影片
以上資料只供參考, 請與餐廳確認詳情
幫襯咗十幾年，好食好正宗，但係點解今日至寫食評，因為懶😅咁點解有衝動寫？因為一支竹簽😄幾個月以嚟想叫部隊鍋，成日都冇，今日竟然有。八卦問吓老闆娘，原來之前冇竹簽串住啲麵皮，佢話咁樣唔得正宗，唔可以咁，所以唔供應。對於我好少事，冇串住我都唔會知。值得讚同推介，唔係淨係好味，係老闆娘嘅認真同用心做菜式！韓菜成行成市，我唔敢話佢最好，但係佢嘅認真同一絲不苟，我相信一般流水作業式嘅一定做唔到。除咗部隊鍋，仲極力推介牛肋條（非常入味）、泡菜煎餅、人參雞湯、炒年糕。如果好鍾意泡菜，一定要食同買走，佢係自家制
繼續閱讀
叫左個二人套餐 咩BBQ燒肉套餐$420真係食緊垃圾咁！完全唔知自己食緊啲乜除咗個海鮮豆腐鍋叫正常之外，個牛肋骨老靭過我呀嫲完全咬唔斷咁滯！個燒豬腩肉食左一舊咸到食咗成啖鹽咁。。忍唔住叫個侍應哥哥換過碟之後仲精彩 轉眼變咗豬肉乾！！真係黐線 連個侍應都喺廚房同個老闆娘交涉話會否太乾身 俾我哋聽到諗住叫個老闆娘出來了解吓，點知佢喺廚房大大聲一句豬腩肉好難整㗎 我唔會出去囉。。真心無奈呢間嘢真係超級難餸想試吓食x嘅人可以去幫襯！態度惡劣！嘢食難食！
繼續閱讀
一心想食韓國嘢，但由於星期六成條韓國街都人頭湧湧。。。一路行行到新柯士甸路見餐牌都係普通韓食，入面有枱於是入座喇。坐低後，就落單。。諗住食炸醬面。。點知無哂，唯有水冷面，牛肉拌飯，煎餃子。。。樓面只有一個大叔，慢活。。。但友善而且給人溫暖嘅感覺說實話3百幾蚊唔算抵，但勝在有個溫暖嘅大叔
繼續閱讀
朋友話呢間野好好食於是第二日即刻走過來試吓大推秘製牛肋骨！真係超級好食又熱又入味我諗如果有碗飯俾我我應該可以用嚟送飯食晒另外嗌咗個壽司雖然味道都OK但係就冇個牛肋條咁驚艷喇今次得我一個人食食唔到太多野下次再嚟過
繼續閱讀
前後叫左三碟餸，有人蔘雞湯、韓燒五花腩、水冷面。人蔘雞湯似係百佳包裝果隻就咁倒出黎煲，所以佢係作為第一碟上菜，湯入面好少糯米飯，d雞骨又碎，滿嘴都係渣。水冷面一上黎好清，味道好淡，梨片仲咸過碗湯。最離譜個五花腩，竟然加洋蔥就咁油煎炸，跟籃生菜同半條青瓜仔，收二百幾蚊。連蒜頭同醬都無，又乾又咸，咸到擺鹽入口，要退換。而換左第二次都係只有死咸無醃醬既味道，食紙皮咁，衰過係漢和自己煎。作為小店，真係得兩位姨姨係廚房，洗同煮都係佢兩位，廚師好似邊個都做得咁，試完都不了。
繼續閱讀