甘味讚岐手打烏冬 (已結業)

天氣突然急降，係人都想食d熱騰騰嘅美食暖暖身~平時嚟呢間分店都唔洗點等，今晚咁凍，店內只有3、4枱客，見人人都係叫鍋物，我同朋友都唔例外，一人叫左一款湯烏冬鍋~我食嘅係雜錦讚岐手打烏冬鍋，上枱充滿熱蒸氣，呷一口湯即時成身暖晒~個湯比較清，個人意見認為可以濃返dd，d烏冬好滑身彈牙，唔錯，配菜方面比較鍾意蟹柳同天婦羅蝦，食落幾鮮甜，入面有舊雞肉就差d喇，望落已經好鞋，所以最後食晒所有野，淨係放棄左佢~我朋友就叫左個dinner set，有刺身拼盤加杯涼粉冰 (好佩服佢咁凍都食得落呢兩樣野)，之後係香炒豚肉湯烏冬鍋，佢個豚肉炒得酸酸甜甜好開胃，豚肉夠腍又入味，我都忍唔住幾次叉對筷子過去夾嚟食，連d芽菜都唔放過，結論係我哋兩個都認為佢比較夾白飯多過湯烏冬，哈哈~

唉呀，突然好想食咖哩呀，不過冇法，下午茶餐冇 要散叫，所以都係叫兩個set屈服算啦。一個炒蛋焞牛肉飯set,一個煎雞扒番茄烏冬，配熱柚子茶。牛肉算淋，但我唔多鐘意個味，依然有少量牛腥。而炒蛋好好，非常濕潤，清淡可口。但係呢個飯同餸係完全冇汁，如果接受唔到冇汁撈飯既人士請唔好order!!番茄烏冬讚讚讚鮮艷既顏色同用鍋仔上，賣相吸引。我差點飲曬啲湯，稍酸但我鐘意，好開胃清新。配上脆口蜜糖豆，perfect match!可惜塊雞扒好重雪味 雖然好大塊。

媽媽今天放假，所以決定午餐出外吃~本來過藍灣是想吃新開的韓國餐廳，不過感覺很貴再加上很快餐店的感覺就放棄了。最後決定吃一頓日式午餐就算了，沒想到甘味沒什麼人呢媽媽吃的是角切魚生飯 魚生超少 .__. 不過勉強還算新鮮吧凡惠顧午市定食，可享小食的加購優惠 - 天婦羅番薯(2件) $8沒想到是新鮮現炸的呢~上桌時還是熱呼呼。番薯也甜甜的~因為午市定食中沒想到吃哪一款好，所以還是看大餐牌好了。本來又想吃滑蛋蟹柳的 (每次也可以說是必點的)所以今次倒是想試試滑蛋的其他系列好了 鰻魚柳川讚岐手打烏冬($56)鰻魚.........好薄的一片，一夾起來還怕會爛掉....滑蛋也比以前的少~不過還是很滑，只是夾在中間的洋蔥很生很大片吧。烏冬也煮得太腍身，有點糊！

今日先知原來甘味同別府同一集團，見唔駛等位就入去試試。試咗個泡菜炸雞烏冬餐，泡菜湯唔會太酸太辣，幾開胃。炸雞另上，都幾大舊，但好奇怪，我以爲會配韓式炸雞醬點知俾泰式甜酸醬我點。

第一次喺openrice寫食評,亦都係我人生第一次寫食評。其實一路都冇呢個習慣,向來都係放相上FB介紹下俾d朋友就算,不過今次真係要寫上黎反映下.　　話說我今日去藍灣半島搵個fd,咁搵完就自己喺藍灣商場度行下,時間大概2點幾左右啦,見肚餓就想搵地方食野,咁岩見到間烏冬店,就入去試下,睇完佢地個餐牌發覺佢地d野食幾平,由其是係下午茶,我開頭諗呢度係高尚住宅區,但呢間餐廳d野食價錢set到咁低,究竟d質素會係點呢。咁我就小試牛刀,唔叫下午茶,叫左呢度既"必食王道",牛柳粒蕃茄湯讚岐手打鍋燒烏冬。食落烏冬幾"煙刃"彈口,牛柳粒幾香口,佢地既蕃茄湯真係好惹味。只係我嫌佢d配菜太少,如果加多一兩樣野例如嗚門卷或者加隻蛋就very good.我覺得呢個價錢食到咁既野算係不過不失啦.值得一讚既係佢地個鍋燒烏冬真係幾夠熱。　　食物係幾好,咁到講正題喇.我覺得呢間舖d侍應既services真係唔夠周到囉,首先我黎食野企左喺門口好耐先有人黎帶位,好啦,坐低後冇耐揀好野食準備點餐,舉左手好耐冇人應。唔知係咪呢間公司請唔到人定d人唔知去晒邊,成間餐廳有半個場係可以冇職員喺度,我起碼舉左手成5分鐘先有一位侍應望

今晚一試這間食店, 首先流心旦覺得唔錯, 真係會流心的! 可惜凍左少少, 建議放入烏冬湯內熱一熱. 跟住係蕃茄餃子, 餃子本身冇咩特別, 只是一般的肉餃, 不過用來點的漿汁是蕃茄汁加香草, 味道頗特別. 最後是他們MENU推介的鐵板牛柳粒蕃茄湯烏冬, 味道真係幾好, 蕃茄味夠香, 牛柳粒就差D, 不夠鮮嫩.

偶意閱讀雜誌上有關烏冬的介紹，即勾起我對這種食材的心癮，記得甘味剛於七月份進駐藍灣半島，那就趁午餐時段到訪以滿足胃兒。餐廳的裝潢設計明顯走和風路線，門口一方放置了美侖美奐的食物模型，對上則有一個小電視不斷播放各式出品，另一面則掛上巨型宣傳海報，單看圖畫已引得人垂涎欲滴。舖內的用餐區呈「L」型，其中一角靠近落地玻璃窗，光線從外透入非常光猛，而公園景色亦令人心曠神怡。除非在周末假日等旺市時段，食客先要在門口取票等候入坐，基本上這裏均可自由選擇座位。既然是有目的而來，今趟就不用多三心兩思，點了一客麵豉燒雞扒蕃茄烏冬，套餐關係可配杯熱柑桔蜜。主角烏冬浸在紅彤彤的湯底內，湊近已可聞到一股蕃茄香，說也奇怪，這個湯底的溫度只是緊緊夠熱，可是烏冬卻出奇地燙口，有理由相信兩者是分開煮製的。蕃茄湯極為濃郁及厚身，不會出現水汪汪的樣子，而碗內亦放著幾片鮮蕃茄，此方面可謂非常有誠意，可惜酸勁略嫌強烈失去和諧感，最終也不能把整個湯底幹掉。至於烏冬來自日本四國香川縣，並標榜以「手打」製成，其外表白淨而身型渾圓，想不到吸湯能力一流。粗幼適中的烏冬質感滑溜，可惜煮得腍身偏軟，咬落粉條即散開，缺乏煙韌彈牙的感覺。配料方