珍姐海鮮火鍋飯店

營業中

休息中

喧鬧中的一點慰籍今日12點半時段來到，一如既往咁多人排隊，身水身汗，都係想食個靚飯，填飽個肚仔，今次我就叫咗個頭抽豬扒煎蛋飯。賣相唔錯，啲豉油幾正，啲豬扒炸過嚟，但唔會話炸到好乾，食落去都有肉汁，唔錯唔錯！而且側邊，仲有少少脆香，咬落去卜卜聲，啲豬油渣到出晒嚟，勁香口，撈埋少少豉油，用嚟送飯，真係一流，個煎蛋係太陽蛋，一搞開個蛋黃，流晒出嚟，再加少少豉油，太陽蛋加豉油好好撈飯打工仔咁又一餐，有時候打工仔最緊要係快靚正一餐！

一個人原來都可以盡興！中環的午飯時間，每家餐廳都人頭涌涌，一個人反而比較快能獲得位置~ 今天同事們要不放了假，要不約了友人吃飯，我想了想就走到人氣爆燈的珍姐海鮮火鍋飯店，碰一碰運氣，看看是否需要排隊。一去到就看見長長的人龍，本想放棄的時候，店員突然走出來問有沒有一人在等候，我便馬上舉手，然後跳過長長的人龍進店了老蘭嫩牛葱油撈麵（$85）之前有試過它的火鍋，鮮嫩的扇牯牛令人一試難忘。這次來到吃午飯，也點了我最愛的老蘭嫩牛配葱油撈麵~ 這家牛肉的品質一直都很穩定，新鮮充滿牛肉香，煮的時間剛剛好，帶微微的粉嫩顔色，咬下去肉嫩又juicy，完全沒有筋或特別大塊的肥肉，所以說是一分錢、一分貨~ 沾上微辣的甜醬油，更加能提鮮！撈麵是全蛋幼麵，麵質爽口彈牙，碟底有同款甜醬油，可以盡情撈起，裏面有一些豬油渣碎和幾條芫茜，非常惹味~ 麵的分量很多，男生作爲午飯完全ok！覺得太重口味的話可以加點湯（反正我喜歡重口味哈哈哈）~

眼見中環珍姐日日大排長龍，所以今日特登早啲出去食Lunch，我哋12時正去到已經排緊隊。珍姐既午市主打係碟頭飯，午市時間由11:00至14:45，午餐有7款口味，今日我哋一行4人全部叫佢既招牌菜拔道腩雞飯。聽閒呢款好快賣晒，好好彩我哋入座後仲有。★拔道腩雞飯 $55雞肉去左晒骨同非常嫩滑，配上秘製新鮮辣椒豉油，好鬼野味，正。$55 嚟講呢個質素係中環真係打工仔恩物。★凍奶茶 $10佢哋個茶底幾好，啱我口味，好飲，值得叫。✪總括食物質素𝐨𝐤 ，至於服務質素，大家唔好抱大期望，因超級多人排隊，會令你有壓力要食快啲，下次想試埋珍姐咖喱羊排飯。

「珍姐」火鍋店以港式大排檔格局設計，營造出地道的用餐環境。這種擺設讓人聯想到香港街頭的小吃攤位，給人一種熱鬧、忙碌的感覺。食物質素在「珍姐」火鍋店是一流的，特別是他們的牛肉。他們提供多種不同牛的部位供客人選擇，而且每一塊牛肉都非常嫩滑，讓您品嚐到優質的口感和風味。這種高品質的牛肉讓整個火鍋體驗更上一層樓。此外，員工非常熱情友好，並提供「陪飲」服務，讓客人享受到暢飲的體驗。還有，背景音樂播放著八九十年代的中文廣東歌，為用餐環境帶來一份懷舊和歡樂的氛圍。這些經典的歌曲能夠喚起人們對過去時光的回憶，讓用餐體驗更具情感共鳴。

上次嚟過就食咗個咖喱羊架飯，回味無窮，那廖目標係要食晒餐牌上嘅飯，所以今次都忍吓口食啲新嘢先，今次嗌咗milk milk介紹嘅拔道海南雞飯好可惜，今日我好肚餓諗住話要加飯，點知店員話海南雞飯唔可以加飯，應該係油飯成本比較貴，所以唔可以加飯？但係唔緊要啦，都夠飽嘅一上到嚟，個油飯，煮得好軟熟，好香。海南雞肉質鮮嫩，又滑，又無骨，雞皮滑到呢啲雞肉，又有雞味佢個豉油其實幾好食，醬汁調校得幾好，唯一缺點就係落咗香荽？可能呢倜係我嘅缺點，因為我麻麻哋香茜，希望可以改善下啦，因為呢樣嘢唔係人人接受到。。。

其實呢間餐廳午市時段就做客飯，夜晚就打邊爐咁我一支公就梗係午市時段食飯啦，餐牌上有好多選擇，今次我就叫咗個咖喱羊架飯，嚟緊我都會試晒唔同款式嘅午市客飯，敬請期待我嘅食評。個飯一上到嚟，已經聞到好大浸咖喱味，第一啖食咗佢個咖喱先，椰香味好重，味道比較溫柔，唔食辣嘅朋友都接受到！我第一次用「滑」呢個字形容咖喱，口感幾好，非常順滑。重點係，廚師為咗辟走啲羊騷味，應該加咗啲檸檬葉/香草，令到成個咖喱飯畫龍點睛。到個主角，羊架，首先佢係上咗粉，炸咗少少嘅，所以佢嘅外皮呈現金黃色，而且非常鬆脆。而內裏羊肉十分之淋，唔會話咬唔開，做到外脆內軟嘅效果。至於味道方面，啱啱講咗用咗檸檬葉/香草去辟騷味，如果擔心有太多羊騷味嘅朋友可以放心去食，無騷味但同時亦保留羊肉嘅味道，處理得非常之好。

好多人話夜晚打邊爐氣氛好好，但好難bk！聽講lunch 啲嘢食都唔錯，咁咪去試下！一去到已經要排隊，等左大約15-20分鐘，安排入去，精彩嘅戲碼就嚟！個待應一嚟就同你講雞飯賣晒，然後隔一陣間就用前世欠左佢嘅語氣問你(其實全部待應啲態度都係咁)，食咩呀？然後仲要命令式叫你插返好個餐牌！當啲待應見你放抵筷子，佢會1秒內幫你收走啲嘢，問都唔會問你！最難忘係，我杯檸樂仲有3分2杯未飲，佢就埋嚟話係咪唔要？我呆左1秒望住佢，佢話即刻話，我問吓你！如果你仲要！你可以點頭！呢個咁嘅態度我以為自己參加緊鬥快問答比賽！重有一個令人驚奇嘅點！當我哋離開嘅時候，一開始坐低話賣晒嘅雞飯竟然出現喺另一台客面前！其實食物唔差，但係咁嘅價錢加咁嘅對待，我真係唔會再嚟！

同幾個朋友黎打邊爐.提前reserved咗扇牯牛.個人覺得就咁普通order佢啲鮮牛都ok.牛肉非常新鮮又Juicy.湯底真材實料！我哋仲order咗2枝店員recommend既wine.好少可以有地方打邊爐配Wine.呢個經歷都幾得意.買單雖然小貴.不過一分錢一分貨.

早起的鳥兒有蟲吃, 特別是在中環這中心商業區, 為了可以吃到心儀的餐廳, 早點完成工作, 來到珍姐終於可以不用排隊. 晚市的珍姐是火鍋愛好者的天堂, 而午市的粉麵飯類也是中環白領的至愛, 像是我點的牛肉蔥油撈麵加大版, 牛肉鋪滿了碟子, 感覺有點瘋狂. 用上封門柳也是就是是Hanger Steak作為主菜, 肉夠嫩夠香, 肉面上面的脂肪層油香甘甜, 配上簡單的蔥油和豉油, 再加上完全吸收了肉汁和醬汁的幼身撈麵, 就是滿足, 如此簡單直接的做法, 配上出色的牛肉, 不用高深, 也感享受.Early birds catch the worms, especially in the central business district of Central. In order to be able to dine at their desired restaurants and complete work early, people come to jj’s to finally avoid queuing. Sister Jane's is a paradise for hot pot en

呢間餐廳好出名，好多人都訪問過佢。上網係超級難訂位。🤨🤨🤨🤨終於有機會俾我同啲朋友去食咗一次，啲職員好親切咁樣介紹所有牛肉，而且佢哋嘅紅酒種類非常好，全部都係老闆親自鍾意嘅酒先會推介比客人。全部食材都好新鮮，尤其是佢哋最出名嘅牛肉，我哋叫咗三大碟。餐廳氣氛10分好，有香港嘅味道，而且不斷播放香港歌曲，餐廳內嘅食客都一齊合唱 ！職員非常好客，手腳10分快。呢間絕對係一間全部人都要試一次嘅火鍋店！🥰🥰🥰

整體評價一般⋯⋯⋯過分吹捧😔😔😔又或者係期望越大，失望越大😂必食推介：🤭🤭🤭湯底-招牌豬骨蜆煲午餐肉牛- 有口感，冇肉味啱唔啱食就各人口味不同🤭潮州牛丸，一般氣氛好好，會播懷舊歌😂但係嘈都傾唔到偈🤭如果要同朋友講嘢好似嗌交咁食完第二日喉嚨聲沙😂😂😂❌❌❌回頭率整體評價失望😭好多嘢食都食淨5人-大約每人$700#珍姐#港島味道（2/5）環境(3/5)＃港島區_跟dada食玩

🔻老蘭嫩牛蔥油撈面 💰85牛肉係用極品封門柳，肉質非常嫩滑，食得出係用左好好嘅牛，牛肉份量仲要幾多😋牛肉熟度控制得啱啱好，睇上去超級粉嫩，食落去都好滑，一啲都唔嚡，啲牛咁靚，唔怪得夜晚打邊爐咁難book啦😍但係蔥油撈面就顯得有啲普通，食唔出蔥油嘅香味，似豉油撈面多啲🤣本身係想黎食拔道腩雞飯，但係12點20幾分就賣曬啦，都唔知幾早去食先有😩👅味道：7.5/10💡性價：7/10📌環境：6.5/10

聽說呢間大排檔要早一個月訂枱，咁啱有舊同事離開香港，於是千辛萬苦，終於上網book左位，真係只能訂一個月後既枱。當晚真係座無虛席！位唔算太多，但裝修好有8-90年代大排檔風格！霓虹既招牌，紅A牌燈罩，場入播住廣東歌，用住卡式gas爐打邊爐，這就是港式情懷！叫左一個竹絲雞湯底，個湯極有雞味，原隻竹絲雞係煲湯度游緊水，未打邊爐先有個幾好味既湯，雞肉都幾嫩，開左胃啦！Order 左一份扇牯牛set, 伙計好用心同我哋解釋每種肉同食法，很細心！大概既部位已經唔太記得啦，始終唔係食牛既專家，但牛都幾新鮮，嫩口既，根據伙記既教法，果然食出牛既鮮嫩！其他的配料都同樣 Ok，當然，相比之下，牛同雞湯底會更加出色一點！珍姐最有特色既除左食物，仲有係伙記既熱情，佢哋雖然都偶然sell下食材，但佢哋會主動教你點樣整野食，又會伙記會周圍搵食客敬酒，猜猜枚，佢哋有時仲會請食客試酒！帶動成個場既氣氛極度高漲。當然，食飯個價錢包既，但呢一餐，係食得好開心既！

伙記態度相當惡劣。一入去禮拜地問你地可唔可以轉兩人枱（人地岩岩走），好似前世欠左你老母咁，好惡咁話要坐圓枱，一定要迫人坐一入門口張圓枱，本身已經有4個西裝佬，人地張腳突哂過黎，想像下有幾迫。重有，雞飯係你地招牌，為左要令其他飯都清到，留1.30再賣。咁我係12.45-1.00去食，唔洗旨意食到雞飯啦。d人就係出面等到1.30先入，成個場其實有5成枱係吉既。一係咁，你增加多d雞飯，減少其他款式，咁又番到枱又比客人食到雞飯囉。野食就正常啦，因為食到一肚氣。

講到珍姐，好多人都會諗起佢地既火鍋先👀但其實佢地既午市主打碟頭飯，一樣大排長龍，唔想排隊既要12點前嚟到啦~✦ 拔道腩雞飯 $55雞肉去左骨同非常嫩滑！飯粒分明，配埋辣醬好惹味😋份量嚟講女仔食啱啱好👌🏻$55嚟講呢個質素係中環真係打工仔恩物🥹✦ 伯爵薄荷檸檬茶 $20同普通凍檸茶差唔多，只係多咗浸好微嘅伯爵茶回甘，可叫可不叫💁🏻‍♀️服務質素其實都唔會有好大期望，加上好多人排隊，真係會有壓力要食快啲🥹小編食野比較慢，食左大約20分鐘已經俾人問左收碟2次😂不過整體嚟講都絕非浪得虛名，期待下次可以book到嚟打邊爐再戰🔥