瑪車厘 (已結業)

上星期5約左好朋友去九龍城食泰國野3個女仔食完飯當然要食番D甜品啦行行下見到呢間新開既甜品店望下MENU再望下DISPLAY都幾吸引所以就決定入去試下喇Frozen 薄荷朱古力慕絲 $38佢Menu有兩個page都係介紹呢d mousse cake都有幾多味道選擇，例如芒果呀，士多啤梨呀我地就揀左呢個綠色既薄荷朱古力味一黎呢個味出面少有，二黎我本身就好鍾意食薄荷朱古力其實外皮就無咩味道入面就係朱古力蛋糕加埋薄荷既mousse薄荷唔夠勁，朱古力味都唔夠濃郁兩樣野味道都比較淡有少少到喉唔到肺既感覺Windmill 青提子慕絲 $38另外一個，我地揀左青提子味蛋糕入面除左有青提子既慕絲同海綿蛋糕仲有D青提子粒，青提子爽口又清甜不過都係同一問題就係個mousse味道比較淡好彩入面有d青提粒先令口感同埋味道豐富dButterfly Tea 藍蝶花茶 $28 (跟甜品 +$18)之前都係網上面見過人地講呢個藍蝶花茶佢本身係一種藍色既花，所以有天然既藍色色素不過最好玩既係，佢遇到檸檬既時候茶色就會由藍變紫，睇住佢變色真係好得意味道方面有好淡好淡既花茶味可能加少少蜜糖會好飲D其實味道方面就唔算太有驚喜不過食物既造型方面，就幾值得欣賞好似果兩個cake，每個味就好似一個唔同既星球睇得出店家無論由食物外型到擺碟都明顯係有花過心思去設計而且店入面環境同埋服務都好好就算傾得耐，店員都好有禮貌甘不斷幫我地加水如果你想試下九龍城一d新開既甜品店或者想搵個地方同朋友食少少野傾下計呢到都係一個唔錯既地方…查看更多

真心推介呢間新開甜品屋！店內簡單設計加特別甜品 好滿足呀！😊😊🍈蜜瓜三重奏🍈佢個底用咗蜜瓜moose做底 上面加咗蒟蒻 佢個蜜瓜係用咗韓國無紋蜜瓜整 一咬落去口感好Creamy 同埋D蜜瓜超甜呀😍😍🍓白朱古力慕絲🍒就咁睇個樣 完全唔知入面係咩呢？好神秘呀！原來出面係士多啤梨加車厘子嘅啫哩入面係用白朱古力慕絲為主做base 中間再加一層海綿蛋糕 所以食落去個口感好特別 🍰蛋白霜提拉米蘇🎂個蛋白好似燒棉花糖的味道 不過對我來講甜咗少少 🍎雪糕蘋果酥皮批🍎蘋果味道甜酸度適中 加埋個好鬆脆嘅酥皮連埋雪糕一齊食 成件事好夾呀😍😍…查看更多

夜晚熱熱地，小妹就岀去遊下車河經過九龍城就兜下順便搵下有咩宵夜食。九龍城泰國野就岀名，但今次想試下新野。咁岩經過一間甜品舖門口，一開始被佢招牌吸引，再望入舖內白色為主既裝修配上柔和既白光，感覺好舒服好清新。再仔細睇下門口個menu,用人手畫的，雖然圖書簡單但感覺同舖內純白簡潔既裝修好匹配。老闆娘都好有善，好有耐性喺舖面為我地派上小傳單仲介紹甜品。傾傾下計先知道舖頭剛開個幾兩個月。新甜品舖頭，就等小妹試下啦Menu選擇都ok但不算多，有cheese cake mousse cake, mini cake等。唔食甜品都有野飲order .Melon  Summer $128老闆為我地推薦新甜品"蜜瓜三重奏"，係季節限定，限定唔係時時有嫁夏天遇上蜜瓜限定，未食都覺幸福賣相相當好，仲有金萡100分蜜瓜三重奏，第一層有蜜瓜肉，第二層有蒟蒻，第三層有蜜瓜mousse:)甜度由甜甜蜜瓜到淡淡清甜既蒟蒻再到滑滑奶香既蜜瓜mousse，甜味好分層次，亦唔會太甜Galaxy Mango Mousse $38銀閃令令藍莓色面有驚喜，點睇都估唔到係芒果mousse。有創意有新鮮感切開係芒果mousse，中心係鮮芒果肉。mousse既芒果味淡淡的，口感軟度剛剛好再連鮮芒果肉一齊食，甜度夾得好Extreme Cream Cup $58Cream cup 有好多層，上面先有雪糕球，下面有忌廉，生果，幾種味道既啫喱，朱古力薄脆......夏天食呢個，冰凍透心涼仲層層有驚喜同朋友4位食個宵夜甜品，埋單$224，價錢都ok。老闆會為客人送上清水，就算客人食甜品食到甜哂都無有怕，真貼心…查看更多

本身喺對面食完清真牛肉館午餐已經非常飽一踏出牛肉館 見到ma cherie 間鋪幾吸引 就過咗去望下喺望緊佢個咁精緻嘅餅櫃時 好親切嘅老闆娘出咗黎介紹 搞到我同男朋友就算好飽都行咗入去 好想試下入面嘅裝修好舒服身為薄荷朱古力控嘅我 決定叫個“Frozen”--薄荷朱古力慕思蛋糕Frozen睇餐牌時完全估唔到個presentation 係會咁俾心機朱古力同薄荷嘅balance好好唔會太甜慕思同蛋糕嘅portion亦都做得唔錯 唔會令人有膩嘅感覺另外一樣 係蘋果批蘋果批未拎出黎已經聞到好香 見到就更加不得了按餐牌 應該只係得青蘋果 冇紅蘋果 所以整體就會有啲酸 但係加埋雲呢嗱雪糕就剛剛好個酥皮我就覺得少少脆 仲有啲鬆軟 好啱我口味但係男朋友就覺得脆多啲啲就再好啲好滿意地打算埋單走埋單前冇特別計過幾錢男朋友下意識地拎咗百幾蚊出黎點知 唔使100蚊就ok呢個質素 都只係呢個價錢 真係非常值得推介臨走時 老闆仲同我地講就黎有新甜品推出 令我地好想返去再試過…查看更多