珍妮曲奇 (已結業)

成日都見到朋友在赤柱買了呢種cookies, 心想真的好食嗎?昨天終有機會去買了....shop是要上樓的, 不是太起眼, 但就有個啡色大招牌, 都好易認, 就在圖書館行過小小!門面很簡單, 只見放了很多巳pack好一罐罐cookies老板娘極力推介了鳳梨酥, 又幾得喎 MIX small cookies - $60 回家吃過, 真係又鬆又香 (牛油味極重, 如果唔喜歡牛油味朋友就....) 鳳梨酥 - $75 (限期一星期) 最好多人分享啦

早已計劃到赤柱半天遊之餘,仲要買手信~當日自己無睇清楚地點,就以為一定會找到或者一定會經過行過好多地方,但係都唔見JB,最後問路人,先找到正確地點.我買了8MIX,每一塊曲奇都充滿果仁,而且非常鬆脆香口~4天之後,我已經完完全全把曲奇放進肚子裡面只剩空罐一個~我會保留~

自從上年年尾買過8 mix cookies之後, 念念不忘, 今次再山長水遠入赤柱吃飯, 一定要再買來吃!下午5時多, 鋪頭門外排了一小條人龍, 約6, 7人, 今次買了8 mix (S) $88及 4 mix (S) $60, 4 mix cookies超鬆化, 牛油味強勁, 入口即溶, 不過個人較喜歡 8 mix 的多款果仁及較實淨口感~~

這天到赤柱外影,影完相在赤柱大街走走,見到我既至愛JB. 跟朋友笑說,我倆尤如遊客,又影相,又食飯,重買手信. 很久之前,已經想試杏仁片,今天總算還了心願. 而朋友買了鳯梨卷. 打開盒餅,送一片入口,好脆,好杏仁,好少甜,好味. 吃過JB所有Product,各有特色,要選最愛,還是覺得8mix最好.

簡單來講~~鳳梨卷 - 好好味，好鳳梨，好新鮮o既感覺。但貴o左少少，平DD就好喇!!牛油曲奇 - 都好好味，但對我來說就太鬆化喇。各人口味不同吧!!!鳳梨汁 - 鳳梨味十足，而且結哂冰，夠哂涷。但要成個鐘之後先飲到。另外，包裝罐好靚，送禮一流。但因為佢D曲奇放得太密，令到好多曲奇壓碎o左，咁就失色o左少少喇。有待改進！

到赤柱拍照的一日從朋友口中得悉此店原來stanley都有分店早前亦有好友請過我食d曲奇(鬆化易入口, 尤其coffee味)但係冇人知點去周圍問人先識去可惜上到去先發現咩都sold out只餘下 杏仁片$88照買 即刻食一樣好食一樣值得去試下

朋友入到赤桂緊係會去入貨, 今次都唔例外今次買 Pineapple Roll & 4mix Cookies, 罐上小熊好靚呀 Pineapple Roll : 口感好特別菠蘿味又好香 4mix Cookies : 口感好鬆化, 入口即溶

入口即溶,一塊接一塊,充滿牛油香,很鬆化! 吃過會忍不住一直吃下去,真係回味無窮好似上左隱咁呀!!食得多又會肥喎,規定自己一日最多只可食十塊

Finally some decent cookies in Hong Kong! A relative of mine used to travel into Stanley once a week to buy cookies from this bakery, and has spoken very highly of these cookie. I have not had a chance to try them, and with a bit of luck in coming to Stanley during the festive season, I have finally tried some for myself. I bought a can of 4 Mix cookies, featuring one type with raisins, hard butter cookies, soft butter cookies and coffee flavoured cookies. The cans' designs were very elegant (se

從來只愛軟身濕潤的曲奇，聽到香脆鬆化即時耍手擰頭，但不得不承認jenny bakery的餅是例外的。 開了3間分店後，赤柱總店仍有人龍但沒之前誇張了，排十分鐘就可以買到心頭好；老早試過覺得8-mix不如4-mix好吃許多，想也不想就揀了4-mix~　週末帶出街與龍分享，可愛討喜的小熊鐵罐，未食前已經將我的心軟化了一半。緩緩打開盛得滿滿的曲奇罐，人家是一室曲奇香，是次我就感受了一車曲奇香!龍還有點難以置信：「真的只是這罐曲奇發出來的香味嗎?」哈，我也希望自己有這種誘人香味呢~逐件重溫，牛油酥餅是最基本的一款，芳香而不膩，加上提子又成了另一款香甜滋味；但最讚的還是極鬆化的花形曲奇，原味有輕香婉柔又充充足足的牛油味，咖啡那款更加添加了香醇的咖啡香氣，加上獨有的輕柔鬆化口感，予人難忘的味道與食感。　快要過年了，幫襯開藍罐曲奇的，可會轉而考慮一下珍妮餅坊?不過動作要快喔，事關鳳梨卷已經售罄，其他的也難說了!

這個曲奇最先是一位中了六合彩的朋友送給我的，她說很出名呢!收到時巳開心不巳，因為個餅罐巳經很特別很可愛。吃過後....我也想送給我最親的人，後來知道她在赤柱便跑去買，老闆娘好好人! 澳門的"樂宮"已經很好味，我覺得她更好原因是...除鬆化外還有"口感"，而且一盒可以有8款(樂宮得1款)味道。牛油味冇噤重，感覺冇噤 Heavy!在這聖佳節還換上聖小熊包裝啊...8 Mix 大罐HKD140 ，差不多2磅餅，一D都唔貴!

星期一放左假黎到赤桂感覺真係舒服，比起假日人山人海，今日特別寧靜。知道呢度賣既曲奇好好食，上次細佬買左盒4 mix曲奇，真係好鬆化！好味！不過我唔鍾意食有提子果款，所以今次諗住買盒原味，不過老闆娘話賣晒，所以就買左盒coffee！老闆娘仲話第日唔再出單一一款味道。咖啡味真係好香，未開個盒已經聞到香味！只係2日已經食晒lu!!雖然响中環、銅鑼灣同油麻地都有分店，不過我都係鍾意黎呢度買！感覺好似買手信咁！

臨返去之前媽咪買左一罐4mix俾我帶返去,本來想試下鳳梨卷,但係原來要1個星期內食晒,我怕食唔晒會嘥,所以都係要返4mix cookies算喇~今次又有新餅盒,靚過之前個盒呢,真係好想草呀!依然都係咁香,咁濃牛油味,同埋夠鬆化,之前唔太鍾意食啡色提子味個款,嫌佢唔夠香,但係今次食就覺得好好味,因為食得多純牛油個兩款有D"漏",用黎中和下啱啱好~其實我仲想試8mix,但係每次只係買一盒,所以好難揀呀!如果有試食裝就好喇...(fantasy中)

上星期日同阿媽去赤柱玩，專程去了這家人人讚好的店買曲奇。阿媽一向不太喜歡食曲奇，我就想推介她這個。誰不知她一進曲奇店就盯上了店內HK$75一盒的鳳梨卷。可能是星期日吧，買餅人不少，要排隊買。到我的時候，老闆娘話鳳梨卷不是經常有貨，而且在老闆娘介紹鳳梨卷的時候，我和阿媽已經聞到鳳梨卷的香味。二話不說，就將鳳梨卷買下。老闆娘叮囑說：「鳳梨卷要在一星期內吃完，而且建議一口一個卷。」買完後，我和阿媽走到赤柱市政大樓（美麗的建築設計）試吃，兩個人一口氣吃了四個！實在太美味了！鳳梨卷十分鬆化，放入口中時，香鬆的外卷混合內裡的鳳梨蓉發出陣陣香酥的味道，充斥著整個口腔。吃完後後，口中還留有餘香。

未食D曲奇,見到個熊仔餅盒都已經好開心啦!我要4mix,因為唔多鍾意nuts,一開個餅盒就聞到好濃0既牛油味,好香,聞到都想食!餅一塊好細細,但係好鬆化,牛油味勁香!4mix入面黃色個2款最好味,啡色0既就差少少,不過都好好味因為街邊曲奇一向少牛油味,唔夠香同鬆化,所以jenny bakery就顯得特別好味!另外,佢個菠蘿汁都好有菠蘿味(唔係糖味!),所以非常好飲我下次都想試下個pineapple rolls,人人都講到咁正