王朝潮順館

營業中

休息中

店舖位於大角嘴不大起眼的大全街，店內座位舒適，服務員態度良好😄。主打潮洲菜，有滷水、海鮮🦐、打冷及燉湯🍜。基本的泡飯、炒飯同粥亦有不同配搭。我哋二人同行只係簡單的點了幾款菜，杏汁白肺湯同竹笙燉天白菇湯都用燉盅熱辣辣上枱，兩款都有基本燉湯配料如豬肉雞肉同埋鳳爪，杏汁同天白菇都各有特色和香味。醉乳鴿不但酒香肉嫩，刀功一流，擺盤精美，要讚👍。鮮魚湯娃娃菜🥦配有中芹香菇🍄同埋腐竹，令到菜式多咗層次。吃過飯，最後的甜品水晶柚皮絕對係一個驚喜❤️❤️。柚皮做得清涼鬆軟，加上桂花糖水，清香又清甜，其他食店未必食得到。睇見其他食客枱上的食物都非常吸引，我會約多幾個朋友再來試其他菜式，特別係滷水鵝片、龍蝦同時令煲仔菜，值得再來。😋

正宗潮菜店同左個韓國朋友去左大角咀食潮菜店！我地book 左7:30 但一去到已經全部full 哂, 好彩唔洗等好耐, 所以如果想去食晚飯, 一定要預約喔！我地叫左4個餸同一支藍妹😋 海蜇拼五香牛展好入味, 海蜇又好爽口, 重有鵝粒炒飯沙鍋，真係勁足料同好大煲, 炒飯又唔會好濕同好乾, 重有蝦一齊做個炒飯, 好好味😋 朋友都讚不絕🥰 百合炒上素有幾種唔同菜一齊炒, 味道都幾新鮮. 之後我地重叫左個脆通鯪魚球, 外脆內軟再配啤酒真係一流。下次要同一大班朋友來先得！

約咗朋友食飯，佢帶我嚟呢間，係佢屋企附近新開嘅潮洲菜館，約七點，一開門，已經好多顧客，好彩仲有兩個坐位😄。我哋叫咗三個餸菜一齊share，潮州滷水鵝片拼墨魚$188，鮮魚湯芥蘭$88，順德炒米粉$88，兩個女仔食應該夠晒☺️。潮州滷水鵝片拼墨魚🦑應該滷咗長時間，非常入味，鵝片肉質又軟熟，食落好滋味；墨魚結實得來有啲Q彈，好正。仲要讚師傅嘅刀工很好，切得好靚好均勻。鮮魚湯芥蘭🥬芥蘭顏色青綠，用雜菌、腐竹及鮮魚湯煮，口感爽脆鮮甜。順德炒米粉✨米粉炒得乾身又有鑊氣，仲加咗好多蔥段、芽菜絲，雞蛋絲，同埋煎香咗嘅鯪魚餅切幼條，簡單得來好惹味，兼且仲有幾大碟，食得我哋好飽。😆

由舊店食到黎新店，每晚都坐無虛席。新店更大坐得闊落，食物質素更勝舊店，多左小菜，樓面請多左人更好招呼。食物質素不需過份說明，睇相由擺碟就知一間餐廳對食物出品既要求如何。醉鴿 — 片到咁薄都知師傅刀功利害。汁入面啲桂花落足料，味道好似舊鋪既upgrade版鵝肝 — 我會稱佢為神肝。滷水墨魚片鵝肉 — 下面仲有啲豆腐，係佢自己炸。想講平時出面啲青瓜伴碟唔會食，但呢片到咁薄，吸埋啲汁，又幾好味其他自己睇相，樣樣都精緻新派潮州手工菜，用心，抵食，性價比無得輸，完。

「凍冰冰食呢啲就啱曬系列🔥」哇！呢個禮拜真係好凍啊🥶跌咗咁多度，特別就想食啲暖粒粒嘅嘢😚呢間潮順館餐廳有好多選擇，佢除咗有潮州同順德菜之外，仲有熱辣辣煲仔小菜😍🔥XO醬蔥燒粉絲河蝦煲$148上枱仲係「滋滋聲」👂🏻，熱辣辣！有六隻蝦咁多，仲要隻隻都咁大隻，爆多膏🤤鮮味滲曬落去啲粉絲😍超正❗️🔥潮州滷水雙拼-鵝肉拼元啼$168鵝肉肥瘦適中，滷水汁調味恰當😋份量大絕對對得住個價錢❗️我哋最尾都係食唔晒😅🔥蠔仔粥（鍋）$98啲蠔好大隻😎除咗多蠔仔之外，個粥底配料都好多，幾好味，兩個人食叫一鍋就啱啦👍🏻餐廳有空間感，座位闊落舒適，仲間左幾間房適合一家人做節用，琴晚一路食飯都一路聽到有食客話要過嚟呢度做冬喎😆

我對潮洲菜較陌生，來過了王朝潮順館讓我對潮洲菜有更具體的印象餐廳氣氛熱鬧 但又坐得舒適 適合多人聚首一堂 滷水汁鵝片雙拼墨魚 $188滷水汁濃淡適中，鵝片厚薄均勻，啖啖肉～豆腐托底，吸收滷水精華後，變得不再平凡附上醋點綴蠔仔粥 $58 碗 $98 鍋本身想點一鍋的，店員提醒一碗已經夠二人享用了，不用吃一鍋的屬於水量較多而米粒較完整的粥蠔仔🦪大大粒，並配以蝦米、脆米食材提鮮順德銅盤焗雞 $138看到隔離枱有人點了，飄來陣陣香氣又想點這個雞滑的程度像蒸雞似的，而雞皮的部分像煎過一樣原來並沒有蒸及煎的，只用錫紙包著然後再拿去焗

今日去到大角嘴搵食，想食嗰啲餐廳都大排長龍，係無諗法之下，見到有間新開既潮州菜館，決定去一試。先黎第一味，鵝片拼大腸 : 夠哂入味，份量充足，有豆腐係底，好回味嘅頭盤。黃金炸魚皮 : 魚皮份量唔算多，黃金好充料，魚皮夠脆，夠哂邪惡，送酒一流。鴨肉炒飯 : 沙鍋上，好夠獲氣，唔油，飯炒得夠乾身，好好食！白鱔煲 : 好入味，最鍾意佢夠多蔥，多芫荽，必點！****************評分 : 7.5/10簡評 : 值得一去

oh my god係大角咀開左間新既潮州菜館, 乾淨企理燈光明亮, 岩岩新開都幾多人食, 平日晚上都幾full, 仲有vip房都比人坐埋~餐牌選擇多, 樣樣都想食, 但胃就得兩個, 就試下潮州菜求永垂不朽既鵝啦滷水鵝片睇得出有比心機擺盤, 賣相討好, 鵝片每片厚薄均勻, 皮薄不肥膩。鵝片口感軟熟, 有鵝香而不膩, 滷水入味濃而不咸。底層既豆腐仲有驚喜, 比平時食開既更滑, 但油揚皮位一樣咁香, 高質酒香鵝肝未食已聞到酒花鯛香, 鵝肝中心顏色帶點粉嫩, 賣相吸引, 入口滑溜綿密, 同舌頭輕輕一壓隨即化開, 帶濃香鵝肝油潤香味, 超正, 必點!順德炒米粉米粉炒得乾身有獲氣, 芹菜香氣突出, 自己中意加點潮州辣椒油更香更好味叫左3樣野都好滿意, 特別係個鵝肝, 足以令我回頭幫襯。

平靚在高檔潮州菜，廚師都是來自酒店或米芝蓮餐廳的，食物質素相當高。千層豬脆耳 $58非常爽脆，酒香濃郁，滋味又清新的頭盤小食。鵝片例牌$168～必食刀工一流，鵝片切得非常薄身，讓每片鵝肉都可以充分吸收滷水汁，滷水汁水準超班，不會死鹹，而是充滿香料的氣味。鵝肉香滑肥而不膩。特色鹽香沙姜雞 $78 半隻是以新鮮走地雞製作，雞肉香滑不霉。元蹄大碗飯 $48 奉送熱飲 大碗、抵食又滋味，而且元蹄份量多。家常胡椒豬肉湯 $68 胡椒味濃郁，湯料和湯水份量都不少，是一大盤。水晶柚子皮 $48～必食清新清甜，柚皮肉炆腍，再用桂花糖冷藏浸泡，絕對係是日精選。*自家製辣椒XO醬～必食

如果係香港只係識去新商廈大商場食野，咁或許會錯過好多舊區小區的廚皇。大角咀王潮潮順館正正係大角咀舊區的一顆新星，新餐廳開業只得幾個月，但係平日晚上唔單止有熟客，更是兩間廂房大檯都坐滿，做潮州菜做得正宗，食客當然客似雲來。餐廳裝修坐得舒服，而且一睇滷水部有4個師傅坐鎮就知道行頭唔細, 不過我覺得最正都係價錢親民, 未點菜先望一望隔離檯, 剩係點滷水雙拼已經非常吸引, OK, 就先黎一盤三拼吧!傲的滷水鵝吧，滷水味濃恰到好處，雖然好邪惡但還是有讓人吃個不停的誘惑。煎釀虎皮尖椒 48餐前先食開胃前菜熱熱身吧!尖椒微辣得黎帶惹味, 醬汁誘人，釀魚肉把尖椒塞得飽滿, 魚肉爽口彈牙又實在, 開胃得黎係幾唔錯吃！鵝肉三拼 墨魚牛展 188第一下吸引眼睛係整盤滷水刀工切得非常一流, 墨魚同牛展同切得薄而透, 牛展仲可以做到燈影牛展tim! 獅頭鵝皮薄而且肉嫩, 肉質細嫩, 咬落去鵝油飛濺而不覺膩, 而潮式滷味最重要當然係個滷水膽汁吧!, 這裡的滷水花樣八角味稍重, 但獨家秘製配方獨一無二, 正好與獅頭鵝配搭得宜。墨魚切得美, 食落就知靚料爽口彈牙, 至於牛展肉味濃切薄, 讓人不禁一口接一口, 加埋

大角咀新開了間潮州菜館，新開業都全場爆滿，最重要係唔使加一，非常抵食。這裏主打潮州菜及順德菜，款式都很地道，份量十足，尤其是滷味拼盤，一份足四人分享。滷水鵝肉已去骨，滷得入味，鵝皮帶點爽口，鵝肉鬆化有油脂香味，滷水不會過咸；墨魚更是十分爽脆，加上自家辣椒醬更添風味。薑蔥生煎大魚卜至少有十件，爆炒至焦香，魚卜有點咬口，十分惹味。沙薑醬蹄調較得剛好，豬蹄入味，骨膠原豐富，而且去毛去得很乾淨，豬皮爽彈。蠔仔粥一碗足二人份量，有方魚及蠔肉的鮮甜，蠔肉每隻都脹卜卜，完全唔腥，粥底鮮甜有淡淡芹菜香。

城中不少老字號潮州菜館都日漸沒落，因為水準漸漸褪色取而代之的，就是新型潮州菜，用料佳，重視廚師手功，讓潮州菜變得不止中佬，成一家大小都可以光臨的餐廳環境：很多客人！但環境乾淨企理，處理得不錯服務：那麼多客人，員工還是敬業樂業地東奔西跑，值得尊敬雙拼滷水鵝片$188鵝片切得薄身，外皮彈牙肉質粉嫩，鵝🦢肉香而不肥膩，絕對高質另外一款點了鵝翼，沒有一般酒樓的過度醃漬死稔，皮口感嫩滑而肉帶點鵝香，非常驚喜難得的高水準墊底的豆腐軟稔，帶豆香卻不鞋，外皮薄而脆嫩，好吃手淋蔥油燒雞 一隻$168(圖片是半隻，另半隻後上)好吃！外皮香脆而且肉質稔軟，沒有酒樓炸子雞的乾燥死鹹。雞胸肉手撕加入海蜇，青瓜絲跟芫荽，澆上麻油，又別有一番風味蒜子芥蘭$78這個算一般，好處在於清淡

朋友告知這裏新開一間潮州菜館，價廉物美，今天便專程來到了。王朝滷水鵝肉例牌$158，鵝肉味道香甜，肉質不會過腍，帶點嚼勁。滷水味道不會過鹹，花椒八角味道香濃，又不會搶去鵝肉的味道。雖然點的不是鵝肉，不過廚師已經骨去掉，啖啖鵝肉，又是另一番滋味。蠔仔粥$58碗，蠔仔份量很多，味道鮮甜，又有柴魚粒，不用加胡椒粉，便可享用美味的蠔仔粥了。蠔餅$128，蛋香味道十足，外脆內軟，蠔仔味道鮮甜，加點魚露便可以提升鮮味。總結：這裏的價錢看來有點偏貴，不過份量十足，質素偏高，所以算是超值。👍👍👍👍👍

通常新開的餐廳都好吸引，但我同同事今日嘅體驗真係好一般... ...大角咀大全街一向都好多美食，今日一行3人行過，見呢間潮州菜館係新開的，款式都幾多幾吸引，一於試吓。門口幫手帶位嘅姐姐好有禮貌，我哋好快已經坐低咗，而且呢位姐姐好快已經幫我哋落單，我哋點咗2個土魷肉餅煲仔飯、1個豉蒜涼瓜炒鱔球。每個餐都可跟1個飲品👍土魷肉餅煲仔飯$68。上到枱一掀開煲蓋，成堆芫茜（因為我唔係芫茜黨啫，夾開咗，無嘢）😭見塊肉餅唔係大塊，而且都好薄吓，大約少過半吋厚... ... 每個煲仔飯只係跟1碟好細碟嘅豉油，都唔係好夠😩唔緊要，試吓啲肉餅同飯先，肉餅味道ok呀，只係薄得滯無乜口感。飯方面真係好唔掂，因為飯太多水，根本煲得唔夠乾身，而且太腍了，我同同事都認為完全唔合格😅（好味嘅煲仔飯嘅飯粒應該要好乾身，彈牙得嚟又唔會過硬）豉蒜涼瓜炒鱔球$60。同事話味道都幾好👍飲品，我哋點咗熱咖啡、凍檸茶、熱檸水。熱檸水真係嚇死人，只有2片極薄嘅檸檬，我同事篤到2片檸檬穿哂都話無乜味，點解水吧師傅刀工好成咁🤣反而凍檸茶有4至5塊左右極薄嘅檸檬（仲薄過熱檸水嗰2片）🤣🤣然後我哋食煲仔飯食咗一陣，真係唔夠豉油，就請伙記俾多

今日係奧運training，完左之後同同事係大角咀搵左呢間潮州野食，食物幾正宗抵食，尤其個鵝片同濠仔粥👍🏻值得Encore 🙈.🍴鵝片雙拼 $188鹵水鵝片鹵得入味，肉質肥瘦適中，食感軟嫩。墨魚片份量幾多，每片厚薄適中，食起黎口感會較軟口。.🍴沙薑醬蹄 $68沙薑豬腳，爽脆不油膩。沙姜特有芳香經過醃製後更加入味。.🍴蠔仔粥一鍋 $98湯底好鮮好香蠔仔大大粒份量多，好食既潮州粥，梗係食粒粒米，最怕黏淋淋，佢好得呀。.🍴馬拉盞炒芥蘭 $78芥蘭鮮甜爽脆，馬拉盞炒過鹹香味美。.同老闆傾開計，原來餐廳開左無幾耐，但人流都不少，幾多人幫襯，大家都多多支持小店💪🏻