王朝潮順館 (得寶商場)

營業中

休息中

自從得寶間茶記執咗一直希望有間好食嘅餐廳開，果然無失望！新開咗呢間【王朝潮順館】係得寶商場個邊，老實講位置唔近地鐵站唔算方便，但都值得去試，加上街坊要去支持下！佢係打冷潮洲菜，唔會話係茶記咁頹，lunch set都唔算貴，算係抵食！🔸王朝招牌三寶飯（鵝肉，鵝肝，鵝腸）$78鵝肉好香好鮮甜又嫩滑，肥瘦適中，唔會話有好多肥膏鵝肝雖然薄薄有3片，但好香好滑，食完會想追住食😋鵝腸係好爽脆，清潔得好乾淨，而且份量都算多飯入面仲有菜同滷水蛋🥚相當豐富！🔸海蜇燻蹄貴妃雞飯 $60估唔到個海蜇可以咁好食，好香麻油+辣椒味道，已經好味，加上個海蜇好爽脆，令整體上更上一層樓燻蹄都爽口，係凍食嘅，一定要點個醋食貴妃雞正常，份量適中，一定夠食！🔸油菜（跟餐+$18）是日油菜係菜心，好清甜，唔算太貴，叫返碟健康一下🔸滷水豆腐 $28豆腐有3大舊，採用咗滑豆腐，外表煎香咗，唔會咁易散開，又可以滷水入味🔸滷水雞蛋 $20係2粒雞蛋，滷水相當入味，雞蛋好香！🔸午餐跟飲品，叫左奶茶同鴛鴦，幾好飲，唔會太澀👍🏻總括來說，呢個價錢係抵食，$50-80就有個lunch set，可以一試！

點了四個菜，食之前冇影相，愈食愈谷氣，蠔餅$128 全世界最細，好似個8吋pizza, 五香牛展$68師傅刀工一流，每片都係超薄，用埋的大大舊類似丫燒嘅物體墊底（第一次見），餓片$198細細碟，除咗面頭六七片大片之外，下面全是碎濕濕,肥餓皮都有一大塊，最正常及好味是金薯牛柳粒$128，份量偏少但勉強可以接受，本來沒有打算寫食評，但最後希望大家不要中伏，從未食過這樣的打冷，極度不知所謂，最後一個好消息，埋單有9折，$470😭😭😭

#跟住我食唔中伏 新年約 #bestfriend 去食個lunch🥰屋企附近開咗新餐廳「王朝潮順館」就去試下～Lunch set 由 $48-80都有，選擇好多😍見到［ 白鱔黃鱔煲仔飯 ］勁吸引🤩即刻決定嗌呢個！白鱔黃鱔嘅件數都多，肉質好爽彈，好新鮮！加埋甜醬油好正😋［ 北菇雲耳滑雞蒸陳村粉 ］都好好食🤤陳村粉好滑身，唔易斷開，心心同朋友仔都好中意食😊滑雞皮香肉嫩，掋食又好味👍另外仲嗌咗個燉湯飯，嗰日嘅湯係五指毛桃💕好養生飲落好順喉，冇味精，心心都追住飲😆燉湯飯配埋菜，唔錯～環境乾淨幾舒服，另外仲有得包房聚餐😁以後同朋友/屋企人食飯，又多個好選擇👍#牛頭角美食

老人家生日，帶佢地食中菜，啱佢地口味，揀左呢間多人推薦嘅潮州菜館。7點半去到，人山人海，好在有book 位，餐廳環境都幾闊落，見到一枱走另一枱入，好旺場。屋企人生日就特登啊得豐富啲，有椒鹽蝦，有鱔，有葱油雞，海浙拼墨魚。特別推薦泡椒豬手，泡椒酸酸辣辣，好入味，豬手爽但唔會硬，不過怕辣嘅人可以食唔掂，都真係幾辣。仲叫左煲紅燒翅，份量好足，4人份夠6個大人食，碗碗都有好多翅。最後食埋個臘味糯米飯就好飽，真係樣樣都好食！

終於放寬社交距離可以同屋企人聚餐😍去九龍灣探姑姐，佢話樓下開咗間潮州菜館，晚晚都好full，趁時間尚早，今晚一於喺嗰度食晚飯🍽️王朝小炒皇～芋條炸得超級香脆，食到啖啖都索索聲😆，好香口！其他配料有鹹魚乾、韭菜、鮮魷魚鬚、紅椒、腰果，充滿鹹香，好有鑊氣，佐酒一流👍🏻王朝滷水水鵝片～滷水汁有好香嘅八角味，有點回甘，鵝片肉質細嫩，咬落有汁，唔錯！爽脆海蜇～小食類嘅海蜇都幾大碟，表面灑上芝麻，入口爽脆冰涼，好開胃。蜆芥鯪魚球～淡黃色嘅表層有點似炸過嘅米線，非常香脆，內裏包住魚肉，仲有點帶汁，蜆芥帶有酒香。蠔餅～炸蠔餅蛋香十足，蠔仔粒粒都漲卜卜，入口酥脆中帶點煙韌，沾上配搭嘅魚露，更添鮮味！新張期間做緊八八折+免加一🍾️

屋企附近開咗間新嘅潮州菜，之前行過落去但係full晒，原來新張期間做緊八八折兼免加一🙌🏻所以今次就訂定位先😊豉椒鵝腸鵝腸清潔得乾淨，冇咩肥膏，口感爽脆，味道焦香微辣，勁惹味。酒香墨魚🦑墨魚凍食口感清爽，而且冇腥味，散發淡淡酒香。生啫爽肉芥蘭煲爽肉即係豬頸肉，炒得夠獲氣，入口爽滑無筋，芥蘭入味，整體帶有鹹鮮味，上枱仲係熱騰騰，趁熱食就最正。特色鹽香雞雞件鹹香嫩滑，帶光澤，似平時食開嘅鹽焗雞。生炒臘味糯米飯秋冬暖胃必食，材料豐富，啖啖都食到臘腸、臘肉、蝦米和冬菇，糯米飯粒粒分明，仲有啲炸花生粒，好香口。

尋日行完淘大商場，就過咗隔離得寶度食飯。睇到地下有間新開嘅潮洲菜館，7點已經差不多滿座，所以我哋一家四口就攞位入去。我哋見好多人都嗌拼盤，原來都有分鵝片、鵝件定係滷水拼盤，兩個女都鍾意啖啖肉，所以就叫咗 “鵝片三拼” (鵝片拼大腸、墨魚) 。鵝片厚薄切得適中，唔肥膩，肉質嫩滑。大腸清洗乾淨、而墨魚就爽口、墊底有香滑豆腐。兩個女特別要order “爽脆海蜇”，係佢哋鍾意嘅涼伴小食。唔好睇佢細細碟，但每塊海蜇都超爽，浸食嘅麻油香味令人愈食愈滋味。另外叫咗 “雞煲翅”，砂煲上碟熱辣辣，份量都夠二人食，幾梳翅都叫足料，雞湯濃郁！我自己好喜歡 “啫啫爽肉芥蘭煲”，上碟仲係滋滋聲、好香鹹香啫啫味！“蠔仔粥” (一碢) 份量真係夠四人，好大鍋。蠔仔啖啖肉好肥美，芫荽較多，雞湯淆出嚟特別鮮味。“蜆介脆通鯪魚球” 就有別其他菜館嘅做法，外面有粒粒脆通包住，特別香口。整體嚟講，食物質素好好，份量都多，坐嘅位置都舒服，都會再encore！依家新張期間免收加一，仲有折扣優惠！

呢排終於放寬咗多種表列處所社交距離措施，終於唔使就住就住，收工就約埋朋友去食飯😍朋友帶咗我去九龍灣新開嘅@潮順館，呢間係食潮洲同順德菜，晚市都幾多人幫襯，聽講滷水係佢地嘅招牌，都幾受歡迎，今次同朋友order咗👇🏻🐚順德卜卜蜆🔹🔸🔹🔸湯底同蜆肉都好鮮甜，而且蜆都幾大隻，湯底仲加咗芫茜、葱花同少量指天椒，甜中帶少許微辣，真係好惹味，撈飯都好正❤️🦈紅燒雞煲翅🔸🔹🔸🔹魚翅一人一煲，好足料，湯底好濃郁，忍唔住叫咗個白飯，正宗魚翅撈飯😋😋🦑滷水三拼(鵝片、墨魚、鵝掌)🔹🔸🔹🔸滷水真係好大碟，鵝片肉質鮮嫩，墨魚片肉質好爽脆，而且切得好薄，鵝掌都炆得好腍好滑、加埋佢哋嘅獨製滷水汁真係無得輸💯💯而家新張優惠免收加一，仲有88折優惠。

耐唔時都好想食潮州菜最近九龍灣新開左間主打潮州加順德菜菜式種類有好多選擇 當然要去試下🙌🏻🌟王朝滷水鵝片潮州滷味係必嗌 當中最鍾意食鵝片鵝片吸收哂滷湯既精華焦糖色既外皮帶光澤油脂分量適中亦不會太膩 肉質嫩滑兼夠入味😋🌟手淋蔥油雞雞皮非常脆同香口 而雞肉係非常嫩滑就算係雞胸都唔會嚡口👍🏻🌟順德卜卜蜆蜆肉份量好多又夠鮮甜打開鍋蓋瞬間已經香氣撲鼻湯底鮮甜開胃有芫茜,蒜香加帶微辣🌶🌟漁村脆米泡飯天氣涼涼地最岩食個泡飯暖下胃清甜既湯底配以爽彈蝦肉,鮮甜既魚片脆米同芫茜等 整個口感層次好豐富💯🌟爽脆海蜇涼拌菜首選海蜇好爽脆 好開胃🙌🏻

上星期boxing day一家人係九龍灣行完街街去食晚飯，好耐冇試過潮州野。鵝片雙拼（牛展）鹵水都幾出色，份量都幾多，刀工非常一流，鵝片肉質細嫩牛展好軟腍，啖啖肉而且好入味，墊底嘅豆腐吸收哂鹵水精華，仲好滑溜添。特色鹽香雞（半隻）雞肉香滑嫩口，連雞胸肉都很嫩，鹹味適中。雞煲翅 $108Lee個雞煲翅砂煲上，熱辣辣辣，魚翅一梳梳好足料，一d都唔吝嗇，雞湯濃郁👍🏻推介。潮陽鵝粒砂鍋炒飯 $138炒飯用砂鍋上，聞到陣陣香味，仲有大量鵝粒同蝦仁，炒得有鑊氣又夠乾身，粒粒分明。蠔餅 $138炸得好酥脆，蠔又大隻都幾多添。新張優惠：免收加一，仲享有88折優惠。

除夕當然食餐好，屋企附近新開的潮順館，見好多人幫襯就試下啦。呢間係食潮州及順德菜，滷水及小菜都唔錯👍今次點了：🦑鵝片拼墨魚：鵝片嫩口唔韌，墨魚爽口彈牙。🦈紅燒煲仔翅：好足料有很多魚翅，味道適中。🐠金沙魚皮：魚皮很脆，加埋濃郁鹹蛋黃好好味。🍲順德卜卜蜆：蜆肉鮮甜，帶點微辣好惹味。🍚富豪炒飯：炒飯粒粒分明，有甘香鹹蛋味。仲有蝦、瑤柱同菜心，仲好大碟。整體味道唔錯，份量唔細，新開仲有折扣優惠，下次要再試其他☺️

平時九龍灣搵食都係淘大同德福多，但都係連所快餐無咩新意，行左去得寶商場個邊時見到有間新開嘅潮州滷水菜館-潮順館。天氣又凍見到有午市套餐就入去試下啦！坐低後職員會比杯熱茶，唔係平時普通淡茶葉茶，而係菊花普洱茶。揀左兩個餐，見到滷水大碗飯就試一個，點左 王朝招牌三寶飯 （鵝肉、鵝肝、鵝腸）仲有個就係 金銀蛋魚片泡飯 。三寶飯嘅鵝肉都幾嫩唔鞋口肉多唔係骨杉杉、鵝肝食落好滑溜，可能平時鵝肝印象係煎香所以今次食落咁滑有啲特別，鵝腸唔會好靭難咬，有配埋個酸辣汁比我地沾黎食。另外 金銀蛋魚片泡飯 入面有金皮蛋鹹蛋魚片芫荽、蔥，泡飯真係好香濃好味！金皮蛋咬落好彈牙，湯飲落有鹹蛋鹹香同魚肉鮮味仲有好香胡椒同芫荽蔥香味，魚片好爽滑食落有微微酒香，加上魚片都好多同幾大片，喜歡芫荽蔥香味，呢個係值得一試！跟餐仲有兩杯熱飲送，奶茶都唔錯，幾好味，唔會太濃茶或太淡多奶。

與朋友經過這餐廳，店員說有煲仔飯食，我哋係門口睇咗一陣個餐牌，見幾抵食，咁就入咗食個午餐。餐廳都幾大間，仲有2枱大枱，啱晒家庭歡聚。朋友點咗：🐟雙鱔煲仔飯 $80雙鱔係黃鱔同埋白鱔，兩樣都新鮮，肉質鮮甜；煲仔飯上枱嘅時候非常熱辣辣，我哋倒啲豉油落去嘅時候仲發出「吱吱聲」，食完又暖心又暖胃😋。我點咗：🦢王朝招牌三寶飯(鵝肉、鵝肝、鵝腸)$80果然係大大碗飯🍚，滷水鵝應該滷咗好長時間，非常入味，鵝片肉質都幾軟熟，鵝肝香滑，鵝腸爽口，仲有半隻滷水蛋都好味。套餐包熱飲，凍飲加$3，汽水加$8；咁我哋兩個都叫咗熱奶茶，非常香滑。

王朝潮順館大角咀店d潮州菜一向正宗，而且食物品質有保證，知道九龍灣德寶廣場開分店，去開附近所以試下。依度夠晒整潔乾淨舒服，睇左餐牌後點左王朝滷水鵝皇半隻、海蜇墨魚雙拼及臘腸臘味糯米飯。王朝滷水鵝皇半隻分量十足，真係成半隻鵝上碟，而且鵝肉鮮嫰，一d都吾肥，食得出用秘製醬汁長時間滷過，所以特別入味，無論有骨嘅鵝件，定冇骨嘅鵝片，都有吾同嘅口感味覺。海蜇墨魚雙拼好爽口，海蜇個汁味比較豐富，墨魚片就超級彈牙，點埋白醋食完全食吾停口。臘腸臘味糯米飯喺冬天食寧舍暧胃，有埋花生臘肉臘腸等配料好惹味。

得寶商場有新開餐廳王朝潮順館中價位潮式打冷新開張有折扣，就入去試下餐廳裝潢別致，坐位舒適晚市都滿座鵝片拼盤三拼$258滷汁味較淡口，絕對要一讚師傅刀功每個鵝片切得均勻，不會太口厚食落就不會柴口墨魚、元蹄都唔錯生炒腊味糯米飯$138冬天食生炒糯米飯暖暖胃糯米煙韌又分明，而且唔油膩蠔仔粥 $68/碗都有一個砂煲份量夠兩個人食蠔仔大隻隻飽滿鮮味夠加上豉油皇鵝腸 $138去腥做得好，食到酒同薑絲味鵝腸爽口易咬食物質數同服務都唔錯👍🏼下次一家人嚟試多幾個菜式