班蘭葉印尼餐廳

營業中

休息中

餐廳位於銅鑼灣糖街1-5號銅鑼灣商業大廈地下B2號舖餐廳位置方便，好彩餐廳距離銅鑼灣地鐵站嘅距離都唔係太遠，我哋今日係大概1500去，同朋友食個下午茶再附近shopping！銅鑼灣地鐵站行過去都非常方便，大概5分鐘，皇室堡後面就係！🤍芝士海蝦，海蝦非常大隻，嚟到嘅時候買上到非常靚仔定我忍唔住馬上拎個電話出嚟打卡！海蝦食落去，非常爽口，食得出海蝦本身都係非常新鮮，海蝦係燒，但係食落去唔會有太乾嘅口感，證明廚師控制火候嘅時候都幾好，食落去都有juicy既口感🤍巴東牛肉花膠湯粉，花膠都俾咗好多，個湯粉嘅湯底非常好食，食得出係餐廳自己熬製，絕對唔係用味精做，花膠都炆得幾好食，配合埋佢嘅湯粉，呢個價錢嚟講絕對CP值非常高！🤍珍多冰，嚟到印尼餐廳點少得珍多冰，呢一杯嘢嘅口感質感爽滑味道清甜！夏天飲時候簡直係一流，非常消暑解渴，充滿椰香味道，我同朋友都非常like!下次嚟到再食餐廳嘅唔同菜式，餐廳嘅食物份量非常多，喺銅鑼灣嚟講算係非常抵食，大家不妨一試！

班蘭葉印尼餐廳 銅鑼灣糖街1-5號銅鑼灣商業大廈地下B2號舖Enak 印尼話即係好食！！印尼料理的特點是口味濃郁、風味豐富、辣度適中，食材也十分多樣化斑斕冰沙$42色彩鮮豔、口感清爽的飲品Summer飲一流 大大杯！！炸虎蝦飯$138鮮美虎蝦，肉質鮮嫩，虎蝦經過油炸後，更是讓口感更加香脆可口。炸粉的外層酥脆，內層蓬鬆，完美地包裹著虎蝦炸豆腐，炸黃豆餅 青瓜，秋葵 芽菜 配料多樣式可以用手套 用手食！ 傳統食法要試吓：）雞肉沙嗲48 虎蝦沙嗲88沙嗲醬口感微辣，帶有濃郁的椰香和香料味道，非常開胃醬同時能夠完美地融合雞肉的鮮嫩口感，讓整道菜更加美味。雞肉經過燒烤後，表面烤得焦香，內裡卻保持了水分虎蝦表面塗上一層甜香醬汁 燒一燒後 有啲似焦糖感覺好好食😋

平時多食中西日泰越意法菜，印尼菜好幾年冇食過。餐廳混合鋪前嘅小賣店，有熟食及食材賣，好有東南亞特色～餐店雖唔大，但餐牌啲菜式種類之多可媲美茶餐廳！朋友話佢嘅印尼咖啡涼粉冰不錯，而我就極力推介呢杯牛油果沙冰！一擺落口已經有好香嘅牛油果味，但又唔會太甜太Heavy。整杯牛油果沙冰味道好均勻，唔會話有一啲冰好淡，食完一啖會再想食。呢碟飯個名好靚，係印尼著名嘅「印尼十五夜飯團」。用蕉葉捲起米蒸熟嘅飯團，口感軟糯。記得十幾廿年前朋友介紹我食，今日難得見到餐廳菜單咁正宗有呢一款飯團，所以要點來懷念一下。椰香咖喱汁再加巴東牛肉，又有雞髀同雞蛋，食嘅時候我鍾意將飯整扁少少再臨上咖喱汁。什錦蝦白鬚牛丸湯。呢隻丸有別於香港牛丸或台灣貢丸，整粒牛丸好濃味。呢碗湯麵嘅湯底比較重胡椒味，都幾清新。喺減肥group見過有成員提及過食印尼黃豆餅減肥，呢一間印尼餐廳真係好正宗，竟然有幾款唔同嘅黃豆餅菜式，今日就叫咗呢款雜菜黃豆餅小食。黃豆餅有兩小塊，另外中間嗰兩塊係炸豆腐。淡味，加豉油調味會比較好。牛肉串燒即叫即炸，所以最遲先上枱。但一眼睇到啲顏色同光澤，就知好好味🤤牛肉厚身有少許脂肪，非常之淋身又唔乾身。美味之極，

班蘭葉印尼餐廳 (銅鑼灣)銅鑼灣糖街1-5號銅鑼灣商業大廈地下B2號舖印尼炒米粉Bihun Goreng Ayam Suwir $78班蘭葉印尼餐廳 (銅鑼灣)銅鑼灣糖街1-5號銅鑼灣商業大廈地下B2號舖炒得入味，唔會太油，加左洋蔥同雜菜絲口感豐富，印尼炒米粉最大的特色是添加甜醬油，所以口感鹹鹹甜甜。在印尼，甜醬油是家家戶戶必備的調味料，主要材料包括黃豆、大麥、椰子糖等。烤柚子雞翼Sayap Ayam Jeruk Bali$58柚子蜜除了用來沖飲品，其實用作調味雞翼也十分美味，酸酸甜甜，十分開胃！韓國傳統的柚子蜂蜜茶，結合了柚子的酸和蜂蜜的甜，消膩解滯、清熱去火、排毒通便、化痰止咳，其豐富維他命Ｃ更可降膽固醇。黃薑破雞雜錦飯 Nasi Ayam Gepuk Sambal Mentah $118炸雞香脆可口，配上酸辣醬汁非常下飯，黃薑飯不帶辣味，而有一股特別的幽香，配以椰汁煮成，真是色香味俱全，加上咖哩豬肉、薯仔餅、炸雞蛋、甜酸阿雜菜、花生魚仔及木薯片，非常有印尼地道特色。珍多冰Es cendol $28柑桔青瓜冰Es serut timiun limau $28黑糯米及綠豆糖水Buba

平時係銅鑼灣成日都經過呢間印尼餐廳，次次都見到好多人食緊，今日放工就去試下。餐廳唔多位，要有心理準備需要搭枱。燒雞班蘭尖塔飯（$98）- 燒雞非常美味，皮脆肉嫩，點埋個醬汁甜甜辣辣咁好惹味。綠色飯係班蘭飯，真係有好香嘅班蘭味。印尼花膠湯班蘭雞粉皮（$88）- 粉皮有啲似腸粉，質感都係咁滑。花膠湯好清甜，飲完唔口渴。花膠就唔係好多，不過呢個價錢嚟講算唔錯。個雞就似海南雞，點上班蘭醬好新鮮。沙嗲係必嗌，我叫咗牛肉沙嗲（$56）同墨丸沙嗲（$48），賣止捏相好掂，味道都好正。涼粉冰（$28）- 每啖都食到涼粉，口感一流，而整體又又唔會好甜。我仲嗌咗椰青（$38）～

📍班蘭葉印尼餐廳銅鑼灣糖街1-5號銅鑼灣商業大廈地下B2號舖正宗印尼菜，有下次！1️⃣雜菜燒半雞飯 $88 🌕🌕🌕🌕🌑飯係籼米，煮得粒粒分明，有飯香味。燒雞調味咸咸甜甜，外皮烤得脆，雞肉唔柴。但2個醬嘅味道分別係：好辣、超辣🥵。2️⃣三重芝士炸碎雞撈麵 $78 🌕🌕🌕🌕🌑撈麵indomie，炒得乾身、彈牙，加埋芝士好match😋！炸雞似KFC嗰隻，味道正常。3️⃣半打雞沙嗲 $88 🌕🌕🌕🌕🌑有炭燒香味，雞串較乾身、咸咸哋；沙嗲醬好香花生味！4️⃣班蘭葉上海刨冰 $58 🌕🌕🌕🌕🌑好重煉奶香同椰汁味，好大杯，超抵食。但碎冰較多，凍到牙痛🥶。5️⃣牛骨白鬚牛丸湯 $88 🌕🌑🌑🌑🌑湯似潮州粉麵湯底，牛骨白鬚好多碎骨、口感似綾魚肉，唔啱口味🥲。牛丸爽口彈牙、中間爆肉汁。6️⃣班蘭雞半隻 $100 🌕🌕🌕🌕🌑第一次食班蘭雞唔知本身要係咩味，但呢個嘅味道同海南雞冇咩分別😂。雞肉唔霉、唔柴，不錯！7️⃣班蘭千層糕 $25 🌕🌕🌕🌕🌕最推薦呢個！好香班蘭、椰汁味。食落好煙韌！食咗2碟👍🏻👍🏻～Book枱只留10分鐘，入坐計90分鐘。舖面似印尼雜貨舖，入面坐位唔多，比較逼，坐卡位係手臂貼手臂。不過服務就唔錯，印尼員工好友善！

朋友同我嚟呢度，因為想係銅鑼灣想食啲地道啲嘅印尼菜！夜晚七點幾嚟到門口等咗一陣就有位！呢間餐廳座無虛席，而家很受不同國籍的人士歡迎！✨雞肉黃金餅有啲似香港嘅春卷！不過超級大，一個雞肉黃金餅等於平日春卷嘅兩倍！入邊都係椰菜紅蘿蔔絲同埋雞肉絲！味道有少少辣味！✨墨魚丸沙嗲三串墨魚丸，唔會好多粉！食到粒粒墨魚！沙嗲超級多花生味！就算唔係好食得辣都可以食到！實屬佳作！✨三重芝士炸碎雞撈麵撈麵本身有少少辣味！所以就算有好多芝士都唔會好滯！份量超級大！而且啲炸雞都不過不失！✨印尼花膠湯班蘭雞粉皮花膠湯感覺真材實料！味道味道冇咩味精！而且仲有好大塊花膠。粉皮冇香港雞絲粉皮嗰啲咁厚！唔會好滯！班蘭雞肉的話不過不失！都保持雞的肉質和彈性！✨柑桔青瓜冰青瓜味，覆蓋左金橘味！適合青瓜愛好者！

糖街呢邊因為近維園，所以開咗好多印尼餐廳。喺印尼華僑家庭長大，細細個都成日食印尼菜，大個咗之後見好耐冇食過，就同家人揀咗一間試吓～舖仔細細，好快就坐滿晒人，落完單就好快上菜了：巴東牛肉偶爾都會買下印尼餐外賣，但係對巴東牛肉印象係又實又乾。呢度嘅巴東牛肉夠腍，而且唔會過辣。最鍾意係佢仲有少少加多加多沙律！叫咗三串牛+三串羊肉沙嗲串燒。因為即刻燒嘅關係，冇其他菜上得咁快。沙嗲個靈魂梗係佢個沙嗲醬啦，啲肉燒到啱啱好，夠晒惹味！個雞都唔係一般炸雞，食落有少少好似臭豆腐嘅香味，好特別！咬落去仲要熱辣辣！如果個芝士都溶埋，就完美了！食咗咁多肉，係時候食返啲菜，鹹魚加芽菜呢個組合真係冇諗過，又幾好食喎！沙冰好好飲，一啖啜落去，夠晒班蘭味，天氣咁焗再加上又食咗惹味食物，飲返杯真係好爽！

突登約朋友去呢間印尼餐廳食晚飯，真係一食難忘🇮🇩我哋叫咗印尼花膠湯雞粉皮，塊花膠勁勁勁大塊、粉皮又薄又滑、個花膠湯好好飲、估唔到仲配有紅棗同蟲草花呢！雞肉部位有雞脾同雞翼，仲配有青辣椒醬，鍾意食辣嘅朋友會覺得份外驚喜🍲我哋仲嗌咗巴東牛肉班蘭尖塔飯，啲巴東牛肉肉質超級嫰滑、面頭仲有啲脆脆食落口感一流！班蘭尖塔飯真係好有特別、班蘭飯淡淡微香、賣相一流，而且仲配有特色醬汁、椰菜同蛋🍛另外，當然唔少得串燒啦，我哋叫咗份羊肉沙嗲，羊肉一啲都唔騷，仲有大大兜沙嗲醬！全部菜色都好入味，完全食得出係由正宗印尼嘅香料而成，最重要係食完之後完全唔口乾，證明無味精呢🍢嘢飲我哋叫咗珍多冰同黑糯米特飲，甜度適中又足料！最後，我哋仲叫咗個牛油果沙冰，即叫即整、本身仲驚有好多冰粒，原來整到出嚟係非常之blend，配埋朱古力醬，炎炎夏日食完真係透心涼🍧🍨🥑

銅鑼灣呢間印尼小店開咗好多年，每次經過都見到門口有好多小食賣，一直以為係外賣店only，但原來佢有堂食主食架🤣三重芝士炸碎雞撈麵 $78開頭見到碎雞以為係雞粒，原來都好大舊架，炸雞皮好脆，食落香辣，點埋個辣醬真係火辣辣🌶️印尼撈麵無得輸，加埋芝士仲惹味。巴東牛肉班蘭尖塔飯 $98巴東牛肉煮得好軟滑，唔痴牙，仲配有啲雜菜，均衡飲食。班蘭飯整到尖塔咁嘅造型，幾特別。半打羊沙嗲 $108沙嗲汁好濃郁，仲有啲花生碎，而羊肉燒得好香口，係一個正嘅小食。班蘭葉上海刨冰🍧 $58超級大份刨冰，見到都超開心，2個人食啱啱好。刨冰有好香煉奶味，仲有仙草、班蘭、龍眼同牛油果，好多配料，最犀利係我食完啲主食再食佢都仲好冰

想食正宗印尼野，除咗去銅鑼灣啲唔知去邊度好淨係糖街都有好幾間， 今次就揀咗這一家，門口有好多印尼小食賣今次第一次食正宗印尼店，其實冇乜概念係食乜嘢店舖唔係好大，要喺門口等幾張枱，但係等就可以喺出面睇下有啲乜嘢買入到裏面牆壁貼簽滿食物嘅相片因為友人有選擇困難症所以就揀咗啲推介内咩都有嘅四大天王飯飯內四樣餸感覺都幾特別有沙嗲雜菜、 班蘭雞、巴東牛肉同埋 一些小蝦醬食落係驚喜，因為班蘭雞咗雞髀部分，所以非常嫩滑， 香口惹味 送飯一流馬拉盞炒秋葵因為想叫個菜，但係我就非常唔鍾意食通菜， 點知見到餐牌有得配秋葵即刻叫嚟試下覺得超級好食因為秋葵味道少少甜配埋馬拉盞 就唔會覺得太鹹， 另外仲有幾嚿蕃茄，感覺都幾特別，番茄配馬拉盞都幾好食牛骨白鬚牛丸湯裏面有四粒非常爽口嘅牛丸，另外有一嚿以為係大肉丸，但係原來有一支骨係裏面牛骨湯比較清淡，作為食咗咁多濃味嘢嘅點綴，覺得非常合適拎起好似雞髀咁咪食都幾有趣朋友叫咗椰子冰，感覺有啲似椰子沙冰又有點象椰子雪糕， 清新可口夏日佳品我自己簡簡單單叫咗個椰青椰青肉非常嫩口， 完全食曬整餐份量比想像中多，食到幸幸福福快快樂樂的走

班蘭葉印尼餐廳係銅鑼灣糖街好多年但一路都無幫襯過，舖頭面門唔算起眼，門口有好多唔同既印尼特色小食同甜品。雞肉串燒6串，每串都燒到外皮脆焦但食落雞肉仲好juicy 而且面層塗滿了蜜糖，一人食2串其實差唔多因為醬汁有D多，唔洗點點點印尼沙嗲醬都夠曬味班蘭雞尖塔飯，個碟好有feel，班蘭飯好香班蘭同椰漿味，班蘭雞好嫩滑而且唔太肥，仲有個清湯附上炸天貝比較淡味不過印尼嘅辣醬又幾好食入面除咗有辣椒絲仲有啲魚仔另外既石栗馬拉盞炒通菜係最好食，夠惹味D菜又夠滑，食下菜飲下椰青又幾match, 椰青清清甜甜

這家位於銅鑼灣鬧市的印尼餐廳歷史已經很悠久。門面雖然像一間專賣印尼雜貨的小店，但其實食物是很特別和很好吃的😋。好幾年前，朋友曾經帶我到這間印尼餐廳吃飯。餐廳的招牌花膠粉皮令我一試難忘🥹。今日難得同老公嚟到銅鑼灣，專登帶佢嚟這間店舖再回味一吓這道菜💜。=======食物========⚜️ 原條魚花膠湯粉皮 $108花膠很大塊和厚身。湯底吸收了花膠的精華✨，而且還有杞子、紅棗和蟲草花作材料，味道很濃郁和滋潤。😇魚🐟炸得香脆，用來送這個花膠湯一流👍。這道花膠粉皮咁多年來都能保持這麼高的水平🏅，沒有令我失望。 ⚜️ 羊肉串燒 $58這個羊肉🐑串燒有BBQ的碳香味😋羊肉沒有半點羶味。串燒再配上秘製的沙嗲醬，非常滋味。🤤⚜️ 石粟馬拉盞炒通菜 $78石粟馬拉盞汁十分惹味。通菜很新鮮和爽口，而且吸收了馬拉盞汁，味道更上一層樓。🌠=======飲品========⚜️ 珍多冰 $28椰汁夠濃，而且唔太甜。綠豆粉條（珍多）爽口彈牙，層次感豐富。⚜️ 青檸梳打 $28梳打水是自己倒入杯的，方便控制飲品的整體甜度。😉=======總結========買單共$300 (即每人$150)。總括而言，這家餐廳食物味道正宗

工人姐姐生日，帶埋姐姐出去玩！工人姐姐離鄉別井嚟到香港打工幾年，疫情關係都無返過去印尼生日就帶佢去食印尼餐廳回味下高質素印尼飯嘅味道！呢間「斑斕葉印尼餐廳」位於銅鑼灣！地鐵站E出口行3分鐘就到，食飽飽行過去維園散步都係2分鐘嘅事😂 我叫咗「印尼四天王飯」$88 👍🏻推有雞、巴東牛肉、魚仔炒花生同埋印尼沙律雞肉好滑仲要切正脾位我👍🏻，巴東牛肉好入味，煮到好淋，魚仔花生搵陣餸飯開胃，印尼沙律用沙爹醬（有花生）撈埋，打開個胃！老婆叫「燒雞花膠湯粉皮」$88 👍🏻推花膠湯好甜好好飲，花膠又多，骨膠原補充！燒雞唔會燒到乾淨淨。粉皮好滑份糧都多，女生可以share。姐姐食「雜菜燒半隻雞飯」$88問姐姐佢都話啲雞嫩，要點埋少少醬汁更開胃！另外叫咗一碟「烤柚子雞翼」$58正常水準，焗到顏色好靚，賣相一流飲品方面大家要注意啦！🚨‼️係又甜又大杯🍹🤣 「珍多冰」$28好多椰汁，勁多綠色嘅jelly(唔知係咪咁叫🤣）「雜錦冰」$38有好多顏色嘅jelly,仲有兩片牛油果在面「椰汁冰」$48大杯到飲唔晒，椰汁味重！唔想飲太甜的話記得叫少甜🤤（椰糖係好甜的）📍 班蘭葉印尼餐廳 (銅鑼灣)銅鑼灣糖街1-5號銅鑼灣商

成日經過銅鑼灣印尼鋪都好多人排隊姐姐話好食 又同朗朗挑戰下🤣好想知印尼風味係點口我叫左個花膠粉皮配烤雞同叫左個炸雞配雜菜個湯都幾好飲，粉皮超多我無食到不過睇落好滑個燒雞皮甜甜地唔會好鞋 好好食炸雞相對無咩調味，配天貝白飯啱朗朗食，雞肉佢都ok另外叫左杯檸水（朗朗嘈住要飲）整體黎講都幾好食好有印尼風味班蘭葉印尼餐廳 (銅鑼灣)銅鑼灣糖街1-5號銅鑼灣商業大廈地下B2舖