定直落到旺角吃甜品，當時是7點半，未到甜品時間，所以人流很少，甜品即叫即做，等候時間並不長。🍽水晶仙草芋圓杯 $48椰汁超級濃，濃得有點「稠」，不過還是無礙它的香味。碗中有西米、水晶、大大塊仙草，脆珠，還有不同顏色不同味道的芋圓。芋圓很彈牙，不同的顏色是不同味道，水晶沒有味道，但爽口，加上椰汁一起吃的感覺很好。不過份量比想像中少，這應該是唯一的缺點評分：4/5🍽朱古力心太軟 HKD55這裡是配雲呢拿雪糕的，心太軟做得很好，用刀切下時，朱古力會湧出來，但並不會一下子就全部流到碟子上，濃稠度剛剛好，令吃下口時更濃味而且香滑。配上不太甜的忌廉或雲呢拿雪糕，感覺清新，不會有很強罪惡感，而旁邊的鮮果亦很鮮甜，令甜品錦上添花！評分：4.5/5🍽芒果窩夫 (抹茶雪糕) HKD 60窩夫形狀很美，口感鬆脆，灑上了蜂蜜，令窩夫多出一種甜味，抹上忌廉會令窩夫的味道更上一層樓，加上抹茶雪糕並不會太違和，反而是別有一番風味。旁邊的芒果肉非常鮮甜，整體感覺不錯評分：3.5/5味道 ★ ★ ★ ★ ★環境 ★ ★ ★ ★ ☆抵食 ★ ★ ★ ★ ☆服務 ★ ★ ★ ★ ☆

同朋友係旺角食完飯唔夠喉，搵咗間甜品店再食嘢傾計，係旺角甜品好選擇餐牌好多都好吸引，想食窩夫但差不多要一百蚊就冇食到，今次就同朋友share兩個甜品食朱古力鬆餅$62-個鬆餅好鬆軟，仲有啲甜味，配埋啲朱古力忌廉、朱古力雪糕同綿花糖非常豐富，忍唔住一啖接一啖咁食，不過綿花糖可以燒溶啲會更好食水晶仙草芋圓杯$48-寒天水晶晶瑩剔透，必須打卡啦。仲有芋圓、仙草、西米、脆珠多重口感，少可嘅係有綠茶芋圓更七彩繽紛

同朋友食完晚飯，覺得相處時間意猶未盡，就決定去食糖水繼續我哋嘅相聚😂旺角食糖水既選擇都算多，見呢間未食過，就決定入去食下！因為我地大約8點去食，客人未算太多，店內裝潢都算幾新，幾乾淨企理，坐落好舒服！餐牌既選擇都算多，一直猶豫食中式糖水好，定新派甜品😂😂最後都決定點個窩夫share食！🍡四重窩夫派對窩夫有兩層，下面果層係朱古力，上面果層係原味！咬落口都脆脆地，咬落好軟熟，好有蛋味！雪糕球都有四個口味，有朱古力，雲呢拿，抹茶同埋芒果！而窩夫嘅配料有杏仁，朱古力醬，同埋cream！好有蛋味嘅窩夫，配上甜甜地嘅朱古力醬，再加上冰涼嘅雪糕簡直係一流🥰🥰

成日諗旺角甜品有咩好食，記起原來呢條街都幾多甜品舖，一於搵間試下先。🔺芒果窩夫 ($56)窩夫係呢度既招牌，果然非常脆，外脆內軟，加上每個窩夫塊都已經沾上蜜糖，所以就咁食窩夫都食到蛋香+蜜糖甜味。如果鐘意食cream既朋友有褔了，因為呢度有成兩大舊cream🤣但我地兩個人食到有d濟。🔺朱古力心太軟 ($55)入面既流心仲係熱辣辣，流心慢慢流出黎。甜度方面，介乎係甜同苦之間，所以食落唔會太膩，唔錯。🔺水晶芋圓仙草杯 ($48)份量黎講就偏少，性價比就無上面個兩款咁高。芋圓有芋頭香，口感煙韌，味道整體上係正常，只係份量有點少。

幾年前食過一次 但今次再食番 好好味叫左榴槤窩夫同抹茶心太軟講榴槤窩夫先d 窩夫好好味 配埋cream 好正！一個人食會多左dd 但食到既！雪糕都好好味！抹茶心太軟就比較甜 但裡面還是流心外層都係脆既！個人建議裡面不要太甜比較好

同朋友在附近食完野，口淡淡好想去食甜野，雖然夏天到要減肥，但最終都忍唔住。平日都好多人捧場架，我地尋晚拿拿聲跑去，8點到，真係未有人呀，但過左15分鐘，哇，開始要排隊啦。叫左個matcha心太軟同提拉米蘇waffle 心太軟熱辣辣，入面流心得好吸引呀，雪糕唔會好甜，配上心太軟就剛好了👍👍👍💗而提拉米蘇唔會好多cream，而且好啱要控糖又控唔到食甜嘅女生。因為食完都唔會成口甜野野，又滿足到個幸福感💓💓💓