影片
以上資料只供參考, 請與餐廳確認詳情
員工有禮態度服務好 食物質素高現場製作熱辣辣 相處令人感到舒適 位置方便附近有車站 味道幾好上菜時間都幾快 推薦幾位朋友嚟都話唔錯 人情味幾濃 環境乾淨 適合聚會小酌幾杯 值得一來
繼續閱讀
食物好食，用心製作鐵板燒惹味，所用醬汁特別由讀書時期已經光顧，有人情味的小店質素越發進步，款式越來越多，而且價錢合理老闆同老闆娘風趣幽默員工得閒亦會同你傾計南區特色小店之一
繼續閱讀
清幽，恬靜的燒烤店。香港仔少有的即叫即燒串燒，燒牛肉、五花腩，值得再試。另有壽喜燒火鍋飽足肚子，牛肉嫩口，飲品花茶清甜。服務態度優良，不會打斷聊天過程。另可叫酒飲，可以再試。可惜未有拍照，但值得一試款式眾多，絕對推介串燒、壽喜燒、雞泡魚乾、炒雜菜。價錢經濟實惠。如到香港仔食串燒，可以一試絕不俾大鋪遜色。調味料有孜然粉和辣粉，也能點豉油，五花腩不肥不瘦，牛舌有牛肉質感。見到有鐵板海鮮，相信下次定必再試
繼續閱讀
叫一碗麵嘅外賣,看到員工態度極差,上菜不跟次序,遲來客人先有嘢食,客人問員工可否快啲即話客人態度差,並用粗口鬧客人及即場鬧交,仲要追出門繼續鬧,澳牛都冇做到咁差!
繼續閱讀
又係南區覓食之旅😋今次試咗呢間超級隱世嘅居酒屋，仲住緊hall嘅時候成日經過都無試，因為門面實在唔吸引🙈見貼住都係啲好平嘅拉麵相，好似流流地😂點知今次試完超有驚喜🤤🤤🍱蟹籽三文魚炒飯 ($88)炒得好香好有鑊氣，食落原來都幾大碟，又多餸好足料，推介👍🏻👍🏻🦪 芝士燒廣島蠔 ($48/3隻)啲蠔好新鮮，完全冇腥味，加埋芝士同沙律醬焗到熱辣辣，好香好邪惡，得三隻唔係好夠喉添🙈🍗 日式燒雞翼 ($36/ 2串)燒雞翼燒得好香好滑，一口咬開好多汁流出黎😻🥩 雪花牛肉粒串 ($28）雪花我就唔係好識點分🤣但牛肉粒好軟腍，調味剛剛好，正🤤🧈 鐵板牛油金菇 ($50)熱辣辣噴哂煙😍喺鐵板度炒出嚟嘅牛油金菇，又甜又多汁，有啲似平時BBQ嘅感覺🥰店內仲有Bar枱位，可以睇住師傅喺鐵板上面表演，好有feel😍不過今日就俾其他客人坐咗，下次一定要試吓坐😆小店似乎都係做附近熟客生意多，價錢都幾抵食又出奇地高質，今次竟然俾我哋要發掘到，以後都可以多啲嚟食🤤🤤
繼續閱讀