113
1
0
港鐵佐敦站 D 出口, 步行約7分鐘 繼續閱讀
電話號碼
56846508
營業時間
今日營業
18:00 - 02:00
星期一至四
18:00 - 00:00
星期五至六
18:00 - 02:00
星期日
全日休息
付款方式
Visa Master 現金 八達通 AE
座位數目
18
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
外賣服務
加一服務費
以上資料只供參考, 請與餐廳確認詳情
有關獎賞計劃
招牌菜
自家製免治雞肉棒
食評 (117)
等級4 2024-03-01
230 瀏覽
今日同朋友去咗佐敦一間叫「狐狸食堂 」嘅日式居酒屋食串燒,餐廳入面座位唔多,大概有四、五張枱,規模細細幾有日本居酒屋嘅感覺,枱面用咗一列清酒樽做裝飾,牆身亦都掛咗好多日本文化嘅元素。我哋嗌咗四味特色豬腩卷、四味免治雞肉棒、燒厚切牛舌、燒味淋魚干、醬油燒白鱔、牛油燒北海道貝柱、即開燒日本蠔、牛油蒜蓉翠玉瓜同醬油燒茄子。極度推介四味特色豬腩卷,四串豬腩卷包咗四款唔同嘅餡,帶出唔同嘅感覺,燒野菜豬腩卷入面嘅野菜絲好爽口多汁;燒蘋果肉桂豬腩卷嘅蘋果肉桂酸酸甜甜,中和咗燒豬腩嘅膩;燒煙肉蕃茄卷嘅蕃茄仔咬落去爽脆爆汁,同煙肉好夾;醬燒年糕豬腩卷嘅年糕煙煙韌韌,比豬肉包住有種好特別嘅口感。四味免治雞肉棒有四隻味,包括醬燒、芝士、檸檬鹽同明太子,配上生雞蛋同豉油,各有特色。極度推介燒厚切牛舌,切細粒粒咁燒容易控制火候,但細粒得嚟仍然保持住牛舌厚身嘅口感。燒味淋魚干就燒得比較乾身,用嚟送酒一流。個人都幾鍾意醬油燒白鱔,白鱔肉身唔多骨,咬落去肥美多汁。燒生蠔同燒北海道貝柱都好鮮甜,食得出食材好新鮮。燒翠玉瓜同茄子亦都燒得啱啱好,仍然保留住蔬菜本身嘅水份,醬油同牛油蒜蓉做配料亦都非常香口。經開佐敦而又想食日式串燒嘅朋友可以試吓呢一間小店!📍佐敦柯士甸路14號僑豐大廈地下西號舖位置就腳:🍊🍊🍊🍊餐廳環境:🍊🍊🍊🍊🍊食物味道:🍊🍊🍊🍊🍊整體CP值:🍊🍊🍊🍊 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-06
245 瀏覽
今晚約左兩個中同食晚飯, 緊係要搵d可以邊食邊傾嘅餐廳啦! 我地揀左主打食串燒嘅狐狸食堂! 超級抵食, 3個人人均都只係300幾蚊, 已經食到好飽飽, 超高cp!✨️五花腩set如果未諗到食咩住, 大推大家點餐廳嘅串燒set, 覺得邊款想食再追加! 佢地一個係豬腩肉set,一個係免治雞肉棒set, 五花腩set入面有醬燒年糕豬腩卷/燒野菜豬腩卷/燒蘋果玉桂豬腩卷/燒煙肉番茄卷, 車車覺得最好食係蘋果肉桂豬腩卷! 入口好香甜嘅蘋果味帶肉桂香, 平時e個組合大多係甜食多, 今次配豬腩肉又冠清新, 而且食落juicy又唔膩! 而第2中意就係燒煙肉番茄卷, 一啖咬落去d番茄汁嗶哂出嚟, 加埋煙肉咸咸香香超開胃!✨️免治雞肉棒set估唔到免治雞肉棒都可以有咁多口味, 一個set有四個口味, 可以滿足哂唔同人呀! 有明太子免治雞肉棒/檸檬鹽免治雞肉棒/芝士免治雞肉棒/醬燒免治雞肉棒, 車車就中意食檸檬鹽免治雞肉棒, 感覺上比較light, 而且清新醒胃! 中意食芝士嘅朋友仔就一定會好芝士免治雞肉棒, 超級濃郁嘅芝士味勁邪惡!✨️櫻花蝦玉子燒玉子燒都有唔同款式, 而我地點嘅e款正正係佢地嘅期間限定嚟, 入口甜甜地蛋味香濃, 配搭櫻花蝦, 咸咸香香好惹味呢~✨️鱈魚絲基本上去親居酒屋都必點嘅小食嚟, 佐酒一流! 入口脆卜卜好香口, 忍唔住係咁食!✨️燒吊片燒吊片係車車一見到就即刻話要叫的! 一上枱已經流哂口水, 用醬烤過既魷魚唔洗講都知好食, 煙煙韌韌又鮮香惹味, 真係難以抵擋! ✨️牛油蒜蓉翠玉瓜食落脆脆地勁juicy, 加上用牛油蒜蓉無得輸✨️燒厚切牛舌食落爽口彈牙幾好味✨️燒雞皮口感香脆, 上面撒上惹味既調味粉, 辣辣地幾好食✨️鰻魚茶漬飯飯團 茶漬飯車車每次見到都會忍唔住叫, 飯團經醬油燒過, 所以外層聞到好濃郁醬香味, 上面放左一塊厚厚既鰻魚, 淋埋用鰹魚煮既高湯再混合一齊食, 成件事好滿足! 繼續閱讀
(以上食評乃用戶個人意見 , 並不代表OpenRice之觀點。)
🍢 佐敦日式串燒好店-狐狸食堂當改變了看待世界的眼光,人自會豁然開朗。居酒屋舒適放鬆的環境,是一個非常適合聚舊的好地方。這次來到位於佐敦的狐狸食堂,在柔和木系的串燒居酒屋內,品嚐傳統聯乘港式風味的串燒,你….準備好了嗎?🐔 免治雞肉棒拼盤 $158✨明太子、檸檬鹽、芝士、醬燒✨超用心製作的串燒即叫即燒,四款不同口味的免治雞肉棒,包括醬燒、芝士、檸檬鹽及明太子口味。每一串都風味獨特最適合和朋友分享。個人最喜歡醬燒免治雞肉棒,味道微甜的雞肉串蘸上蛋汁,口感滑嫩多汁,令人一試難忘。🐷 四式串燒豬肉卷 $168✨燒煙肉蕃茄卷、燒蘋果肉桂豬腩卷、醬燒年糕豬腩卷、燒野菜豬腩卷✨以優質日本黑豚肉製作的四式串燒豬肉卷,個人超推薦燒蘋果肉桂豬腩卷,爽脆清甜的蘋果加上玉桂,香氣瞬間爆發,非常解膩。而醬燒年糕豬腩卷的年糕口感軟軟糯糯,飽肚又好吃。四款豬肉卷都充滿肉汁,甘香味美,極富層次。🍳 明太子玉子燒 $38明太子的咸鮮配上玉子的香甜,兩者互相輝映,🍙 牛油醬油燒飯糰配櫻花魚鬆 $45櫻花粉的飯團超打卡able🌸 醬油飯糰燒得暖呼呼,外層帶有一點香脆。粉紅色的櫻花魚鬆甜甜的,咸甜咸甜的口感,獨特有辨識度,必試!🐟 蒲燒鰻魚 $68/串肥美的蒲燒鰻魚🐙 燒墨魚咀 $38/串🐔 燒雞心 $38/串其實小編礙於膽固醇的問題已比較少吃雞心,在朋友極力推薦下還是淺嚐一下。雞心經燒烤後保持煙韌口感,加點七味粉更能提升鮮味。🐔 燒雞皮 $32/2串平時小編吃的炸雞皮是一大薯像薯片狀的,這次吃到的雞皮像魚膏般串在竹籤上燒製,同樣保持脆脆口感,非常惹味。🫛 枝豆 $28/份🍑 果肉白桃汁 $42🍸 Kimchi Umeshu $108🍽 餐廳:狐狸食堂 @kitsune_tst🌐地址: 佐敦柯士甸路14號僑豐大廈地下西號舖🐮 #cowing吃在佐敦#hkblogger #hkbloggers #hkigers #hkkol #852kol #hkinfluencer #foodie #hkfoodie #hongkongfoodie #852food #852foodie #foodstagram #hkfood #hkfoodblogger #相機食先 #吃貨 #食好西 #狐狸食堂 #尖沙咀美食 #尖沙咀 #佐敦美食 #佐敦 #串燒 #居酒屋 #香港美食 #香港 #hkfood #hkrestaurant #topcitybiteshk 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-19
144 瀏覽
狐狸炒鮮菌 ($45):狐狸炒鮮菌係一道將新鮮嘅菇類炒製嘅菜式。呢道菜以豐富嘅菇類同獨特嘅調味料炒製而成,味道鮮美。菇類嘅鮮甜同調味料嘅風味相融合,提供咗一道既健康又美味嘅選擇。免治雞肉棒拼盤 (醬燒 芝士 檸檬鹽 明太子) ($158):呢道菜提供咗四種唔同口味嘅免治雞肉棒,包括醬燒、芝士、檸檬鹽同明太子口味。每種口味都有佢獨特嘅風味,讓你可以品嚐到唔同嘅滋味。啱哂同朋友分享,增添咗用餐嘅樂趣。五花腩set (燒煙肉蕃茄卷 燒蘋果肉桂豬腩卷 醬燒年糕豬腩卷 燒野菜豬腩卷) ($168):五花腩set係一道將五花肉製成嘅卷物,每種卷物都有唔同嘅配料同烹調方式。呢道菜以多樣化嘅口味同豐富嘅層次感受到咗豬肉嘅鮮味。呢道菜非常啱做為主菜嘅選擇。Sapporo 啤酒 ($88 第二杯半價):作為一間日本菜酒居酒屋,狐狸食堂當然提供咗豐富嘅飲品選擇。Sapporo 啤酒係一款經典嘅日本啤酒,清爽嘅口感同微苦嘅風味非常啱搭配日本料理。而且第二杯仲可以半價購買,非常具吸引力。期間限定櫻花蝦玉子燒 ($38):呢道期間限定嘅櫻花蝦玉子燒係一道結合咗鮮美嘅櫻花蝦同綿密嘅玉子燒嘅特色菜式。櫻花蝦嘅鮮味同玉子燒嘅柔軟口感相得益彰,令人回味無窮。牛油醬油燒飯糰配櫻花魚鬆 ($45):呢道牛油醬油燒飯糰配櫻花魚鬆係一道獨特嘅主食選擇。搭配住香氣四溢嘅牛油醬油燒飯糰,配埋鮮美嘅櫻花魚鬆,提供咗豐富嘅口感同美味。燒厚切牛舌 ($78):呢燒厚切牛舌以嫩滑多汁嘅牛舌肉為主角,經過精心嘅烹調後,肉質保持住柔軟嘅口感,同時散發出濃郁嘅燒烤香氣。呢道菜以其美味同價格相結合,係一道物超所值嘅選擇。總括嚟講,狐狸食堂唔止有美味嘅菜式,仲以佢哋卓越嘅服務質素脫穎而出。佢哋熱情友好、留意細節、迅捷高效、知識豐富同溫馨周到嘅服務,營造咗一個令人深刻嘅用餐體驗。無論係新顧客定係常客,都能夠感受到狐狸食堂對每個顧客嘅重視同關懷。呢種優質服務唔止提升咗顧客嘅滿意度,仲令狐狸食堂成為當地一間倍受推崇嘅餐廳。#狐狸食堂 #尖沙咀美食 #尖沙咀 #佐敦美食 #佐敦 #串燒 #居酒屋#日本料理 #日本菜 #香港日料 #香港生活 #香港必吃 #香港探店 #香港打卡 #香港美食 繼續閱讀
(以上食評乃用戶個人意見 , 並不代表OpenRice之觀點。)
等級4 2023-12-18
204 瀏覽
朋友介紹我呢間串燒店,狐狸食堂裝修清雅別緻,走自然木系風格,好有日本居酒屋嘅感覺🏮,串燒、炸物再加啤酒🍻,同三五知己一齊Happy Friday岩晒👭!🔸豬腩卷Set $168採用日本黑豚五花腩,共有4款口味,燒蘋果肉桂豬腩卷最有驚喜,清甜蘋果絲🍎加埋豬腩既油香竟然咁夾🫶;醬燒年糕豬腩卷入面嘅年糕軟糯煙韌,好有咬口;燒野菜豬腩卷椰菜增加左爽脆口感;燒煙肉蕃茄卷一咬落去蕃茄汁💥爆出來,清甜解膩。.🔸免治雞肉棒Set $1584款口味嘅免治雞肉棒各有特色,經過火灸嘅芝士味雞肉棒好香口🥰;檸檬鹽味味道清新,簡單調味更顯食材真味;明太子味鹹香味突出,帶微辣味道好惹味🔥;醬燒帶點微甜,點埋生蛋黃食,口感順滑又juicy🤤。🔸燒厚切牛舌 $78外層帶焦香,內裡色澤粉嫩,牛舌肉質爽口,賣相同口味一流💯! 🔸燒墨魚咀 $38墨魚咀帶煙韌口感,燒嘅火喉岩岩好‼️.🔸明太子玉子燒 $58煎蛋外表金黃,口感滑溜,食落有好濃郁嘅明太子味,蛋香加埋明太子嘅鹹香相當夾🤩🔸雞軟骨 $48即叫即炸熱辣辣,雞軟骨炸得酥脆香口,同啤酒係完美配搭✨!🔸鰻魚茶漬飯飯糰 $78鰻魚肉質彈牙,飯糰燒得香脆可口,再加入熱辣辣茶湯,口感層次豐富😍🔸果肉白桃汁 $42清甜解膩,仲有少少白桃肉,好有口感🍑.🔸生啤(Asahi) $68串燒配啤酒是常識吧! 冰涼爽口,下次一於試埋唔同手工啤😌 繼續閱讀
(以上食評乃用戶個人意見 , 並不代表OpenRice之觀點。)