甜心小廚餐廳 (已結業)

(25/7/05)今晚出街食飯, 蛋蛋推介。o下...? 咁茶餐廳一定好油煙咕喎, 是但啦, 喺香港仔求其啦!三個人, 叫左蠔餅、金菇瑤柱西蘭花、燒汁牛仔骨煲。蠔餅好大塊, 唔係好厚, 蠔仔同蛋槳比例1:1, ok。個西蘭花賣相都幾好, 味道一般。牛仔骨煲好冶味, 亦有好多片牛肉, 餸飯一流。我地一路吃, 都不斷有人來, 真係唔好睇小小店呀!

年廿七下午,見把頭髮亂過亂世佳人,趁農曆年前先去髮型屋打理打理,整好後已經係下午三點幾,肚空空咁(皆因未食飯),又見有煲仔即食麵,於是入去試下.要左豬頸肉肥牛丁麵同茶走,杯茶走先來,飲左一啖,幾滑,有茶味,但額嫌太細杯了;個麵用鐵煲仔上,幾大煲,賣相麻麻,有好多雜質浮面,可能係因為用豬骨湯底,同埋要肥牛有關,除左肥牛同豬頸肉外,個麵本身有芽菜做配料,食落幾爽口,但芽菜尾未有清除,而豬頸肉切得太薄太細塊,幸好肥牛都唔錯,點整都唔會太老.總括來講,呢個煲仔麵都叫食得過,下次等我加番沙爹汁或者蕃茄蓉,睇下會唔會好味d先?