王牌冰室 (已結業)

今次揀左王牌冰室，入面同一個老牌冰室，晚市都好多人，所以入面都要等一陣，我見好多人食王牌廚師推介，有梅菜扣肉、南乳豬手、枝竹牛腩煲、枝竹羊腩煲和豆豉鯪魚油麥菜等等，都係$78左右，重點有白飯、老火湯同熱飲，老火湯係青紅蘿蔔豬骨湯，佢既份量都算多，我覺得可以2個人食到，就算加個飯都係$8，岩哂d 好多飯既人，所以係到可以慢慢食，我見到仲有好多人叫常餐食，就算晚市佢都仲供應緊，睇反原來佢全日供應，即係佢夜晚都可以叫!

朋友介紹後，過咗嚟食佢嘅王牌牛乳滑蛋叉燒飯，味道都幾好～住附近嘅值得一試～另外嗌左個滑蛋咸牛肉潛艇堡(唔係好記得餐牌個名) 呢個都幾好食，整體來講真係唔錯 ！可惜服務態度真係差左啲

今日去食午餐，先發現佢哋改變左營業時間，這個都不是重點，但每次總係覺得佢哋樓面好懶散，全部都是走在一起傾計，到我提出話要求要紙巾，好大聲同客人講自己攞，請問因為是環保理由還是人手不足？我知道雖然是茶餐廳，但完全覺得比茶餐廳更差的服務態度。出品我反而覺得是幾好，不過選擇太少，希望營運人士多加留意。

本身諗住踩單車但天公不造美都照去咗依間餐廳食。食咗幾次其實都主要係食過咸牛治。又跟到足學人食咸牛治。搞到評論唔到其他食物好似無乜地方有得食咸牛治。有請推介。望個賣相都知足料。啲料嘔晒出嚟。包烘到脆卜卜啦。佢依個係芝士生菜蛋咸牛combination。芝士溶咗喺入面令咸咸嘅咸牛增添咸之層次。個蛋唔會炒得太熟仲有啲蛋汁混合埋咸牛好香好滑。有啲生菜仔增加爽口度同健康感。溫馨提示：蔥出沒注意⚠️食tea好難唔飲奶茶。不過今次有啲古怪。可能沖嗰時跌咗啲咸牛落去。搞到杯嘢有啲咸味不過飲飲吓又幾好味。真係估佢唔到。總結食咸牛係好推介的

今日約左朋友去大圍踩單車，自己記錯時間，早左成個鐘到🌚反正自己又未食嘢，咁唯有喺附近搵吓餐廳啦！見大圍有個新開嘅市集，入面都有好多野食，選擇恐懼症嘅我揀咗好耐先揀到呢間冰室嚟食😂叫左個午餐食，特濃牛乳炒蛋叉燒蝦仁雙拼飯，午餐包埋一個例湯同埋一杯飲品！當日嘅例湯係青紅蘿蔔煲豬骨，超足料，唔太飲到有味精味嘅，應該冇味精掛🌚重點黎喇，份量超大，滑蛋有好香牛奶味，唔知蝦仁係用冰鮮定新鮮，味道都好OK，不過略嫌叉燒有少少硬，不過overall我都覺得好好食嘅!

每年都會到大圍拜車公， 今年都不例外。 拜車公前就去醫肚先， 地鐵站一出行過對面就見到王牌冰室，入到去第一個感覺就係好大油煙味，不過因為好肚餓嘅關係所以都坐低先。 點知坐低冇幾耐， 發生了一個小插曲， 侍應將佢手上一碟菜的汁倒了落我的衫度， 真係唔小心到一個點！ 之後我們轉了另一個位置坐低再睇下食乜，發現餐牌上都不是太多選擇， 於是點了一個王牌叉燒特濃牛乳炒滑蛋飯$54，沙爹牛肉通粉＆牛油厚切多士配特濃牛乳炒滑蛋$46。王牌叉燒特濃牛乳炒滑蛋飯 ～ 就咁睇賣相都幾好， 但係一食落就真係麻麻地，蛋很薄， 叉燒都正常。 羅宋湯好像芡汁。沙爹牛肉通粉 ～ 沙爹醬偏淡，水汪汪的， 牛肉質地普通。 第一次來， 希望食物質素可以改善， 最重要係抽風系統， 因為我食完一個午餐之後， 我件衫全部都是油煙味。

人手唔算少，但全部都唔知做緊乜，嚴重漏單，餐具放枱既櫃筒，但一係開唔到一係入面無餐具，職員態度極差，求其一間餐廳都好過佢，經理同職員係客面前鬧交，不知所謂！！！

每次經過搵食市集門口，都會見到王牌冰室嘅宣傳海報，比佢嘅厚切西多士同埋豬膶通粉吸引到，但可惜上次去到已經過咗下午茶時間無得食。由於今日大半日要係大圍工作，所以分別午餐同下午茶都嚟咗食，可以分別食到想食嘅嘢之餘，又唔驚一餐就食哂好頂肚。王牌冰室係搵食市集嘅一樓，行一層樓梯就到，入面唔會坐得太迫。🔹 厚切花生醬西多士 $34 分開咗四件嘅西多士，炸到金黃色好似黃金磚咁，每件上面都有一小片牛油，極級邪惡！落完蜜糖，切開係好濃郁嘅花生醬呀！每件真係啖啖花生醬，搽得好平均，呢間係我繼大埔街市西多士好味之外，第二間好味！🔹薑汁雞湯鮮豬膶通粉 $40有四塊厚切豬膶，湯底配有大量薑絲，略嫌多咗，個湯飲落比薑味蓋咗，但都正常的。🔹 爆香蔥油炸豬扒飯 $53 豬扒好大塊，而且肉質好嫩滑，好鬆軟，香蔥油生蔥味偏重，唔係太接受到。下次有機會再嚟到大圍嘅話，我會想再揀茶餐嘅西多士！📍王牌冰室大圍村南道45-47號搵食市集1樓12號舖．．環境分數：8/10食物分數：7.8/10Encore分數：8/10

大圍新開既搵食市集種類多選擇亦多 上次試過二樓既東焰來以及Pasta Monster 今次就再來試試同樣係二熡既王牌冰室 王牌冰室跟茶記大致沒有兩樣 有早午晚餐以及常餐 更有廚師推介 雖然花多眼亂選擇繁多 不過n_cc只點了特濃牛乳炒滑蛋叉燒蝦仁雙拼飯 飯餐除左飲品仲可選湯飲 今日有紅蘿蔔粟米豬骨湯 味道濃郁唔會過咸 清甜味美 飲落沒有太大味精 感覺良好 雙拼飯分量頗大碟 叉燒同蝦仁都唔少 叉燒唔算鞋口 蝦仁爽口滑溜 炒蛋用上北海道牛乳加上雞湯一併炒至8成熟 所以細嫩香滑 不過略嫌味道偏淡 加入蔥花以及甜豉油 香氣迫人之餘味道更上一層樓 下次大可試試其他小菜 不過唯獨需要改善一下通風系統為好

是日去開大圍，原來開左個‘搵食市集’，見佢都好多人又好多野食，仲有兩層，上去試下間冰室先。佢好大膽咁用左彩龍黎玩裝修，都幾特別。到正午時間都叫有啲人流，偷望到隔離枱果碟飯好大碟！我都唔執輸跟住叫左。老火湯午餐有埋湯飲，熱辣辣既，都算足料。飲落唔算好重味精，幾清甜。特濃滑蛋蝦仁叉燒雙拼飯碟飯一黎到出晒煙，真係好大碟！叉燒又多又大舊，都唔嚡口喎！蝦仁又係大大粒，但就略嫌無乜味。蛋都真係滑既，如果再厚啲就好喇熱奶茶用黑白奶，穩陣

香港人外食實在有太多選擇，要客人回頭不是易事。大圍不乏茶記，總有些經過100次也沒有意慾推門進內，嚐過大利、68、三洋、源記、燉奶佬、金龍等常餐，始終沒有一家稱心滿意，要不是奶茶不濟便是炒蛋出事...(太興除外，但又怕悶) 這次於早上入座，衛生方面依舊很有問題，座椅和地板滿佈食物碎或污垢，貌似一夜未有清潔。餐具亦同樣不乾淨，見圖二茶匙的水漬，開張數月便如此，實在很難接受。另外，服務方面亦未見改進。不是付幾十塊便想得到五星級待遇，但你就是感受不到「歡迎光臨」。個人認為食物、環境和服務是一間餐廳能否繼續經營最重要的三大元素，平心而論食物是ok的，可另外兩項都不合格！

一個人去食午餐，懶得等位就上左去王牌冰室食，留下食市全部都要等位，呢度就仲有枱。睇睇餐牌，算是偏貴，但上左黎又唔想落返去。咁就點了個特濃牛乳炒滑蛋叉燒蝦仁雙拼飯，滑蛋滑得黎有點太生，部份蛋白仍是透明的；叉燒肥瘦適中對味（不過應該是交黎的，攞貨攞得好）；蝦仁好似搭枱咁，係一個獨立個體，痴唔到蛋，又無咩味；飯只是溫暖唔夠熱且較硬；餐湯羅宋湯較酸，多菜，唔錯的；凍鴛鴦點了少甜少冰，茶味啡味都十分非常淡。呢餐多謝六十一個大洋，以呢個價錢，有改善空間。

睇落係好大碟 以晚餐黎講 62蚊有碗湯送係大圍係叫中上價錢佢既牛乳係好滑 因為煮到半熟驚食生蛋既人要小心叉燒好大件味道適中 份量都多最失望係啲蝦仁感覺似放左係室溫好耐一啲都唔熱仲要淋pat pat好驚食完會肚痾⋯碗湯好多湯料我飲唔出有冇味精 不過似完冇口渴應該都ok既！老實講就冇咩特別碟飯做唔到出面茶餐廳應有既熱辣辣感覺係人地啲食評寫得咁好食呢種落差比我一種失落既食後感可惜可惜但奇在10個客有9個客都係叫呢碟飯

午餐去了大圍火車站對面的王牌冰室，看見很多顧客都食特濃牛乳叉燒蝦仁炒蛋飯，賣相不錯，於是點了一個，炒蛋加了牛乳的關係，所以特別香滑，蝦仁大隻彈牙，加了蔥花和豉油，味道不錯。$58午餐配送餐茶和羅宋湯，尚算合理！但通風系統不太理想，廚房的油煙傳到室內，食唔完午餐的衣服沾上一點油煙氣味。這個情況需要改善！

好少寫食評, 但今次真係唔寫唔得! 有驚喜！有驚喜！ 正到爆, 襯得住生招牌既氣場, 味道有王者既風範。 不過都不我不提, 可能因為開業冇耐, 場面都少少混亂, 不過勝在個場夠乾淨企理。 食客有興趣可以去埋王牌冰茶, 杯焦脆奶蓋東美人都算幾好飲, 又夠凍, 絕對會再幫襯。          mmn