瑞士㗎啡室 (已結業)

聽人講過中環有間，原來荔枝角都有算是有傳統特色的茶記，但價錢都唔係特別平，荔枝角黎講算中上。不過見佢都算有特色，連咖啡個咖字都用 `㗎`，可見改名上都保留左香港早期冰室嘅特點！除左有特色有傳統 feel，其實都冇乜特別。食個下午，真係冇諗過佢啲醬同意粉會分開上啲意粉係唔 ok... 太林了！好似煮過龍。。。個汁係好淡好奇怪嘅味道。。正常奶茶，叫做奶同茶嘅比例剛好。。。整體黎講，冇下次 😕😕

瑞士汁炒牛河係我最鍾意既食物之一但係因為我唔食牛 只可以同朋友食時偷佢啲河粉食今次只有我一個人但係我又勁想食 只好問姐姐可唔可以轉雞肉但姐姐話可以轉肉片好細心呀老闆極度開心即刻飯應但係太足料啦太多肉片啦 我寧願食多d河粉瑞士汁夠味肉片夠滑河粉好滑但係好多人你預咗一定要搭枱

今曰去荔枝角工作,午餐試下依個瑞士咖啡室始終係工廠區la...與其它工廠區餐廳,差唔多"食物"依個午餐我叫左咸蛋肉餅飯加凍奶茶其實工廠區,食黎食去都係依d凍奶茶味道,奶味過重,蓋過茶味咸蛋肉餅飯,ok可以,肉餅夠厚,有肉味,咸蛋收左係肉餅裏面,ok得意

一向都有食開瑞士咖啡室早餐因為質素高, 而且平最抵食係早餐同下午茶佢d早餐好抵食, 我通常食早餐A24蚊火腿通粉, 包腸仔1條, 1隻蛋, 熱飲不過我最鍾意佢可以免費轉茄湯而且佢茄湯都真係有蕃茄蓉, 比出面可能用茄膏健康好多俾人感覺亦足料!另外佢地既奶茶係2014年拎過奶茶王, 我覺得都幾滑幾好飲起碼唔澀!有時我會加3蚊轉樽裝鮮牛奶!同埋最抵食都係重有兩片厚多士麵包份量咁足價錢又唔貴而且質素好教我點樣唔成日食

這兩個星期放假，可以周圍逛逛、食吓嘢。遇到好嘢食，就寫吓食評，與大家介紹吓。剛剛去左荔枝角青山道嘅瑞士咖啡室食下午茶。門面一D都唔吸引，不過貪佢可拍車在門口。下午茶歺有好多種類，樣樣都好想食，結果叫左肉絲炒麺、西多士磚、炸鷄亦、凍O茶，結果比我哋預期好食播！價錢平，三十幾蚊一份，真係好想叫多兩份留番做今晚晚餐😋，慳番今晚唔洗煑😅

2點後下午茶時間,份量會少一點.有餐飲.叫了個瑞士汁牛河$35來到感覺像湯河.汁很多.本來以為是瑞士汁係雞翼那味道.但我跟我老公一試,都有點失望..不知這叫什麼味道.也真的不是甜的.很普通.我寧願食返平時街外既干炒牛河......反而突然想食他們那個瑞士雞翼平衡一下心理....感覺這餐廳算是穩定的選擇不過餐具真的很污糟.上次來吃常餐,公仔麵那個碗充滿洗潔液味道....要知道這是一碗湯麵.整個湯也有味.我除了BACKLIST 這間湯之外,如果叫他換..我不相信有其他乾淨的餐具或是給我新的.. 

朋友話荔枝角中午去邊到食LUNCH都會超多人，好彩今次去呢間餐廳，等一陣就有位。聽聞呢間瑞士咖啡室好出名，但我之前一次都未幫襯過。我就叫左瑞士汁牛河，因為餐牌上話係推介，牛肉唔錯，味道不是想像般咁甜，整體唔算太肥膩(牛河點可能唔肥)，炒河水準都OK，只係有少少唔夠熱。加埋杯凍飲都唔駛$50，呢個時勢算係咁。

黎呢間餐廳目的就係為左一試佢的瑞士雞翼人人讚好咁話一睇睇餐牌，tea 時間食埋lunch. 最想食的瑞士雞翼麵加多士一個餐要$42 蚊，不過跟餐就得2隻雞翼轉過另一邊，茶餐有30蚊3隻全雞翼連野飲，好抵喎，就叫呢個雞翼好快到，超香，食起上黎都好夠滑不過就係普通的豉油雞翼味lo. 同埋浸得太耐，d 肉散哂，唔係好有口感另外奶茶就好多唔錯，好creamy. 一飲到底都無渣overall. 來說，雞翼比較平庸，反而奶茶會比較懷念~~ 茶餐3 雞翼好抵食~~

下午茶叫左星洲炒米，17:52入單，18:25先有，追左兩次，待應一路話煮緊多單，但在場食野既客確不多，又唔比人取消，炒出黎碟米粉硬到好似生既咁，又吉口又難食，食左一啖忍唔住想講粗口，以後都唔會再黎

是日遊到深水埗前食番早餐, 來到此處.點了吉列魚柳+炒蛋+腸仔+熱奶茶熱奶茶 - 茶苦味比較重, 奶味較少吉列魚柳 - 明顯不是即炸, 只是炸完保溫. 好明顯皮是淋咗, 冇咁好食, 醬是普通沙律醬.炒蛋+腸仔 - 普通料啦以$29價錢相對平, 質素亦只係一般

上星期15：00左右黎到，想叫個瑞士脾餐(啊姐話脾好早就賣曬…)因為下次再試(今個星期六無咩野做好早就過左黎)是日叫左個咖喱班腩飯做午餐(入口好香咖喱味後再有好濃椰味吾算辣90分太子牛車水後又一間岩食既咖喱店)，食完碟飯吾夠喉，黎多個瑞士脾餐感覺上吾夠瑞士雞翼好味！

Dear 葡汁海鮮意粉,I'm sorry, I have been busy and lazyI promise I will come and 'visit' you more often xxxlove, me葡汁海鮮焗意粉I'm in love!!!!The sauce is so very creamy, nice and thick!有飯焦架!!!有very very 足料海鮮有魚扒青口帶子etc etc etceveryone of them quite juicy 唔係cheap嘢!!!finished it all!!!very full好似仲有蟹柳lovely tomato soup with 通粉勁'茄'但有少少甜下午2:30 already sold out!!!!!service ok!

第一次過黎荔枝角做野，中午肚餓呢邊人生路不熟吾知呢邊有咩好食！為有開APP搵附近餐廳睇下有咩好食！睇埋瑞士既食評都幾好就上去試左試中午時間都8~9成坐滿 上到去啊姐就問哥哥仔幾位？就答1位，啊姐就帶去單邊卡坐底左 就拎餐牌望左望，叫左個咖喱班腩飯！呢間既咖喱整到真系好有水準味道香濃吾會太辣！下次有機會路過一定會再黎試期他野！過左一星期左右要去青山道收完票，岩曬上去瑞士吃個下午茶蛇一蛇先！今次叫左瑞士雞翼撈麵

今天和媽媽在這裏附近，便上來吃東西，貪這裏夠靜，而且有懷舊的情調和風味。並且位處樓上，可以居高臨下，臨窗而坐，看得見窗外的風景。　　剛好過十二點，可人原來也不少，而且恰好過了早餐時間，早知早一點來吃早餐。　　我就點了常餐，有午餐肉公仔麵，火腿奄列，牛油多士及濃滑奶茶。　　先來的是牛油多士跟火腿奄列，火腿奄列有點讓人失望，因為蛋白跟蛋黃攪得不勻，而且火腿也不飽滿，牛油雖然夠熱，但因為塗得太厚，牛油都沒溶掉和滲透到多士裏，有點吃奶油的感覺。而餐肉公仔麵就是餐肉加上公仔麵，沒有配料，也很淡。　　幸好熱奶茶還不錯，夠濃滑。　　想一提的是服務員態度不好，我們招了手有一個服務員就敷衍，等了好久，下單時他是以呼喝的口脗，扣盡了印象分。

幾個月無响荔枝角返工，一返黎依頭做野就梗係要去瑞士啦，午飯時間好多人，但係侍應姐姐仲識得我，好開心，仲努力幫我搵位，雖然係工廠區餐廳，就算好多人客好忙都唔會黑面，真係唔該晒 茄蛋牛肉瓜粒湯飯，足料好味 紫菜魚旦米，唔錯茶餐，有好多配搭，湯底可轉羅宋湯，正 沙嗲炒牛河，雖然唔夠鑊氣，但係個沙嗲汁好夠味