王子餐廳 (已結業)

午餐個新西蘭肉眼牛扒餐$80簡直係物超所值！塊扒好大好厚，味道好好食。今日撞到老細本人，佢對客人的態度非常有禮貌同體貼！誠意推介大家去試一試佢個扒餐，一定唔會失望。

王子餐廳真係成日食，一嚟住得近，重點係價錢好親民，講緊鐵板餐下晝70蚊 ，夜晚都係100蚊鬆啲，今次我係中午去食，揀咗雞扒飯配漢堡扒，雞扒好香脆，漢堡扒都好好食😀🙂，其實平時我係食肉醬意粉多，但係最近兩次去食肉醬意粉都差咗唔少，其實因為本身佢已經唔係特別好食，但係勝在芝士夠多，真係carry到三重芝士肉醬意粉呢個名，但係最近唔係了，好少芝士，搞到食落好咸，而家最穩陣係食佢啲扒飯，同埋白汁露荀三文魚意粉🍝

第一次黎食午餐 呢個時世元朗仲咁多人排隊就知佢抵食又好味等左15分鐘左右，每個員工服務態度非常好！今時今日餐廳又多人又忙，佢地仲咁親切真係少之又之 非常難得！佢地有個$72鐵板餐 塊牛扒勁厚 仲比普通餐多一個餐包同甜品$48 有雞扒有配菜加超多汁比你仲要多飯 有湯有野飲 味道唔錯 ！不得不提 杯檸檬茶茶底我覺得比我想像中好飲 凍飲有冰有少許淡 但熱飲我覺得個茶味係唔會太濃 濃度岩岩好！一句講晒就係非常經濟實惠嘅午餐 性價比高

今日又入到黎元朗醫肚，去左呢間叫王子餐廳既食lunch，黎到都要等3至4個，入到去叫左兩個餐：第一個係焗豬扒飯，面層有一塊芝士，而芝士味都好濃，豬扒肉質厚得黎唔好太韌，蕃茄汁嘅酸甜到都適中，最重要係佢嘅飯有炒底，個焗飯唔錯 good good。第二個就係蒜蓉汁豬扒配薯菜，豬扒都係一樣厚得來唔會太韌，而肉質都好juicy，蒜汁我覺得可以再濃啲，而最特別係佢面層有隻蛋同埋一塊燒咗嘅茄子🍆，加埋一齊食，都幾好味。最後仲有雪糕🍦送添，下次會繼續幫襯。

我嘅食肉獸朋友話想食西餐, 於是揀咗在教育路後街王子餐廳鋸扒🥩 ,因為睇到食在元朗話啲扒好大塊好抵食， 咁就去報到啦😙 餐廳內部裝橫ok， 座位好坐👍 二人套餐，有餐包、餐湯雪糕同飲品😌- 西蘭厚切肉眼扒🥩~ 唔講得笑，超大塊，成吋厚👍- 紐西蘭牛柳~ 仲誇張，👀測都有吋幾2吋厚，兩個都係叫咗7成熟，鐵板上， 熟到算控制得幾好，肉質正常可口👍 整體來說， 大件夾抵食，二人套餐加埋一，每人才不過140蚊，超值~正😋

平時行過見都有人等位 就試下第一次叫左2人餐 肉眼扒+西冷牛扒 黑椒汁 忌廉湯忌廉湯味道一般西冷同肉眼扒都好大塊配薯菜 但質感有點韌西冷會比較好食食完還會送上雪糕總結食物味道一般2人餐價錢 $248唯一可讚 員工服務態度非常好笑容滿面

頭先7點入去, 被安排坐最近門口張枱, 冷氣機就喺頭頂, 啲冷氣風兜口兜面吹落黎, 勁凍勁大風, 啲頭髮比佢吹到飛吓飛吓, 大風到成個頭吹到亂晒, 問侍應有無其他座位, 佢淨係話無, 完全無意識話幫忙較一較個冷氣風, 我同朋友即刻起身走人, 從此blacklist! 最憎啲冷氣勁大勁凍仲要吹正你但又唔會搞搞佢嘅餐廳!

難得經過元朗，打算醫下肚仔先。依間提供扒餐盡然有素食選擇。一定要試下！食物味道尚可，對我來講有湯、有嘢飲、又有素食扒餐又夠飽，76蚊。算係咁。所以下次都會再返來食。（點解今次會出post，係因為印象中以前冇素食。依家王子餐廳update左menu，提供多個選擇。真係要支持下！）

之前試過安娜餐廳牛扒餐，真係唔會再幫襯，諗住呢間都比較新，主理人年青d,水準應該好。先唔講食物質素最令我O咀係， 我原本叫咗西冷，飲完湯好快就有得食，剛剛切咗邊邊一小件，再想係中間切一刀，侍應話嚟錯咗，但我話已經切咗一吓，佢話唔緊要就馬上拎走，然後放咗上工作檯。諗住唔好浪費就話我照食啦，可以比差價，但佢話果件肉眼係8成熟 （我要7成），而且比塊鐵板熱到熟晒，所以我就話由佢啦。點知轉頭見佢拎比後面一檯客，當無野發生咁😱。以後都係自己買返屋企自己煮好過。

之前看報道， 見到很出名專程去示 ，第一次 去到佢話截單食唔到之後昨天再接再厲，早一點去試下 (晚上9點左右)! 一入到去地方唔錯 (冷氣夠凍)， 叫咗個厚切西冷3成， 首先上咗個忌廉湯味道正常但有點稀 ! 餐包唔夠熱 但加咗牛油食得唔好嘥！ 之後牛扒出場，牛扒煮得唔錯，我馬上切開一半 ，真係三成！但味道十分參差 得個淋! 黑椒汁個美好怪! 分量係好大 ，但只係令我對食牛扒有恐懼！ 我好後悔嗌咗三成， 因為我相信這質量的牛扒 三成和十成口感和味道都應該一樣 ! 沒有食扒的樂趣! 這裏重量不重質! 十分失望! 懂得食牛的人一定不會再有下次! 但他們的宣傳做得很好令我中伏！ 150蚊埋單

點了兩個焗飯：焗肉醬雞扒飯和焗牛扒飯焗肉醬雞扒飯：飯是炒底，乾身，不錯。汁很香芝士味，輕微拉絲。肉醬味濃，酸度適中，肉醬用牛肉及豬肉，肉味濃郁，且份量多，幾乎啖啖都吃到肉醬。雞扒重蒜蓉味重，如不喜歡蒜味就別吃了，因真的頗重，雞煎得很香，惜只得少許雞味，且雞扒質地過淋，可能用了點鬆肉粉，令口感不太好。焗牛扒飯：同樣炒飯底，乾身。汁跟肉醬不同，同樣有芝士，因不是肉醬，所以沒有肉味，但加了蕃茄及茄膏，令汁既香帶蕃茄味，酸酸甜甜的。牛扒雖然有用鬆肉粉醃，但不重手，令牛扒保留到牛味且不會質地全失。總括來說，焗飯這個質素，我覺得是代表作

見其他group講到咁正直管試下，叫左個牛俐餐，滿心期待！點知羅宋湯凍、薯條又炸得唔夠香脆，白雪雪。牛利又硬又大雪味，勁難食位又少待應又少，仲叫極都唔應，一定唔會有下次。

今日一行7人去左食lunch嘩叫左午餐+凍飲，平均每人$49炸，重要大碟好食喎。羅餸湯：幾好飲但偏甜，湯舊牛腩肉好好食。雞排，豬排成塊面禁大塊牛排成半隻碟禁大塊牛脷，厚到呢超厚囉好無，重要好大件好食囉漢堡扒，嘩唔掂汁都好夠味個黑椒汗，個個都話掂#好大碟，我叫左，漢堡扒牛脷意粉，食左一半都飽，牛脷重有一塊食唔落，cut開比朋友大家食下次會再來

這間店舖以前是台灣食店，很難吃，最近變成了一間新的扒房，很多元朗人也躍躍欲試，晚上很多人排隊試食。之所以成為排隊熱店的原因，應該是因為它的性價比很高吧。七點二到達，等了十五分鐘方能入座。連加一，二人晚餐盛惠$277。見到西冷、肉眼都有讚讚推薦，我們二人便各自點了牛扒。羅宋湯很好，夠濃夠辣，料很足，食到大大件牛肉。這款忌廉湯真係非常遜色了，沒有忌廉味，像是水浸蘑菇，淡而無味，沒有creamy的口感。餐包很大份，上枱時是溫暖的，包皮脆脆的，餡不夠鬆軟。肉眼，五成熟。上菜時像是七成熟。這份肉眼有手掌般大小，厚度近兩吋，份量超級大。肉眼比西冷鬆軟多汁，惟肉味不太出，但脂肪多，吃起來較易入口及較鮮甜。薯條壓在扒下，都扁了，影響口感。西冷、五成熟。份量一樣大。一般比較高質的西冷比較嫩滑有咬感，而這一份西冷就非常韌、鞋口、較柴皮，肉味較多，但實在太難咬，小妹吃不完。隨餐附送飲品，凍檸茶少甜少冰，的確有走甜，味道正常合理。雪糕溶化之快實在嚇到我了，上枱不夠30秒便溶成上圖般。之前新聞有講過脂肪越多溶化得快，看來這杯熱量很高吧！雪糕朱古力味，伴有一粒粒的朱古力碎，大概是雀巢雪糕的口味吧。總評：超大份、超

同朋友黎王子餐廳試下，夜晚時段門口已多人等位，餐廳鋪位不大，等左差唔多一個鐘先有得食。環境：一般扒房茶記感覺，不是重點服務：一般，不過落單就有d失誤，落左另一個相似既菜式。嗌左3個餐，都係3 courses meal，紅/白湯+正餐+甜品+飲品1.肉眼扒，黑椒汁份量挺大，叫了7成出黎似9成，食落還可以，但非高質，相對元朗其他相似扒房，性價比可以。特別亮點係可以免費加蒜，吸引到我。2.雜扒一貫雜扒特色，好大份，食唔曬，不過個人不喜歡薯條壓底，薯條一般。3.卡邦尼意粉汁味濃厚，大份，味道唔錯，有驚喜。總結扒的質素與元朗其他同價位扒房差唔多，CP值稍高，不過勿期望係高級肉食。