玉葉越式料理

營業中

休息中

今晚選擇了這間越南餐廳, 雖然是越南菜, 但很自然會比較最近吃的泰國餐廳, 即刻比下去 😅 餐廳的裝修好像想把我們帶到森林裡, 假天花上空吊掛著一堆草, 牆邊再有一幅畫了各式各樣樹葉的畫, 環境是可以的。食物選擇不是太多, 只有幾款粉麵幾款飯類, 另外可以追加小食, 我們每人各自點了一個餐, 另追加了一個小食。鑊仔牛柳粒飯牛柳粒味道還可以, 但略為偏乾身。因為本身這個飯基本上沒有醬汁, 肉粒太乾就會吃得相對辛苦, 配料炸蒜跟洋蔥令整體不會太過單調。(由於本人不好青瓜, 所以青瓜伴碟是多餘的)香矛豬扒湯河粉湯河中配有青檸, 我們把青檸汁加入湯河, 豐富了湯河的味道, 又酸又咸, 之後都可以一直用這種吃法。豬扒沒有太重的香矛味, 既不香脆也不香口, 幸好沒有浸過時間, 但它只是普通的一塊豬扒。由於這裡沒有什麼特飲, 所以不多提。小食方面我們點的是玉葉牛油雞翼, 因為不美觀沒有刻意影相。 雞翼沒有牛油味, 卻滿是油, 有炸雞翼的外型, 卻吃不到它鬆脆的質感。 可算是我吃過最難吃的牛油雞翼!!至於服務方面, 職員是有禮貌的, 眼見有不少文章都反應服務問題, 我倒覺得服務是不錯的, 只是食物有待

同同事lunch黎到玉葉食越南野，叫左個河內湯河雙拼。配料揀左雞絲同牛𦟌。不過店員聽左牛𦟌做牛丸。我怕麻煩所以最終係食雞絲牛丸河。然後同事都有分啲牛𦟌比我試😆河粉分量超多，一大碗，係正常軟滑有米香嘅河粉。湯底係正常嘅牛骨湯底，都清甜嘅。配料方面就覺得有啲少🤔雞絲係普通鞋鞋地嘅雞絲。牛丸有兩粒剪開左一半做四份。牛丸係有啲肉汁，有少少彈牙嘅牛丸。牛𦟌好淋，牛味都濃郁。午餐包杯飲品，揀左凍蜜桃柑桔。係一杯蜜桃糖漿加梳打水，入面有半粒柑桔。佢落左好多糖漿所以好甜。河內湯河雙拼$68 凍蜜桃柑桔

有時煮飯煮到唔知傾乜好🤓就會想落樓下食 8點幾 唔使排隊 直入就得侍應都算有反應 叫野拎野無乜問題菜式🔸火車頭湯粉 套餐有野飲包 $98都幾好食 😋 燒牛肉撈檬 個樣嚇親我 以為炸到硬哂點知 條牛肉出奇地好食😍🫠 咖厘牛腩飯 係極之難食難難食啲牛全部咬唔開肉乾黎嘅⋯小食特別推薦🔸 春卷

上年12月剛搬入康城，諗住試下，入座時已問清楚係9點last order，點知坐低叫完嘢，到8點半就話要cut單last order，個個趕收工想趕你走咁既態度，我地叫個聖誕餐，所有嘢連甜品全部一下趕收工咁即刻上哂，個生牛肉河啲湯仲要唔熱，連煮返熱都懶，真係趕收工，問佢某樣食物辣唔辣，果個後生員工答“我未食過我都唔知喎”，我都唔識反應，之後我地都未食完嘢又未夠鐘關門，幾個員工除哂口罩喺隔離張枱傾計，最後，我地求其食完個聖誕餐就走，非常差既體驗，永無下次，亦忠告康城居民下次想幫襯都要諗清楚

差不多九點才去到康城，部份餐廳已經截客截單；見到【玉葉越式料理】門面裝修吸引、顏色搶眼，最重要9:00才截單，即刻衝入去。裝修以綠色為主色，同餐廳名字非常匹配。加上幾盞用仿籐作為裝飾的吊燈，整體風格充滿東南亞泰越風情。除了主餐牌之外，另外還有一個晚市套餐餐牌。可以揀越式粉麵、撈檬粉或者碟頭飯，價錢較單點便宜；雖然並非有齊主餐牌上的越式粉麵，就連最經典的越式生牛河也沒有，勝在可以用優惠價選擇一個迷你小吃，還包括一杯飲品。冇越式生牛河，只好轉口味揀【重量級火車頭  $98】；單點嘅話要 $118，唔知會唔會大碗啲呢？其實，除了生牛肉片之外，火車頭還有其他經典越式食材，包括越式扎肉、和牛丸、牛仔骨片及牛肉眼片；某程度上較越式生牛河更抵食。湯底有牛味，但有點假。牛丸彈牙，但究竟係唔係用了和牛？真係食唔出！不過，無論越式或潮式牛丸，最緊要彈牙、調味足夠，根本冇需要和牛的脂肪；太多油脂及欠缺肉質纖維的話，亦會無法做到牛丸的彈牙口感。兩款部位牛肉的味道皆相當不錯，軟腍、有肉味，冇筋膜。用套餐價錢追加小吃【玉葉牛油雞翼(2件)  $20】。調味尚算不錯，但欠缺了用牛油及麵粉炸香的香脆口感；炸得未夠脆，

-去康城搵嘢食試吓呢間嘅set lunch都算多人，食食下都見到要開始等位/香茅燒雞扒撈檬雞扒分量超多，食極都有煎得好脆身，肉質都算軟腍又夠入味😋撈檬醬汁酸酸甜甜，超級開胃Set lunch仲會送飲品咸檸特飲都係免費加配🆓👍🏻

今日叫左一份玉葉小食拼盤包括牛油雞翼，幾好味，墨魚餅，好好味，魚餅，好味，扎肉，可以，春卷，好味，另一個糸河內湯河雙拼Pho Combo 可以揀雞絲、扎肉、和牛丸、牛𦟌，我哋揀左和牛丸，好好味，牛𦟌，可以

原本打算試下新嘢，咪去呢間食下，見嘢食都唔錯，價錢係康城嚟講都正常。但一入去，個黑衫企收銀呀姐唔知係咪心情唔好，黑哂面，又話求其坐喇，大把位坐。咁都算喇，食完嘢諗住飲埋杯嘢就走，咁啱佢行過，聽到佢同另外一個灰衫啊姐話我坐咁耐，又冤魂不散咁。我即刻望一望時間，只係坐咗半個鐘，唔講以為坐咗2個鐘。😊咁嘅態度同係客人面前講呢啲嘢真係第一次見，可能係我見識少喇，大家想試下呢啲服務就去食下喇！不過，嘢食真係都ok，其他後生員工都冇問題，好快就幫我落單拎水個啲。

因叫了外賣在外面等待，一路都有聽到有叫號，特別是會叫外賣app的單號，我係埋櫃檯買的，等咗好耐都冇，行近櫃枱睇睇發現原來已整好！短髮收銀阿姐仲鬧返我話我係我行開左我話一路都企喺度，佢就兜話好忙態度差劣！不可以接受請管理層注意員工培訓，正視問題！看這裡的評分已經不只我一人對服務不滿！如此差劣會令食客永不再光顧！食物質素一般，因放置太久才取已影響食物質素。因購餐經驗太不愉快，已永久blacklist此店。

好日都唔寫食評 但今日食完呢間真係唔住要上黎打篇首先呢間餐廳既阿姐見你一入門口就呼呼喝喝叫你du安心出行，du完就自己走入去啦（任坐 原因自己諗）跟住叫野食啦，叫左個雙拼湯河 （牛丸+紮肉），碗野黎到得兩粒牛丸同一片紮肉，咁樣叫午餐，我相都費事影 唔想係手機見到碗咁既野影響心情，呢碗野收70幾蚊下午茶都嫌佢份量少。仲未講佢要加一服務費，我就睇唔到有咩服務啦。 總結野食味道無特別 份量少 價格進取，呢間野唯一好處你任何時間去食你都一定有位，不過我就其他餐廳搵唔到位都唔會再幫襯。

之前有聽過朋友講呢間越式餐廳幾好食 諗住試吓啦 咁前幾日就去咗試下買個外賣食啦 餐廳出面都幾多人下等外賣 到我叫嘅時候 個人感覺企係counter嗰個人禮貌好差 想叫野食佢就即刻好大聲講等一陣 我叫嗰個唔知咩優惠套餐 話有小食送 諗住叫三個餐 咁我以為可以寫咗主食先再去寫小食 點知佢好無禮貌同我講話要溢小食 開頭都唔知佢講乜 原來佢話要卡啦卡啦咁溢喎都唔知佢係唔係玩我 一定要卡啦卡啦咩？嗰陣已經燥燥地 因為佢全程都勁冇禮貌仲要勁大聲 好似講粗口咁 又成日無端端同我講等一陣見到企係佢隔籬嗰個經理定唔知員工個樣都好無奈 最後叫晒啦佢同我講要等15分鐘左右 但係都等咗好耐先有（都明白嘅我見好多人都有等外賣）總之佢俾人嘅感覺好似佢係茶餐廳啲夥計咁…不過啲嘢食幾好食 嗌咗個咖喱牛腩飯 兩個河粉 都幾符合個價錢 但係態度真係要改一改

成日聽人講將軍澳係美食湯沙漠我睇都唔係呀！🤣🤣🤣俾我搵到間平、靚、正嘅餐廳首先地點就腳一出mtr就到二嚟環境有啲植物同壁畫坐得幾舒服😏仲要啲嘢食大大碟價錢都只不過幾十蚊碟到百零蚊鬆啲咋第一次見魷魚昆布沙律呢個配搭原來係咁好味🦑🦑🦑🦑越式香草味強烈魷魚軟腍到不得了兼入曬味好值得一試小食拼盤製作認真尤其是魚餅🐟🐟🐟🐟厚厚的，又煙韌墨魚亦餅份外出眾咬開一粒粒墨魚清晰可見非常足料咖哩軟殼蟹亦唔輸蝕🦀🦀🦀放面頭果兩件已經好大件沾咗咖哩都無影響脆度點知愈食愈發現個汁入面仲有好多件軟殼蟹🥘🥘🥘🥘🥘啲汁真係香濃到要配個麵包慢慢蘸嚟食！🥖🥖🥖🥖🥖住附近嘅朋友我覺得呢間係絕對值得encore嘅餐廳！❤

食到火都嚟，點都要評價下話說諗住入下康城行下街食lunch, 見到尼間餐廳評價唔錯想試下，叫左两個lunch set同小菜試試。老公嗌咗火車頭湯麵，個湯冇味，最後加咗勁多醬汁。我就嗌左燒牛肉撈檬，d檬粉超碎，牛肉就食落正正常常。最後叫左個燒雞肉米紙卷，真係嬲到，$72既米紙卷，得四舊，d燒雞，細粒到雞軟骨咁。大佬啊，一係你件數多d，一係你做得好食d，收得尼個價錢。成餐飯，得d野飲好飲，真係唔明點解間餐廳keep住有人系出面排隊，伏過直升機，仲要唔平！

今日經過康城商場，突然好想食越式嘢，就諗起呢間玉葉，入咗嚟食咗個午餐⭐️⭐️⭐️😝😝香茅燒牛肉撈檬❤️牛肉一啲都唔乾，燒得好好食，個撈檬入邊有好多配菜，酸蘿蔔夾埋一齊好好食😝！不過份量多啲就好啦！香茅雞扒咖喱湯檬粉❤️ 香茅雞扒好夠味，亦都唔乾！值得一試⭐️泰式鳳爪：加咗$24試咗個小食，好鍾意食呢度嘅鳳爪，因為佢夠酸，都唔會太辣，好開胃🌻🌻叫咗個話梅柑桔蜜，另一杯加$12叫咗越式咖啡，入面係用煉奶沖嘅！都值得一試喎😋 整體來講質素都唔錯，環境亦都幾舒適😋下次都會再嚟食其他嘢，加錢買單大約$200！

去到日出康城睇完戲，搵地方食晚餐，經過呢間“玉葉”食越南菜，其實都唔知食咩好，就入去試吓啦⋯⋯先頭我以為呢間叫做王葉，因為佢個玉字個一點係用塊樹葉做一點😆睇到餐牌大致上一碗麵都要$70以上，價錢唔算平，我就叫咗兩碗試吓先和牛丸、扎肉、牛展湯濛牛丸真係唔知道係咪用和牛做，但好彈牙，都幾好味，扎肉都好好味，牛展走一般，檬粉好幼滑⋯⋯湯底都好好味雞扒撈檬雞扒醃得非常好味，而且煎得金黃色，色香味，檬粉好幼滑，其實雞扒份量唔少，所以呢個價錢其實係唔貴飲品都唔錯整體呢間水準唔錯，下次我會約朋友試其他款式⋯⋯應該有驚喜