玫瑰苑燒臘茶餐廳 (已結業)

經常食既茶記,以前都覺得野食麻麻,不過心諗,茶記求其啦~但係後期去,次次都要受氣,D單又亂~又要等得耐D野好難食!!!真係去到難食既地步~燒味~可以唔好試~其實炒類,好唔穩定!!!時好時壞!!不過最差,都係佢地D態度,又唔應你,問多兩問,好似好阻佢,收錢既又冇禮貌!!!!!而家邊有茶記仲係咁架!

其實係哩一度都食過好幾次, 講嘢食都算不過不失, 一般咁啦.可惜, 服務態度就次次一樣, 保持住水準, 一直都係咁差. D侍應十問九唔應, 就算應你都係亂講. 好似噚晚咁, 問吓晚餐既飲品要可樂加幾多, 第一個又話唔使, 但係張電腦單就要加3元, 咁梗係問多一個人啦, 答案係2元, 重話同我地改單. 哈! 轉頭比番張單我地, 根本就無改. 到收錢時, 同個收銀講係咪張單錯, 個"女人"用佢極差既態度, 好唔耐煩既語氣話比我地聽加3元. D侍應都唔知唔緊要, 都唔應該用D咁差既態度對D客.

叫小白行經幫我買D叉燒來。點知D叉燒肥得好誇張﹐唔係肥豬肉本身的肥﹐而係好多脛﹐完全吃唔到。本身價錢唔平﹐成份外賣完全吃唔落口。真係好失望。

上星期六我又唔想煮多數星期六,日都唔煮,之前都食過no good但聽人講裝俢後好左.咁咪試下我們叫左4人餐:半隻不知所謂既霉燒鴨,水汪汪既所謂芝士焗雙蔬得西蘭花同磨菇,極之 食既沙拉骨好似食緊石頭,淋既炸九肚魚.仲渣過之前.個c6一路食一路話我,佢原本話唔好食呢間,我係都叫佢食.--------------負100分.我比人

又同男朋友仔食tea~~~上回食左隻鴿仔雖然無甘好味~~不過都想再食,呀~今日又好味左喎~~可能係岩岩出爐掛,皮脆肉滑又多汁~同之前食既相差好大~我都係飲咖啡都係一般啦~十零蚊雞既貨仔都算係甘~~今日我男朋友仔食左一個乾牛河啦~~我一啖都無食到~~因為呢一樣野好多油~~唔係呢一間餐廳既事~~係呢一樣野根本就係要多油先好食先可以食到河粉滑既~~我眼睇都ok既~~

呢一間係我男朋友好多時都會幫襯既茶餐廳,,我都同佢間中黎呢一度~~今日去既時間係下午茶時間,不過都算多人,我唔係甘肚餓所以剩係飲左坏熱咖啡,我男朋友就叫左個燒鴨瀨粉同埋兩隻乳鴿~我見到隻乳鴿好似好好味甘所以~我就食左一隻,,不過好似無之前食過甘入味嚕~之前好味d,個燒鴨瀨就一般啦~我飲既咖啡都算做ok~

最愛茶餐廳的大大份早廳:- 炸魚柳+ 香腸+ 煎双旦+ 牛油多士+ 凍奶茶: 個魚柳真係好正, 一定要試! 只係個奶茶太多奶...記得要少好

小妹真係食到一肚氣,我未見過咁差的服務, 侍應十問九唔應, D 快子真係好汚JO.D 野食又要等more than 20 mins , 請都唔去...

食物唔平, 又無禮貌, 我5個人去, 佢比張4人枱我重要係路口位, 我唔係因為我帶住(age:70幾)坐輪椅, 細既小朋友(age:4 ) 我一早就去左第2間食, 佢地d 仕應無禮貌, 問佢可唔可以轉枱, 佢就好大聲咁話(唔係麻, 咁都坐唔到)d語氣重惡劣果隻. 講返食物, 味道ok既, 不過勁多油, 叫左個雞食, 碟雞好細碟而且瘦又無肉. 味道一般. 講真比錢出黎一家大細食晚飯都要受氣, 真係食得一d都唔開心.

昨晚一行八人來食晚飯，係等位過程中就出現一些唔公平對待，話說就有7個人排我地後面，同d 伙記指下個鼻就有位坐，完全唔洗等位。於是我地問個reception，點知就俾人喝，"冇位呀，等下張"…到入去食飯，員工口黑面黑，成班臭飛咁，講野冇禮貌，遞送就玩飛碟。自己撞到人整跌杯水，仲要要俾佢大大聲鬧番轉頭："你冇事呀！？"。我都想問佢，你冇野呀，咁樣撞過來。。呢間野，又唔叫平，又dirty都唔明點解仲有人去食，食完一肚火

地下直情是垃圾站一樣, 好似坐係垃圾堆度食飯, d火記將骨頭和所有垃圾掃晒落地下!!!! 係真唔衛生, 以後都不會來了!!!!(很多煙摌吞雲吐霧!!!!!)

月頭去過呢度, 食物冇人講得咁差o既. 我食四寶河粉, 俾想像中好!! 河粉又好夠口感. 我個fd食水餃都話ok. 不過環境就真係幾劣, 好多煙民, 出面睇入去好似幾乾淨, 但入面其實唔係咁乾淨架.記得仲見到個無記演員, 睇黎佢應該係熟客仔.可以的話, 去樓下food court 睇睇可能會有更好o既選擇.

食物種類方面係較其它餐\餐\廳較多選擇和配搭的,價錢算中價位,但(個人口味)下午茶款式就反而較單調和少選擇.例如雞亦公仔麵我就覺得真係一般之中的一般.午餐\的碟頭飯也普通,炒飯,炒麵,炒河,側比較優勝可能由於厨房即炒較熱.好食Ｄ.有舊式茶餐\廳的風味.<br />架啡茶方面都OK的.但例如熱奶茶,沖出嚟每次都真係超熱,超熱....次次飲到成頭大汗,亦一提泠氣不足,感到人多時環境較焗,而且十分十分十分多煙民.好鬼煙同好嘈.如果要求不高,純食嘢無特別的話是絕對可以的.服務亦如旺角茶餐\廳一樣,不太差但亦不會太好,但就覺得好耐以前嗰幾個亞姐反而服務有Hard,又醒目都幾好架.我試過一次無聊下午茶.鬼鬼樹樹問亞姐可否借Ｄ報紙黎睇吓.亞姐就揾咗份報紙比我睇.我相信而家間間餐\廳,都一定唔會啋我呢類煩友啦.廿幾蚊仲借報紙睇....

好唔掂! 一向都有幫襯, 不過距離上一次都有6個月以上喇....去到, 坐低, 茶餐廳通常都唔會要靜, 不過呢間野真係嘈到爆, 係因為伙計, 大叫落order ....個個都係咁, 真係食都食得唔舒服....仲有, 叫左個淨水餃, 真係你命, 六隻有三隻都係穿左既, 都唔知想點! 我咁大個女都未試過出街食水餃係穿囉~ 係屋企自己淥都唔穿啦, 老闆....味道食得出係街貨.....難食!!!!以後唔去!

好心佢禁煙或分非吸煙區啦! 成地灰! 裝修完都係咁...野食同茶記一樣, 又唔係標青, 都費鬼事幫襯, 樓下food court 好過, 環境差唔多, 起碼平過佢多多聲...