狀元橋 (已結業)

鍾意食米線既我又發現一間啱口味嘅米線嚟咗石門幾次經過狀元橋幾次，今日終於試咗，下午四點冇咩人，聽店員講佢哋都人手不足。門口有幾款圖片推介嘅米線，每次見到水煮牛水煮魚一直好想試。今日試咗水煮牛米線，用嘅係幼米線，湯底係麻辣既，見到乾指天椒同一粒粒麻子，比想像中好食。食咗第一啖就覺得佢哋可以考慮出限量嘅水煮羊肉，我一定會去試。仲叫咗杯熱奶茶，佢嘅奶茶茶味重啲，本人比較喜歡奶味重嘅。鍾意食辣嘅可以考慮去試吓。下次我再嘗試佢哋嘅茄辣

不知所謂嘅服務態度，快D執笠，職員上錯食物叫水煮魚上了水煮牛肉，叫米線上了紅薯粉，成碗野全紅色一開始跟本睇唔到啱定錯，食到一半叫我加返兩蚊轉粉，明明是你D職員上錯就硬搶客人食硬的食物入廚房裡加工，我而表明不接受點知你攞碗野入廚房做咩，你們就硬搶，不知所謂的行為，如果唔係趕時間一得跟你拼過。食物質素： 牛肉有蘇味，其他配料好小，湯底好油，便秘食最啱，食完一定痾。

對上一次留言係2012年 平時只睇不留的我 忍唔住手了 見佢門面企理 舒舒服服坐得叫左碗狀元米線 中伏了真係好難食 全粉墨丸 無味酸菜 奇美雞肉 講堅真係好難死 仲要堆單60蚊 我真係一試難忘

是日到狀元橋吃米線🍜，之前都還沒來過，今天是第一次來！說真的，選擇不算很多，都是一些基本的食料，不算特別，沒什麼特色！不過這裡有茄辣湯底，出面好像比較少，今天就試了這個茄辣湯底，豬肉配生菜湯底也算不錯，的確是有番茄🍅味道，但不是很濃，辣味是自己選擇的，我選的是微辣，這辣味對我來說是剛好👍🏻

2018年開始將成為石門人，只因新公司在石門，午飯之選就當然要搵下附近有咩米線🍜舖食啦中午12點幾，全店滿晒人，不過幸好店員的幫助，等左大概10分鐘，我地同行7人都能被安排入坐。裝潢比一般的米線店有心思，有特色，感覺有點像譚仔路線的米線店，而不是雲貴香果隻。望一望菜單，見到都有幾種湯底揀，特別欣賞可以選擇小米線，價錢會-$1，對於女仔來講，的確加分首次見到有茄辣之選，但比其他湯底貴$1，總共要加$2，不過我好新奇之人，最後都選擇左食呢一隻湯底。上菜速度10分快，等左大約5分鐘便已上齊，小辣，湯底都有譚仔4/5小辣的程度，而酸度則是白酸菜帶出，可能辣味較出，所以蕃茄味被比下去，附加魚腐大大塊，足足有成4塊，味道亦不錯米線少米線，但係唔會唔夠食，對於一個女仔來講，份量絕對是剛剛好。同事點的糊辣湯底，有一陣陣很香的胡椒味，而辣度剛點選了微辣，剛好入口，簡直係湯底都想飲多兩啖阿總體，不過不失，味道不會是很出眾，但可以以多種湯底取勝。

假日去京瑞廣場，發覺呢座商場都幾多野食，今次試狀元橋米線店。餐廳冇咩人，基本上可以一人一張台，其實MENU同譚仔差唔多，都有茄辣，我就叫左個麻辣小辣。食落發現真係唔係好辣，不過碗米線都算幾乾淨，同埋唔用韭菜，用芫茜，我好快就食曬，不過我覺得荃灣上次個間餃子店的米線好味D。我妹就叫左茄辣，不過佢話好熱，所以食左好耐。之後間舖愈黎愈多人，不過2:00前去其實都好多位。我覺得都餐廳都還可以，不過下次我會叫中辣，不過冇得用8達通比錢，但係冇咩人，唔洗響馬鞍山迫。

黎石門搵食，多數係幫襯地鋪。今日走入商場一圈，發現原來開左好多餐廳，中、西、日、韓都有。最後花先生揀左米線。餐廳地方大，裝修光鮮。米線既配料選擇唔算多，反而湯底有5款。落單用左起碼10分鐘，皆因店員姨姨唔識用部落單手機！！唔識點㩒走青走韮菜，落完又唔小心cancel左⋯⋯ 之後第二個姨姨黎幫手先落到order。前前後後講左4-5次叫咩餸⋯⋯ 唉，其實手寫仲快！我唔食得辣當然揀清湯，奶白色湯底OK喎，清甜唔搶喉。墨丸OK，腩肉較淡口，生菜份量少。另外每碗米線都有腐皮同泡菜，整體OK。花先生既微辣麻辣湯底，佢話完全唔辣。牛丸炸醬片頭全部都正正常常，無邊款較為突出。整體唔錯，絕對可encore。

今早食左個豐富早餐唔太想食飯類, 同事推介去"狀元橋 ",  話之前試過幾好味, 就一於去試下! 去到都幾多人等位, 等多10min 有多先有位. 餐廳整齊乾淨, 但就迫左少少...坐底之後等左一陣先有人落單..(因為成間餐廳得兩個侍應...真係忙不開支)。落完單後, 差唔多15min 先有野食...(諗住食米線會快d..點知都係要等咁耐) "狀元橋 " 有幾隻唔同既湯底, 有辣有唔辣, 想要幾辣都有得揀, 最後我決定試 "茄辣湯" 底 (微辣), 加魚旦同雞肉. 湯底味道唔算好濃, 但味道尚算唔錯, 湯底加左泡菜, 令個湯更加鮮味. 只有少少少少辣  (真係微辣喎, 冇呃我). 米線爽滑, 吸左d湯底既味, 一啖湯一啖米線, 好好味~~魚旦好大粒, 雖然未至於有鮮甜味, 但唔係咬落去實實的, 咬落去好爽口彈牙呀! 雞肉就差d喇, 只有幾小舊, 好細舊, 食唔出味道來...

今日男朋友放假上次去石門新開佐好多餐廳!今次突登再去發掘一下!狀元橋位置比較難搵，其實唔係無聊周圍行都見唔到周圍都係補習社。我地大約一點去到，門口都仲有人排隊，估計都係附近返工既人啦。不過等佐十分鐘倒就入得啦!!我地二個人被安排到長枱坐，呢到要讚讚，佢地既方型木櫈比譚仔更大張!!!終於唔洗坐到大脾有痕本身我食得辣，所以叫佐酸辣(沒有辣度選擇)男朋友就話想試下清湯係咪真係真骨喎😂 之後仲叫佐白肉同青瓜上菜速度都算快，我地叫佐一餸米線，餸既份量都算多，我叫魚片頭有5舊酸辣都食得出，清清地又不太酸及辣絕對岩食得少少辣既人噢!!清湯就不過不失啦，男朋友話沒有什麼特別。小食方面價錢都好合理，但如要加大要加$8。因為我地都好鐘意食白肉所以加佐大，但黎到其實同沒加都無乜分別因為咁岩隔離枱果碟無加大，但份量都係一樣只係碟同碗既分別最後埋單都要百二蚊。我地覺得如係附近返工返學或住的話落去食個米線都不過份。但如果要突登搭車去食就免了。因為都沒大特別也沒有驚喜。但味道不錯同店舖裝修睇得出都經過心思設計!

今天去石門發現一間新開米線店立即去試，點點左麻辣中辣竹笙米線再加麻辣牛展牛展非常好吃，切得非常薄而且非常新鮮。從來未食過咁好味的牛展一點都不像台灣那種又厚又有雪味牛展值得推介

真材實料😋😋剛剛去的時候 是放吃飯12點到排左一陣隊 ，很快有位叫左狀元橋米線+金菇糊辣另外小食叫左朱耳吃了一整碗之後好想再end call😋比起x仔x哥差太太太遠👎🏻👎🏻原湯原味 價錢又合理一定會再回頭😍😋太喜歡 環境舒適👍🏻👍🏻👍🏻