玄海日本料理 (已搬遷)

位於巷仔中的一間出品不俗日式小店，食物種類都不少。因為地方真的較細，所以枱櫈都要細一點，坐得不太舒服，同其他食客坐得非常親密。環境企理骨子，地方乾淨，服務還可以啦。剛好落大雨，大部份食客都未到，所以今日有位坐喇 ﹗都有好幾年無黎咯。豆角本菇，醃製過有麻油香，爽甜開胃，不錯的前菜。叉燒拉麵豬骨湯底，望望 menu 既拉麵選擇不多，咁就由叉燒拉麵開始試先啦，下次試另一款。叉燒浸得入味，有香濃醬汁味道而帶豬肉清香，真係唔錯噃 ﹗只不過略為偏瘦，有點乾鞋韌，要帶少少肥肉先會更滑更香架麻。配菜有竹筍、粟米粒都好好食。豬骨湯底大路，平凡地沒怎樣出眾。拉麵有蛋香，咬落帶點點嚥韌口感，尚算合格，滿意。…查看更多

這天太太突然想食刺身，在6:00左右打去問有什麼魚及訂位，老闆話有條今日到的目張魚，因未食過，所以叫老闆留俾我。這魚魚味濃，不太油潤，之後魚頭及魚骨拿去燒，孰食魚肉多了份甜味，另外在黑板上見日本厚岩蠔，蠔好大隻，味道非常清新鮮甜，海水味及金屬味唔重，好適合唔喜歡濃味蠔的我。…查看更多

其實已經係一個星期前食過呢間店...地點真係好難搵,要店長出黎接我同男友.由坐低到離開都得我0地一台.初時都擔心唔好食,但魚生好生鮮.馬糞海膽先$120蚊一樣,跟紫菜同日本米飯...食得好溫馨.軟殼蟹卷好好味...叫了半份燒牛仔骨,有一半太肥只係食了一半.雖然係咁但肉好軟有鮮味.人少食半份就夠.可以試0下鹽燒三文魚腩.叫了幾樣壽司都好新鮮.日本菜黎講,地點難找但材料是用好的.清酒也很地道...兩個人食了好飽六佰幾蚊埋單.希望呢間小店努力,:)食得出用心做好既味道...雖然去到都懷疑過冷冷清清是否好食..,下次再去一定會影相同大家分享~~^^~~…查看更多

玄海裝修完畢後終於重開了!是晚與友人共2人一起分享我們至愛的軟殼蟹親子卷,還要了兩客(1客約有8件)才滿足.喜歡它,是因為即叫即做,軟殼蟹剛炸好,加上沙律醬,不消一會已全掃一空.........(餐牌上好像沒有寫這個親子卷,只要你直接order便可!)之前由於日本輻射事件,客人減少了,玄海為維持生意.加了日式西餐.我們點了雜菌牛舌($88),味道及質感不俗,值得推介.還有三文魚及帶子壽司各一客,水準ok!這間有誠意的小店,其位置雖然較偏僻,但為了軟殼蟹親子卷,一定會繼續幫襯!…查看更多

日本地震後第一次嚟,見到個招牌唔同咗又裝修咗,起初以為轉咗手,後尾見到個師傅先夠膽入去.原來加咗D西式嘢,師傅話地震後D生意好差,所以轉變一吓.日式食物一樣有,不過刺身就要預早訂喇.今次照常....師傅發板.第一味:蕃茄豆腐沙律,西式嘢又豆腐...咁新奇.又幾好味喎!芝麻沙律汁酸酸地.明太子焗帆立貝正!本人最愛明太子.師傅知我鍾意食牛,牛肋骨上次食好正,今次都一樣咁正!再嚟厚切牛利,嘩粒粒都好爽,好味道!個老友想食海鮮,自己點咗個意式大蝦.又好有水準喎.師傅西餐又掂喎.最後來個蕃茄湯意粉.OK好味.好飽喇!師傅重整個甜品嚟,真係想唔食,但見倒個樣好似好正咁.冇理由唔食啫.嘩!好好味重有冇?希望個市快D好返D啦!我都希望呢間嘢可以繼續做落去.D嘢好味又有心機,如果消失咗就可惜喇,比心機呀師傅!…查看更多