珍妮曲奇

營業中

休息中

相信大家一定係香港的旅行旺區大大小小的店鋪門口見過珍妮小熊曲奇的從影, 古色古味的小熊logo鐵罐一定見過. 是香港出名手信。 究竟係曲奇一夜之間成為大量旅客都當作香港手信. 我一直都未試過買回來食過, 直至昨天, 我的同事的大陸朋友託她去上環專門店買珍妮小熊曲奇, 而她順便買了一盒珍妮小熊曲奇-四味牛油曲奇(小)_HKD75 請同事食, 這是第一次食…第一感覺曲奇好酥, 攞出來的時候曲奇表面都好似碎左小小, 哈哈…...一咬入口曲奇溶化於口中, 口感超級酥, 入口即溶來形容再好不過了, 好香的牛油味。上網睇過, 珍妮小熊曲奇的酥源自它家用圓罐裝金桶牛油製造曲奇。四味牛油曲奇包了牛油花, 咖啡花, 脆牛油, 提子燕麥. 外形花的曲奇口感好酥的, 入口即溶, 咖啡花的咖啡味不算濃郁,脆牛油和提子燕麥是烤得比較香脆的, 而提子燕麥相對有嚼口, 因為有小許提子乾咬下. 整體而言, 如果喜歡比較酥的曲奇一定鐘意的我個人不太愛太酥的曲奇 因為口味問題比ok 中評.

突然戚起條根想食小熊餅乾🍪，於是即刻飛的過去上環撞撞運氣好彩去到冇長龍排隊，店員好有禮物介紹，唔使10分鐘就拎住4罐 cookies滿足咁離開啦呢盒係2mix 大盒裝，因為我實在太鐘意佢既鬆化同滿口既牛油香啦4mix 係有埋普通曲奇，咖啡味不容忽視而夏威夷可可脆片我係第一次食，完全係俘虜左我個心呀好好味

今日去左中環食lunch諗住行去車站搭車返屋企途中見到有人拎住Jenny Cookie之前係尖沙咀我都有買過一試難忘好想再食原來我地行前多少少已經見到Jenny Cookie太有緣無理由唔買吖😂佢地有好多款口味始終我大愛牛油味 （大）$140超邪惡每次只能食3-4塊好了雖然好肥但食完做返多d運動啦曲奇真係超鬆化入口即溶所以每次食3-4塊邊夠喉吖價錢我覺得有少少貴但用黎送禮都得體的或是farewell請同事食都一流間唔中食下無妨吖🤣

今年拜年收到利是之餘還有Jenny Bakery 的大罐曲奇！新年限定版鐵罐讓人愛不釋手撕開膠紙，熟悉既牛油味撲鼻而來，忍不住吃了數塊。咖啡花和牛油花依然酥軟非常，難怪會成為遊客的熱門手信呢！

依稀記得第一次吃珍妮曲奇，是畢業後第一份工作的接待處姐姐請小妹品嘗的。時隔已久，早就忘記曲奇的味道了。前陣子經常會路過珍妮曲奇，最終忍不住買了一罐回家。上環分店用上全白設計，牆身貼上了多幅産品海報，整間店鋪可說是沒有裝修可言，如果要用六個字去形容，我會說是「簡單，直接，粗暴」。細盒裝四味曲奇售價$ 75，包括：牛油花、咖啡花、脆牛油，燕麥曲奇。罐面圖案是最有名的小熊圖案，質感帶磨砂的感覺，適合送禮。打開盒蓋，第一時間奪「罐」而出的是咖啡香料味，咖啡味的擠花曲奇甚至將兩旁的曲奇也隱約沾上了咖啡味。塞的滿滿的曲奇餅，其實就只有那麼一層，而每款曲奇約有8-9塊。最鬆化的莫過於兩款擠花曲奇，拿起來，只要稍微用力一捏，感覺下一秒便會碎掉，原味的擠花曲奇帶有牛油香，可算是四款裡的皇牌。而脆牛油和燕麥提子口感就相對脆身，類似某藍色品牌的一款曲奇，但燕麥曲奇中沒什麼燕麥味道，整體較遜色。雖然珍妮曲奇過往曾和香港人「水火不容」，但擠花曲奇味道確實不錯，當晚幸運地亦沒有遇到服務態度的問題。另，老媽好奇淺嚐了幾塊，對此表示不太欣賞，據她所言，「啲餅係幾鬆化，但食落好似泥沙，食完一坺嘢痴住啲牙喎！」可能因為個

走到這間分店想買一盒曲奇餅， 位置在橫街內 ，行到去感覺上已經 係一個名牌曲奇餅， 基本上他的曲奇餅是好味，鬆脆 ，好濃嘅牛油味，但食到已經覺得有啲 漏。 平時有好多人排隊，今日比較少 ，就買一盒試下啦。 這個曲奇餅已經成為 手信之一。

前幾年，大批內地同胞沖去狂入貨再運上大陸賣既香港手信之一。我因為公司就嚮呢間店附近，有時經過見無人排隊，都會買返鑵黎食，因為屋企2個小朋友超喜歡吃這個曲奇。入到去，你會見到個產品及價錢牌，以前都係買細鑵4味，但呢次太太話試下買大鑵奶油味，因為除左奶油味會俾小朋友食，餘下的朱古力味都係要我太太清晒，哈哈。今次唔知可以食到幾耐？！可能下星期又叫我去買了。其實，它的曲奇又真係好鬆化，入口即溶，對比果d藍鑵、其他牌子的曲奇，係唔同的，而且小朋友太硬也難咬。難怪它能夠成為香港地道手信之一。我聽聞尖沙咀店經常大排長龍，一排就要排成60分鐘以上，而且經常下午3、4點就賣晒，所以尖沙咀最近一、兩年都開左幾間自稱係熊仔曲奇，而重慶大廈附近又有幾個有內地口味的大媽站街問人要不要買"黃牛曲奇" ( 用黃牛呢個詞，因為我只想像到有黃牛演唱會門票呢樣野，而呢個曲奇都可以有呢種現象，都幾有趣 )。所以如果你睇到呢篇文，記住去上環店買，又唔使排，夜晚7點幾都有得賣，我諗可能關門前都買到 ( 無留意幾點關 )。

成日見啲遊客走去買 自己都成日見但就一次都未試過 今次襯年尾打算好好稿賞自己就買左盒細既4味黎試下都成70蚊一盒架！的而且確 佢每一舊都好重既牛油味兼好鬆化唔知係咪自己唔識野 但我個人比較中意鬆牛油味 無其他咁重味

經過Jenny bakery買左four mix butter cookies! 好重牛油既cookies! 同平時食開既曲奇好唔同。雖然重牛油味會好肥，但愛不釋手買左3盒。專門店買有保證D，係街買始終唔敢，唔知真定假！

香港的珍妮曲奇在大陆非常有名，以至于有很多仿冒品，我自认在广州生活多年，对其中一款仿冒品也帮衬多年，这次住港岛，顺带可以来吃吃正宗的品种。上环落车过来，还是比较方便的，跟住Google Map就能找到，关键是人少，少到基本没有人，买了四罐四味大罐，背书包去所以冇要加一文的胶袋。回到广州再吃，味道是不错的，最大的感慨就是冇我食开嗰只咁漏，比较健康，但牛油味也没有家琳咁重。各有各好吧，关键是不用等，即买即走，而且服务态度不错，对大陆人不歧视。人少的话，有下次。

以往一直買唔到八味最近上環翻新完 特意去碰一碰運氣估唔到連d店員都翻新埋 唔見哂d黑口黑面惡到死既大媽 原來以前好惡個個女人唔係老闆娘 係店長 好多人都唔知 搞到我都鬧錯人tim.... 依家換左班幾友善既員工 會同客人有講有笑 唔知係咪比人鬧得多 老闆娘都忍唔住換哂人 以免整臭個招牌八味聽店員講好少做 因為4味都唔夠賣 唔會特登安排人手整 同場有個香港人講住附近 話3年黎都只係買過2次 足見八味係幾咁珍貴 聽講大陸炒賣價係有3 4百蚊tim...雖然8隻味我都唔識分邊隻打邊隻 但口感絕對係非常香脆 果仁用料亦都好足 係會有種食完想繼續食既感覺 難怪咁多人搶購八味 要襯唔係大時大節 真係要多d買lu....

真係唔明白點解咁多人買，一去到要排長龍覺得係好味，門口的阿姐要維持秩序但一點都唔友善，其他人走過問問題好像很打攪她發夢一樣，唔會望住人講嘢，而且仲要鬧人走咁，我客氣地問佢有冇限買，有就有，點解佢要打量我，仲要話而家就3盒，到你就唔知 wor...終於入到去到我，收銀阿姐全程用普通話鬧前面買完嘅人，到佢鬧完終於叫我埋去，我確實係遲疑咗，因為我唔識聽普通話，我唔知佢係咪仲鬧緊人，就係咁到我俾人鬧了.... 萬分無奈之際，我話要2 mix 兩盒大， 佢話只好以買一盒大兩盒細，我話好，俾哂錢先聽到佢同我後面嘅人講冇哂2 mix , 咁我好奇問下其實我買咗 d 咩，換來的是被破聲大駡：咪話咗你知得4 mix lor..... 我明白可能係言語不通，但係你地都唔駛咁惡，今時今日開舖賣嘢唔通真係淨係賣舊餅咩，些少 service 都要有掛。講真受咗呢30 分鐘氣真係冇哂胃口，食落又冇乜特別，自己喺屋企都整到。

一開始就不停講普通話，我已經話我講廣東話，佢就話前面都係講普通話，前面既人講咩話關我咩事，佢轉唔到廣東話就話我有問題，d餅幾好食都無用啦，淨係對大陸人有禮貌，淨係識同大陸人做生意。返大陸賣囉，做咩要係香港賣，連基本禮貌都無。

其實吾算係特別好食、不過就算係抵食、但服務態度非常惡劣、請不要再破壞香港的型象！售罄的食物資訊不全面、大媽售貨員咆哮説太忙、其實有另外一位大嬸在後面遊走、香港有很多茶餐廳比你忙得多！

剛好去中環工作，仲好近呢間曲奇餅店，以前在赤柱有分店成日食，不過中間有段時間，太多自由行搶購之後，我就唔同人迫喇！ 今日行過見無人排隊，就入去買，店面好大，白色主色，乜嘢陳設都無，牆壁上貼咗啲溫馨提示，最入一個大櫃檯，放咗好多已入袋嘅曲奇罐，之前聽說每人只限兩罐，我問店員有無購買限制，佢話可以照買！所以我要3罐4mix（細），膠袋要收錢所以唔要！ 4mix曲奇(細）（$70）個罐印咗熊仔，粉藍色好靚，不過只有一層（以前兩層，入面一樣密密咁塞滿四款曲奇！味道同以前一樣，最喜歡牛油花花，又鬆又香牛油味，扁身牛油曲奇雖然實啲，牛油味仲勁，咖啡花花香味曲奇好霸道，食落鬆化，咖啡香味重過咖啡味道！果仁曲奇脆口！口感最豐富！兩位阿姐店員對應正常！雖然無乜笑容！