瑞士咖啡室

營業中

休息中

下午茶時間，揀左炸雞翼薯條配龍鳳檸樂呢度嘅薯條係粗薯條，打電話叫外賣勁快就到不過可能外賣嘅關係，食物有D淋，扣左少少分最鐘意就係佢杯龍鳳檸樂，不過跟餐都要加8蚊，成個下午茶差唔多成50蚊

在中環上班的，應該都會一到呢間冰室午餐冰室既茶餐可謂快、靚、正，當然你別講求有服務啦不過閒時都幾喜歡到呢間冰室食個快飯好喜歡佢地既懷舊茶餐，有烘包、炒蛋火腿再加碟熱米粉最緊要就係個杯奶茶，茶滾奶香，確實有個種懷舊風味

中環平民選擇之一，相信係得中環做野都一定會食過。今日揀佢係想飲佢既奶茶。上兩次都係食午餐既飯，今次士weet下，食佢標配常餐。四隻雞翼，算夠食架，公仔麵唔係出前一丁，但都食得過。一丁要加四蚊，唔係咁抵。個湯應該都只係即食麵湯粉底，再加瑞士汁，混埋一種你話佢甜又得，鹹又得既湯，都ok既。餐再配多士同火腿奄列。多士有牛油既，但乾左啲。奄列就薄既，唔係個種厚啲食落略為juicy口感又實在啲既奄列，所以其實好一般。但係，個奶茶係正既，茶香夠味，口感又滑！下圖畀四星係畀個奶茶！黎呢頭食野唔想貴又口痕想食即食麵就try try la!

中環lunch抵食之選！最中意呢到既瑞士雞翼！常餐既瑞士雞翼居然有成4隻咁多～仲有炒蛋同牛油多士，加杯熱飲都只係50令蚊...!不過lunch hour 周圍都多人又逼，店員態度尚可。

兩年幾前做intern個陣黎過一次個時從未食過瑞士雞翼幾十蚊既常餐係中環黎講簡直係清泉！又大份量又好味今年又黎到中環番工點都要想當年一下照舊叫左常餐～價錢冇咩變到 都係4、50蚊公仔麵可以見到熟度啱啱好好驚有啲茶記會煮到軟淋淋⋯冇左彈牙既口感！呢度就唔會啦 好開心食到公仔麵既精髓 哈哈瑞士雞翼有4隻咁多！瑞士汁入哂味 雞肉嫩口唔似上次係荃灣食個間樓上定樓下茶餐廳（我有寫食評）個間啲雞翼真係拍馬都追唔上呀大佬火腿蛋同烘包正常質素冇特別～但拎到上黎仲熱仲脆今次有少少評語因為我地個2杯熱檸水催完又催食哂飯都未見蹤影可能真係太忙啦 啲單好亂希望下次會更好

已經好幾次去瑞士咖啡室食早餐，對於住同返工都响屯門區嘅我，去中環食早餐真係一件好遙遠嘅事，但為咗杯港式奶茶，咖啡，同埋人情味，遠一遠都值得⋯⋯對於我嚟講，平時响屯門區想用一個合理價錢，可以食到一個大份量，又好味嘅早餐，根本冇乜可能。雖然係普通嘅食材，但最難得係用心製作，加上舊式嘅茶餐廳環境，舊一輩嘅員工⋯依一切一切，都係我長途跋涉去食個早餐嘅目的⋯响依度，我遇上久違嘅味道：人情味早餐：西煎雙蛋，牛油方包，沙嗲牛肉意粉，熱咖啡

喺中環返工，每隔兩個星期最少要黎食一次瑞士雞翼😋😋今日剛好約左朋友一齊食午餐，而佢又想食啲輕盈啲嘅野，就決定黎食瑞士㗎啡室。🕺茶餐廳門口對住小巷，如非朋友推介一定唔會發現呢度。每到午餐時門口就會出現長長人龍。😱今日都唔例外，去到已經有十幾個人排緊隊。🙈同大部分中環食肆一樣，要等齊人先有得入座。雖然人好多，但只要等十分鐘左右就可以入座。👍👍茶餐廳分2層。地面果層舖面大，樓底高。2樓面積較細，樓底較低。今日好彩個位喺地面果層，可以坐得比較舒適😌😌坐好之後落單，待應人數充足，落單、上菜同收碟都非常有效率👍而且態度好好，唔會有壓迫感。💁今日叫左個瑞士雞翼撈麵。招牌嘅雞翼十分入味，而且肉質鮮嫩，大小適中。而撈麵軟硬度啱啱好，夠彈口。個撈麵汁一開始係分開一碗上嘅，時間關係，已經幫大家倒左落去啲麵度先影相📷 個汁嘅分量完全足夠撈晒個麵仲有剩。分量可以隨自己口味加減。隨餐飲品揀左奶茶。☕️奶茶亦夠香滑，味道濃郁。👍👍呢個餐嘅分量對女仔黎講啱啱好🙆男仔就應該略嫌唔夠啦🙅‍♂️由落單到完成用餐只需約30分鐘。雞翼撈麵餐盛惠$50，價錢合理。絕對係中環食飯嘅快靚正之選！！！😋😋😋

係中環番工食飯真係好貴，閒閒地都要五十幾蚊都走唔甩，所以我通常都帶開飯既，不過尋晚屋企無煮飯，咁我就無得帶飯了咁咪唯有跟d同事一齊食啦~到食晏時間我就跟同事行到利源西街，我一直都唔知依度有間餐廳係度，咁入度去睇d裝修好懷舊，枱櫈都係好舊式茶餐廳feel~跟住我睇下食d咩啦，班同事2話不說就叫伙計埋黎落單，我話未知食咩，佢地話得啦，跟我地食早餐啦我心諗11點45分都黎緊啦喎，仲有早餐，原來依度d早餐12點前都仲有得叫，佢地叫左個叫極品2既早餐$41蚊，我就叫左極品1既早餐$37蚊~分別其實係極品2個麵多左五香肉丁。其實個極品早餐好豐富，有火腿炒蛋，熱狗，鮑魚通粉/即食麵，熱飲1杯我覺得依個份量可以當午餐食。

中環利源西街間瑞士咖啡室最好食既就係咖央西多士(要練奶上)。個西多炸到金黃色熱辣辣，一上枱就聞到好香，睇住佢上面d牛油融化同d練奶溝埋一齊，再將切好既西多點落去，真係好好味。野飲叫左杯凍鴛鴦少甜正常冰。好彩叫左少甜甜度岩岩好，如果冇少甜一定太甜。食西多士最好就早餐同下午茶時間黎食。因為早餐同下午茶有得跟野飲(凍飲要加錢)，lunch黎叫西多就得散叫冇跟野飲，但價錢其實差唔多，變相lunch叫西多蝕左杯野飲。

這裏員服務態度甚差，不只是一個是多個冇禮貌，食品同以前相差太遠了，還是中環號舖太旺，現在大部份的食肆服務也是一樣😖😖😖😖😖😖但食物也不大如前了，D牛肉怪怪的，非常林，我想是醃肉粉太多了，吃了一啖更不敢再吃了！我們的健康在哪裏？為什麼可以將這些牛給人吃😡意粉也是很林的！本來期望麵包好好味！完全唔香口梗的😩，只有蛋火腿是正常的！搞到唔夠飽又要搵嘢食！點解這麼簡單的食物也做得不好呢？😭

多士炸得幾脆花生醬亦都夠香口但d醬真心比太多吧😂 小編只可以太過畫蛇添足 醬多牛油多唔一定好食 好味都要個多士炸得脆身先得加超失望 😢還我一杯濃滑奶茶🙁奶茶沖到好粗，茶味澀到一個點即使幾香奶味都冇用sad

朋友係中環返工話平時呢間舖頭一到lunch就大排長龍..因為夠抵食同大份wor.見今日星期六.心諗冇咩人掛.就黎試試..點知去到大約十一點幾..都要排一震隊😱朋友推介營養餐.嘩..真係不得了..份量係多到..三文件需要打包.營養餐有蕃茄火腿通、蛋salad同單拼三文治同野飲😋蕃茄火腿通粉 - 完全係滿滿既一碗..而個蕃茄湯底係極之濃烈..唔似一般係水咁..重點係.佢係有蕃茄溶嫁😍蛋salad - 個人不好salad只食左隻蛋..單拼三文治 - 唔知點解完全冇諗過係有二次..其實係一般三文治.但係包既表面係整得岩岩好.好夠脆又夠熱.完全令一件普通既三文治加分😋飲左枝左朱古力奶..好耐冇飲過了..好濃朱古力味啊.我地完全係低估左個餐既份糧..我地三個女仔其實叫二個餐就很足夠.最後要打包三文治！

今日嚟開中環，晏晝都要搵野食㗎，週圍賓印又多，就走去依間想食一排又冇試的餐廳。間野雖然話喺利源西街但都有d難茹，因為擺店前嘅檔口完全地摭住左的入到去，唔駛等位就叫茶餐，原先想叫澳牛叉燒通粉的，但叉燒已賣哂，都只係晏晝1:15, 咁就叫左牛肉湯米餐，配火腿炒蛋，多士同熱啡等約5-8分鐘，一齊嚟哂牛肉湯米，牛肉多，夠大塊但有筋，但真係完全冇味，另外，到趁熱食多士，加少少沙糖連半溶嘅烘牛油多士，好正再加上食炒蛋火腿，早前有食評師兄師姐話炒蛋唔掂好乾，可能店內廚房有睇食評，我份炒蛋好正，亦有蛋汁漏，而且好大份，最少要用2隻蛋嚟炒至於咖啡就一般茶餐廳傑作總括而言，依度職員態度好好多，食物質素亦可以，但朋友原來介紹瑞士雞亦好食，咁下次真係要試叫瑞士常餐，哈哈

約好舊同事逢星期三唔帶飯，咁就搵間喺大家office中間既餐廳食飯啦，咁一陣走都方便啲。最後就簡左瑞士咖啡室。中午12點9去到，有條長長既人龍，但因為入面勁多位，而且有兩層，5分鐘之後就到我地喇。一張餐牌既兩面呢個係小弟叫既。黎果陣熱辣辣，肉醬唔太咸，不過實在有點燶，要扣一啲分。呢個係我朋友叫既，感覺係大學果陣食既10蚊頹飯既番版lol 豬扒有點硬，隻蛋裡面啲蛋黃亦都變硬哂，無言...另一位朋友就叫左呢個。叉燒數量之多實是一大驚喜。多士都塊蛋都普通啦，起碼都夠熱既。總括黎講，無咩特別，但因為佢地理位置實在方便，睇黎一個月最少都要幫襯佢一次了🤔

碰巧要到中環辦事，順便去吃個快快的午餐。平日的中環午飯時間人頭湧湧，瑞士咖啡室也是。它位於小巷內，還有給攤檔遮著，可也有三五個人排隊。入座後立即點了茶餐：牛肉意粉、多士、火腿煎蛋、熱奶茶。牛肉意粉先到，意粉淡而無味，太淋，反而牛肉口感不錯。煎蛋太熟了，奶茶不夠滑，㷛得有點老。坐近門口，外面熱風不斷湧入，快吃快閃為上策。這個價錢，跟澳牛、華星相若，食物質素卻相距甚遠。離開時，已見人龍。人多，只可能因為中環茶餐廳選擇少。