王牌·圍一叉燒

營業中

休息中

Hi 👋🏻 大家好～我係食物小黑洞，我嘅正職係食盡全世界嘅餐廳，讓食物帶給你一些正能量😋今日秋高氣爽～就諗住同朋友去踩單車🚴🏻‍♀️我哋決定由大1. 幸運銷魂飯 $68叉燒係屬於半肥瘦嘅，軟硬度適中，可惜可能店舖太多人，而廚師未能發揮得好，成份叉燒係有不同的味道。而日本蛋味濃，煎成燶邊👍🏻米飯我就略嫌偏乾身少少，飯成一粒粒，可以濕潤返少少，及再熱少少，整體感覺就一流啦☺️價錢：$63好味程度：😋😋/5個滿分價錢抵食度：💰/5個滿分整體感覺：❤️❤️/5個滿分推介程度：👍🏻👍🏻/5個滿分——————————————————————2. 燒味自選双併飯（叉燒，切雞湯米）叉燒屬於偏瘦，味道甜甜地，淋淋地，有少少蜜糖嘅味道，呢份全份嘅味道一致👍🏻顏色較上一份為深色，味道更勝一籌。切雞方便，我們指明要雞胸，因此要加$4，雞肉嫩滑，有雞味，味道適中，唔會有一種雪藏嘅味道。湯米方面，就非常之要讚，湯味濃郁，有濃濃嘅胡椒豬肚味，再加上一層濃厚嘅雞油，整碗湯都有濃烈嘅雞味👍🏻👍🏻如果，怕食雞油嘅女生，可以走雞油，湯就會係好清嘅濃湯，味道好好👍🏻價錢：$56好味程度：😋😋😋/5個滿分價錢抵食度：💰💰💰/5個滿分整

經過新開張便試下買外賣回家食,諗住外賣會平些,但原來和堂食一樣價錢,叉燒飯要52元,雙拼加油雞加四元,,外賣又要加一元, 57元外賣絕不便宜,回家開嚟食,油雞又鞋,叉燒算是正常,飯又少,薑蓉淨係得葱又沒有薑全部都係油湯重味精,飲完起碼飲兩樽水,呢個價錢同出面二三十元燒味飯差不多千祈唔好去試,我絕對以後唔會再幫襯冇下次,絕不要畀門演吸引

近來開始返長工，少時候在家，就懶得煮，去買外賣，經過呢間圍一燒味，懶得再行就呢間，一入到去，鵝頭鵝頸就好吸引我。買返嚟，試了試，配白飯就最正，加上他給的甜酸醬，簡直係絕配，八分推介

大圍火車站附近好多嘢食，幾條街全部都係食肆。但這一間新開的燒味飯店超多人排隊，好似好受歡迎。王牌叉燒炒蛋飯$54飯好大一碟，雞蛋鋪滿飯面，雞蛋又多又滑，叉燒比較乾身比較瘦。XO醬滑蛋蝦仁飯$56 蝦仁大隻爽口， XO醬好香，雞蛋嫩滑可惜唔係炒飯底。朋友食燒鵝瀨粉，忘記了影相，但賣相普通，燒鵝也是一般。總括來說：飯好大碟，價錢也不貴，但味道普普通通，唔知點解會咁多人排隊。但附近實在太多食肆，豐儉由人，如果再選擇，可能下次會去另一間嘗試。

我都終於知道點解叫［唯一］喇！只此一次！絕無下次咁解！又增廣見聞了！強烈建議大家去食下！包你見識到咩嘢叫唯一叉燒！乜app黎ga.要打80字先俾評論…如果唔係難食到嘔血！我都唔會食飯中途就少黎打呢篇野！

新開張大約三個星期，門口長期多人龍。上星期終於去試下，至今幫親了四次，燒味只試過燒鵝、瘦叉燒同肥叉燒。今次買了個燒鵝、肥叉瀨粉……燒鵝好好味，外面微脆、鵝肉軟滑、食了四次，都是有點脂肪的，好香，跟街上大多都是柴皮的不同。鵝入面醃得好好，鹹香味濃郁。叉燒肥同瘦都試過，肥瘦叉都軟淋的。瘦叉跟瀨粉會夾 D, 肥叉跟飯會好味D, 個師傅有料到，叉燒燒到咁是高質的。建議非繁忙時間買，因為實在太多人。

"圍一叉燒"聲稱叉燒係王牌 ，但可以話係我食過 "唯一無味既叉燒" !!!!! 昨日買左半斤半肥叉一共$78, 首先一D肥都無，蜜糖味完全食唔出，叉燒又乾，完全係可以話無味!!!!  包括我在內, 一共4位屋企人都覺得難食。其實在買之前, 已經聽到一位路人同朋友說說昨晚試過呢間 "奶左野"! 我仍然抱著不要聽人一面之詞的心態必須親身一試.....結果果然奶野!我第一次寫食評 ，因為好少有食物難食到我要寫食評!  最衰係我唔記得影相。不過如果大家都好似我仍然抱著不要聽人一面之詞的心態，你可以試下。。。

諗住新開試下，點知就中伏好多飯…好多飯…叉燒大小不一，一啲薄到紙咁，一啲大到幾啖都食唔曬，邊位一啲燶邊都無（傷心…）切雞就如圖所示唔知好唔好食，因為無肉，得皮同骨... 食完好似無食咁…行遠少少有更好選擇

見佢新開張，今日即刻幫襯，咁啱公司拜神，order左千幾蚊燒腩仔同峰蜜叉燒，最衰唔記得影相。燒腩仔皮脆多汁，唔太咸，肉質軟淋，一打開個外賣盒啲香味湧出嚟。好正，一舊接一舊咁食，食唔停口。峰蜜叉燒真係有峰蜜香味，甜度剛好，肉質唔干身，全瘦都好食。服務亦都好好，雖然佢哋好忙，但係都好好招呼，抵讚！一定會再幫襯！！👍🏻