影片
以上資料只供參考, 請與餐廳確認詳情
經常嚟食佢哋嘅手撕雞或者豬手腸粉拼滷水豆腐。手撕雞夠滑，豬手有鹹香，皮好食，肉有咬口但唔會嚡。好食得來唔會太重味，食完唔會勁頸渴嗰種。而且份量真係足，食完好夠飽。成日心諗，賣嗰幾十蚊，你哋點賺錢㗎？😅另一個成日order嘅就係佢哋嘅蕃茄薯仔南瓜湯，好適合搬咗出嚟住嘅人。大大碗好足料又濃又好味，就好似阿媽煲嘅愛心湯一樣。有時放工買碗返去飲，飲完覺得好溫暖😆😆。而且舖頭好乾淨企理，似係家庭式經營，而其中一個Auntie特別好人。喺呢一個營商成本咁高的環境下，一間值得支持嘅良心小店。
繼續閱讀
之前一直都已經幫襯咗好耐 食咗好多次 次次都叫手撕雞飯走飯要菜 次次serve都係兩個auntie今日去買換左個男人 俾勁少菜 勁少肉 比之前少左一半都有 我同佢講我食左咁多次冇一次係咁 佢同我講 “我$45賣盒飯你想點” 之後死死氣加返啲菜 幾舊肉俾我 唔好意思 對唔住都唔講 我問心點解死日食係因為佢都真係幾好味 又比足肉我 依家就係到偷工減料 我會話好失望 如果係男人serve 會建議大家唔好食 唔係話歧視 但佢態度真係好差 冇必要受氣
繼續閱讀
午餐時間好肚餓，葵廣咁多選擇唔知食乜好。見到一樓有間外賣豬手飯，葵廣好似無乜邊間有得食。除咗豬手，仲有豬髀，手撕雞，豬頸肉，都可以選擇撈麵或者配白飯，選擇都唔少。我叫咗小店招牌豬髀飯配泰式汁，一盒飯份量好多。$45咁大盒午餐非常抵食不過醬汁及豬肉口味偏濃，如果配埋嘢飲就正晚飯想加餸，下次可以試下原隻豬手或手撕雞
繼續閱讀
去葵廣第一次試依間，買左手撕雞撈麵，加左滷水豆腐同滷蛋，同埋蕃茄南瓜湯。手撕雞麵只係$40，個盒好滿好墜手我本身對雞嘅份量無expect太多點知一打開個面已經見到好多雞😍唔只面頭有雞，撩開個麵睇仲見到幾舊雞非常足料👍而且啲雞唔鞋，味道都唔錯。不過個麵本身嗌左少辣就唔係好覺有辣滷蛋滷豆腐非常入味，好好食🥰個湯都有啲蕃茄薯仔嘅料，都幾大碗。舖位唔係特別易搵，但野食真係好ok，希望長做長有🙏🏻
繼續閱讀
［豬媽工房-泰式手撕雞薯粉］🇹🇭🇹🇭🇹🇭$47葵廣多野食就大家都知啦~通常好多人都會食涼皮啦平時我都有食開豬媽的蕃茄南瓜湯的粉見近排咁熱就試下佢的撈薯粉啦😍不過都係和暖, 唔係凍食架❤️個薯粉好煙韌❤️手撕雞份量都算多同入味❤️份量都唔少❤️有青瓜有紅蘿蔔絲 呢個都幾加分, 都幾有咬口
繼續閱讀